زند گی اب رفو نہیں ہو گی

قبر تک آ گئے گٹھڑی سی اٹھائے سر پر

زندگی ہم نے تجھے پھول کے دیکھا ہی نہیں

کچھ خرابی ضرور ہے اس میں

زندگی راس کیوں نہیں آتی

سینکڑوں لاکھوں چھید ہیں اس میں 

زند گی اب رفو نہیں ہو گی

اس قدر غم ہے پھر بھی زندہ ہوں
یہ بھی کچھ معجزے سے کم تو نہیں

بعد ازاں رزق اٹھ گیا دل کا

جب تلک آنکھ بے بصیرت تھی

زندگی کافی خوبصورت تھی

عشق اس کا تھا خواہشوں سے اٹا

اور مجھے خواہشوں سے نفرت تھی

بعد ازاں رزق اٹھ گیا دل کا

وہ مری آخری محبت تھی

پیاز کی طرح چھیلتے ہی گئے

زندگی جستجو کی حیرت تھی

ہاں یہی سچ ہے سو کہنے میں تامل کیسا

ہاں یہی سچ ہے سو کہنے میں تامل کیسا

 میں تجھے بھول چکا بھول چکا بھول چکا

سو کہا سنا معاف کر دیا کیجیے

جسم و ذہن کا فاصلہ

جہاں میں ہو تا ہوں

وہاں پہنچنے میں کئی سال سگتے ہیں مجھے

اور جب پہنچتا ہوں تو وہاں  میں ہوتا نہیں

سو کہا سنا معاف کر دیا کیجیے

چاند جاگے ہے رات بھر تنہا

راستے منزلیں سفر تنہا
دھول اور دھوپ اور شجر تنہا

کیسا منظر ہے میرے چاروں طرف
لاکھوں اجسام ہیں مگر تنہا

رات کروٹ بدل کے سوتی رہے
چاند جاگے ہے رات بھر تنہا

روز خوابوں میں دعوتیں بھیجیں
منزلیں بھی ہیں کس قدر تنہا

ریت کے ذرے پاوں سے لپٹیں
"کہیں مت جانا چھوڑ کر تنہا"

درد رہنے لگا ہے اب سر میں

پہلے تیرا خیال رہتا تھا

درد رہنے لگا ہے اب سر میں

بڑی کوفت ہے جینے میں

خالی خآلی سا 

خالی برتن ہے

کچھ بھی نہیں ہے سینے میں

سانس بھی لگتی 

ہے مشقت اب

بڑی کوفت ہے جینے میں

آج یکسر میں محبت سے نکل آیا ہوں

ایسا لگتا ہے کوئی دشت ہوں بے آب و گیاہ

یا خلائوں کا اندھیرا ہوں خموش اور سیاہ

یا کوئی قبر ہوں بے نام و پتہ لاش لیے

یاکوئی زخمی ہوں تکلیف نہ آرام جسے

یا وہ تارہ ہوں جو لپکا ہو زمیں کی جانب

اور رستے میں ہی رستے کی نذر ہو گیا ہو

یا وہ رہرو ہوں کہ جو شوقِ سفر سے سر شار

اپنی منزل کہیں راہوں میں ہی چھوڑآیا ہو

کبھی لگتا ہے کہ میں ہوں کبھی لگتا ہے نہیں

کوئی سایہ ہوں جو چھپتا پھرے سورج سے سدا

مختصر یہ کہ عجب کشمکشِ زیست ہے آج

آج یکسر میں محبت سے نکل آیا ہوں

وہ بھی اب عام ہوئے تھے جو کبھی خاص الخواص

وہ بھی اب عام ہوئے تھے جو کبھی خاص الخواص

زندگی سے تو بھروسہ ہی مرا اٹھ گیا اب

تنگ آئے اس قدر کہ محبت ہی چھوڑی دی

چشم و لب و شباب کی چاہت ہی چھوڑ دی

محبوب اور شراب کی عادت ہی چھوڑی دی

اک کشمکش سی رہتی تھی سوچوں میں رات دن 

تنگ آئے اس قدر کہ محبت ہی چھوڑی دی

کل مل کے رو پڑی مجھے تنہائی اور کہا

جائوں کہاں کہ یاروں نے مہلت ہی چھوڑی دی

جنگل میں لاکھ عیب ہوں آزادیاں تو تھیں

تہذیب کے غلاموں نے فطرت ہی چھوڑی دی

بس فیکٹری کے پرزے ہیں گھستے ہیں روزوشب

لوگوں نے زندگی کی حرارت ہی چھوڑ دی

تنگ آئے اس قدر کہ محبت ہی چھوڑ دی

اک کشمکش سی رہتی تھی آٹھوں پہر ہمیں 

تنگ آئے اس قدر کہ محبت ہی چھوڑ دی

خود اپنے ہاتھ سے دریا میں پھینک آئو نا!

ہماری ذات بجھی راکھ کے برابر ہے

نہ جس سے ہاتھ جلیں اور نہ روشنی پھیلے

الٹ پلٹ کے ہمیں کچھ نہیں ملے گا تمہیں
خود اپنے ہاتھ سے دریا میں پھینک آئو نا!

یہ بھی ہو سکتا ہے مذہب خوف کا ہی فلسفہ ہو

یہ بھی ہوسکتا ہے رب ہو اور سب کچھ دیکھتا ہو

یہ بھی ہو سکتا ہے مذہب خوف کا ہی فلسفہ ہو

یہ بھی ہو سکتا ہے دنیا کائیناتی حادثہ ہو

یہ بھی ہو سکتا ہے شاید حادثہ اک تجربہ ہو

یہ بھی ہوسکتا ہے جنت نیک کاموں کی جزا ہو

یہ بھی ہوسکتا ہے جنت حسرتوں کاتخلیہ ہو

یہ بھی ہو سکتا ہے روحیں وقت سے باہر پڑی ہوں

اور وقت اپنے ازل سے اور ابد سے ماورا ہو

یہ بھی ہوسکتا ہے روحیں اینٹ پتھر کی طرح ہوں

سوچنا اور دیکھنا بس جسموں کا ہی مشغلہ ہو

یہ بھی ہو سکتا ہے ہم سب جسم واحد کے حصص ہوں

جینا مرنا انقسامِ اندروں کا سلسلہ ہو

ربا جیت گیا تو اور ہار گیا میں

مظلوم کے حق میں بہت لڑا  میں لیکن آخر

ربا جیت گیا تو اور ہار گیا میں

ہم تو رب سے ہارے

دھوپ ہے شعلوں سی

چھاوں ہے کیکر کی

عشق ہے سودائی

---------

پینگ ست رنگوں کی

آسماں پرجھولے 

حسن ہے پرچھائیں

-----------

کس نے چھو کر دیکھا

پیار اور جذبوں کو

رشتے ہیں مفروضے

---------

قسمتیں ڈوریں  سی

اور ہم پتلی سے

بے ارادہ ناچیں

----------------

زندگی چلتی ہے 

جسموں جسموں پیہم

موت ہے افسانہ

----------------

گھونسلہ چیلوں کا

بچے ہیں بلبل کے

ہم تو رب سے ہارے

دل پہ بوجھ کیا رکھیں ، ہم تو خود پہ بھاری ہیں

خاک سے ملے تھے ہم - خاک میں ملے آخر

آنکھوں کو ہی خوابوں سے ہو گئے گلے آخر

کھودنا پہاڑوں کا عادتِ جنوں پیشہ

مجنووں کو وحشت سے کیا ملے صلے آخر

عشق ہو کہ نفرت ہو، دل پہ بوجھ ہیں دونوں

دل پہ بوجھ کیا رکھیں ، ہم تو خود پہ بھاری ہیں

ہم اپنے ہاتھوں سے خود اپنے پنکھ کاٹ آئے

قفس میں بند کرو یا ہمیں کھلا چھوڑو

ہم اپنے ہاتھوں سے خود اپنے پنکھ کاٹ آئے

نگاہ  وجسم کجا روح تک غلام ہوئی

کچھ ایسی قید ہے اب موت بھی چھڑا نہ سکے

---------------------------

تعمیر ہو سکے نہ ہی مسمار ہو سکے

پہلی ہی اینٹ ٹیڑھی تھی رکھی بھی خود ہی تھی

خوابوں کے پیرہن میں تھی خواہش چھپی ہوئی

دل جس کو کہہ رہے تھے ہوس کا سفیر تھا

اور اس لڑائی کا خمیازہ عمر بھر بھگتا

بس ایک بار لڑے تھے نصیب سے اپنے

اور اس لڑائی کا خمیازہ عمر بھر بھگتا

گر زندگی یہی ہے تو اس زندگی پہ خاک

سر پٹ بھگائے جاتی ہیں مجبوریاں ہمیں

کچھ پل کو سانس روک لوں اتنی مجال کیا

گر زندگی یہی ہے تو اس زندگی پہ خاک

پس اب حوالہ تقدیر کر دیا خود کو

میں بھاگ بھاگ کے اکتا گیا تھا تھک گیا تھا

پس اب حوالہ تقدیر کر دیا خود کو

چاند سورج زمیں ہیں چکرائے

سیدھی رہ سے بھٹک گیا قصدا

میری فطرت میں ہی بغاوت تھی

زندگی انتخاب کم نظراں

مجھ کو بے مائیگی سے نفرت تھی

دل میں اب کچھ نہیں ہے کچھ بھی نہیں

وہ مری آخری محبت تھی

----------------------------------

چاند سورج زمیں ہیں چکرائے

وقت کا راز ان سے باہر ہے

اے کاش یوں بھی ہو اک بار سب ہی غارت ہو

اے کاش یوں بھی ہو اک بار سب ہی غارت ہو
یہ کائینات نئے طور سے عمارت ہو

میں تنگ آ گیا مصروفیت سے محفل سے
جی چاہتا ہے کہ تنہائی ہو فراغت ہو

کسی کا ساتھ ہو لیکن ہوا سا ہلکا سا
کہ جس میں کوئی عداوت نہ کوئی الفت ہو

تمام عمر چلوں راستہ تمام نہ ہو
نہ کوئی دیر نہ عجلت سفر میں راحت ہو

سکوت ایسا کہ دھڑکن بھی شور لگتی ہو
کنارِ آب کہیں چاند پر سکونت ہو

حسین لوگ ہوں لیکن خموش بیٹھے ہوں
نہ کوئی شکوہ شکایت نہ کوئی حاجت ہو

ہوس پرست ہو عاشق ہو شرط اتنی ہے
تعلقات میں نرمی ہو اور نزاکت ہو

نگاہ ٹھنڈی ہو ایسی سکون آجائے
لبوں میں شہد سے بڑھ کو کوئی حلاوت ہو

ہوا چلے تو بدن ڈولتا پھرے ایسے
کہ جیسے پانی پہ کاغذ کا پھول تیرت ہو

تاروں کے ساتھ رات بسر کرتے تھے کبھی

بجلی نے بند کمروں میں محبوس کر دیا

اتنی گھٹن کہ سوچ بھی محدود ہو گئی

تاروں کے ساتھ رات بسر کرتے تھے کبھی

بالفاظِ دگر نادان تھے ہم

بہت ایماندارانسان تھے ہم

بالفاظِ دگر نادان تھے ہم

!!!!یا سات رنگ بکھرے تھے یا ایک بھی نہیں

غائب ہوئے کہ کہ جیسے ہو قو سِ قزح کوئی

!!!!یا سات رنگ بکھرے تھے یا ایک بھی نہیں

ہے بد نصیبی اگر ہم سفر ملے ایسا

ہے بد نصیبی اگر ہم سفر ملے ایسا

جو چل سکے نہ ہی منزل سے کم پہ راضی ہو

!!عرصہ ہوا ہے گائوں کا چکر نہیں لگا

اک فاختہ جو گاتی تھی یوسف کنویں میں ہے

شدت سے یاد آنے لگی جانے کیوں مجھے

!!عرصہ ہوا ہے گائوں کا چکر نہیں لگا

خوابوں میں روز آنے لگے ہیں پپیہے بھی
بیلوں کی سبک چال بھی گڈے کے پہیے بھی
لوسن کے سبز چارے پہ شبنم کی بوندیں بھی

!!عرصہ ہوا ہے گائوں کا چکر نہیں لگا

شیشم کی ٹہنیوں پہ گلہری کا کھیل تھا
پانی پہ جان دیتے تھے، بگلے سفید تھے
اور چاند چاند کرتی تھی، چوکور کالی تھی

!!عرصہ ہوا ہے گائوں کا چکر نہیں لگ

سب اہلِ دل بھی یہاں اب نظر کے مارے ہیں

امیر بھی ہے ذہیں بھی زباں کی شیریں بھی

بس ایک حسن کی قلت ہے سو وہ کچھ بھی نہیں

سب اہلِ دل بھی یہاں اب نظر کے مارے ہیں

کہ جستجو ہے ملے آخری کنارہ اب

کوئی نہیں ہے یہاں ہمسفر ہمارا اب

بس ایک راہ گزر ہی ہے سہارا اب

چلے چلو کہ جہاں تک یہ رہ گزر جائے

کہ جستجو ہے ملے آخری کنارہ اب

میں اپنے لوگوں میں ہوں کس قدر پرایا سا

زبان رکھتا ہوں میں بھی، مگر خموش رہوں

کہوں بھی کیا، کہ یہاں کوئی ہم زباں ہی نہیں

میں اپنے لوگوں میں ہوں کس قدر پرایا سا

عجیب قسم کی اک دھونس ہے یہ زندگی بھی

نہ والدین ہی پوچھیں نہ خالقِ مطلق

تھما کے ہاتھ میں جبرا گنی چنی سانسیں
دھکیل دیتے ہیں اک بے کراں سمندر میں

کمر پہ باندھا ہے پٹھو کڑی شرائط کا
 کہیں پہ خوف و گماں اور  کہیں پہ لالچ ہے

ہے دھکا شاہی کا سودا یہ دوزخ  و جنت
-----

عجیب قسم کی اک دھونس ہے یہ زندگی بھی

اے مری جاں مجھے اتوار کی چھٹی دے دے

عمر بھر ساتھ نبھانا بھی تو مزدوری ہے

اے مری جاں مجھے اتوار کی چھٹی دے دے

نہ جانے کس کا بدن ہے رکھا ہوا مجھ پر

نہ جانے کس کے ارادوں کی پاسداری ہے

مزہ تو تب ہو کہ جب چاہے روک لوں اس کو

گزرتی جائے جو خود ہی وہ میری عمر نہیں

یہ بھوک اور غریبی اتار دیجے گا

حیات چاہیے مجھ کو مگر حیات فقط

یہ بھوک اور غریبی اتار دیجے گا

کہ ہم چلے ہی نہیں وقت چل گیا ہو گا

کمر خمیدہ ہوئی سانس لڑکھڑانے لگی

مگر نگاہ میں اور دل میں بچپنا ہے وہی

کہ ہم چلے ہی نہیں وقت چل گیا ہو گا

گھسا پٹا سا ہے معمول، زندگی کیا ہے

گھڑی نے سوئی سے باندھا ہوا ہے ہم سب کو

گھسیٹے جاتی ہے جو ساتھ ساتھ آٹھوں پہر

گھڑی رکے تو ذرا سانس لے سکیں ہم بھی

صبح کے آٹھ بجے ناشتہ کرو اٹھّو

چلو چلو کہیں دفتر سے دیر ناں ہو جائے

لو ایک بج گیا ظہرانہ بن گیا ہو گا

یہ پیٹ پاپی ہے نیّت کا لالچی ہے بہت

دو چار لقموں سے اس کی زبان بند کرو 

گھڑی نے سات بجائے اٹھو چلو گھر کو

گھر آ کے پھر وہی بیوی کے روز کے شکوے

جسے تسلیاں دیتے گیارہ بارہ بجیں

ذرا جو آنکھ لگے پھر کلاک بجنے لگے

گھسا پٹا سا ہے معمول،  زندگی کیا ہے

گھڑی نے سوئی سے باندھا ہوا ہے ہم سب کو

گھسیٹے جاتی ہے جو ساتھ ساتھ آٹھوں پہر

گھڑی رکے تو ذرا سانس لے سکیں ہم بھی

یہ ایک دائرہ دن رات کا کہاں تک ہے؟

میں بھاگتا تو رہوں پر فرار ہو نہ سکوں

یہ ایک دائرہ دن رات کا کہاں تک ہے؟

بس ایک رد عمل ہے برا بھلا کیا ہے

جو سوچ بھی نہیں سکتے تھے ہو رہا ہے وہی

کہ روز ہو ہو کے لگنے لگا ہے ٹھیک وہی

بس ایک رد عمل ہے برا بھلا کیا ہے

عشق اچھا ہے مگر عشق ضروری بھی نہیں

شاعری کرنے کو درکار ہے احساس فقط

عشق اچھا ہے مگر عشق ضروری بھی نہیں

یہ جو شاعر ہیں

پہلے تنہائی کماتے ہیں بڑی محنت سے

اور پھر زندگی بھر کرتے ماتم اس کا

یہ جو شاعر ہیں جھگڑتے ہیں ہمیشہ خود سے

ہے میرے طفل کی آنکھوں میں کائینات مری

گلے میں ڈآل کے باہیں سنائے جب نظمیں

اڑوں ہوائوں میں اور آ سماں کی سیر کروں

ہے میرے طفل کی آنکھوں میں کائینات مری

گر پڑوں کو نہ اٹھانا انہیں مرنے دینا

گر پڑوں کو نہ اٹھانا انہیں مرنے دینا

موت سے جو بھی لڑا مارا گیا بالآ خر

ہم نے اک ڈوبنے والے کو اٹھایا ہوا ہے

اور زندہ ہیں کئی سال سے بس مر مر کر

مگر وہ موتی بضد تھا

اسے کہا تھا کہ میں خاک ہوں مجھے مت مل

مگر وہ موتی بضد تھا سو رل گیا آخر

کہ میں بادل ہوں جہاں چاہوں وہاں برسا کروں

چھوڑ آیا ہوں اسے دشت میں پیاسا تنہا

کہ میں بادل ہوں جہاں چاہوں وہاں برسا کروں

آگ جس دل کو لگے سیک اسی کو جائے

آگ جس دل کو لگے سیک اسی کو جائے

دیدہ ور تیرا ہے کیا روشنی کہتا جائے

زندگی موت کا نوالہ ہے

میں اسے زنگی نہ مانوں جو

آخرش موت میں اتر جائے 

زندگی موت کا نوالہ ہے

----------------

موت ہی ابدیت ہے باقی ہے

زندگی اتفاقی وقتی ہے

گلزار کے نام

خود سے بچھڑ کے خود کو ہی پھر کھوجتے رہے

ہجرت نصیب لوگوں کو چہرے نہ مل سکے

تقسیم کا ملال مجھے اس لیے بھی ہے

گلزار دینہ چھوڑ کے دلی چلے گئے

ستر برس کے بعد جو لوٹے وطن میں وہ

جوتے اتار مٹی سے چھوتے ہوئے چلے

بچپن کا بھولپن تو کہیں یاد رفتگاں

ہر سمت داستاں تھی کہ آنسو چھلک پڑے

قانون زندگی ہے فقط آرزو نہیں

جس دھرتی پہ اگا ہو، اسی دھرتی پہ کٹے

لاکھوں کی شہہ رگوں کو نچوڑا تو پھر بنی

وحشت کا استعارہ ہے سرحد نہ کہہ اسے

کہ قسط قسط ہمیں آپ تو گزارئیے نا

ادھورے خواب کی مد میں ہمیں لگائیے نا

یہ جھوٹ موٹ کے افسانچے سنائیے نا

دل و نگاہ کجا اب تو جان تک آئی

!خدا کے واسطے سنجیدگی دِکھائیے نا

ہمارے ہاتھ میں گر ہاتھ دے نہیں سکتے

ہماری راہ سے ہٹیے یوں دل دُکھائیے نا

نہ کوئی شرط ملن کی نہ کوئی عہدِ وفا

یہ پنچھیوں سی لگاوٹ ہمیں دکھائیے نا

گزار دے گی ہمیں زندگی بہر صورت

کہ قسط قسط ہمیں آپ تو گزارئیے نا

میں زہر پھانک چکا تھا تمہارے آنے سے قبل

پیالہ شہد کا جھٹکا نہیں بچایا ہے

میں زہر پھانک چکا تھا تمہارے آنے سے قبل

تقسیم

تقسیم کا ملال مجھے اس لیے بھی ہے

گلزار دینہ چھوڑ کے دلّی چلے گئے

کسی کے کھو جانے کا خواب

کسی کے کھو جانے کا خواب

خدا کا شکر ہے وہ خواب تھا فقظ خواب ہی تھا

کہ میری آنکھ نہ کھلتی تو غم سے مر جاتا

Full text of Jiah Khan's six-page letter. the feelings leading to suicide

Page 1

"I don't know how to say this to you but I might as well now as I have nothing to lose. I've already lost everything. If you're reading this I might have already left or about to leave. I am broken inside. You may not have known this but you affected me deeply to a point where I lost myself in loving you. Yet you tortured me everyday. These days I see no light I wake up not wanting to wake up. There was a time I saw my life with you, a future with you. But you shattered my dreams. I feel dead inside. I've never given so much of myself to someone or cared so much. You returned my love with cheating and lies. It didn't matter how many gifts I gave you or how beautiful I looked for you. I was scared of getting pregnant but I gave myself completely."

Page 2

The pain you have caused me everyday has destroyed every bit of me, destroyed my soul. I can't eat or sleep or think or function. I am running away from everything. The career is not even worth it anymore. When I first met you I was driven, ambitious and disciplined. Then I fell for you, a love I thought would bring out the best in me. I don't know why destiny brought us together. After all the pain, the rape, the abuse, the torture I have seen previously I didn't deserve this. I didn't see any love or commitment from you. I just became increasingly scared that you would hurt me mentally or physically. Your life was about partying and women. Mine was you and my work. If I stay here I will crave you and miss you.

Page 3

So, I am kissing my 10-year career and dreams goodbye. I never told you but I received a message about you. About you cheating on me. I chose to ignore it, decided to trust you. You embarrassed me. I never went out, I never went with anyone else. I am a loyal person. I never met anyone with Karthik I just wanted you to feel how you make me feel constantly. No other woman will give you as much as I did or love you as much as I did. I can write that in my blood. Things were looking up for me here, but is it worth it when you constantly feel the pain of heartbreak when the person you love wants to abuse you or threatens o hit you or cheats on you telling other girls they are beautiful or throws you out of their house when you have

Page 4

no where to go and you've come to them out of love or when they lie to your face or they make you chase after them in their car. Or disrespects their family. You never even met my sister. I bought your sister presents. You tore my soul. I have no reason to breathe anymore. All I wanted was love. I did everything for you. I was working for us. But you were never my partner. My future is destroyed my happiness snatched away from me. I always wished the best for you, was ready to invest what little money I had in your betterment. You never appreciated my love, Kicked me in the face. I have no confidence or self esteem left, whatever talent whatever ambition you took it all away. You destroyed my life.

Page 5

It hurt me so much that I waited for you for ten days and you didn't bother buying me something. The Goa trip was my birthday present but even after you cheated I still spent on you. I aborted our baby when it hurt me deeply. You destroyed my Christmas and my birthday dinner when I came back. When I tried my hardest to make your birthday special. You chose to be away from me on Valentines Day. You promised me once we made it to one year we would get engaged. All you want in life is partying, your women and your selfish motives. All I wanted was you and my happiness you took both away from me. I spent money on you selflessly

Page 6

you would throw in my face. When I would cry for you. I have nothing left in this world to live for after this. I wish you had loved me like I loved you. I dreamt of our future. I dreamt f our success. I leave this place with nothing but broken dreams and empty promises. All I want now is to go to sleep and never wake up again. I am nothing. I had everything. I felt so alone even while with you. You made me feel alone and vulnerable. I am so much more than this.

تو نے ٹھکرایا تو کچھ وقت چلا میرا بھی

میں کئی سال سے اک لمحے کی تحویل میں تھا

تو نے ٹھکرایا تو کچھ وقت چلا میرا بھی

دیکھ لیجے ہمیں ہم بھی رہے تنہا تنہا

ہاتھ خالی ہی رہے سارا سمند چھانا

ناخدا شام ڈھلے گائوں کو لوٹا تنہا

ہم کہ مشہور بہت دوستی اور عشق میں تھے

دیکھ لیجے ہمیں ہم بھی رہے تنہا تنہا

بعض چہروں پہ بہت سجتا ہے دکھ درد اے دوست

بعض چہروں پہ بہت سجتا ہے دکھ درد اے دوست

غم اگر اوڑھ کے وہ نکلا، قیامت ہوگی

رشتے

زندگی راستہ اور وقت ہےصحرا کوئی

جب تلک سانس چلے پائوں بھی چلتے جائیں

رشتے ملتے ہیں بچھڑ جاتے ہیں ایسے جیسے

کوئی آبادی کسی موڑ پہ آئے یک دم

اور پھر دیکھتے ہی دیکھتے اوجھل ہو جائے

کچھ برس نوکری اب دل کی کریں گے ہم تو!

کب تلک پھرتا رہیں ہاتھ میں لے کر اسناد

دو ٹکوں کے لیے یہ زندگی گروی کب تک

کچھ برس نوکری اب دل کی کریں گے ہم تو!

تری صدا نے پکارا جب بھی میں بے زباں تھا

میں تیرے شایانِ شاں نہیں تھا اسی لیے تو

خدا نے تیری سبھی دعائوں کو رد کیا ہے

تری صدا نے پکارا جب بھی میں بے زباں تھا

سو مت سمجھنا کہ میں نے تجھ کو جھٹک دیا ہے

مری جوانی کا سارا ایندھن تمہارے چولھے میں جل بجھا ہے

مری جوانی کا سارا ایندھن تمہارے چولھے میں جل بجھا ہے

وہ شعلگی بھی تمہاری تھی اور یہ راکھ بھی اب تمہاری ہی ہے

میں آسماں کے ستارے پکڑنا چاہتا ہے

میں آسماں کے ستارے پکڑنا چاہتا ہے

مگر میں کیا کرے دنیا ہے پائوں سے لپٹی

رہے گی روح ہمیشہ ہی گائوں سے لپٹی

کڑکتی دھوپ ہے پیڑوں کی چھائوں سے لپٹی

جنم جنم سے ہے تکلیف مائوں سے لپٹی

دل آسماں کے ستارے پکڑنا چاہتا ہے

مگر یہ کیا کرے دنیا ہے پائوں سے لپٹی

میں شہر آ تو گیا ہوں یہیں مروں گا بھی

رہے گی روح ہمیشہ ہی گائوں سے لپٹی

ہم اہلِ علم ہیں لفظوں سے راستہ پوچھیں

رہیں گی منزلیں مجنوں کے پائوں سے لپٹی

ڈرے ڈرے مرے سب لوگ غیر کے ہیں اسیر

کہ جیسے گرد ہو کوئی ہوائوں سے لپٹی

ہماری پہلی محبت تھی بے مزہ اتنی

ہماری پہلی محبت تھی بے مزہ اتنی

کہ اس کے بعد کسی سے بھی دل لگا نہ سکے

تمہارے بعد محبت نے کھینچا تانی تو کی

تمہارے بعد محبت کے ہاتھ آ نہ سکے

شباب اور جوانی بہار اور ساون

قفس کے سامنے آئے قفس میں آ نہ سکے

بہار ہو کہ خزاں ہو اداس رہنا ہے

قفس میں قید پرندے سے پوچھتے کیا ہو؟

بہار ہو کہ خزاں ہو اداس رہنا ہے

آخری بار ملا تھا وہ یوں

جوان جذبے سلامت رہیں کہ ان کے طفیل

غمِ زمانہ بھی اب سازگار لگتا ہے

ایزدی خواب کی تعبیر میں گزری ہے حیات

یعنی خواہش مری در اصل مری تھی ہی نہیں

ہم وہ کردار اضافی ہیں کسی کھیل میں جو

یونہی آجاتے ہیں منظر کے پسِ منظر میں

آخری بار ملا تھا وہ یوں

جیسے سب عیب مرء جانتا ہو

آس بے وجہ سہی کوششِ ناکام سہی

آس بے وجہ سہی کوششِ ناکام سہی

جب تلک زندہ ہیں مصروف تو رہنا ہو گا

ہے چار لقموں کی دوری یہ بھوک کچھ بھی نہیں

ہے چار لقموں کی دوری یہ بھوک کچھ بھی نہیں

مگر غریب سے پوچھو جو ساری عمر چلے

یہ وقت کہتے ہیں جس کو، کوئی سمندر ہے

یہ وقت کہتے ہیں جس کو، کوئی سمندر ہے

کوئی کنارہ ہے جس کا نہ کوئی پیندہ ہے

سطح پہ تیرتے رہتے ہیں جب تلک دم ہو

قضا جب آتی ہے چپکے سے ڈوب جاتے ہیں

بھلا یہ وقت مرے ساتھ کیوں نہیں چلتا؟

ذرا سا تیز چلوں، ہانپتا پکارتا ہے

ذرا سا سست جو ہوں چھوڑ کر چلا جائے

بھلا یہ وقت مرے ساتھ کیوں نہیں چلتا؟

کہ کاش وقت کا گھوڑا نکیل دیتا مجھے

کئی دفعہ یہ خیال آیا دل میں شدت سے

کہ کاش وقت کا گھوڑا نکیل دیتا مجھے

کچھ ایسے پل تھے کہ سالوں ٹھہرنا تھا جن میں

کچھ ایسے سال تھے جو بائی پاس کرنے تھے

خواب خواہش کے لبادے میں اگر آئے گا

خواب خواہش کے لبادے میں اگر آئے گا

آنکھ کے ساتھ ترا جسم بھی زخمائے گا

بیڑیاں پائوں میں اور طوق گلے میں کس کے

یار کے کوچے کبھی دار پہ کھنچوائے گا

پائوں پڑنا نہ کبھی اور نہ منت کرنا
جس نے جانا ہے بہر طور چلا جائے گا

وہ اگر جان گیا کچھ نہیں دامن میں ترے

سر کو نیچا کیے چپ چاپ بچھڑ جائے

پودا چاہت کا بھی ہر وقت نمی مانگتا ہے

پانی کم دو گے تو کچھ روز میں مرجھائے گا

زندگی جو بھی ترے ساتھ چلے گا دل سے

آخرِ کار وہ ہر حال میں پچھتائے گا

اکیسویں صدی کا روبوٹ

 ایک جنگل ہے مشینوں کا جہاں تک  دیکھوں

اور میں بھولا ہوا بھٹکا ہوا پھرتا ہوں

صنعتی دور کا انسان ہوں روبوٹ ہوں میں

-----------------------------------

کمپیوٹر کی ہی سکرین میں سمٹی ہے حیات

ہاتھ سے باندھی گھڑی سے ہی بندھے ہیں اوقات

میں نے دیکھی ہی نہیں شام کبھی اور نہ رات!!

-------------------------------------

میں تھا خائف بڑا فطرت کے حوادث سے کبھی

موسم اور قدرتی آفات پہ اب قابو ہے

لیکن اس فتح میں خوابوں کو بہت خون ہوا

---------------------------------------

مجھ کو فطرت نے کیا ملک بدر کچھ ایسے

چاندنی رات سے انسانوں سے اور پھولوں سے

اب ملاقات کی تاعمر کوئی آس نہیں

---------------------------------------

ایک بے روح سے ڈھانچے کی ہے نسبت مجھ سے

جس میں احساس ہے جینے کا نہ مرنے کا اب

شکل انسانوں سے ملتی ہے، حقیقت یوں ہے

فیکٹری کے کسی انجن کا ہی اک پرزہ ہوں

چلے جہاں سے تھے اب بھی وہیں پہ ہیں شاید

جہانِ عشق و وفا آدمی کے بس کا نہیں

ہر ایک سانس پہ دھڑکا ہے زندگی کا جسے

خدا ہمیشہ رہا ہے ہمیشہ ہی ہو گا

سو اس کے ساتھ تعلق بنانا چاہیے تھا

مگر یہ راستہ مشکل تھا اور ہم سیدھے

بھلا یہ کس طرح ممکن تھا سرخرو ہوتے؟

قدم قدم پہ گماں اور بے یقینی تھی

طرح طرح کے مذاہب تھے راہ میں حائل

تمام عمر کسی دائرے میں چلتے رہے

چلے جہاں سے تھے اب بھی وہیں پہ ہیں شاید

مجھے عادت ہی نہیں ہے تری ناراضگی کی

ابل رہی ہیں کہیں آنکھیں ، اس میں حیرت کیا

بچھڑ گیا ہوگا کوئی بدل گیا ہو گا

زمین زادے بھلا کیا نبھائیں گے رشتے

ہر ایک سانس پہ سوچیں جو فائدہ اپنا

چٹخ گیا ہے کوئی آئینہ تو کیا غم ہے

کسی نے سچ ہی کہا "دل کا استعارہ ہے

وہ بد دعائیں مجھے رہا ہے اور میں چپ

یہ سوچتا ہوں کہ دنیا سا ہو گیا وہ بھی

تیرے شکووں کا مرے پاس نہیں کوئی جواب

اس قدر اجنبی لہجے میں تکلم کیا ہو؟

مجھے عادت ہی نہیں ہے تری ناراضگی کی

جب اپنے آپ سے نکلے گا تب یہ جانے گا

وفا کرو گے تو پچھتائو گے یہ لکھ لیجیے
محبتوں میں وفا ہی عذاب ہوتی ہے

/ بنتی ہے


یہ تیرا عشق ترے ذہن کے ہی اندر ہے
جب اپنے آپ سے نکلے گا تب یہ جانے گا

خود اپنے آپ کو ضائع کیا کتابوں سے

خود اپنے آپ کو ضائع کیا کتابوں سے

جو بچ گیا تھا تلاشِ معاش میں خرچا

محبتیں کہ مرے جسم و جاں کا حصہ تھیں

کبھی کبھی مجھے ملتی ہیں اجنبی کی طرح

تکلفات نے فطرت کو یوں اتار دیا

کہ جیسے سانپ اتارے ہے کینچلی اپنی

ہزار قسم کے رشتے، کہ میری آنکھوں میں

پڑے ہوئے ہیں جلائے ہوئے پتنگوں سے

فریب خوردہ آنکھیں ہیں دے رہی پہرہ

کہ جیسے راکھ میں پھر روح پھونک دے گا کوئی

گزر گئے ہیں زمانے فریب نظری میں

تلاش جس کی تھی دل کو وہ دل کے اندر تھا

تھے جس سے بھاگتے پھرتے وہ سر پہ رکھا تھا

گزر گئے ہیں زمانے فریب نظری میں

-------------------------------------------------

چلا جہاں سے مسافر وہیں پہ لوٹے گا

یہ بھاگ دوڑ تو اک رسم زندگانی ہے

------------------------------------------------------

دھواں نکلتا ہے چھت سے، چراغ جلتا ہے

سلگ رہی ہے کسی گھر میں زندگی یعنی

سوچوں تو کائینات ہے دیکھوں تو کچھ نہیں

انحراف فورم کا طرحی فی البدیہہ مشاعرہ جمعہ 12 اپریل 2013 جناب باصر کاظمی صاحب کے اعزاز میں

سوچوں تو کائینات ہے دیکھوں تو کچھ نہیں
ایسی حقیقتوں سے نہ کر آشنا مجھے

اتننے سوال بکھرے پڑے تھے گلی گلی
رستے بدل بدل کے گزرنا پڑنا مجھے

خواب وخیال   و عشق و جنوں چھوڑ چھاڑ دے
پیر مغاں نے وجد میں آ کر کہامجھے

سپر دگی کو محبت کا نام مت دیجیو

کسی کی گود میں گر جائے گا پرندہ اب

کہ زخم کھا کے بلندی پہ اڑنا مشکل ہے

سپر دگی کو محبت کا نام مت دیجیو

پاس ہے جب سے ملاقات نہیں ہو پائی

دور تھا، ٹھیک تھا، خوابوں میں تو مل جاتا تھا

پاس ہے جب سے ملاقات نہیں ہو پائی

سوچتا ہوں کہ یہاں جھوٹ کی حد ہوتی کاش

قرب اتنا ہے کہ اک چھت کے تلے رہتے ہیں

دوری اتنی ہے کہ برسوں کی مسافت ہے ابھی

سوچتا ہوں کہ یہاں جھوٹ کی حد ہوتی کاش

لوگ کہتے ہیں مجھے تجھ سے محبت ہے ابھی

وضاحتوں میں ہی گزری ہے زندگی ساری

وضاحتوں میں ہی گزری ہے زندگی ساری

تعلقات نبھانا بھی اک مصیبت ہے

زندگی تھی یہ مری یا کہ کوئی حادثہ تھا

زندگی تھی یہ مری یا کہ کوئی حادثہ تھا

ٹوٹتے تارء کی صورت جلی اور بجھ بھی گئی

ریت کو سونا بنانے کی یہ ضد چھوڑ بھی دے

ریت کو سونا بنانے کی یہ ضد چھوڑ بھی دے

سنگ پہ گھاس اگانے کی یہ ضد چھوڑ بھی دے

تو گلاب آنکھوں پہ باندھے ہوئے گھر سے نکلا

دھول کو پھول بتانے کی یہ ضد چھوڑ بھی دے
وہ ترا عشق نہیں عشق کی محرومی ہے
داغ سے داغ مٹانے کی یہ ضد چھوڑ بھی دے

اس محبت نے وراثت کی طرح بانٹ دیا

جانے کس کس کو ملا کتنا مجھے علم نہیں

اس محبت نے وراثت کی طرح بانٹ دیا

مر گیا مجھ میں ہی جب میری کہانی کا پلاٹ

خود کو پھر مالِ غنیمت کی طرح بانٹ دیا

میں کسی اور کے خوابوں کو غذا دیتا رہا

یہ سمجھ کر یہ مرے ہیں، کہ مری آنکھ میں ہیں
میں کسی اور کے خوابوں کو غذا دیتا رہا

ایک ہی درد کو رویا کرے کب تک کوئی

ایک ہی زخم سے تڑپا کرے کب تک کوئی

ایک ہی درد کو رویا کرے کب تک کوئی

جب یہ طے ہے کہ اب اس قید میں گزرے گی حیات

سر کا دیوار سے جھگڑا کرے کب تک کوئی

مرحلہ درد کا بس آہ کے بھرنے تک ہے

درد کا ماتم و گریہ کرے کب کوئی

اب وہ رفتار ہے دل کی نہ موافق حالات

خواہ مخواہ عشق کا رسوا کرے کب تک کوئی

وہ مجھے پیار سے شہزادہ کبھی چاند کہے

وہ ہے پاگل اسے ٹوکا کرے کب تک کوئی

گویا جنت سے بھی مشکل ہے قیام جنت

یعنی گندم سے کنارہ کرے کب تک کوئی

یوں بھی ہوتا ہے مرے دوست، نئی بات نہیں

یہ تو بس زعم ہے اس کا دل کا کہ جاتا ہی نہیں

بات اتنی سی ہے وہ شخص مراتھا ہی نہیں

چاند اور چاند بھی پھر عید کا ابرآلود فضا

وصل تو وصل اسے ٹھیک سے دیکھا ہی نہیں

 خواب بس خواب ہیں، خوابوں کی دلیلیں مت دے

خواب تعبیر کے دامن میں سماتا ہی نہیں

یوں بھی ہوتا ہے مرے دوست، نئی بات نہیں

اس پہ ہم جان گنوا دیں جو کبھی تھا ہی نہیں
 
 

رخصتی

رخصتی

بہت کچھ سوچ کر میں نے
فقط اتنا ہی سوچا ہے
کہ اپنے بیچ کا رشتہ
شعوروعقل سے کچھ ماورا سا ہے!
کہ اپنی زندگی اب بھی
اسی آنگن میں بیٹھی ہے
جہاں پہلی دفعہ ہم نے
بہت حیران آنکھوں سے
یہ دنیا داری دیکھی تھی
اسی آنگن کی مٹی میں
لگا وہ نیم کا پودا
ہمیں اب بھی بتاتا ہے
کہ اس کی شاخ کے جھولے پہ کس بچے کی باری ہے
وہیں پر جابجا بکھرا ہے اپنا بھولپن، بچپن
جو راتوں کی خموشی میں
کبھی قصے سناتا ہے
کبھی جگنو پکڑتا ہے
کبھی تاروں کے جھرمٹ میں
کسی مصنوعی سیّارے کا پیچھا کرتا جاتا ہے
کبھی جادوئی لہجے میں بتاتا ہے
کہ وہ جو "ڈوئی" کی صورت
نظر آتے ہیں کچھ تارے
وہی تو دبِّ اکبر ہے
جوانی اور بڑھاپے میں
قدم رکھیں تو سوچیں بھی
کہ اب ہم نے بچھڑنا ہے!!!
تمہاری "رخصتی" یا "الوداعی" کو میں کیا مانوں!!!؟
میں تو اب تک تمہارے ساتھ گا ٔوں کی اسی نکّڑ پہ بیٹھا ہوں
جہاں پر تعزیوں کی "کجّیاں" اور "ٹھوٹھیاں" تقسیم ہوتی ہیں
جہاں پر دودھ بٹتا ہے
بہت کچھ سوچ کر میں نے
فقط اتنا ہی سوچا ہے!

جانے عدم کے دیس میں کیسی کشش ہے دوست

جانے عدم کے دیس میں کیسی کشش ہے دوست 

جو بھی گیا ادھر کو وہ پلٹا نہیں کبھی

مشتِ غبار  و خاک ہیں اپنی بساط کیا

ہم ہیں ہوا کے دوش پہ جب تک ہوا چلے

عکس بے جرم مار کھاتا ہے

سنگ تو آئینے کے در پہ پے
عکس بے جرم مار کھاتا ہے

اس شعر کا خالق (حافظ اقبال شاہین) جناح ہسپتال لاہور کے کینسر ایمرجنسی وارڈ میں صاحب فراش ہے، زنگی لمحہ لمحہ ہاتھوں سے پھسلتی جا رہی ہے، اس حیات و ممات کے کھیل سے میں بہت حیران ہوں-

مرے یارو، سمجھدارو، کوئی تدبیر تو ہوگی
وہ دنیا چھوڑے جاتا ہے اسے واپس بلانا ہے
زیادہ تو نہیں ماگا، فقط اتنی سی خواہپش ہے
محبت کی صدائوں کو خموشی سے بچانا ہے
(ریحان)

لو دل کی نقدی خرچ ہوئی

اب اپنی کی نقدی خرچ ہوئی
اب بازاروں کا چکر کیا
اب روپ سروپ سے مالا مال
یہ خواب پریت کے ہر کارے
بھلا کاہے ہم کو چھیڑتے ہیں
ان ٹھیکری جیسی آنکھوں میں
نہ خواب اگیں نہ دید کھلے
اب ششدر بے کل سی نظری
ہر آتے جاتے چہرے میں
بس عدم کا رااہی ڈھونڈتی ہیں

دل و نظر تری چوکھٹ سے باندھ آیا ہوں

وہ میرے ہاتھ میں آیا ہے خوشبوئوں کی طرح
وہ میرا ہو کے بھی مجھ تک نہ رہ سکے گا کبھی

دل و نظر تری چوکھٹ سے باندھ آیا ہوں
مگر یہ جسم کہ منصف کے پاس گروی ہے

اور کوڑی میں بھی بکتے نہیں محبوب یہاں

کس قدر مہنگی ہے خوابوں کی مسافت اے دوست
کس قدر سستی ہے تعبیر اگر مل جائے

ہائے جس شکل کو تاروں میں کہیں ڈھنونڈتے تھے
وہ میرے پائوں میں بیٹھی تھی پکڑ کر کاسہ

اس کو معلوم نہ تھا اس کا دریدہ سا بدن
دو جہانوں سے بھی افضل تھا مرے دل کے لیے

اور وہ میلی کچیلی سی قبائے بے رنگ
کہکشائوں سے بھی پیاری تھی مری آنکھوں کو

میں نے جب غور سے دیکھا تو وہ پتھر سی نگہ
نہ کسی دل نہ کسی عشق سے کچھ واقف تھی

اس کی اکتائی ہوئی سانسوں میں مرنے کی طلب
اس کے بیزار سے چہرے پہ لکھا تھا روٹی

میں نے اک چپت لگائی وہیں اپنے دل پر
اور اس کاسے میں کچھ سکے گرا کر بے تاب


لوٹ آیا کسی ہارے ہوئے جنگجو کی طرح
!!پھر کسی خواب کی  ناکام تمنائوں میں


حسن جو آنکھ کے اندر ہے وہ منظر میں کہاں
مول جو عشق لگاتا ہے وہ دل ہی جانے

ورنہ مٹی میں ملا دیتی ہے دنیا سب کو
اور کوڑی میں بھی بکتے نہیں محبوب یہاں

بس ایک خوف سے میں اس کو ہار آیا ہوں

بس ایک خوف سے میں اس کو ہار آیا ہوں

کہ میرا سیلِ مصائب اسے ڈبو دے گا

ہمارے ہاتھ میں آیا تھا چاند بھی اک دن

مگر نصیب کو ہر گز نہ یہ گوارا ہوا

مگر میں کیا کروں میرے گنہ زیادہ ہیں

       
تو میرے واسطے جنت ہے باخدا جنت
مگر میں کیا کروں میرے گنہ زیادہ ہیں!
ہر ایک روز تو پہلے سے بڑھ کے پیارا لگا
اب سے بڑھ کے بھلا اعتراف کیا ہوگا

جننت

تو ہے جنت یقین ہے ہم کو

اور جننت ملے گی مر کر ہی

اس سے بہتر بھی محبت کے تراجم ہوں گے

 اس سے بہتر بھی محبت کے تراجم ہوں گے
مجھ سے پوچھے تو تری آنکھ کی گہرائی ہے

درد بدر بھٹکا پھروں لے کے یہ سینہ خالی

ساری دنیا بھی اٹھا لایا مگر یہ نہ بھرا
یوں ترے بعد ہوا حسن کا پلڑا خالی
اب وہاں کس کو رکھوں رب جہاں رہتا تھا کبھی
درد بدر بھٹکا پھروں لے کے یہ سینہ خالی

ڈکٹر عزیز فیصل صاحب کی سالگرہ پر، ہدیہِ مخول

ڈکٹر عزیز فیصل صاحب کی سالگرہ پر، ہدیہِ مخول

وہ جو افریقہ کے جنگل سے گزر آاتے ہیں
زکر بیگم کا کیا جائے تو ڈر جاتے ہیں

مارتے رہتے ہیں اسکول میں جو بچوں کو
ہیں وہ استاد زنانی سے جو کٹ کھاتے ہیں

میں نے دیکھے ہیں مقدر کے دھنی بھی ایسے
نام زرداری ہے بیگم کا دیا کھاتے ہیں

صنفِ نازک کو تو معشوق کہا کرتے تھے
عاشق اعوان بھی اس صنف میں اب آتے ہیں

چھیل لیتے ہیں کسی طور سے آلو فیصل
پیاز آتا ہے تو بے ساختہ رو پڑتے ہیں

ریحان

مجھے تم سے بغاوت سیکھنی ہے

1.      مرے مرشد ولایت سیکھنی ہے
       ہر اِک دل پر حکومت سیکھنی ہے
   
       اگر اب ملنے آئے، یاد رکھنا
       مجھے تم سے بغاوت سیکھنی ہے
   ادریس آزاد کے لیے :)

ہزار نام ہیں میرے ہزار چہرے ہیں

بکھر گیا ہوں میں کچھ ایسے جا بجا اے دوست
ہزار نام ہیں میرے ہزار چہرے ہیں

دلِ ناداں تری لغزش کے ازالے کے لیے

اپنی محمرومی کا احساس مٹانے کے لیے
کتنے کھلتے ہوئے پھولوں کو مسل آیا ہوں

دلِ ناداں تری لغزش کے ازالے کے لیے
اپنے پیروں سے ہی میں خٔود کو کچل آیا ہوں

کبھی کبھی تو یہ لگتا ہے مر چکے ہیں ہم

بظاہر ایسے لگے ترک کر چکے ہیں ہم
در اصل تیری محبت سے ڈر چکے ہیں ہم

تمہارے ہجر کی محرومیاں مٹانے کو
نجانے کتنی دفعہ عشق کر  چکے ہیں ہم

اب اس قدر ہے زمانے سے اجنبیت سی
کبھی کبھی تو یہ لگتا ہے مر چکے ہیں ہم

تمہارے کوچے کی یہ خاک پھانکنے کے لیے
یقین مان فلک سے اتر چکے ہیں ہم

اگر وہ آئے تو جائیں مجتمع پھر سے
اگرچہ سچ ہے کہ ہر جا بکھر  چکے ہیں ہم

کچھ نہیں ہے سرِ ساحل ، اب ذرا خاک پہ آ

چھوڑدے تاروں کی محفل،  ذرا اب خاک پہ آ
موڑ لا بھٹکا ہوا دل،  ذرا اب خاک پہ آ
ہائے افسوس کہ پھر سے وہی پتھر ہے خدا
پھر وہی سر، وہی قاتل ،  ذرا اب خاک پہ آ
خواب زاروں میں پری وش بھی تھے مہ رو بھی تھے
کھل گئی آنکھ مرے دل ،  ذرا اب خاک پہ آ
حسرت و یاس کی موجوں نے تجھے پھینک دیا
کچھ نہیں ہے سرِ ساحل ،  ذرا اب خاک پہ آ

طنزیہ تک بندی

ربّا مرے لوگوں کو، اب دیدہ ِ بینا دے
اس بار الیکشن میں، کچھ کام کا بندہ دے

کیوں شاکی ہے قسمت کا ، کیوں کوسے بھلا خود کو؟
بگڑے ہوئے بیٹے کو شادی کا طمانچہ دے

رحمان ملک جیسے بیکار نہیں ہوتے
دو سینگ لگا سر پر، سرکس کا تماشا دے

زرداری کے چالے ہیں، دستی ہو کہ راجہ ہو
اس ہاتھ نکما لے، اس ہاتھ نکما دے

اس قوم کے کھوپڑ میں، کچھ بھی نہیں بھوسا ہے
گیلانی کو گھر بھیجو، گیلانی کا بیٹا دے

اینکر بھی ہے سرکاری، ٹی وی بھی ہے سرکاری
اک ڈگڈگی والا ہے، بندر کا تماشا دے

سحری میں بھی پیتا ہے، روزے میں بھی پیتا ہے
مدہوشی کا عالم ہے، کیا رائے "چراہا" دے

ہر بار آئینے میں نیا اجنبی ملے

میں ذہر پی کے آیا ہوں چاہت کے جام سے

کل رات سے وجود میں ایک آگ سی جلے

ایسے الٹ پلٹ ہیں مری ذات کی تہیں

ہر بار آئینے میں نیا اجنبی ملے

خود کو میں بانٹتا پھروں صدقے کے مال سا

کوئی قبول کر لے تو کوئی جھٹک بھی دے

میری محبتیں بھی مرے دین کی طرح

فرقوں میں بٹ گئی ہیں خدارا سمیٹ لے

گڈ مڈ سا ہو گیا ہے نظامِ وفا و عشق

دل میں کوئی بسے ہے تو گھر میں کوئی بسے!

لب ہیں خاموش کہ گستاخی نہ ہوجائے کہیں

ایک تو پوچھے بنا پھینک دیا دنیا میں
دوسرا خود کو بنا رکھا ہے گورکھ دھندا
اتنے فرقے ہیں کہ گنتی میں نہیں آسکتے
کون سے دین کو حق سمجھے یہ تیرا بندہ

اندھی تقلید ہے ایمان کی شرط اول
آنکھیں کرتی ہیں سولات کدھر جائیں ہم
لب ہیں خاموش کہ گستاخی نہ ہوجائے کہیں
خوف ہی خوف کے عالم میں نہ مر جائیں ہم

سوچوں تو اپنا آپ بھی اپنا نہیں رہا

تجھ کو تو یہ گلہ ہے کہ تیرا نہیں رہا

چھو کر کبھی توْ دیکھ کہ میں تھا نہیں رہا

دیکھوں تو چار سمت ہے حلقہِ دوستاں

سوچوں تو اپنا آپ بھی اپنا نہیں رہا

ہر شخص ڈھونڈتا ہے فقط آئینہ یہاں

میں آشکار کیا ہوا اس کا نہیں رہا

دل کی تو تھپکیاں تھیں محبت بڑھانے تک

اب مسئلہ ہمارا ہے دل کا نہیں رہا

مجھ کو تلاشِ یزداں کی ضد تھی جنون تھا

اتنا بھٹک گیا کہ کہیں کا نہیں رہا

راہِ سلوک ملتی نہیں عقل کے طفیل

حجت میں پڑ گئے تو عقیدہ نہیں رہا

نگاہیں رستے سے ہٹتیں تو چار بھی ہوتیں

وہ ساتھ ساتھ چلا زندگی کے ہر پل میں

مگر نصیب تو دیکھو، کہ جانتا بھی نہیں

نگاہیں رستے سے ہٹتیں تو چار بھی ہوتیں

سفر کی دھن میں یوں ہی منزلیں گنوا آئے

مگر یہ طے ہے کہ یہ عشق آخری ہوگا

سمیٹ لے گا وہ مجھ کو، یہ جانتا تو نہیں

مگر یہ طے ہے کہ یہ عشق آخری ہوگا

ایسی تنہائی کی عادت ہے

ایسی تنہائی کی عادت ہے کہ اب صحبت یار
شب فرقت کی طرح بوجھ بنی ہے دل پر

جو بھی ملتا ہے ہمیشہ کے لیے ملتا ہے
دل وہ ہرجائی کے بس تازہ محبت چاہے

تیری ذلت بھی ترے ساتھ ہی مر جائے گی

آج ہوئی ہے جو ذلت تو کوئی بات نہیں
آج کا دن بھی گزر جائے گا جیسے تیسے
کچھ ہی برسوں میں سبھی قصہِ ماضی ہوگا
تیری ذلت بھی ترے ساتھ ہی مر جائے گی

یہ ایک ان کہی خود میں بھی جانتا نہیں تھا

میں تنگ آگیا جب اس کے عشق سے اک دن

تو جا کے کہہ دیا "تم سے مجھے محبت ہے"

مجھے خبر تھی یہ اظہار قاتلِ دل ہے
اسی لیے کہا "تم سے مجھے محبت ہے

یہ ایک ان کہی خود میں بھی جانتا نہیں تھا

کہیں سے سن لیا "تم سے مجھے محبت ہے"

یہ بات اب کی نہیں سو براس پرانی ہے

بس آج کہ دیا"تم سے مجھے محبت ہے

تک بندی "بس راکھ رہ گئی ہے شرارے نہیں رہے"

انحراف فورم کے 20 جولائ 2012 کے فی البدیہہ طرحی
مشاعرے کے لئے کہی ہوئی میری غزل

اب عشق میں وہ پہلے سے جھگڑے نہیں رہے
کیوں کہ نباہے جانے کے وعدے نہیں رہے

بےزار ہوگئے ہیں محبت کے خواب سے
کیا کیجیے کہ دل پہ بھروسے نہیں رہے

زلت مآب ہو گئے عزت مآب سے
جب سے سخن میں جھوٹ کے پردے نہیں رہے

اس درجہ بے قراری سے مت کھوجیے ہمیں
بس راکھ رہ گئی ہے شرارے نہیں رہے

رو روہ کے مانگنے سے بھلا کوئی کب ملا
ویسے بھی مانگنے کے زمانے نہیں رہے

قول و قرار سچ ہیں ہیں ترے اشک بھی بجا
لیکن محبتوں کے یہ کلیے نہیں رہے

تیرے خلوص کا ہے یقیں سانس کی طرح
ہے المیہ کہ اب ہمی سچے نہیں رہے

وصال کچھ نہیں جھگڑا ہے زندگی بھر کا

محبتوں کے مراسم میں دوریا ہی بھلی
وصال کچھ نہیں جھگڑا ہے زندگی بھر کا

تک بندی "میں آج بھی اوروں کو نصیحت نہیں کرتا"

جسموں کے گناہوں کی وکالت نہیں کرتا
میں عشق میں لفظوں کی تجارت نہیں کرتا

اب صاف کہے دیتا ہوں خواہش کا فسانہ
اب عشق کے جذبوں میں خیانت نہیں کرتا

اب جان گیا عشق کا میں مر کزی نکتہ
اب عرض تمنا میں طوالت نہیں کرتا

بس وصل کی چاہت ہے محبت تری کیا ہے
میں ایسی محبت کی حمایت نہیں کرتا

جو حسن کو ٹھہرائے محبت کا کلیسا
میں ایسی شریعت کی اطاعت نہیں کرتا

کچھ لغزشیں ہوتی ہیں خودآپ اپنی نصیحت
میں آج بھی اوروں کو نصیحت نہیں کرتا

ہر ربط کے پیچھے ہے ہوس اور ضرورت
دنیا میں کوئی شخص محبت نہیں کرتا

زندگی اور میں

شرط جینے کی لگائی تھی کبھی زندگی سے
بس اڑا بیٹھا ہوں اس ضد پہ جیے جاتا ہوں
ورنہ دونوں بڑی مشکل میں ہیں اک مدت سے
سانسیں سینے کا بھرم رکھتی ہیں آجاتی ہیں
اپنی عادت سے ہے مجبور دھڑکتا رہے دل
زندگی اور طرف جاتی ہے میں اور طرف
ایک دوجے کو گھسیٹے ہیں کبھی میں کبھی وہ

اب تو زندہ ہوں فقط نام لگا کر اپنا

تو اب آئی ہے نئے خواب اٹھا کر اے دوست
اب وہ میں ہوں نہ وہ آنکھیں نہ وہ نیندوں کا خمار

اب مری شکل پہ کتبہ ہے کسی اجنبی کا

------------------------------------
میری سانسیں بھی کسی اور کے سینے میں ہیں

میری آنکھوں کی بصارت بھی نہیں ہے میری

اب تو زندہ ہوں فقط نام لگا کر اپنا

--------------------------------------

کوئی آسیب سا لگتا ہے محبت کا خیال

حسن بھی آنکھ کی خواہش کے مطابق نہ ملے

اور سوچوں پہ بھی پہرہ ہے روایات کا اب

بس تضادات کا جنگل سا ہے اب ذات مری

-----------------------------------

تو سمجھتی ہے میں کہقاف کا شہزادہ ہوں

تو نے چاہا ہے مرے اصل سے ہٹ کر مجھ کو

تو مری ذات میں جھانکے گی تو ڈر جائے گا

تک بندی

ٹوٹ کر بھی فنا نہیں ہوتے

سو قفس سے رہا نہیں ہوتے

ہائے ہم کیا سے کیا نہیں ہوتے

لیکن اس سے جدا نہیں ہوتے

وصل زنجیرِ پا بھی ہوتے ہیں

ہجر زنجیرِ پا نہیں ہوتے

وہ جو آنکھیں ہمیں بہت ہیں پسند

انہی آنکھوں پہ وا نہیں ہوتے

دل کی مرضی جدھر کو لے جائے

ہم تو قصدا جدا نہیں ہوتے

دل وہیں جا کے سر رگڑتا ہے

در جو دستک پہ وا نہیں ہوتے

بے وفائی کی معذرت کے اب

ہم سے وعدے وفا نہیں ہوتے

انگلیوں پر جنہیں شمار کریں

وہ وظیفے دعا نہیں ہوتے

کوئی بت ہو نہ ہو خدا جن میں

ایسے دل دیرپا نہیں ہوتے

ہار ہم بے یقین لوگوں کے

سر تو ہوتے ہیں پا نہیں ہوتے


=========================================
دل ہے رہگزار یاروں کی

رہگزاروں میں گھر نہیں ہوتے

پیار دو طرفہ تماشا ہے مرے یار سمجھ

اب کسی عشق و وفا کا کوئی دعوی ہی نہیں
دل وہ بزدل ہے کہیں پائوں جماتا ہی نہیں


ایسے تقسیم کیا ہے مرے رشتوں نے مجھے
کہ اب  آئینہ مری شکل دکھاتا ہی نہیں

سارے کردار ہیں دنیا کے سبھی  منظر ہیں
اپنے افسانے میں اک نام ہمارا ہی نہیں

پیار دو طرفہ تماشا ہے مرے یار سمجھ
یہ وہ ڈھولک ہے   جو اک سمت سے بجتا ہی نہیں

کچھ ہوس عشق میں لازم ہے وگرنہ یہ دل
وصل اور ہجر کی تفریق سمجھتا ہی نہیں

تک بازی

مجھے سچ ڈھونڈنے کی عادتیں تھیں
زمین و آسماں سے کٹ گیا ہوں

مجھے معیار تنہا کر گیا ہے
میں ہر شے کو مکمل چاہتا ہوں

مجھے معلوم تھی اوقات خواہش
میں اپنے پاس بیتھا رہ گیا ہوں

کہانی مر گئی میری مگر میں
کسی برگد پہ لکھا رہ گیا ہوں

مری محفل میں سورج آگیا ہے
میں جگنو، ہاتھ ملتا رہ گیا ہوں

مرے خوابوں میں جنت کا نشاں تھا
سو تعبروں کا پیاسا رہ گیا ہوں

 میں پہلے لفظ بن کر بولتا تھا
مگر اب صرف لہجہ رہ گیا ہوں

وفور شوق میں خوشبو سے غافل
میں رنگوں سے بہلتا رہ گیا ہوں

تو ہے کم سن تجھے معلوم نہیں کل کا دکھ

تو ہے کم سن تجھے معلوم نہیں کل کا دکھ
صرف تنہائی نظر آئے جہاں تک دیکھوں

لوگ اجسام کے قیدی تھے بہت کمتر تھے

عشق تو عشق ضرورت کے بھی قابل نہ تھا
کوئی محبوب رفاقت کے بھی قابل نہ تھا

لوگ اجسام کے قیدی تھے بہت کمتر تھے

یہ زمانہ مری نفرت کے بھی قابل نہ تھا

میں جسے پوجتا آیا ہوں وہ پتھر کا خدا
آج بولا تو حقارت کے بھی قابل نہ تھا

ہائے وہ خواب کا عالم وہ تخیل کا فسوں

میری بے کارفراغت کے بھی قابل نہ تھا

ہم ہی پاگل تھے وفائوں کا علم لے کے چلے

وہ تو اک لمحے کی چاہت کے بھی قابل نہ تھا

میں کسی اور کے خوابوں کو غذا دیتا رہا

فرض کرکے کہ یہ میرے ہیں مری آنکھ میں ہیں
میں کسی اور کے خوابوں کو غذا دیتا رہا

زندگی گزری ہے اک خواب سے لڑتے لڑتے

اپنی ہی خواہشِ بے تاب سے لڑتے لڑتے

زندگی گزری ہے اک خواب سے لڑتے لڑتے

گھر تو لوٹ آتا ہوں سورج سے بچھڑ کر میں بھی

رات لیکن کٹے مہتاب سے لڑتے لڑتے

تم نے اس دور میں کھولی ہے محبت کی دوکاں

تم نے اس دور میں کھولی ہے محبت کی دوکاں

جب خریدار کو روٹی سے ہی فرصت نہ ملے

ایک ہی دن کا ہے جینا کوئی سو سال جیے

روز اک دن کو الٹ دیتا یوں جیسے تیسے

اور سو جاتا ہوں تھک ہار کے جب شام ڈھلے

صبح دم سر پہ کھڑا ہوتا ہے پھر سے  وہی دن

ایک ہی دن کا ہے جینا کوئی سو سال جیے

سانحہ یہ ہے کہ اب دردمیں چین آتا ہے

بندگی دل کی عبادت سے بھی آگے کی ہے

کہ محبت تو عقیدت سے بھی آگے کی ہے

سانحہ یہ ہے کہ اب دردمیں چین آتا ہے

بات اب درد و اذیت سے بھی آگے کی ہے

زندگی قرض کے احساس ندامت جیسی

رونقِ حسن ہے باقی نہ کوئی جذبہ دل

زندگی قرض کے احساس ندامت جیسی

ساتھ چلتے ہیں مگر حوصلہ اپنا اپنا

مل کے رہتے ہیں کہ دنیا کی روایت ٹھہری

ایسے دشمن سے تو جھگڑا بھی نہیں ہو سکتا

دل کے نقصاں کا ازالہ بھی نہیں ہو سکتا

زندگی تیرا اعادہ بھی نہیں ہو سکتا

ایسی تنہائی کہ خود سے بھی کبھی مل نہ سکوں

بھیڑ اتنی کہ اکیلا بھی نہیں ہو سکتا

ہائے نفرت  بھی غضب اور ضرورت بھی بہت

ایسے دشمن سے تو جھگڑا بھی نہیں ہو سکتا

یہ رواجوں کی گھٹن قبر سے بڑھ کو محبوس

اور دنیا سے کنارہ بھی نہیں ہو سکتا

بادشہ جس کو بنایا ہے تری چاہت نے

تجھ سے بچھڑا تو کسی کا بھی نہیں ہو سکتا

قسم لے لو، وہاں پر کچھ نہیں ہے

 گیا تھا یار کے کوچے کو میں بھی

قسم لے لو، وہاں پر کچھ نہیں ہے

بچھڑ رہے ہیں مگر دل بچھڑنے دیتا نہیں

سو ایک دوجے کو الزام دے رہیں ہم

وہ پیار سمجھے ہے جس کو ہمارا پیشہ ہے

وفا کے نام پہ کرتے ہیں چاکری اس کی
وہ پیار سمجھے ہے جس کو ہمارا  پیشہ ہے

بس ایک رستہ گنہ کا ہی اب نکلتا ہے

صحیح طریقے ہیں جتنے ، قبول عام نہیں

بس ایک رستہ گنہ کا ہی اب نکلتا ہے

تجھے بھی دینی پڑی ہیں وضاحتیں اب تو

تو ہی تو تھا جو کبھی بھی خفا  نہ ہوتا تھا
تجھے بھی دینی پڑی ہیں وضاحتیں اب تو
کئی برس ہوئے تنہائیوں کی عادت ہے
کہ بوجھ لگتی ہیں دل پر رفاقتیں اب تو
وفا کے نام پہ کرتے ہیں چاکری اس کی
محبتیں ہیں اصل میں مشقتیں اب تو
ملازمت کی طرح ہیں محبتیں اب تو

ہم بے ٹھکانہ لوگوں کا نام و پتہ نہ پوچھ

ہمدردی و خلوص کے ذوق و اثر میں ہم
نفرت تک آگئے ہیں وفا کے سفر میں ہم

ہم بے ٹھکانہ لوگوں کا نام و پتہ نہ پوچھ
منزل کو روندھ آئے ہیں شوقِ سفر میں ہم

مہماں نواز ایسے کہ مہمان کے لیے
مہمان بن گئے ہیں خود اپنے ہی گھر میں ہم

رونا تو یہ کہ جس کو سمجھتے تھے دوجہاں
نامعتبر ہوئے ہیں اسی کی نظر میں ہم

مایوس کیوں نہ کرتا یہ صحرائے زندگی
سایہ تلاش کرتے تھے سورج کے گھر میں ہم

آباد تجھ کو کر کے کچھ اجڑے ہیں اس طرح
رشتے بناتے پھرتے ہیں ہر اک نگر میں ہم

جو تیرے خواب میں آتا ہے بن کے شہزادہ

نظر سے دور ہوا آنکھ سے گیا بھی نہیں

وہ ایک شخص جو میرا کبھی رہا بھی نہیں

میں اس کی یاد لیے زندگی گزار گیا

وہ بے خبر مرے بارے میں جانتا بھی نہیں

جو تیرے خواب میں آتا ہے بن کے شہزادہ

وہ بے نصیب حقیقت میں عام سا بھی نہیں

تو جس کے سامنے حدِ ادب میں رہتا ہے

ترے علاوہ اسے کوئی پوچھتا بھی نہیں

تو جس کے قرب میں ڈھونڈے علاجِ تنہائی

 وہ خود اکیلا ہے اتنا کہ آئینہ بھی نہیں

تو جس کے خواب لیے مضطرب سا پھرتا ہے
وہ دنیا دار محبت کو مانتا بھی نہیں 

تک بازی - وہ حیرت و حسرت کا جہاں یاد رہے گا

جدید ادبی تنقیدی فورم کے فی البدیہہ طرحی مشاعرہ ۱۵ جون ۲۰۱۲ میں پیش کردہ غزل

یہ دشت یہ سورج یہ سماں یاد رہے گا
مر کر بھی دکھوں کا یہ جہاں یاد رہے گا

آغاز نہ انجام نہ موجود کو جانوں
تاعمر بس اک وہم و گماں یاد رہے گا

وہ سامنے آئے بھی تو اغیار کے ہو کر
وہ حیرت و حسرت کا جہاں یاد رہے گا

میں بھول بھی سکتا ہوں تری بات کا مطلب
لیکن ترے لہجے کا بیاں یاد رہے گا

ہم اہل دلِ زار تو قاری ہیں نظر کے
اس آنکھ کا ہر اذنِ نہاں یاد رہے گا

ہمیں یوں بھی گوارا ہے، چلو تم "بے وفا" کہہ لو

میں جس سے عشق کرتا ہوں، وہ پاگل سا ہو جاتا ہے

خدایا میری چاہت میں، نشہ ہے یا کہ پاگل پن؟

اگر تم یہ سمجھتے ہو جدا ہونا یوں آساں ہے

ہمیں یوں بھی گوارا ہے، چلو تم "بے وفا" کہہ لو

بٹ گیا سب تو خریدا چلے آئے ہیں

ڈھل گئی  عمر تو سرکار چلے آئے ہیں

جیب خالی لیے بازار چلے آئے ہیں

حسن تھک ہار کے اب ہو بھی چکا بیگانہ

آپ اب عشق میں سرشار چلے آئے ہیں

محفلیں جب تھی جواں دشت میں جا بیٹھے تھے

چھٹ گیا میلہ تو دربار چلے آئے ہیں

جب تلک پاس تھے کچھ فیصلہ دل سے نہ ہوا

ہجر میں عشق کے آزار چلے ائے ہیں

خود کو جب بانٹتے پھرتے تھے کوئی لیتا نہ تھا

بٹ گیا سب تو خریدا چلے آئے ہیں

عشق کی قلم رو میں دل سے جنگ مت کرنا

عشق کی قلم رو میں دل سے بحث مت کرنا

عقل ہار جائے گی، حسن جیت جائے گا

تک بازی

انحراف ادبی فورم کے فی البدیہہ طرحی مشاعرہ ۸ جون ۲۰۱۲ میں پیش کی گئی کاوشِ
بیاد استاد قمر جلالوی

وہ شخص عشق کر گیا احساں کے ساتھ ساتھ
یعنی کہ زخم دے گیا درماں کے ساتھ ساتھ

ہمدردی کی زبان میں لپٹا ہوا تھا پیار
دل بھی دھڑک دھڑک گیا باتاں کے ساتھ

جذبے بہک رہے ہیں عقیدت کے آس پاس
کافر لگے ہوئے ہیں مسلماں کے ساتھ ساتھ

مٹی مرے وجود کی بے چین سی رہے
خود کو بھی ڈھونڈتا ہوں میں یزداں کے ساتھ ساتھ

کچھ پر گری ہیں بجلیاں کچھ بجلی کے بغیر
آزاد بھی اداس ہیں رحماں کے ساتھ ساتھ
(ادریس آزاد بھائی اور رحمان حفیظ بھائی کے نام)

یہ عالم خیال ہے کوئی نہ دیکھے گا
کچھ دیر چل کے دیکھیے ریحاں کے ساتھ ساتھ

مجذوب بن گئے ہیں جو چادر لپیٹ کر

دربار عشق میں بھی دغابازہیں بہت
مجذوب بن گئے ہیں جو چادر لپیٹ کر

وہ جو صدیوں کی مسافت میں ملا ہے مجھ کو

وہ جو صدیوں کی مسافت میں ملا ہے مجھ کو
کیسے کھو سکتا ہوں لمحوں کی خطا میں اس کو

تجھ کو سینے سے نہیں سر سے لگایا میں نے

تجھ کو سینے سے نہیں سر سے لگایا میں نے
اب مرے عشق پہ خواپش کا تو الزام نہ دھر

تو بھی بھٹکا ہوا پھرتا ہے سرابوں میں کہیں

میں بھی بے جوڑ کسی رشتے کی زد پہ آیا

تو بھی بھٹکا ہوا پھرتا ہے سرابوں میں کہیں

ہم بھی آخر انہی قصوں کا ہی کردار ہوئے

جو پڑھا کرتے تھے بچپن کی کتابوں میں کہیں

درگزر کرتا ہوں کہ دیتا ہوں چل جانے دے

اپنے آنسو مری آنکھوں سے نکل جانے دے
لگ جا سینے سے مرا درد پگھل جانے دے

اپنے غم خانے میں پھر لوٹ ہی جانا ہے مجھے
خواب کے چند ہی لمحے ہیں بہل جانے دے

دامنِ عشق بھی سب جھاڑ لیا کچھ نہ ملا
لالچِ حسن نہ دے اب تو سنبھل جانے دے

مار ڈالے گا یہ احساسِ زیاں سورج کو
آخری وقت ہے آرام سے ڈھل جانے دے

دل کی مانوں تو بگڑ بیٹھوں زمانے بھر سے
درگزر کرتا ہوں کہہ دیتا ہوں چل جانے دے

میرے مولا مرا ایمان مکمل کر دے

میرے مولا مرا ایمان مکمل کر دے
یا مجھے کفر میں دل کھول کے جی لینے دے
راستہ بیچ کا لگتا ہے بہت ہی مشکل

ہے پیاس اتنی کہ ساگر بھی گھونٹ میں پی لوں

برسنا ہے تو برس جا مری طلب مت پوچھ
ہے پیاس اتنی کہ ساگر بھی گھونٹ میں پی لوں

عشق بھی مرتا ہے انسان کی صورت ہمدم

عشق بھی مرتا ہے انسان کی صورت ہمدم
جسم رہ جاتا ہے اور روح نکل جاتی ہے

ہائے کس زعم میں ہے اب تک تو

کوئی حصہ نہیں جہاں میں ترا
ہائے کس زعم میں ہے اب تک تو

میں نے روکا نہیں مروت میں

میں نے روکا نہیں مروت میں
جان تک آ گئے عزیز مرے

طرب خانہِ دنیا میں کوئی حصہ نہیں میرا

مجھے برباد ہونا ہے، مجھے برباد ہونے دو
مجبت کھینچ لو واپس، مجھے ناشاد ہونے دو
طرب خانہِ دنیا میں کوئی حصہ نہیں میرا
نہ جھوتے خواب دو دشتِ جنوں آباد ہونے دو

اگر سمیٹنا چاہو سمیٹ لو مجھ کو

اگر سمیٹنا چاہو سمیٹ لو مجھ کو
بس ایک تم ہی مجھے پھر سے جوڑ سکتے ہو
وگرنہ گردِ زمانہ کو آنکھ میں بھر کر
کچھ ایسے بکھروں گا صحرا میں جابجا اے دوست
مرے وجود کا ذررہ بھی مل نہ پائے گا
سو جس کے ہاتھ لگا جتنا اتنا رکھ لے گا
حریص لوگ مجھے ایسے کاٹ کھائیں گے
کہ جیسے مالِ غنیمت بٹے ہے حصوں میں

میرے ماتھے پہ ترا نام لکھا ہے لیکن

روح صحرا میں بھٹکتی پھرے تنہا تنہا
جسم آلائشِ دنیا کی حراست میں ہے
میرے ماتھے پہ ترا نام لکھا ہے لیکن
زندگی ساری کسی اور کی صحبت میں ہے

خود کو تقسیم کیے پھرتا ہوں ماشہ ماشہ

مجھ پہ جو غیر کا قبضہ ہے چھڑایا جائے
جسم اور روح کو یک بار ملایا جائے
خود کو تقسیم کیے پھرتا ہوں ماشہ ماشہ
کوزہ گر پھر سے مجھے چاک پہ لایا جائے

جب تجھے دیکھوں تو احساسِ زیاں بڑھتا ہے

اے مری جانِ جہاں سامنے مت آیا کر
کہ تجھے دیکھ کے احساسِ زیاں بڑھتا ہے

تجھ سے ملنے کی ضرورت ہے مجھے

تم سمجھتے یو سہولت ہے مجھے
سانس لینا بھی مشقت ہے مجھے

میں کسی اور جہاں کا شاید
یہ جہاں باعثِ حیرت ہے مجھے

ڈھونڈتا ہوں کوئی اپنے جیسا
یعنی خود سے ہی محبت ہے مجھے

یہ جو بکھرا سا میں رہتا ہوں اب
تجھ سے ملنے کی ضرورت ہے مجھے

خوش رہیں لوگ یہ عزت والے
دل کی اتنی ہی وصیت ہے مجھے

آنکھ ساگر سی کوئی لے ڈوبے
اب اسی موت کی حسرت ہے مجھے

میں کسی اور جہاں کا شاید
یہ جہاں باعثِ حیرت ہے مجھے

تو ہے مومن تجھے جنت کا یقیں
میری تشکیک قیامت ہے مجھے

چار روپے

وہ ایک ایسا شخص تھا جس کے ساتھ
میرے رشتے کو کوئی نام نہ تھا
یا یوں کہیے کوئی رشتہ ہی نہ تھا
کہ رشتہ تو دو لوگوں کے بیچ ہوتا ہے
وہ تو آتا تھا تو میں بھول جاتا تھا
کہاں ختم ہوتی ہے ذات میری
اور کہاں شروع ہوتی ہے ذات اس کی!!_______
وہ آج آیا، بیٹھا، چائےپی باتیں کی!!
جانے لگا تو اپنے کپ کے پیسے مجھے دے گیا
تب میں نے جانا
کہ میرے سارے جزبات و احساسات محض جھوٹے مفروضات تھے
جن کی قیمت پاکستانی کرنسی کے فقط چار روپے تھی

2004 Zubair Hall!

آدمی ہیں خدا نہیں ہیں ہم

سانپ کھاتا سنپولیے کھائے
ترس کھانا کبھی نہ تم ان پر
سانپ کے بچے سانپ ہی تو ہیں
تم کو ڈ س جائیں گے بڑے ہو کر
اس قدر دردِ دل بھی اچھا نہیں
آدمی ہیں خدا نہیں ہیں ہم

روشنی خوابِ محبت سے ضروری ٹھہری

خٔواب رکھ آیا ہوں طاقوں میں چراغوں کی جگہ
روشنی خوابِ محبت سے ضروری ٹھہری

میں نے جس کے لیے تج دی تھی جوانی کی بہار

ذات کا محل گرا ڈالا کہ پوشیدہ تھی
میری تخریب میں تعمیر مرے بچوں کی
میں نے جس کے لیے تج دی تھی جوانی کی بہار
اب وہی میرے بڑھاپے کی اڑاتا ہے ہنسی

آغاز سےانجام تک چاہت کی اتنی داستاں

آغاز سےانجام تک چاہت کی اتنی داستاں
مجبوریاں مجبوریاں مجبوریاں مجبوریاں

مجھے لگ رہا ہے کہ اس خوبرو پر محبت کا آسیب چھایا ہوا ہے

کبھی گنگھرئوو ں کی کبھی قہقہوں کی کبھی رونے والوں کی آواز آئے
مجھے لگ رہا ہے کہ اس خوبرو پر محبت کا آسیب چھایا ہوا ہے

اتفاقا ملا ہوں میں تجھ سے

اتفاقا ملا ہوں میں تجھ سے
اتفاقا بچھڑ بھی سکتا ہوں
اب بہت راس ہوں تجھے لیکن
آدمی ہوں بگڑ بھی سکتا ہوں

دنیا کی اوقات

آج میں جان گیا دنیا کی اوقات کہ جب
بیٹےنے باپ کے رخسار پہ تھپڑ مارا

اے مصور ذرا اس عشق کو تصویر تو کر

ہم بڑی دیر سے رستے میں کھڑے ہیں چپ چاپ
آگے بڑھتے ہیں تو اب راہیں جدا ہوتی ہیں

اے مصور ذرا اس عشق کو تصویر تو کر
دل ملے جائیں مگر باہیں جدا ہوتی ہیں

خواب میں کچھ تو بھرا ہے کہ چھلکتا جائے

دل میں ٹھہرے ہے نہ پلکوں پہ ہی رکھا جائے
خواب میں کچھ تو بھرا ہے کہ چھلکتا جائے

ایسی ناکام محبت کا کوئی کیا کر لے
وہ مرے ساتھ چلے اور نہ تنہا جائے

مسئلہ قرب و جدائی کا تو چھوڑو کہ ابھی
عشق کس طرز کا ہوگا یہی سوچا جائے

ذہن بھی سوچ بھی آنکھیں بھی جگر بھی دل بھی
سب ترا پھر بھی مجھے غیر کا سمجھا جائے

جان تو یار کی چوکھٹ پہ ہی دھر آئی وہ
جسم کیا لاش ہے اب جس کو بھی سونپا جائے

مجھ کو معلوم ہے اوقات مقددر کی مگر
دل بہلتا ہے جو خوابوں سے بہلتا جائے

خود کو ایذا نہیں دیتا مگر اس عشق میں اب
درد کا کوئی نشہ سا ہے کہ چڑھتا جائے

میری تنہائی مرےچاروں طرف پھیلی ہے

میری تنہائی مرےچاروں طرف پھیلی ہے
مجھ تک آتے ہوئے تنہا نہ کہیں ہو جانا
تو نے رکھا ہے زمانے کے رواجوں پر پائوں
مہم اچھی ہے پہ رسوا نہ کہیں ہو جانا

تمہاری ذات میں میری بھی حصے داری ہے

یہ کیسے سوچ لیا خود کو مار دو گے تم
تمہاری ذات میں میری بھی حصے داری ہے

کبھی کبھی تو مجھے یوں گمان ہوتا ہے
جو لے رہا ہوں میں وہ سانس بھی تمہاری ہے
بہت عجیب محبت کے سلسے ہیں دوست
عجیب قسم کی چاہت ہے بانٹتی ہے مجھے
کہیں پہ جسم دھرا کہیں ہیں پہ روح مری

اب اور مجھ سے نہ کہنا کہ وقت مرہم ہے
تمام عمر یہی سوچ کر گزاری ہے

تو مرے ساتھ سہی سائے کی صورت لیکن

تو مرے ساتھ سہی سائے کی صورت لیکن
میری تنہائی مری ذات کے اندر تک ہے

واجبی سا ہی تعلق ہے شب و روز کے ساتھ

واجبی سا ہی تعلق ہے شب و روز کے ساتھ
ان کو مجھ سے کوئی مطلب نہ مجھے ان کی خبر

مری ماں تیری رحلت نے تو دنیا ہی بدل ڈالی

  حامد محبوب صاحب کی والدہ ماجدہ کے انتقال پر کچھ اشعار لکھےہیں۔

خدارا آسمانوں کا یہ چہرہ اور ہے کوئی
یہ سورج اور ہے کوئی یہ چندا اور ہے کوئی
یا
وہ چندہ اور تھا کوئی یہ  گولہ اور ہے کوئی

مری ماں تیری رحلت نے تو دنیا ہی بدل ڈالی
وہ دنیا اور تھی کوئی یہ دنیا اور ہے کوئی

جو تیری گود میں خوش تھا، وہ تیرے ساتھ ہی ہوگا
مری ماں تیری فرقت میں یہ روتا اور ہے کوئی

میں اپنے آپ کو بھی اجنبی سا لگ رہا ہوں اب
وہ بچہ اور تھا کوئی ، یہ بوڑھا اور ہے کوئی

بہت ہی کھوکھلے سے ہیں سبھی رشتے سبھی جذبے
جو رب نے ماں سے باندھا ہے وہ دھاگا اور ہے کوئی

یہ میری شاخ سے ٹوٹا گلاب دیکھو تو!

یہ میری شاخ سے ٹوٹا گلاب دیکھو تو!
مرے پسر کی ذرا آب و تاب دیکھو تو!

پائوں میں بیڑیاں سہی آنکحھ تو آسماں پہ ہے

پائوں میں بیڑیاں سہی آنکحھ تو آسماں پہ ہے
زندگی خاک میں سہی، خواب تو کہکشاں پہ ہے

میں وہ پرندِ پر نوا، جب سے قفس میں قید ہوں
سارے چمن میں رقص ہے گیت مری زباں پہ ہے

تجھ کو بہشت کی طلب، تیرا سفر طویل تر
میں کہ رضا پہ راضی ہوں، مجھ کو سکوں یہاں ہہ ہے

تو ہے فقط تماش بیں زندگی اور کسی کی ہے
بولیے کس کا جسم ہے، سوچیے کون جاں پہ ہے

ماں

ہستے رہتے تھے اگر ڈانٹ بھی پڑ جاتی تھی
ہم کو معلوم تھا ناراض نہیں ہوتی ماں

اے مرے دیدہِ تر تجھ سے میں شرمندہ ہوں

اے مرے دیدہِ تر تجھ سے میں شرمندہ ہوں
کہ کسی خواب کی تعبیر نہ دیکھی تو نے

سینے سے دل نکال کے رکھنا پڑا مجھے

سمجھوتا زندگانی سے کرنا پڑا مجھے
آخر ہوا کے ساتھ ہی چلنا پڑا مجھے

میں شیر دل تھا رسمِ زمانہ سے لڑگیا
لیکن یہ جنگ جیت کے مرنا پڑا مجھے

جس کو حریف جان کے تلوار تھا می تھی
اس کا حلیف دیکھ کے جھکنا پڑا مجھے

یہ کیسی دو رخی ہے کہ بچپن سے جو پڑھا
ہو کر بڑا اسی سے مکرنا پڑا مجھے

"لالچ بری بلا" ہو کہ "سچ بول کا ثمر"

 وہ سب نصاب پھر سے پرکھنا پڑا مجھے

چاہت کا کوئی ربط عداوت نہ دوستی

سینے سے دل نکال کے رکھنا پڑا مجھے

میں شیر دل تھا رسمِ زمانہ سے لڑ گیا

سمجھوتا زندگانی سے کرنا پڑا مجھے
آخر ہوا کے ساتھ ہی چلنا پڑا مجھے
میں شیر دل تھا رسمِ زمانہ سے لڑ گیا
لیکن یہ جنگ جیت کے مرنا پڑا مجھے

تیری ہنسی سے میری ہیں سانسیں جڑی ہوئی

دیکھو خدا کے واسطے روٹھا نہ کیجیو
تیری ہنسی سے میری ہیں سانسیں جڑی ہوئی

تری اداسی مری جاں نکال دیتی ہے

ترے لبوں پہ پوں قرباں چٹکتی کلیاں تمام
تری اداسی مری جاں نکال دیتی ہے

رات

سونے والوں کو پتہ رات کسے کہتے ہیں
ہم تو اندھیرے اجالے  کا فرق جانتے ہیں

فرق = غیر موزوں

شدتِ جذبہِ وصال نہ پوچھ

اب محبت میں وہ مقام آیا

کہ تری یاد میں بدن ٹوٹے

شدتِ جذبہِ وصال نہ پوچھ

دل کی دھڑکن سے جانو تن ٹوٹے

خود کشی کرنے والی عورت

خود کشی کرنے والی عورت نے
جب سے بچے جنے ہیں سوچتی ہے
اب اکٹھے مریں گے ہم تینوں

ایک تم سے ہے گفتگو دل کی

ایک تم سے ہے گفتگو دل کی
ورنہ چپ چاپ عمر کاٹی ہے

تو نے بولا ہے ساتھ مشکل ہے

آج تو نبض ڈوبتی جائے
تم نے بولا ہے ساتھ مشکل ہے

کسی رشتے کا کوئی چہرہ نہیں

اپنے ہاتھوں سے اپنے بیٹے کا
جو دبا دے گلا وہ ایک شخص
جانے کس نظریے پہ زندہ ہے
پس یہ ثابت ہوا کہ دنیا میں
کسی رشتے کا کوئی چہرہ نہیں
کوئی مطلق کسی کا ہوتا نہیں

کس طرح زندگی سے بہلے گا

خود کشی مشغلہ ہو جس کا وہ
کس طرح زندگی سے بہلے گا
جو دعائوں میں موت ماگتا ہو
اپنی اولاد کو وہ کیا دے گا

بہت کمزور سے لگتے ہیں سبھی لوگ مجھے

بہت کمزور سے لگتے ہیں سبھی لوگ مجھے
زرد پتے ہوں کسی شاخ پہ لٹکے جیسے

آندھی آتی ہے تو دالان میں آ گرتے ہیں
لیکن آندھی بھی ضروری تو نہیں ہے صاحب

یوں بھی ہر روز کئی گرتے ہیں ہو کر بوڑھے

وقت چپ چاپ کیے جاتا ہے سب کچھ مٹی

تو میرے خون میں شامل تو میری روح میں ہے
قراق و وصل کا جھگڑا تو اب رہا ہی نہیں

نوحہِ درد

نوحہِ درد بھی ہوگا تو کہاں تک ہوگا
تنگ آجائوں گا ہر روز کی تکرار سے میں

سانس بھی مسلسل ہے، تیری یاد کی صورت

زندگی کا کچھ یوں بھی، تجھ سے سلسلہ نکلے
سانس بھی مسلسل ہے، تیری یاد کی صورت

یہ لوگ ضائع کر دیں گے

مجھ کو چھپا کے رکھ لو کسی کو نہ دیجیو
یہ لوگ ضائع کر دیں گے تم کو پتہ تو ہے

بیت باز

ہجومِ شہر بھی طارق عزیز بھی برہم
کہ جیت جائیں گے پھر سے یہ بیت باز مرے

اپنے دامن سے گانٹھ دے مجھ کو

تیری قربت کہ چند لمحوں میں
ہم نے صدیاں گزار لیں جیسے

تیری آنکھوں کی گہری جھیلوں میں
ہم نے آنکھیں اتار دیں جیسے

تیرے ہونٹوں کے نرم گوشوں میں

زندگی کا سراغ ملتا ہے

تیری باتوں میں ہے مسیحائی

نیم جاں سانس لینے لگتا ہے

تیرے پہلومیں نیند جیسا سکوں

اپنے پہلو میں باندھ لے مجھ کو

تیری آغوش جنتوں جیسی

اپنے دامن سے گانٹھ دے مجھ کو

تیرا چہرہ ہٹا نہ پلکوں سے

آج پھر سو نہیں سکا شب بھر
نیند آنکھوں میں کس طرح آتی

تیرا چہرہ ہٹا نہ پلکوں سے

پھر سے تعمیر کر دیا تو نے

منہدم ہوچکا تھا کھنڈر تھا
پھر سے تعمیر کر دیا تو نے

مجھ کو دنیا میں مل گئی جنت

مجھ کو دنیا میں مل گئی جنت
میں محبت میں مر گیا تھا دوست

ترے بغیر بھی زندہ ہیں ہم مگر ایسے

ترے بغیر بھی زندہ ہیں ہم مگر ایسے
کہ سانس لینا گنہ میں شمار ہوتا ہے

دل میں جنت کا خٔواب رکھا ہے

جسم دوزخ میں جل رہا ہے مگر
دل میں جنت کا خٔواب رکھا ہے
رات بھر نیند آئے گی کیسے
شبستاں میں عذاب رکھا ہے

غم کا کوفہ ہے مگر اشک یزیدی ایسے

کاغذی پھول سے خوشبو کا تقاضا کر کے
بہت شرمندہ ہوں پتھر کو میں سجدہ کر کے

آنکھ تو دل سے  بھی بڑھ کر ہے دوانی لوگو
جو اٹھا لائی ہے پیتل کو بھی سونا کرکے

تم مقلد ہو محبت کے وفا کے دل کے
ایسی تقلید تمہیں چھوڑے گی رسوا کر کے

ہاتھ جذبات کا تھاما تھا چلا تھا جب میں
وقت دلدل میں مجھے لایا ہے تنہا کر کے

غم کا کوفہ ہے مگر اشک یزیدی ایسے
آنکھ کو چھوڑ گئے پیاس کا صحرا کر کے

جو میری ذات کے اندر ہے مجھ سے بھی زیادہ

جو مجھ سے بڑھ کے مری ذات میں سمایا ہے
وہ میرے حال سے واقف نہیں ہے حیرت ہے

مان لیتے ہیں ترے ہجر میں زندہ ہیں ہم

سانس لینے کو اگر زندگی کہتا ہے تو

مان لیتے ہیں ترے ہجر میں زندہ ہیں ہم

فشارِ خون

فشارِ خون میں سستی کبھی یہ دردِ سر!

جدائیوں کے ہیں آثار اور کچھ بھی نہیں

تجھ سے پہلے میں زمانے کا ہوا ہی کب تھا

کائینات اپنی فقط تیرے ہی ہونے سے ہے

تجھ سے پہلے میں زمانے کا ہوا ہی کب تھا

کتنے بے بس ہیں ترے ہجر میں جینے والے

کتنے بے بس ہیں ترے ہجر میں جینے والے

آہ بھر لیتے ہیں دم سادھ کے سوجاتے ہیں

آج تو چاند بھی میں توڑ کے لے آیا ہوں

آج کی شب تو مرے ساتھ گزارو ہمدم

آج تو چاند بھی میں توڑ کے لے آیا ہوں

تیرے ہستے ہوئے چہرے پہ ہو سب کچھ قرباں

سو ترےواسطے سب کچھ ہی اٹھا لایا ہوں

مری نمود تری شاخ پر ہی ممکن ہے

مری نمود تری شاخ پر ہی ممکن ہے
مگر خزاں کی ہوا مجھ کو توڑنا چاہے

زمانہ بانٹ گیا مجھ کو لاکھ حصوں میں

یہ عشق تیرا مجھے پھر سے جوڑنا چاہے

جنگ دنیا سے جیت لی تم نے

جنگ دنیا سے جیت لی تم نے

اب تو چھوڑو جہان کی باتیں

آئو چھپ جائو میرے سینے میں!

زیست کا حاصل

 جو مری زیست کا حاصل ہے وہی ایک شخص

میری تعمیر میں خود نیست ہواجاتاہے

وہ ہے تعمیر کرتا جاتا ہے

مجھ کو تسخیر کرتا جاتا ہے

اپنی جاگیر کرتا جاتا ہے

میں تھا ٹوٹی لڑی مگر وہ شخص

مجھ کو زنجیر کرتا جاتا ہے

وہ مقدر سے ہارتا ہی نہیں

روز تدبیر کرتا جاتا ہے

لوگ مسمار کرتے رہتے ہیں

وہ ہے تعمیر کرتا جاتا ہے

میں اسے خواب دیتا رہتا ہوں

اور وہ تعبیر کرتا جاتا ہے