دولتِ درد میں تخفیف نہیں ہو سکتی

اک تسلی ہے مرے دل کو ترے ہوتے ہوئے

دولتِ درد میں تخفیف نہیں ہو سکتی

غم بھی کھاتاہوں  اذیت کا بھی رسیا ہوں بہت

یعنی تکلیف کی تکلیف نہیں ہو سکتی

عہد نامہِ محبت ہے ازل سے محفوظ 

دل کے الہام میں تحریف نہیں ہو سکتی

خواہش کا بوجھ ڈھوتے ہوئے گر گئے اگر

خواہش کا بوجھ ڈھوتے ہوئے گر گئے اگر

 پستی کی سب سے آخری حد تک گرو  گے پھر

لمحے لمحے کا رس نکالا جائے

عمر جتنی بھی ہو بہت ہے اگر

لمحے لمحے کا رس نکالا جائے

جیسے کوئی کتاب کو کھولے

جی میں آتا ہے ایسے کھولوں تجھے

جیسے کوئی کتاب کو کھولے

رکھ کے زانو پہ اور ذرا جھک کر

حرف در حرف پوروں میں گھولے

خوبصورت ہے آدمی کتنا

خوبصورت ہے آدمی کتنا

اس کو صرف آدمی اگر سمجھو!!

جھوٹے ملبوس فرقوں ذاتوں کے

جھوٹ سارے اتار کر دیکھو!!!

جیو کے لیے

اکیسویں صدی میں بھی سلطاں وہی رہے

غدّار کہہ کے مار دو جو ناپسند ہو

یہ اور بات کہ تم کو نظر نہیں آئے

یہ اور بات کہ تم کو نظر نہیں آئے

!!!نیاز لے کے کھڑے راستے میں ہم بھی تھے

ہمارے فاصلے دیکھے تو کون مانے گا
کہ ایک ہاتھ کی دوری پہ گاڑی چھوٹی تھی

پھر اس کے بعد کبھی زندگی نہ مل پائی

پھر اس کے بعد کبھی زندگی نہ مل پائی

کہ وصل دائمی ٹھہرا، جدائی ختم ہوئی

ہزار کوششیں کر  کے جلا ہے پروانہ

قبول کر لی محبت جدائی ختم ہوئی 

لوگ ہاتھوں میں لے کے پھرتے ہیں

ایک لمحے کی بات ہے پیارے
سانس آتا تھا اب نہیں آتا

لوگ ہاتھوں میں لے کے پھرتے ہیں
اپنے اپنے عقیدوں کے پتھر

بوڑھا فقیر کھانے میں منہ دے کے مر گیا

عمروں کی بھوک لمحوں میں مٹنا محال تھی

بوڑھا فقیر کھانے میں منہ دے کے مر گیا

اکیسویں صدی میں بھی سلطاں وہی رہا

!!!!غدار کہہ کے مار دو جو بد زبان ہو

نفرت کا بیج ڈالیے اور بیٹھ جائیے

یہ فصل پھلتی پھولتی رہتی ہے خود بخود

نفرت کا بیج ڈالیے اور بیٹھ جائیے

ہندو کو مسلمان سے کر دجیے الگ

دو قومیت کے نعرے کا تڑکا لگائیے

ہندوکو ذات پات بہت راس آئے گی

مسلم کو سنی شیعہ کے خانوں میں لائیے

مذہب کے بعد اور بھی نکتے ہیں پھوٹ کے

قومی زبان رنگ و نسب آزمائیے

موقع شناسی فرقہ پرستی کے سوچ سے

لوگوں کو کاٹ ڈالیے جنت میں جائیے

اہلِ خدا کے نام

اک بار اس سے پوچھ لو وہ کس کے ساتھ ہے
ہے جنگ جس کے نام پہ وہ تو سبھی کا ہے

انسانیت کے مان کی توہین تھی کہ جب
انسانیت کے ماتھے پہ مذہب چھدا گیا
فرقہ پرست چند فقیہائے دین کو
لوگوں کو بانٹنے کا فریضہ دیا گیا

انسانیت کا رشتہ ہی کافی تھا جڑنے کو

کوئی بجا دے ڈھول ہمیں رقص کرنا ہے
ہم بے وقوف قوم ہیں مجموعی طور پر

مقبول چاہے جتنے تھے وہ رہنما نہ تھے
نفرت کا درس دے کے جو تقسیم کر گئے
انسانیت سے بڑھ کے نہیں دیں دھرم کوئی
!!تم کیسے دیندار تھے؟؟ انساں سے ڈر گئے
جوہر برادران نے ہجرت کرائی تھی
گم راہ لوگ رستے میں بے موت مر گئے
اور پھر جناح آگئے دو قومیت لیے
لاکھوں نہتے جان کو نذرانہ کر گئے
دو قومیتت  نے ڈالا تھا  تقسیم کا رواج
بنگالی روٹھ کر اسے سہ قومی کر گئے
ہم فصل کاٹنے کو ہی پیدا ہوئے تھے کیا
نفرت کا بیج ڈال کے اجداد مر گئے

دو  قومیت کے جھگڑے نے الجھا دیا ہمیں

انسانیت کا رشتہ ہی کافی تھا جڑنے کو

یعنی

درد اور ہجر اور اکیلا پن

یعنی تم جی رہے ہو تفصیلا

راحت اور وصل اور بھری محفل

یعنی وہ جی رہے ہیں بس رسما

نیا زمانہ ہے گوگل پہ سرچ کرتے ہیں

وہ دور اور تھا جس میں بزرگ رہبر تھے

نیا زمانہ ہے گوگل پہ سرچ کرتے ہیں

میرے ہی بچے مجھے اجنبی سے لگتے ہیں

کچھ راستے منزل پہ کبھی لا نہیں سکتے

کچھ آہیں جلاتی ہیں فقط اپنا ہی سینہ

کچھ آنسو فقط نل کی طرح بہتے ہیں بے جا

کچھ راستے منزل پہ کبھی لا نہیں سکتے

کچھ کوششیں کرتی ہیں فقط وقت ہی ضائع

منٹو تجھے سلام

سرسٹھ برس کے بعد بھی منٹو نہ مر سکا
سرحد پہ آج بھی ہے کھڑا ٹوبہ ٹیک سنگھ

بلوائی اور فسادی طبعی موت مر گئے
انسانیت کا مان رہا ٹوبہ ٹیک سنگھ

زن مرید

کہانی

ایک عورت کے ہاتھ پر اس نے

بیعت کی تھی بڑی عقیدت سے

عمر بھر پھر ذلیل ہوتا رہا

سبق

پیار میں پیروی نہیں کرتے

پیار میں صرف پیار کرتے ہیں

پیار آزادی ہے غلامی نہیں

بچھڑنے والوں کے سارے نشان مٹ جائیں

بس اک شبیہہ سی رہ جاتی ہے کہیں دل پر

بچھڑنے والوں کے سارے نشان مٹ جائیں

ازل سے آج تلک اتنے لوگ دفن ہوئے

کہ خاک چانیں تو ہرذرے میں نفس پائیں

ہم بھی رہتے تھے کبھی روح کی سرشاری میں

وقت کی پہرے دار سوئی سے

بچ بچا کر نکلنا پڑتا ہے

کتنا مشکل ہے خود سے ملنا بھی

میرے چاروں طرف ہے وقت کھڑا

تجھ تک آنے کا کوئی رستہ نہیں

ہم بھی رہتے تھے کبھی روح کی سرشاری میں

روزی روٹی نے فقط جسم کا کر کے چھوڑا

اصل میں دونوں ہیں خواہش کے گھر کے پالے ہوئے

ہوس کا نام ہے بدنام عشق مومن ہے

اصل میں دونوں ہیں خواہش کے گھر کے پالے ہوئے

ہیں دونوں اصل میں  خواہش کے گھر کے پالے ہوئے

اصل میں ص ساکن ہے

اب تک نبھا رہا میں رشتہ وہ جھوٹ کا

اک بار خوہشات سے مغلوب نفس نے

چوما تھا اس کو عشق و محبت کے نام پر

اب تک نبھا رہا میں رشتہ وہ جھوٹ کا

تم کو اس کی سزا ملے گی ضرور

تم کو اس کی سزا ملے گی ضرور

تم بہت مختلف ہو دنیا سے

دل نہ مانے تو واہگہ چلیے

ایک سی "تانگ" دونوں کے دل میں

ہم اُدھر کے ہیں وہ اِدھر کے ہیں
اس طرح دیکھیں لوگ بارڈر کو
جیسے پنچھی قفس کی دیواریں

حسرت و اشتیاق سے دیکھیں

دل نہ مانے تو واہگہ چلیے

مہتاب چودھواں ہو کہ شبّاب سولہواں

دل سے اتر نہیں رہا چہرہ وہ پھول سا

پڑنے دے دھوپ عمر کی پھر دیکھنا اسے

مہتاب چودھواں ہو کہ شبّاب سولہواں

بے درد وقت سب کو ہی ماضی میں پھینک دے

غریب باپ ہر آہٹ پہ چونک جاتا ہے

ہوس کے مارے ہوئے اس سماج کے اندر

جوان لڑکی بھی تکلیف دہ خزانہ ہے

غریب باپ ہر آہٹ پہ چونک جاتا ہے

پھر یوں ہوا

پھر یوں ہوا کہ عشق نے امداد کھینچ لی

پھر یوں ہوا کہ ہم بھی زمانے سے مل گئے

ملازمہ

جہاں پہ کتوں کی خوراک ڈالروں میں ہے

اسی حویلی میں اک کام کرنے والی ہے

جو بارہ آنے فی گھنٹہ پہ زندگی تولے

مجبوریِ معاش نے اغوا کیا ہمیں

مجبوریِ معاش نے اغوا کیا ہمیں

اے حسن!! ہم بھی تیری گلی کے مکین تھے

زندگی

یہ ایک بند گلی ہے اور اس کے آخر پر

بس اک سرنگ ہے جو موت پہ ہی کھلتی ہے

!!سو بھاگ دوڑ اضافی ہے جتنی بھی کر لو

بازار

وہی بازار ہیں جس میں کبھی بند آنکھوں سے

ہم ترے نقشِ کفِ پا پہ چلا کرتے تھے

آج آئے ہیں تو گھر کا بھی پتہ یاد نہیں

ملزم

مریض جن کا ہے ان کا ہے باقی لوگوں کو
بس ایک تماشہِ دردو فغاں میسر ہے
 چراغ جلتے ہیں بجھتے ہیں اور جلتے ہیں


----------------------------------------

پھر کوئی  مر گیا افسوس کرو پھر اک بار
بول دو پھر سے وہی سیکھے سکھائے جملے

"بس یہی حکم تھا رب کا، یہی تقدیر میں تھا
حوصلہ رکھو اٹھو اور سنبھالو خود کو
تم بھی رو و گے تو بچوں کو سنبھالے گا کون
"مان لو رب کی یہی مرضی یہی منشا تھی""

سبھی مظلوموں یتیموں کا وہی ملزم ہے!!!؟؟

زندگی بن بلایا مہماں ہے

تیرے لائق تو یہ نہیں پھر بھی

جیسے تیسے گزار دے اس کو

زندگی بن بلایا مہماں ہے

بیساکھ

پھر سے بیساکھ ا گیا ان پر

پھر سے سونا اگل رہے ہیں کھیت

آو دارنتیوں کو گرم کریں

جو زمیں دار ہیں بہت خوش ہیں

کیوں کہ بیٹھے بٹھائے ملتا ہے

کاشت کاروں کا خون پی پی کو

ان کے گھر کا چراغ جلتا ہے

خوشہ چینوں کی ٹولیاں بھی تو ہیں

بھیک منگے فقیر اور پنچھی

روز کے روز اپنا پیٹ بھریں

پھر سے بیساکھ ا گیا ان پر

پھر سے سونا اگل رہے ہیں کھیت

آو دارنتیوں کو گرم کریں

دیکھتے دیکھتے گم ہو جائیں

جس کے گھر میں پرندے رہتے ہیں
اس کی اپنی کوئی نہیں اولاد
-------------

تم نے دیوار کھینچ لی یعنی
خود ہی محصور کر لیا خود کو
جس سے آزاد ہو رہے تھے تم
وہ تو اب بھی تمہارا آقا ہے

------------------------

استعمار نو

تجھے ذہنی غلام کرنے کے بعد
اس نے زنجیر کھول دی تیری

!!!!کون سا جشن کیسی آزادی
--------------------


اتنی بڑی ہیں آنکھیں اس کی
دیکھتے دیکھتے گم ہو جائیں

آندھی چلی تو پیڑوں نے پتے گرا دیے

آندھی چلی تو پیڑوں نے پتے گرا دیے

رشتوں کو جانچنا ہو تو مشکل میں جانچیے

یہ کسی نوکری سے کم تو نہیں

جس قدر ضابظے ہیں زندگی کے

شاعری قافیے کی قید میں ہے

شاعرانہ خیال آوارہ

شاعری قافیے کی قید میں ہے

دیکھ کر بھی یقین نا ممکن

یہ نظر زاویے کی قید میں

ساری باتیں چپ پہ آ کر رکتی ہیں

بہت زیادہ بولنے والے چپ ہوجا

ساری باتیں چپ پہ آ کر رکتی ہیں

آج کل

تمہارا حسن بجا ہےپر آج کل اے دوست

مجھے معاشی مسائل نے باندھ رکھا ہے

دو رخی

میں جسے آسمان سمجھا تھا

وہ ہی زیرِ زمین کا نکلا

پھول کاری کی شوخیوں میں دبا

آہ اک چاک ان سلا نکلا

یہ نو گیارہ !!!!

سوار کر کے ہزاروں کڑوڑوں لوگوں کو

وہ کہ رہا ہے کہ ٹکرا دوں گا زمیں سے زمیں

یہ نو گیارہ تو کچھ بھی نہیں مرے لوگو

تمہارے تیز جہازوں سے تیز تر ہے زمیں

پھر اس میں سینکڑوں کیا اربوں لوگ بیٹھے ہیں

بس ایک لمحے میں پھٹ جائے گی دھماکے سے

 بس ایک لمحے میں  ملبے کا ڈھیر ہو گا سب

بس ایک لمحے میں بجھ جائیں گی سبھی جانیں

کہ جیسے جوتا پٹخ کر چراغ گل کر دیں

یہ نو گیارہ تو کچھ بھی نہیں مرے لوگو

میں سوچتا ہوں  تو پڑتی ہیں کانوں میں چیخیں

کڑوڑوں عورتوں بچوں بزرگوں کی چیخیں

!!!!!!جنیوا پیکٹ بھی جن کو امان دیتا ہے

یہ نو گیارہ تو کچھ بھی نہیں مرے لوگو

خواہش

ایک کمرہ کہیں ہو تنہا سا

جس کی کھڑکی فلک پہ کھلتی ہو

چاند جس میں بسر کرے راتیں

دھوپ جس میں اجالے بھرتی ہو

اپسرا کوقاف سے جس میں

روز اک پھول لا کے رکھتی ہو

اور خاموشی دلفریب ایسی

دل کی دھڑکن بھی شور لگتی ہو

ایک کمرہ کہیں ہو تنہا سا

جس کی کھڑکی فلک پہ کھلتی ہو

زمیں سے توڑ کے رشتہ ترقیاں ڈھونڈے

زمیں سے توڑ کے رشتہ ترقیاں ڈھونڈے

  ہوا کے دوش پہ  ہلکورے کھاتی قوم مری

نہ جانے کس کے جزیرے پہ اب گرے تھک کر
ہر ایک قوم سے مرعوب ہوتی قوم مری

ہم سا کوئی زمانے میں ناخلف ہی نہیں

دادا جی پہنا کرتے تھے تہبند اور پگ

ابّا نے انتخاب کی شلوار اور قمیص

اپنی کمان ٹوٹی ہے پتلون ٹائی پر

داد جی بولا کرتے تھے پنجابی مان سے

ابّا نے اختیار کی اردو میں بات چیت

ہم لوگ سر کھپائیں بدیسی زبان میں

اب کیسے کوئی مانے کہ ہم زندہ قوم ہیں

ہم سا کوئی زمانے میں ناخلف ہی نہیں

عورت ہے اک پہیلی اسے بوجھتے رہو

جو بھی لگا لے باتوں میں اس کا ہی دم بھرے

اس کا تو دیں دھرم نہ وطن مستقل رہے

عورت ہے اک پہیلی اسے بوجھتے رہو!!

محبت کا قرض

میں تیرے قرض کے اس بوجھ سے دبا جائوں

خدا کے واسطے اتنا نہ شرم سار کرو!!!!!!

زندہ ہیں اور جینے کی فرصت نہیں ہمیں

چوبیس گھنٹے پیٹ کی مزدوریاں کی کریں

زندہ ہیں اور جینے کی فرصت نہیں ہمیں

جس قوم کے اساتذہ ترسیں گے روٹی کو

جس قوم کے اساتذہ ترسیں گے روٹی کو

اس قوم کے تلامذہ سیکھیں گے چوریاں

یہ کیسا بے نیازاور خوبصورت رشتہ ہے

تمہاری کال آنی تھی

کہیں ملنا بھی طے تھا اور، ضروری بات کرنی تھی

، نہ تم نے کال  کی ہم کو 

نہ ہم نے یاد کروایا

یہ کیسا بے نیازاور خوبصورت رشتہ ہے

شکایت تم کو ہم سے ہے،

نہ ہم کو تم سے شکوہ ہے-

یہ کیسا بے نیازاور خوبصورت رشتہ ہے

سبھی رشتے اگر ایسے  ہی ہوں
!!تو کیا ہی اچھا ہو

کچھ لوگ ہم سے آج بھی سرحد پہ بیٹھے ہیں

ملکوں نے ساٹھ سال کی مدت بھی کاٹ لی
کچھ لوگ ہم سے آج بھی سرحد پہ بیٹھے ہیں

احساس ِ کمتری تھا کہ وہ بیوقفی تھی

احساس ِ کمتری تھا کہ وہ بیوقفی تھی

سب سامعین دیسی مقرر بھی دیسی تھا

لیکن زبانِ غیر میں ابلاغ شرط تھا

پس کہنے والے قلتِ الفاظ کا شکار

اور سننے والے دقت و آزار سے دو چار

اللہ اللہ کر کے ہوا ختم سیمینار

احساس ِ کمتری تھا کہ وہ بیوقفی تھی؟؟

میں کیسے مان جاوں کہ ہم زندہ قوم ہیں

اپنی کوئی زباں نہ ثقافت نہ امتیاز

احساس ِ کمتری نے میر وقوم مار دی
نفرت سی ہو گئی ہے اسے اپنے آپ سے 

۱۴-۱۵ اگست ۱۹۴۷

اک بار پھر سے خون دو اک بار پھر لڑو

اب تک جو خوں بہایا وہ ضائع کیا گیا

اب تک جو خوں بہایا وہ اپنے ہی گھر کا تھا

اس کا ثبوت یہ ہے کہ حالت وہی رہی

انگریز کے غلام تھے انگریز کے ہی ہو

اک بار پھر سے خون دو اک بار پھر لڑو

ڈرپوک لوگ کتنے تھے برِّ صغیر کے

تلوار جس نے کھینچی اسی کو کیا  سلام

ڈرپوک لوگ کتنے تھے برِّ صغیر کے

ان کا دھرم بچا نہ زباں مستقل رہی

جتنے بھی غاصب آئے ملاوٹ کی اور گئے

مجازی خدا بھی اصلی خدا سے کم تو نہیں

پچھلے پانچ سالوں میں

پہلی دفعہ

میرے پڑوسی کے ہنسنے کی آواز آئی

اور اس کے ساتھ ہی کھلکھلائے

 !!اس کے بچے اور بیوی

(اور اب تک ہستےہی جا رہے ہیں )

!!مجازی خدا بھی اصلی خدا سے کم تو نہیں

 یہیں تک لکھا ہے کہ پھر آواز آئی

"ایک تھپڑ لگائوں کا کس کے"

 اب وہ اکیلا دھمکا رہا ہے

اور باقی سب آوازیں چپ ہیں

--------------مجازی خدا بھی

رب نے کیا چیز بنا دی عورت

حسن ایسا کہ آنکھ پھٹ جائے

رب نے کیا چیز بنا دی عورت

عشق کا ریشم بننا

رات دن الجھے رہیں روزی کے پھندوں میں ہم 

اب تو ممکن ہی نہیں عشق کا ریشم بننا

ایک وہ دن تھے جہاں دیکھنا چودہ کا چاند

شب بسر کرنا وہیں عشق کا ریشم بننا

ماں

تم دنیا دنیا کرتے ہو دنیا میں کچھ نہیں

کچھ ہے اگر تو ماؤں کے قدموں کی خاک ہے

سب لین دین والے ہیں سب روٹھ سکتے ہیں

بے لوث رشتہ ماں کا ہے جو روٹھتا نہیں

دنیا میں جتنی مائیں ہیں سب ایک سی لگیں

یہ بھی تو اک ثبوت ہے رب سب کا ایک ہے

سرحد کے آر پار

کابل ہو زاہدان ہو دلی کہ سنکیانگ
ہر سمت کلمہ گو ہیں تری جنگ کس سے ہے
اپنے ہی بھائی بندوں کو دشمن سمجھتا ہے
تیرے ہی جیسے وہ ہیں تری جنگ کس سے ہے

سرحد کے آر پار ہے مخلوق ایک سی

طالبان

طالبان

اقبال کے عقاب کو رستہ دو  آنے دو
دوقومی نظریے کی فتح عنقریب ہے
تم نے لکیر کھینچی تھی مذہب کے نام پر
کشمیر کی لڑائی بھی مذہب کے نام پر
مذہب کے ہی نظام سے اب ڈر رہے ہو کیوں
مذہب کے ہی نظام کو اک بار آنے دو

तालिबान

इक़बाल के अक़ाब को रस्ता दो  आने दो

दोकौमी नज़रीऐ की फ़तह अनक़रीब है

तुम ने लकीर खींची थी मज़हब के नाम पर

कश्मीर की लड़ाई भी मज़हब के नाम पर

मज़हब के ही निज़ाम से अब डर रहे हो क्यों

मज़हब के ही निज़ाम को इक बार आने दो

ہیلے کالج کے پیارے طلبا کے لیے

ہیلے کالج کے پیارے طلبا کے لیے

نئے پرندے نئی اڑانیں، نئے افق اور نئی امیدیں

میں ایسی دنیا کو کیوں نہ چاہوں جو زندگی سے بھری پڑی ہے

تمہاری آنکھیں نہیں ہیں پیارو، چراغ جلتے ہیں پانیوں پر

تم ان کو یکجا تو کر کے دیکھو دو چار گز پہ سحر کھڑی ہے

یہ سرزمیں ہے اسے پاک کر رہیں ہیں ہم

قیام ِ ملک سے اب تک قتال جاری ہے

یہ سرزمیں ہے اسے پاک کر رہیں ہیں ہم

نفسا نفسی

مری گلی میں ہوا خون اور میں خوش ہوں

کہ رب نے جان بچا لی مرے عزیزوں کی

ہانک دو ان کو

چند افراد کے سوا سب لوگ

گھاس چرتے ہوئے مویشی ہیں

جس طرف چاہو ہانک دو ان کو

لمحہ موجود

الٹ پلٹ کے بہت دیکھی زندگی میں نے

سوائے لمحہِ موجود کچھ نہیں اس میں

سو جی سکو تو اسے جی لو آج اس پل میں!

خوف آتا ہے خود سے ملتے ہوئے

ذات کے بے امان جنگل میں

خواہشیں بے لگام پھرتی ہیں

خوف آتا ہے خود سے ملتے ہوئے

تا کہ

جان سے جان توڑ کر اپنی

مائیں بچوں کو پیدا کرتی ہیں

تا کہ آباد رب کی دنیا رہے

وہ اپنے آپ کو کیوں کر خدا نہ سمجھے گا

کہ جس کے رزق سے پلتی ہے بھوکی خلقِ خدا

رات پڑتی ہے تو سوجاتے ہیں ہمدرد سبھی

درد جس کا ہے اسی کا ہے فقط اس کا ہی ہے

رات پڑتی ہے تو سوجاتے ہیں ہمدرد سبھی

سرکاری اسپتال

راہ میں لیٹ گئے درد کے مارے ہوئے لوگ

جاگتے سوتے سے بے حال سے بے چارے لوگ

چوکیدار آئے گا
 اور چوب چھبو جائے گا

بڑہڑاتے ہوئے اٹھیں گے لپیٹیں گے لحاف

!!!! :سرد موسم میں عیادت بھی بہت مشکل ہے

چاہت نہیں چھپنے والی

ایسی خاموشی کہ دھڑکن کی دھمک پڑتی ہے

اور ابلاغ کہ آنکھوں کی  بھی آواز آئے

ایسے حالات میں چاہت نہیں چھپنے والی

ایسے لہراتا ہوا چلتا ہےوہ شاخ بدن

چاند دیکھے گا تو گر جائے گا چکر کھا کر

چاندنی رات میں اس کونہ جگانا لوگو

بند باندھو تو جسم ٹوٹتا ہے

عمر تو وقت سے بندھی ہوئی ہے

جو مسلسل گزرتا جاتا ہے

زندگی قطرہ قطرہ ملتی ہے

ہفتوں کے بعد چار چھے لمحے

اور سالوں میں چند ہفتے بس

ٹکروں ٹکروں میں لوگ جیتے ہیں

جنس  مجبوری ہے ارے صاحب

بند باندھو تو جسم ٹوٹتا ہے

 شرم آتی ہے انہیں قوم بلاتے ہو جب

مادری بولی جنہیں بولتے شرم آتی ہے

خود ناپسندی

بدیسی ملک کا قانون وردیاں تھانے

بدیسی بولی بدیسی لباس اور کھانے

بدیسی حلیہ بدیسی دماغ اور سوچیں

بدیسی جو بھی ہو اچھا ہے بلکہ بہتر ہے

جو بس چلے تو یہ DNA  بھی بدل ڈالیں

کہ میری قوم کے لوگوں کو خود سے نفرت ہے

دماغ کم ہو تو!!

یہ بات کھیلتے بچوں سے میں نے سیکھی ہے

دماغ کم ہو تو چوٹیں زیادہ آتی ہیں -

ابھی ابھی یہ خبر ریڈیو پہ آئی ہے-

"ملیشیا کے مسلمان پھر سے جھگڑے ہیں - 

کہیں پہ آگ لگی اور کہیں پہ خون بہا

خدا سبھی کا سہی نام اپنے اپنے ہوں

کلیسا والوں نے گرجے پہ کیوں لکھا اللہ"

یہ کیسی خلق خدا ہے، خدا کے نام پہ ہی

خدا کے بندوں کو شعلوں میں جھونک دیتی ہے

یہ بات کھیلتے بچوں سے میں نے سیکھی ہے

دماغ کم ہو تو چوٹیں زیادہ آتی ہیں

حویلی دل کی

ایک وہ دور تھا میلہ سا لگا رہتا تھا

ایک یہ دور ہے ویراں ہے حویلی دل کی

تم سمجھتے تھے بہت خاص ہو تم دنیا میں

اس سمجھنے نے بہت دھوکے دیے ہیں تم کو!!

نہ شروعات کا معلوم نہ انجام پتہ

گھومتے وقت کے مرکز میں گرائے گئے ہم

یہ کائنات ذرا دیر رک سکے تو جانیں

مشاہدے کے تسلسل کو وقت کہتے ہیں

شاعری

شاعری

 سست رو سانس چلے نبض بھی خوابیدہ ہو

اور بے کاری کہ بیٹھے ہیں تو بس بیٹھے رہیں

ایسے عالم میں کسی علت و حجت کے بغیر

صفر کوشش سے ترے ذہن کی بالائی پر

جو نتر آئے اچانک سے وہی شاعری ہے

وہ ہاسٹل کے شب و روز جن میں زندگی تھی

ہماری مرضی سے چلتا تھا وقت کا پہیہ

گھمائیں سیدھا کہ الٹا ہماری مرضی تھی

کبھی کبھی تو اسے ہفتوں روک بھی رکھتے

  !!وہ ہاسٹل کے شب و روز  جن میں زندگی تھی

ہمارے ماپ کا

بہت سے کپڑوں کو پہنا اتارا اور پہنا

کسی بھی کپڑے میں پورا نہ آسکا یہ بدن

نتیجتا ہمیں یونہی گزارا کرنا پڑا

جو زیبِ تن ہے اسے انتخاب مت سمجھو

ستر چھپانے کی مجبوریاں تھیں کیا کرتے

!!ہمارے ماپ کا کوئی ہمیں ملا ہی نہیں

جو جو پڑھا وہ لوگوں کو تقسیم کر گیا

کوئی تو ہو گھڑی کو جو الٹا گھما سکے

دو چار صدیاں پیچھے پلٹ کر ہے دیکھنا

ہے دیکھنا کہ کس نے لکھا تھا نصابِ ہند

جو جو پڑھا وہ لوگوں کو تقسیم کر گیا

شہروں سے دور اب بھی محبت ہے لوگوں میں

شہروں سے دور اب بھی شرحِ خواندگی ہے کم

مزدور

مزدور

کر رہا ہے معاونت رب کی

اس کی مخلوق پالتا ہے جو

بیوی بچوں کے رزق کی خاطر

جان جوکھوں میں ڈالتا  ہے جو

کوئی مصرع دو کہ اس سوچ کا تن ڈھانپ سکوں

مفلسی آن پڑی قحط کا موسم چھایا

کھوٹی کوڑی بھی نہیں ذہن تجوری میں اب

جتنے الفاظ تھے اظہار میں سب خرچ ہوئے

بے لباس سوچ ہے اک مجھ میں کئی ہفتوں سے
 مجھ میں اک سوچ بھٹکتی ہے کئی ہفتوں سے

کوئی مصرع دو کہ اس سوچ کا تن ڈھانپ سکوں

سوچ کا قرض چکاتے ہیں سو لکھ دیتے ہیں

مذہب پہ حرف آنے نہیں دیتے میرے لوگ

نازک معاملہ ہے ذرا احتیاط سے

یہ کوئی پیشہ نہیں ہے کہ کمائی کھائیں

سوچ کا قرض چکاتے ہیں سو لکھ دیتے ہیں

تہوار

قمقمے پھول اگر بتیاں جشن اور پکوان

ایک سے لگتے ہیں تہوار سبھی قوموں کے

فرق اتنا ہے کہ تاریخ ہے اپنی اپنی

رقص کرتے ہوئے تہوار میں سوچا میں نے

روح مرجاتی ہے اور نظریہ مر جاتا ہے

جو بھی چاہے وہ دل سے ہو جائے

عادتا ترچھا دیکھتا ہوں میں

تیری جانب جھکائو تھوڑی ہے

جو بھی چاہے وہ دل سے ہو جائے

رہ گزر ہے پڑاو تھوڑی ہے

تیری شادی نے تجھ کو چھیل دیا

پیاز کی طرح تجھ پہ پرتیں تھیں

بھائی بہنوں کی اور دوستوں کی

تیری شادی نے تجھ کو چھیل دیا

تو کہ اب رہ گیا ہے تھوڑا سا

!!!مونڈھ دیں دیسی مرغ کو جیسے

عورت کے لیے - یہ بہت ہے تم ایک عورت ہو

پر کشش اور خوبصورت ہو

یعنی تم رب کی خاص رحمت ہو

آنکھ کا رزق تم سے وابستہ

آنکھ کی جستجو کی اجرت ہو
روح کا ہلکا پن ہو تازگی ہو
جسم کی صحت ہو حرارت ہو

حسن بے پرہن تھا ازلوں سے

حسن کا پیرہن ہو زینت ہو

عشق کی نسل تم سے چلتی ہے

عشق کی جان ہو ضرورت ہو

نام اور نسب کوئی کیا پوچھے

یہ بہت ہے تم ایک عورت ہو

ان پڑھ بھائی

ان پڑھ بھائی

ہوتے ہوتے وہ ہو گیا تنہا

جیسے لنگڑا مویشی ریوڑ کا

رشتوں کے بے امان جنگل میں

وہ جو یوں ہیں کہ جیسے ہیں ہی نہیں

دیکھ سکتے ہیں سن بھی سکتے ہیں 

بولتے ہیں مگر وہ ہکلا کر

جن کی اپنی کوئی زباں ہی نہیں

نیم گونگے غلام قوم کے لوگ

وہ جو یوں ہیں کہ جیسے ہیں ہی نہیں

ان کتابوں سے علم ملتا نہیں

اسی اسکول کے ذرا اندر

کاغذوں میں لپیٹ کر استاد

بیچتے ہیں تعصب و نفرت

اسی اسکول کے ذرا باہر

اسی اسکول کی کتابوں کے

کاغذوں میں لپیٹ کر افغانی

!!!بیچتے جائیں گرما گرم چنے

چل رہا کاروبار ماشااللہ

!!!رزق دیتا رہے خدا سب کو

ان کتابوں سے علم ملتا نہیں

گلزار کے نام

بڑھتے جاتے ہیں چاہنے والے

وہ اکیلا کدھر کدھر ہو لے

!!!!اس لیے تم جواب ہی سمجھو

سن تو سکتے ہیں بول سکتے نہیں

جن کی اپنی کوئی زباں ہی نہیں

غلام قوم 

ٹرین چھوٹتی ہے اور پھر نہیں آتی

کبھی کبھی یوں بھی ہوتا ہے عین موقع پر

ٹرین چھوٹتی ہے اور پھر نہیں آتی

زندگی کو الٹ پلٹ کے نہ دیکھ

دردو غم کی شکایتیں مت کر

!!!!زندگی ہے لگان لیتی ہے

ساری تصویر ہو گئی دھندلی

میں نے جب غور سے ذرا دیکھا

زندگی کو الٹ پلٹ کے نہ دیکھ

یہ جو بیٹھا ہے اونچے مسند پر
پست قامت کڑوڑوں لوگوں نے
اس کا مسند اٹھایا ہے سر پر

سورج بھی ہانپتا ہے ستارے بھی تھک گئے

دھرتی کی کھال ادھڑنے لگی گھوم گھوم کے

سورج بھی ہانپتا ہے ستارے بھی تھک گئے

منہ زور گھوڑا وقت کا سرپٹ ہے موج میں

کچھ دیر کائینات کو اس سے اتاریئے

پرانے ساتھ کی تدفین تو کیے جاو

نئے سفر پہ چلے ہم سفر مبارک ہو

پرانے ساتھ کی تدفین تو کیے جاو

یہ جو دنیا ہے گول چکر ہے

بھاگنے دوڑنے سے کیا ہو گا

انتہا ابتدا سے ملتی ہے

یہ جو دنیا ہے گول چکر ہے

کہ مختصر ہیں بہت اس زمیں کے دن اور رات

میں کوئی کام تسلی سے کر نہیں پاتا

کہ مختصر ہیں بہت اس زمیں کے دن اور رات

جنم سے پہلے ہی مر جاتا ہے خیال مرا

کہ عین وقت پہ الفاظ ہی نہیں ملتے!!!

وہ قاعدے جو الف بے سکھایا کرتے تھے

پرانی کتب کے انبار میں نظر آئیں

وہ قاعدے جو الف بے سکھایا کرتے تھے

غلام قوم کا گمنام سا کوئی شاعر

وہ جانتا ہے بڑھاپا بہت بری شے ہے

اور ایسے حال میں وارث بھی جب کوئی نہیں/ نہ ہو

مگر وہ ضدّی کسی وعدہِ وفا کا اسیر

ضعیف و بے کس و بیمارو مردہ لفظوں کو

اٹھا کے رکھتا ہے کاغذ پہ اور ہونٹوں پر

جگر کا خون چھڑکتا ہے روح پھونکتا ہے

ہر ایک بات میں قصے میں اور کہانی میں

 گھما پھرا کے انہیں کو سخن میں لاتا ہے

غلام قوم کا گمنام سا کوئی شاعر
غلام قوم کا گمنام سا وہ اک شاعر 

جو اپنی مادری بولی سے عشق کرتا ہے

میں جسے ہضم کر نہیں سکتا

میں جسے ہضم کر نہیں سکتا

ایسے رشتے کو کس طرح نگلوں

 وصل تو وصل ہجر بھی نہ رہا

بڑھتا جاتا ہے خالی پن دل میں

اب تو ڈھا دینی چاہیے دنیا

نیلگوں آسمان لگتی ہے

یہ زمیں دور سے کبھی دیکھو

نارسائی میں خوشنمائی ہے

دھول اڑتی ہے چاند پر ورنہ

دشت ناپید ہوتے جاتے ہیں

شورو غل بڑھ رہا ہے روز بروز

ہجر میں وصل کو ترستے تھے

وصل میں ہجر یاد آتا ہے

یہ نظر بھاگتی ہے منظر سے

بے شمار ان کہے سوالوں کو

ذہن میں دم دیے رکھوں کب تک

سوچ میں کچھ ابلتا رہتا ہے

کس قدر کرب ہے ذرا سوچو

میرے چاروں طرف ہے بھیڑ مگر

ایک بھی بالغ الدماغ نہیں

طفلِ ناداں کی سوچ کی حامل

روز بنتی بگڑتی رہتی ہے

کچی مٹی سی بھربھری دنیا

کتنی فرسودہ سی لگے اب تو

جب نئی ہوگی تب نئی ہو گی

اب تو ڈھا دینی چاہیے دنیا

شاعر

جیتے جی مل نہیں سکا اس کو

ایک کونہ خموش اور تنہا

اس لیے جلد مر گیا شاید!!!

حورم کی آمد پر !!

حورم کی آمد پر !!

تمہارے پیار کو تجسیم کر دیا اس نے

تمہاری گود میں مہمان رب نے بھیجا ہے

ہماری آنکھوں سے شفقت چھلکتی جاتی ہے

ہمارے ہاتھوں میں اے دوست تیرا بچہ ہے!!!!؟؟؟

درد کیکر کی طرح صحن میں اگ آیا ہے

درد کیکر کی طرح صحن میں اگ آیا ہے

دن تو گلیوں میں گزر جاتا ہے شب بھاری ہے

زندگی مختصر ہے کیا کیج

جلدی جلدی میں سارے کروں

زندگی مختصر ہے کیا کیجے

سخت ہے موت مانتا ہیں مگر

زندگی سخت تر ہے کیا کیجے

مجھ کو جو لگتا ہے وہ یہ ہے کہ اس دنیا میں

ہر کوئی میری طرح ناخوش ہے

میں یہی سوچ کے خوش ہوجائوں!!؟؟

وہ سب مقابلے ہاروں کہ جن ے جیتنے سے

مجھے لگے کہ میں دنیا سے کچھ الگ سا ہوں

مجھ کو جو لگتا ہے وہ یوں ہے کہ اس دنیا میں

بے یقینی ہے  یقیں اور گماں ایماں ہے

 کچھ بھی حتمی نہیں اور کچھ بھی یقینا نہیں ہے

مجھ کو جو لگتا ہے وہ یوں ہے کہ اس دنیا میں

مادی اشیا کی طرح سوچ سے ایجاد ہوئی

نظریات اور عقیدوں کی وہ جبری خوراک

جس کو ہر شخص نگلتا ہے دوائی کی طرح

مجھ کو جو لگتا ہے وہ یوں ہے کہ اس دنیا میں

چند افراد نے کچھ ذاتی مقاصد کے لیے

سادہ دل لوگوں کو کو لڑنے پہ لگا رکھا ہے

سرحدوں نفرتوں قوموں کا سہارا لے کر

منافقوں کے لیے بہترین ہے دنیا

عقاب جان سے مارے کہ ادھ موا چھوڑے

کوئی بھی بن میں مددگار فاختہ کا نہیں

اصولِ زیست ہے! کمزور ظلم سہتا ہے

ہیں ہاتھ خونی مگر لوگ جھک کے چومتےہیں

سیاہ شملہ مگر پھر بھی سب سے اونچا ہے

ہمارے ماضی و باطن کوکون دیکھتا ہے

منافقوں کے لیے بہترین ہے دنیا

ذرا سا چھیلو تو اندر سے وحشی نکلے گا

وحشی

ہماری شکل تھی انسان سے بہت ملتی
بس اتنے جرم پہ جنگل بدر کیا ہم کو!!
ذرا سا چھیلو تو اندر سے وحشی نکلے گا!!!!
---------------------------------------
---------------------------------------
خدا کے واسطے جنگل میں لوٹ جانے دو!

یہ میرا درد کدہ ہے یہاں پہ کچھ بھی نہیں

یہ میرا درد کدہ ہے یہاں پہ کچھ بھی نہیں

بس ایک شمع ہے زارو قطار روتی ہوئی

دو چار سانسیں ہیں سینے میں فوت ہوتی ہوئی

اور اک نظر در و دیوار سے الجھتی ہوئی

-------------------یہ میرا درد کدہ ہے 

کتابِ عشق کے پرزے اڑا گیا ہے وقت

ادھوری نظم ہے بستر پہ ہچکی لیتی ہوئی

 جو خواب آنکھ میں تھے آنکھ میں ہی جل بجھے ہیں

اب ان کی راکھ ہے منظر کو دھند لا کرتی ہوئی

شکست و ریخت اداسی اندھیرا اورگھٹن

کہ میری ذات نہیں قبر ہے سسکتی ہوئی

یہ میرا درد کدہ ہے یہاں پہ کچھ بھی نہیں

بس ایک شمع ہے زارو قطار روتی ہوئی

میں چاہتا ہوں کہ پل سے صدی کشید کروں

یہ دائروں کا سفر ہے سو گھومے جاتے ہیں

چلے جہاں سے وہیں کو پلٹتے جاتے ہیں

کوئی تو ہو جو جمی برف کاٹ سکتا ہو

تمام لوگ بہائو میں پھسلے جاتے ہیں

یہ زندگی ہے اجل کے سپرد کیوں کیجے

تمہاری آنکھوں کے گوشوں میں چِنتے جاتے ہیں

میں چاہتا ہوں کہ پل سے صدی کشید کروں

پلک جھپکتے یہاں سال گزرے جاتے ہیں

بس ایک جنسِ محبت تھی دل کو خوش آئی

تحفظات اب اس سے بھی ہوتے جاتے ہیں

صنف نازک پہ تکیہ مت کیج

اک نصیحت ہے زندگی میں کبھی

صنف نازک پہ تکیہ مت کیجو

ساتھ چلیو ہزار بار مگر

آسرے کی امید مت رکھیو

دن بدلنے پہ فیصلہ بدلے

!!دشمنی کو بھی دل پہ مت لیجو

صرف جذبات سے بنا ہو جو

!!عقل کااس پہ وار مت کیجو

آنے آنے کا یوں تو رکھّے حساب

!پیار سے چاہے جان لے لیجو

ایک لمحہ لگے انسان کو وحشی بنتے

سوچ مثبت ہو یا کہ منفی ہو

جو حقیقت ہے وہ حقیقت ہے

زندگی وقت کا ضیاع ہی ہے

جس قدر زندگی کو سمجھو گے

اس قدر زندگی سے بھاگو گے

رات بھر پہرے دار جاگتے ہیں

آدمی آدمی کو سونے نہ دے

باقی باتیں ہیں جتنی بھی کر لو

حق اسی کا ہے جس میں طاقت ہے

عمر لگ جاتی ہے تہذیب سکھاتے لیکن

ایک لمحہ لگے انسان کو وحشی بنتے

ہم پہ ضائع کیا گیا اس کو

"کون اپنا ہے کیا پرایا ہے""

جو بھی کچھ سامنے ہے سایہ ہے

ہم پہ ضائع کیا گیا اس کو

ہم سے کیا زندگی نے پایا ہے

عشق کا پیرہن بھی ململ تھا

ہی سالوں پہ چھید آیا ہے/////کچھ ہی سالوں میں تار تار ہوا

گھر سے باہر کوئی ٹھکانہ نہیں

گھر کے اندر اسے بٹھایا ہے

نتیجہ یہ ہے یہاں کچھ بھی پائیدار نہیں

ہمیں سمجھ ہی نہیں آئی شخصیت اپنی

کہ جس بھی بزم میں بیٹھے وہیں پہ اجنبی تھے

نتیجہ یہ ہے یہاں کچھ بھی پائیدار نہیں

سو جو بھی کرتے ہو کرتے رہو سکون کے ساتھ

ہماری زندگی بس نام کی تھی

انحراف کا فی البدیہہ مشاعرہ

کبھی سایہ کبھی بس وہم ہی تھی

ہماری زندگی  تونام کی تھی

خسارہ ہی خسارہ آج کل ہے

محبت ہی محبت زندگی تھی

ازل سے پہلے کیا تھا جاننا ہے

ازل سے پہلے بھی کیا زندگی تھی؟

مجھے درکار کب تھا روز اک دن

مری رفتار لمحوں سے جڑی تھی

حقیقت کس طرح تسلیم کرتے

ہمیں خوابوں کی عادت ہو چلی تھی

یہ جو انسان ہے تقسیم کا شیدائی ہے

سرحدیں کھینچتا، اور فرقے بناتا آیا

یہ جو انسان ہے تقسیم کا شیدائی ہے

میں نہیں مانگتا ہرروز نیا دن اترے

سایے کو قید کرنے لگے ہو کمال ہے

تم زندگی کو جینے لگے ہو کمال ہے

میں نہیں مانگتا ہرروز نیا دن اترے

مستقل کر دو مرے واسظے بس اک دن جب

!ساری دنیا میں کوئی شخص بھی رویا نہیں تھا

یہ جو دن رات ہیں

یہ جو دن رات ہیں پردے ہیں سفید اور سیاہ

جو مری عمر پہ گرتے ہی چلے جاتے ہیں

میرے بس میں ہو اگر پھاڑ کے پھینکوں ان کو

اور اندر سے نکالوں میں چمکتا ماضی
اور اندر سے نکالوں وہ  چمکتا ماضی

اور مرضی کے کسی خواب سے رنگیں پل کو

کھینچتا کھینچتا دہلیزِ ابد تک لائوں

!مستقل کردوں جوانی کو محبت کو وفا کو

مجھے انسان سے محبت ہے

مجھے انسان سے محبت ہے

اس کی خوشیوں سے اس کے دکھڑے سے

اس کی الفت سے اس کے جھگڑے سے

بے بسی ہو گھمنڈبازی ہو

بے وفائی ہو سچی یاری ہو

اس کی ہر چال خوبصورت ہے

مجھے انسان سے محبت ہے

سالوں پہ ہے محیط مگر خود کشی تو ہے

چلتے رہیں کہ بیٹھے رہیں چل رہا ہے وقت

ہر لحظہ بڑھ رہے ہیں عدم کی طرف سبھی

سالوں پہ ہے محیط مگر خود کشی تو ہے

ان کو فرصت ملے گی مر کر ہی

جن کو عادت ہو کام کرنے کی

ان کو فرصت ملے گی مر کر ہی

زندگی مختصر ہو لمبی ہو

موت منزل ہو جس سفر کی اسے

راستے میں بھی چھوڑ دیں تو کیا

زندگی مختصر ہو لمبی ہو!

تمام عمر ہوا کے خلاف چلتا رہا

حسن خوشبو کی طرح ٹک کے نہیں رہتا ہے

اس کی عادت ہے مکانات بدلتے جانا
اس کی عادت ہے کہ پوشاک بدلتے جانا

حسن پر مان نہیں مان نہیں کر ناداں

یہ تو مہمان ہے مہمان پہ کیا اترانا

گل فروشوں کو نہیں علم محبت کیا ہے

پھول مر جاتے ہیں قیمت کے ادا ہوتے ہی!!!

جس کو دوزخ ملی ہو دنیا میں

ایسے کافر کی عاقبت کیا ہے

تمام عمر ہوا کے خلاف چلتا رہا

ہوا تھمی نہ طبیعت ہی ٹل سکی میری

اپنے ماتحت کچھ رہا ہی نہیں

زندگی وقت خواب اور رشتے

اپنے ماتحت کچھ رہا ہی نہیں

ایک بیمار سے دیے کے لیے

ایک بیمار سے دیے کے لیے

زندگی بھر ہوا سے لڑتا رہا

اور آخر کو بجھ گیا وہ بھی!!!

اس قدر تیز چل رہے ہو کیوں

موت آنی ہے آہ جائے گی

ہر سفر موت پر ہی رکتا ہے

بڑی بے اعتبار سی ہے جو

ہم اسی زندگی پہ بیٹھے ہیں

دکھ سبھی کے ہی ایک جیسے ہیں

باقی تفصیل جو بھی ہو سو ہو

دکھ سبھی کے ہی ایک جیسے ہیں

ایک کنبہ ہے بابے آدم کا

سارے اپنے ہیں سارے اچھے ہیں

بس ایک موڑ غلط تھا تمام رستے میں

بس ایک موڑ غلط تھا تمام رستے میں

ہمارے بیچ میں صدیوں کا فاصلہ ہے اب

ہے یہی قدر مشترک ہم میں

نفیساتی مریض ہے دنیا

اس پہ آسیب ہے عقیدوں کا

اک معالج ہی جانتا ہے بس

کتنا مشکل ہے ساتھ پاگلوں کا

تو بھی تنہا ہے اور دکھی بھی ہے

میں بھی تلکیف میں اکیلا ہوں

ہے یہی قدر مشترک ہم میں

جو بھی ہوتا ہے ٹھیک ہوتا ہے

ترو تازہ گلاب اور کلیاں
کیوں سمجھتا ہے تیرا ہی حق ہیں
دوسروں کو بھی کچھ مہکنے دے
دوسرے بھی تو ان کے طالب ہیں
تو ذرا کانٹوں سے بہل کر دیکھ
یہ بھی  تو باغ کی حقیقت ہیں

میری بیٹی ہے کائینات مری
اور بیٹا نظر کی راحت ہے
ان کی ماں سے مگر عداوت ہے
کس قدر خود غرض ہے انساں بھی

-----------------

جو بھی ہوتا ہے ہوتا آیا ہے

جو بھی ہوتا ہے ٹھیک ہوتا ہے

مرگ و شادی کوئی نئے تو نہیں

درد و راحت پرانی باتیں ہے

چھوڑ دے ہاتھ ڈھیلے غم نہ کرو

وقت کا دھارا من کا موجی ہے

اپنی موجوں میں بہتا جاتا ہے
اور سب کچھ بہاتا جاتا ہے

جو بھی ہوتا ہے ٹھیک ہوتا ہے

ہم تو بس آلو لینے بازار گئے تھے

ہم آلو لینے بازار گئے تھے

وہ کہہ رہی تھی کہ علی آلووں والے پراٹھوں کا شوقین ہے

وہ کہہ رہی تھی کہ صبح علی کے لنچ بکس میں آلووں والے پراٹھے رکھنے ہیں

ہم آلو لینے بازار گئے تھے

میں نے آلو خریدے، 

دکان دار کو پیسے دیے

تو وہ بولی آلو مجھے پکڑا دو

میں نے آلو پکڑانے کے لیے ہاتھ بڑھایا

"پکڑو"

میں پھر بولا

"پکڑ بھی لو"

اس نے جواب نہ دیا

جب میں نے پچھے مڑ کر دیکھا تو وہ بائک سے نیچے گری ہوئی تھی 

دور کہیں گولیوں کی آواز آرہی تھے

ڈاکووں کا پولیس مقابلہ تھا شاید

پر ہم تو آلو لینے بازار گئے

میں بوکھلاہٹ میں آلو اور بائک گرا کر اس کی طرف بھاگا

سرخ خون کا دھارا اس کے سر سے پھوٹ رہا تھا اور  گلی کی گندی نالی میں جاکر گر رہا تھا

"میں نے چیخ کر کہا

تم آلو لانے کے لیے مجھے بازار لائی تھی

" تم نے آلو پکڑے کیوں نہیں

وہ خموش تھی 

بھائی صاحب قسم لے لو، ہماری تو کسی سے کوئی دشمنی نہیں

ہم تو بس آلو لینے بازار گئے تھے

علم تہذیب سے عاری تو چنگھاڑتا ہے

علم تہذیب سے عاری تو چنگھاڑتا ہے

بات سچّی ہے کہ انسان بھی اک وحشی ہے

اب تیرا فیصلہ ہے کہ جس راہ تو چلے

عزت بھی دستیاب ہے ذلت بھی عام ہے

اب تیرا فیصلہ ہے کہ جس راہ تو چلے

دشمنی عورتوں کی

دشمنی عورتوں کی عورتوں سی

جانے کب پیار میں بدل جائے

اس کو سنجیدگی سے مت لیجو

دل میں کچھ ہے زبان پر کچھ ہے

تجھے گنوا کے میں خوش ہوں اور اس قدر خوش ہوں

تجھے گنوا کے میں خوش ہوں اور اس قدر خوش ہوں

کہ دور ہونے کا دھڑکا نہ قربتوں کی ہوس!!

تم ایسے دیس میں انصاف ڈھوندتے ہو جہاں

دیے کی لو پہ ہی الزام تیرگی کا لگے

میں کور چشموں کی بستی میں رہ رہا ہوں جہاں

شعور و عقل کا معیار بیوقوفی ہے

سفر بھی جاری ہے اور مجھ کو بھی سکون نہیں

کچھ اس لیے بھی ہے یہ ہار جیت سے اچھی

سفر بھی جاری ہے اور  مجھ کو بھی سکون نہیں

خدا کے فیصلے دلچسپ بھی ہیں صائب بھی

شکست جیت سے بڑھ کر مواقع دیتی ہے

اور مٹی کے سب خدا توڑے

فیصلہ جن کا لوگ کرتے تھے

ہم نے وہ سب مقابلے چھوڑے

ڈالی لعنت ہر ایک عہدے پر

اور مٹی کے سب خدا توڑے

کامیابی کا پیش خیمہ ہیں

یہ جو ناکامیاں ہیں پے در پے

کامیابی کا پیش خیمہ ہیں

ہم نے خنجر کو آزمایا ہے

کیا عجب ہے جو زخم آیا ہے
ہم نے خنجر کو آزمایا ہے

جن کو ٹھکرایا سارے لوگوں نے

ہم نے ان کو گلے لگایا ہے

وہ جو اپنا خیال رکھ نہ سکیں
اپنا سب کچھ انہیں تھمایا ہے

زندگی سے مذاق ہم نے کیے

زندگی نے ہمیں ستایا ہے

ہم کو منظور موت اس دل کی

لاکھ لعنت ہو ایسے خوابوں پر

جو مری ماں کو سوگوار کریں

 

ہم کو منظور موت اس دل کی

ہم ہوں کافر جو پھر سے پیار کریں

یہ محبت ہے جیت جاتی ہے

تم ذرا آزما کے تو دیکھو

یہ محبت ہے جیت جاتی ہے

حسنِ آدم کی انتہا کیا ہے؟

سارے انسان دیکھنا چاہوں

مجھ کو انسانیت سے عشق ہوا

بس یہی ایک مجھ میں اچھا ہے

لاکھ لعنت ہو ایسے خوابوں پر

جو مری ماں کو سوگوار کریں

تجھ کو چاہیں تو روح کی حد تک

وہ ہیں کافر جو حد کو پار کریں

خواہشوں کے غلام لالچی لوگ

ظاہری حسن سے جو پیار کریں

بھولپن میں گناہ عشق ہوا

مولوی جی بتاو کفارہ

زندگی اس کو سونپ دی ہم نے

وہ جو خود اپنی جاں کے در پہ ہے

زندگی اس کو سونپ دی ہم نے

شادی کرنا ہے خود کشی کرنا

بد زباں بیوقوف عورت سے

شادی کرنا ہے خود کشی کرنا

قابلِ زکر چیز دنیا کی

اس قدر دلکش و حسیں چہرے

رب کی رحمت نہیں تو اور کیا ہے

قابلِ زکر چیز دنیا کی

گر محبت نہیں تو اور کیا ہے

عقب سے وقت مری عمر چرا کر لے گیا

میں ابھی زیست سے دوچار تھا کہ اتنے میں

عقب سے وقت مری عمر چرا کر لے گیا

موت اتنی ہی پر سکوں ہو گی

زندگی جس قدر کٹھن ہوگی

موت اتنی ہی پر سکوں ہو گی

جب تک وہ پاس بیٹھا رہا بولتا گیا

گرہوں کی طرح دل کو مرے کھولتا گیا

جب تک وہ پاس بیٹھا رہا بولتا گیا

پہلی نظر کی بارشیں اور قرب کے نشے

سب کچھ ہمارے کاسے میں وہ گھولتا گیا

عشق کے دنوں میں تو دل خدا کے جیسا تھا

باوفا مقدر سے، بے وفا مقدر سے

کار عشق کا تو ہر سلسلہ مقدر سے

روٹھ کر چلے جانا سوری کہہ کے لوٹ آنا

حسن کی ادائیں ہیں کیا گلہ مقدر سے

عشق کے دنوں میں تو دل خدا کے جیسا تھا

ہائے دل! کہ دل بھی اب جا ملا مقدر سے

ڈھونڈنےچلے ہو تم، ڈھونڈنے سے کیا ہوگا

رزق و حسن کا تو ہے فیصلہ مقدر سے

حسن میں درد کی ملاوٹ ہے

کچھ بھی خالص نہیں ہے دنیا میں

حسن میں درد کی ملاوٹ ہے

بس ذرا پیار کی ضرورت ہے

یہ جو سنسار کی ضرورت ہے

فردِ بے کار کی ضرورت ہے

رنگ بکھرے ہوئے ہیں چاروں طرف

صرف فنکار کی ضرورت ہے

لو جی دوکاں سجا لی انہوں نے!!

اب خریدار کی ضرورت ہے

حسن وافر بھی اور مائل بھی

بس ذرا پیار کی ضرورت ہے

ربّا تیری حسین دنیا میں

پیار ہی پیار کی ضرورت ہے

خواہش کے چند کھوٹے سے سکّے ہیں دل کے پاس

 جو عشق تھا وہ کچی جوانی میںچھن گیا
خواہش کے چند کھوٹے سے سکّے ہیں دل کے پاس

راحتیں اس قدر مزہ دیں گی

دکھ اٹھائے ہیں جس قدر ہم نے

راحتیں اس قدر مزہ دیں گی

اب سہل ہو گیا جدا ہونا

پردہِ سیمیں پہ جب دیکھا ترا پھول بدن

سارے کمرے میں مہکنے لگی تو روشنی سی

اب ترے پیار سے نکل آئے

اب سہل ہو گیا جدا ہونا

نفس وہ خون خوار وحشی ہے

نفس وہ خون خوار وحشی ہے

بھوک بڑھتی ہے جس کی کھانے سے

پیٹ تو ریت سے بھی بھر جائے

جسم کو جسم کا وہ چسکا ہے

ایک لمحے کے لمس کی خاطر

موت کی حد پھلانگتے دیکھا

اپنی فطرت سے خوف آتا ہے

یعنی خلوت سے خوف آتا ہے

خواہشیں بے لگام کر دے گی

تیری صورت سے خوف آتا ہے

دل پہ کچھ اختیار تھوڑی ہے

دل پہ کچھ اختیار تھوڑی ہے

دھکا شاہی ہے پیار تھوڑی ہے

نفع و نقصان کا سوال نہ کر

عشق ہے کاروبار تھوڑی ہے

کس قدر خوش نصیب ہیں وہ لوگ

جوخدا پر یقین رکھتے ہیں

معبدوں میں صبح صبح جا کر

رب سے راز و نیاز کرتے ہیں

کلمہ رد محبت کوئی سکھلائے مجھے

زندگی کیا تھی بیا باں تھا کوئی بے آباد

اپنے ہاتھوں سے ہی تزئین و آرائش کی ہے

راحتیں ایسی کوئی خاص نہیں ہیں تجھ میں

بات اتنی ہے کہ رستے میں کئی صحرا تھے

دل کی نقدی بھرے بازار میں لٹ سکتی ہے

حسن جادوہے کسی وقت بھی چل سکتا ہے

کلمہ رد محبت کوئی سکھلائے مجھے

عمر کے ساتھ ارادے بھی تو کمزور ہوئے

حسن کا بے پناہ سرمایا

خاک تھا خاک سے نمو پایا آیا

خاک کو خاک میں ہی دفنایا

تھا جو مکھی کے پر سے بے توقیر

جانے کس زعم پر ہے اترایا

کچھ ہمیں راستے میں روندھ گئے

کچھ کو ہم نے بھی یونہی ٹھکرایا

ہر کوئی اپنے خواب کے پیچھے

ہر کوئی اپنے پیٹ کا جایا

عشق کے نام پر ہوس نے ہی

ہر جگہ اپنا کاروبار چمکایا

ہم نے بھی ایک بار دیکھا تھا

حسن کا بے پناہ سرمایا

آنکھ برداشت کر سکی نہ اسے

دل دھڑکتے دھڑکتے چکرایا

دیکھا تو آنکھ سے چھلکنے لگا

سوچا تو سوچ میں نہ لا پایا

سر میں جھکڑ چلے بلاوں کے

گویا طوفان دشت میں آیا

سر میں ایسے بھرا ہے عشق ترا

سر میں ایسے بھرا ہے عشق ترا
جیسے صحرا میں آندھی بھرتی ہے
نظر آئے نہ کچھ سمجھ آئے
دھول ہی دھول ہر طرف ہے بس
سچ ہی کہتے تھے  مولوی حضرات
ایک لمحہ لگا قیامت کو!!!!!!!!!!!
سر میں ایسے بھرا ہے عشق ترا

کیا ضروری ہے بس اک سمت میں چلتے جانا؟؟؟

یہ جو دریا ہیں سبھی بہتے ہیں ساگر کی طرف
کیا ضروری ہے بس اک سمت میں چلتے جانا؟؟؟

ہم سے کچھ سر پھرے جھکڑ بھی تو ہوتے ہیں جو

صبح سے شام تلک خاک اڑاتے رہیں یونہی ہر سمت

دل لگی چلتی رہی دشت سے دیوانوں کی

کچھ ندی نالے جو دریا سے الجھ پڑتے ہیں

انو نکل پڑتے ہیں پھر بانجھ زمینوں کی طرف

بانجھ کی گود پری کرتے ہیں مر جاتے ہیں

یہ جو دریا ہیں سبھی بہتے ہیں ساگر کی طرف
کیا ضروری ہے بس اک سمت میں چلتے جانا؟؟؟

مہمان چاہے جو بھی ہو رحمت خدا کی ہے

آیا ہے درد اٹھیے گلے سے لگائیے

مہمان چاہے جو بھی ہو رحمت خدا کی ہے

جینے کا اہتمام بھی آسان تو نہیں

روٹی بھی دستیاب ہو کپڑا، مکاں بھی ہو

جینے کا اہتمام بھی آسان تو نہیں

وقت کا ہاتھ تھامنا کیسا

بس یہی سوچ کے ہر درد سہے جاتے ہیں

زندگی رکتی نہیں رکتی نہیں رکتی نہیں

زندگی! اک دفعہ بتا ہی دے

اور کیا کیا ہے تیرے دامن میں

وقت رکّا ہے اور نہ رکّے گا

ہم کو رکنا پڑے کا بالآخر

وقت کا ہاتھ تھامنا کیسا؟؟؟

مجھے افسوس ہے مگر ہمدم

اس سے پہلے کہ میری آنکھوں میں

تیرے چہرے کا رنگ روپ آئے

اس سے پہلے کہ تیری آنکھوں کو

کوئی پچھتاوا گیلا کر جائے

میری آمد سے تھوڑا پہلے ہی

سر پہ گھونگھٹ نکال لینا تم

اور قرآنِ پاک کے سائے

اپنے پی گھر سدھار جانا تم

مجھے افسوس ہے مگر ہمدم

کچھ فسانے بس ایسے ہوتے ہیں

انہیں جتنا بھی طول دے دیں وہ

نامکمل ادھورے رہتے ہیں

بات کس کی تھی کس سے کر بیٹھے

کچھ بھی ملتا نہیں خیا لوں سا

کوئی ہوتا نہیں مثالوں سا

بات کس کی تھی کس سے کر بیٹھے

عشق اپنا خراب حالوں سا

وہ زباں دفتر و مکتب سے نکالی کس نے

میں یہیں کا مرا والد بھی یہیں کا لیکن

درد ہجرت کا وراثت میں ملا ہے پھر بھی

میرے آبا نے وطن چھوڑا تھا روزی کے لیے

میری اولاد نے تہذیب و ثقافت چھوڑی

اہنی دھرتی کا قرض کیسے چکا پائے گی

یہ نئی نسل جو ماں بولی سے بیگانی ہے

وہ زباں جس نے مجھے بولنا سکھلایا تھا

وہ زباں دفتر و مکتب سے نکالی کس نے

جو اہلِ زر ہیں وہی سب سے معتبر بھی ہیں

بڑے عجیب سے معیار ہے زمانے کے

جو اہلِ زر ہیں وہی سب سے معتبر بھی ہیں

ایک لمحہ بھی سرکتا نہیں پیسوں کے بغیر

وقت! سرکاری دفاتر کا کوئی رشوت خور
ایک لمحہ بھی سرکتا نہیں پیسوں کے بغیر

عمر کی فکر نہ کر عمر کہاں جائے گی

بھوک اور پیاس کا سورج نہیں ڈھلنے والا

درد کیسا بھی ہو اور کتنی ہی شدت کا ہو

درد کیسا بھی ہو اور کتنی ہی شدت کا ہو

رفتہ رفتہ ہو ہی جاتا ہے موافق دل کے

سیکھ جاتے ہیں ہنر جینے کا وہ بے کس بھی 

کہ جنہیں کچھ بھی نہیں ملتا مطابق دل کے

سرخ لب چاند جبیں پھول بدن سب روٹی

ایک سادھو کو میسر نہ ہوئی جب روٹی

تو مجھے کہنے لگا دین دھرم رب روٹی

پیٹ کی بھوک نے خواہش کا گلا گھونٹ دیا

سرخ لب چاند جبیں پھول بدن سب روٹی

جو تیرے ہاتھوں سے دھل جائے میل کی صورت

ضروریات کا چابک کمر ہہ ہے اور ہم

بدکتے جاتے ہیں کولھو کے بیل کی صورت
یہ کس کے واسظے تو خون پانی کرتا ہے

جو تیرے ہاتھوں سے دھل جائے میل کی صورت

پلٹ رہیں شب و روز اس طرح جیسے

پلٹ رہیں شب و روز اس طرح جیسے

کھلی کتاب کے صفحے ہوا کی زد پر ہوں

زندگی قیدِ مشقت سے کوئی کم تو نہیں

مفلسی آپ کی فرقت سے کوئی کم تو نہیں

جنگ جینے کی محبت سے کوئی کم تو نہیں

زندہ رہنا بھی ہے اور رزق کمانا بھی ہے

زندگی قیدِ مشقت سے کوئی کم تو نہیں

دوڑ پڑتے ہیں صبح اٹھتے کدالیں لے کر

یہ جو مزدوری ہے آفت سے کوئی کم تو نہیں

اپنے اپنے ہی نوالوں کے تعاقب میں ہیں سب

نفسا نفسی یہ قیامت سے کوئی کم تو نہیں

قافلہ ایک مگر راہی ہیں تنہا تنہا

ساتھ ایسا بھی اذیّت سے کوئی کم تو نہیں

مگر ضرورتیں پائوں پڑیں تو کیا کیجے

خدا گواہ کبھی مال و زر کی حرص نہ کی

مگر ضرورتیں پائوں پڑیں تو کیا کیجے

میں ایسے لوگوں کو انسان کس طرح مانوں

جو اپنے پیٹ کو بھرتے ہوئے ہی مر جائیں

سر پر اضافی بوجھ ہیں سر سے اتار دو

وعدے وفائیں خواہشیں خواب اور الفتیں

جب تک تمہارے ساتھ ہیں تب تک غلام ہو

غصہ ہو نفرتیں ہوں عداوت ہو حسد ہو

سر پر اضافی بوجھ ہیں سر سے اتار دو

نہ بھی آئے مضائقہ کیا ہے

نہ بھی آئے مضائقہ کیا ہے

اک تکلف ہے سانس بھی اب کے

چلنا عادت ہے چلتا رہتا ہوں

کوئی منزل نہیں رہی اب کے

اے خالقِ دوجہاں تیری پیاری دنیا میں

اے خالقِ دوجہاں تیری پیاری دنیا میں

یہ بیوقوف نہ ہوتے تو کیا کمی تھی بھلا!

خواب مر جائیں تو دفنا دیے جائیں فورا

خواب مر جائیں تو دفنا دیے جائیں فورا

ورنہ نس نس میں سما جاتی ہے بدبو ان کی

ان میں بدبو و تعفن کے سوا کچھ بھی نہیں

مردہ خوابوں کو کریدو گے تو کیا پائو گے

اپنے بچوں کی طرح درد کو پہچانتے ہیں

دکھ کی میراث  ملی اپنے بزرگوں سے مجھے

کہ مرا سلسلہِ نسب ہے دل تک جاتا

ایک احساس تو سرمایہ ہے اہلِ دل کا

اپنے بچوں کی طرح درد کو پہچانتے ہیں

معذرت

کہیں پر کھولتا پانی، بھڑکتی آگ کے شعلے

کہیں پر سیسہ پگھلا کر بھرا جاتا ہے کانوں میں

کہیں پر ازدہے پھنکارتے اور چیرتے بے بس گنہگاروں کے جسموں کو

کہیں پر ڈوب مرنے کو بھری ہیں خون کی نہریں

کہیں پر پیپ پینے کو

یہ کیسا خوف کا عالم ہے مذہب کی کتابوں میں

ڈرا کر اور دھمکا کر اگر مومن بنانا ہے

تو میری معذرت یارب!

فقط کانچ ہے دنیا کیا ہے

دل کے معیار پہ پورا ہی نہیں آتا کچھ

ارے دنیا! تیرے بازار سے کیا لینا ہمیں

طفل ناداں کے کھلونوں سے سجی منیاری

کہیں لذت، کہیں عزت کہیں شہرت تھی پڑی

شہرت و عزت و شوکت تو فقظ کاغذی تھے

ہم نے لذت کو اٹھایا تھا ہمک کر لیکن

ہاتھ میں آتے ہی چٹخی وہ بھی چوڑی کی طرح

کانچ نے خون کیے خواب گلابی ہو گئے!

کانچ ہی کانچ ہے اب آنکھوں میں اور سینے میں

مجھ سے پوچھو تو فقط کانچ ہے دنیا کیا ہے 

تنی ہوئی کسی رسّی پہ چل رہے ہیں ہم

ہر ایک لمحہ توازن بحال رکھنا ہے

تنی ہوئی کسی رسّی پہ چل رہے ہیں ہم

دو چار سال نہیں عمر بھر کا مسئلہ ہے

کہ بھوک پیاس کے سائے میں پل رہے ہیں ہم

اے میری سانسو! مسلسل رسد ضروری ہے

تمہارے چلنے سے چلتی ہے زندگی اپنی

عجیب دنیا ہے دیواریں کھینچ کر خوش ہے

سب اپنے اپنے وطن میں اسیر ہیں پھر بھی

بڑے ہی دل سے مناتے ہیں یوم آزادی

کسی بھی سمت چلو رستہ روک دے سرحد

!!!عجیب دنیا ہے دیواریں کھینچ کر خوش ہے

فاختہ سانپ کی سہاگن تھی

گلے لگانے سے ڈرنے لگے ہیں شہر کے لوگ

نماز عید کسی گائوں میں پڑھی جائے

جاں نہ جاتی تو اور کیا ہوتا

فاختہ سانپ کی سہاگن تھی

یہ ایک دائرہ جو ہاتھ سے حلق تک ہے

یہ ایک دائرہ جو ہاتھ سے حلق تک ہے

اسی پہ چلتے ہوئے عمر کاٹ دی ہم نے

بچھڑتے وقت عجب لین دین ہوتا ہے

بچھڑتے وقت عجب لین دین ہوتا ہے

وہ باو فا مرا سینہ ہی کر گیا خالی

بڑی حقیر تھی مٹی کے گگو گھوڑوں سی

سب اپنے اپنے ہی محور کے گرد گھومتے ہیں

پبھیریوں کی نماش ہے لوگ تھوڑی ہیں

میں کس کے ساتھ چلوں کس کا آسرا مانگوں

بقا کی جنگ سے دو چار ہے یہاں ہر شخص

بڑی حقیر تھی مٹی کے گگو گھوڑوں سی

میں ایس دنیا سے کب تک بھلا لگاتا جی

میری تھالی میں حقارت کی ملاوٹ مت کر

کیسے کھائوں کے گلے میں ہی اٹک جاتا ہے

میرے کھانے میں حقارت کی ملاوٹ مت کر

 جان پیاری ہے مگری اتنی بھی پیاری نہیں ہے

اے سخی ایسی سخاوت کو اٹھا لے مجھ سے

کہاں یہ وقت کا پتھر کہاں نحیف سے ہاتھ

یتیم بچے نے خوابوں میں عمر کاٹی ہے

کبھی سانسوں کا کبھی دل کا کبھی لوگوں کا

اس قدر شور ہے ، جیتے ہیں تو کیا جیتے ہیں

اک اذیت ہے ترا پیار مجھے پیار نہ کر

کہ جو بے وقت کی پیتے ہیں وہ کیا پیتے ہیں

یہ جو اک ہونے نہ ہونے کا کوئی کھیل سا ہے

ہم اسی کھیل کے مہرے ہیں سو پٹ جائیں گے

یہ جو ہونے نہ ہونے کا کوئی کھیل سا ہے

ایسے لگتا ہے مرا نام مٹا ڈالے گا

زند گی اب رفو نہیں ہو گی

قبر تک آ گئے گٹھڑی سی اٹھائے سر پر

زندگی ہم نے تجھے پھول کے دیکھا ہی نہیں

کچھ خرابی ضرور ہے اس میں

زندگی راس کیوں نہیں آتی

سینکڑوں لاکھوں چھید ہیں اس میں 

زند گی اب رفو نہیں ہو گی

اس قدر غم ہے پھر بھی زندہ ہوں
یہ بھی کچھ معجزے سے کم تو نہیں

بعد ازاں رزق اٹھ گیا دل کا

جب تلک آنکھ بے بصیرت تھی

زندگی کافی خوبصورت تھی

عشق اس کا تھا خواہشوں سے اٹا

اور مجھے خواہشوں سے نفرت تھی

بعد ازاں رزق اٹھ گیا دل کا

وہ مری آخری محبت تھی

پیاز کی طرح چھیلتے ہی گئے

زندگی جستجو کی حیرت تھی

ہاں یہی سچ ہے سو کہنے میں تامل کیسا

ہاں یہی سچ ہے سو کہنے میں تامل کیسا

 میں تجھے بھول چکا بھول چکا بھول چکا

سو کہا سنا معاف کر دیا کیجیے

جسم و ذہن کا فاصلہ

جہاں میں ہو تا ہوں

وہاں پہنچنے میں کئی سال سگتے ہیں مجھے

اور جب پہنچتا ہوں تو وہاں  میں ہوتا نہیں

سو کہا سنا معاف کر دیا کیجیے

چاند جاگے ہے رات بھر تنہا

راستے منزلیں سفر تنہا
دھول اور دھوپ اور شجر تنہا

کیسا منظر ہے میرے چاروں طرف
لاکھوں اجسام ہیں مگر تنہا

رات کروٹ بدل کے سوتی رہے
چاند جاگے ہے رات بھر تنہا

روز خوابوں میں دعوتیں بھیجیں
منزلیں بھی ہیں کس قدر تنہا

ریت کے ذرے پاوں سے لپٹیں
"کہیں مت جانا چھوڑ کر تنہا"

درد رہنے لگا ہے اب سر میں

پہلے تیرا خیال رہتا تھا

درد رہنے لگا ہے اب سر میں

بڑی کوفت ہے جینے میں

خالی خآلی سا 

خالی برتن ہے

کچھ بھی نہیں ہے سینے میں

سانس بھی لگتی 

ہے مشقت اب

بڑی کوفت ہے جینے میں

آج یکسر میں محبت سے نکل آیا ہوں

ایسا لگتا ہے کوئی دشت ہوں بے آب و گیاہ

یا خلائوں کا اندھیرا ہوں خموش اور سیاہ

یا کوئی قبر ہوں بے نام و پتہ لاش لیے

یاکوئی زخمی ہوں تکلیف نہ آرام جسے

یا وہ تارہ ہوں جو لپکا ہو زمیں کی جانب

اور رستے میں ہی رستے کی نذر ہو گیا ہو

یا وہ رہرو ہوں کہ جو شوقِ سفر سے سر شار

اپنی منزل کہیں راہوں میں ہی چھوڑآیا ہو

کبھی لگتا ہے کہ میں ہوں کبھی لگتا ہے نہیں

کوئی سایہ ہوں جو چھپتا پھرے سورج سے سدا

مختصر یہ کہ عجب کشمکشِ زیست ہے آج

آج یکسر میں محبت سے نکل آیا ہوں

وہ بھی اب عام ہوئے تھے جو کبھی خاص الخواص

وہ بھی اب عام ہوئے تھے جو کبھی خاص الخواص

زندگی سے تو بھروسہ ہی مرا اٹھ گیا اب

تنگ آئے اس قدر کہ محبت ہی چھوڑی دی

چشم و لب و شباب کی چاہت ہی چھوڑ دی

محبوب اور شراب کی عادت ہی چھوڑی دی

اک کشمکش سی رہتی تھی سوچوں میں رات دن 

تنگ آئے اس قدر کہ محبت ہی چھوڑی دی

کل مل کے رو پڑی مجھے تنہائی اور کہا

جائوں کہاں کہ یاروں نے مہلت ہی چھوڑی دی

جنگل میں لاکھ عیب ہوں آزادیاں تو تھیں

تہذیب کے غلاموں نے فطرت ہی چھوڑی دی

بس فیکٹری کے پرزے ہیں گھستے ہیں روزوشب

لوگوں نے زندگی کی حرارت ہی چھوڑ دی

تنگ آئے اس قدر کہ محبت ہی چھوڑ دی

اک کشمکش سی رہتی تھی آٹھوں پہر ہمیں 

تنگ آئے اس قدر کہ محبت ہی چھوڑ دی

خود اپنے ہاتھ سے دریا میں پھینک آئو نا!

ہماری ذات بجھی راکھ کے برابر ہے

نہ جس سے ہاتھ جلیں اور نہ روشنی پھیلے

الٹ پلٹ کے ہمیں کچھ نہیں ملے گا تمہیں
خود اپنے ہاتھ سے دریا میں پھینک آئو نا!

یہ بھی ہو سکتا ہے مذہب خوف کا ہی فلسفہ ہو

یہ بھی ہوسکتا ہے رب ہو اور سب کچھ دیکھتا ہو

یہ بھی ہو سکتا ہے مذہب خوف کا ہی فلسفہ ہو

یہ بھی ہو سکتا ہے دنیا کائیناتی حادثہ ہو

یہ بھی ہو سکتا ہے شاید حادثہ اک تجربہ ہو

یہ بھی ہوسکتا ہے جنت نیک کاموں کی جزا ہو

یہ بھی ہوسکتا ہے جنت حسرتوں کاتخلیہ ہو

یہ بھی ہو سکتا ہے روحیں وقت سے باہر پڑی ہوں

اور وقت اپنے ازل سے اور ابد سے ماورا ہو

یہ بھی ہوسکتا ہے روحیں اینٹ پتھر کی طرح ہوں

سوچنا اور دیکھنا بس جسموں کا ہی مشغلہ ہو

یہ بھی ہو سکتا ہے ہم سب جسم واحد کے حصص ہوں

جینا مرنا انقسامِ اندروں کا سلسلہ ہو

ربا جیت گیا تو اور ہار گیا میں

مظلوم کے حق میں بہت لڑا  میں لیکن آخر

ربا جیت گیا تو اور ہار گیا میں

ہم تو رب سے ہارے

دھوپ ہے شعلوں سی

چھاوں ہے کیکر کی

عشق ہے سودائی

---------

پینگ ست رنگوں کی

آسماں پرجھولے 

حسن ہے پرچھائیں

-----------

کس نے چھو کر دیکھا

پیار اور جذبوں کو

رشتے ہیں مفروضے

---------

قسمتیں ڈوریں  سی

اور ہم پتلی سے

بے ارادہ ناچیں

----------------

زندگی چلتی ہے 

جسموں جسموں پیہم

موت ہے افسانہ

----------------

گھونسلہ چیلوں کا

بچے ہیں بلبل کے

ہم تو رب سے ہارے

دل پہ بوجھ کیا رکھیں ، ہم تو خود پہ بھاری ہیں

خاک سے ملے تھے ہم - خاک میں ملے آخر

آنکھوں کو ہی خوابوں سے ہو گئے گلے آخر

کھودنا پہاڑوں کا عادتِ جنوں پیشہ

مجنووں کو وحشت سے کیا ملے صلے آخر

عشق ہو کہ نفرت ہو، دل پہ بوجھ ہیں دونوں

دل پہ بوجھ کیا رکھیں ، ہم تو خود پہ بھاری ہیں

ہم اپنے ہاتھوں سے خود اپنے پنکھ کاٹ آئے

قفس میں بند کرو یا ہمیں کھلا چھوڑو

ہم اپنے ہاتھوں سے خود اپنے پنکھ کاٹ آئے

نگاہ  وجسم کجا روح تک غلام ہوئی

کچھ ایسی قید ہے اب موت بھی چھڑا نہ سکے

---------------------------

تعمیر ہو سکے نہ ہی مسمار ہو سکے

پہلی ہی اینٹ ٹیڑھی تھی رکھی بھی خود ہی تھی

خوابوں کے پیرہن میں تھی خواہش چھپی ہوئی

دل جس کو کہہ رہے تھے ہوس کا سفیر تھا

اور اس لڑائی کا خمیازہ عمر بھر بھگتا

بس ایک بار لڑے تھے نصیب سے اپنے

اور اس لڑائی کا خمیازہ عمر بھر بھگتا

گر زندگی یہی ہے تو اس زندگی پہ خاک

سر پٹ بھگائے جاتی ہیں مجبوریاں ہمیں

کچھ پل کو سانس روک لوں اتنی مجال کیا

گر زندگی یہی ہے تو اس زندگی پہ خاک

پس اب حوالہ تقدیر کر دیا خود کو

میں بھاگ بھاگ کے اکتا گیا تھا تھک گیا تھا

پس اب حوالہ تقدیر کر دیا خود کو

چاند سورج زمیں ہیں چکرائے

سیدھی رہ سے بھٹک گیا قصدا

میری فطرت میں ہی بغاوت تھی

زندگی انتخاب کم نظراں

مجھ کو بے مائیگی سے نفرت تھی

دل میں اب کچھ نہیں ہے کچھ بھی نہیں

وہ مری آخری محبت تھی

----------------------------------

چاند سورج زمیں ہیں چکرائے

وقت کا راز ان سے باہر ہے