انسانیت

سو بہانے ہیں روٹھ جانے کے
ایک سو اک ملن کا رستہ ہے
 سانجھ اتنی بہت ہے ہم سب کو                                                                                                       
بھوک لگتی ہے درد ہوتا ہے  

ان پڑھ

کورے چٹے ان پڑھ ماپے مت دیاں گلاں دسدے
ਕੋਰੇ ਚਿੱਟੇ ਅਨਪੜ੍ਹ ਮਾਪੇ ਮੱਤ ਦੀਆਂ ਗੱਲਾਂ ਦੱਸਦੇ
 سچ سیانیاں آکھیا سی توں بات شروع جو کردے
 ਸੱਚ ਸਿਆਣਿਆਂ ਆਖਿਆ ਸੀ ਤੋਂ ਬਾਤ ਸ਼ੁਰੂ ਜੋ ਕਰਦੇ
سچ پچھے تاں ورثہ ساڈا ان پڑھ سانبھ کے رکھدے
ਸੱਚ ਪੁੱਛੇ ਤਾਂ ਵਿਰਸਾ ਸਾਡਾ ਅਨਪੜ੍ਹ ਸਾਂਭ ਕੇ ਰੱਖਦੇ
ماں بولی نوں بھل جاندے جو سبق اسکولیں پڑھدے
ਮਾਂ ਬੋਲੀ ਨੂੰ ਭੁੱਲ ਜਾਂਦੇ ਜੋ ਸਬਕ ਅਸਕੋਲੀਂ ਪੜ੍ਹਦੇ



ابّا میں  اسکول نئں جانا جے اوتھے
ਅੱਬਾ ਮੈਂ  ਅਸਕੂਲ ਨਈਂ ਜਾਣਾ ਜੇ ਓਥੇ

 ماں بولی جے بولاں مینوں مار پوے
ਮਾਂ ਬੋਲੀ ਜੇ ਬੋਲਾਂ ਮੈਨੂੰ ਮਾਰ ਪਵੇ

دنیا دار

/بیچتا/ بانٹا ہے جو جہاں بھر میں چِراغ اور شمعیں
اس کے دامن میں بجُز تیرہ شبی کچھ بھی نہیں
جیب میں لے کے پھرے رنگ برنگے چہرے
دُنیا دار آدمی سا کوئی منافق ہی نہیں

ਬਾਂਟਤਾ ਹੈ ਜੋ ਜਹਾਂ ਭਰ ਮੈਂ ਚਿਰਾਗ਼ ਔਰ ਸ਼ਮਈਂ
ਉਸ ਕੇ ਦਾਮਨ ਮੈਂ ਬਜੁਜ਼ ਤੀਰਾ ਸ਼ਬੀ ਕੁਛ ਭੀ ਨਹੀਂ

ਜੇਬ ਮੈਂ ਲੈ ਕੇ ਫਿਰੇ ਰੰਗ ਬਰੰਗੇ ਚਿਹਰੇ
ਦੁਨੀਆਦਾਰ ਆਦਮੀ ਸਾ ਕੋਈ ਮੁਨਾਫ਼ਿਕ ਹੀ ਨਹੀਂ
Rehan Chaudhry

عِشقا، بجھدا جاندا اے

سورج ڈُبدا جاندا اے
بُڈھا مُکدا جاندا اے

نیناں اوت نپُتِّیاں دا
سُفنا ٹُٹدا جاندا اے

حُسنا! تھوڑا روپ چُوا
عِشقا، بجھدا جاندا اے

ملماں مل مل کُوڑھ دیاں
چہرہ لُکدا جاندہ اے
دھرتی!، تیرا جایا وی
تینوں بھلدا جاندا اے

ماں بولی دا قرضہ سِر
تے سِر جھکدا جاندا اے
 

اک یہی پُل تو ملاتا ہے بزرگوں سے ہمیں

موج میں میں آئی ندی کو نہیں موڑا کرتے
اپنی مٹی سے روابط نہیں توڑا کرتے
اک یہی پُل تو ملاتا ہے بزرگوں سے ہمیں
اپنی ماں بولی کا دامن نہیں چھوڑا کرتے

آہ انسان کی نفرت نے بنائے بارڈر

خواب تعبیر کے گملے میں لگاوں کیسے
ایک احساس ہے لفظوں میں بتاوں کیسے
میرا مٹی سے تعلق ہے بہت ذاتی سا
مذہب و قوم کی تشریح میں لاوں کیسے


یہ زمیں گول ہے رکتی نہیں سڑکیں اس کی
گھومنا چاہو تو تا عمر ہی چلتے جاو

!آہ انسان کی نفرت نے بنائے بارڈر

پنجابی مشق

ہرنی ورگی ٹور نئیں لبھنی منّیا میں
تیرے جیہی ہور  نئیں لبھنی منّیا میں
دکھدا پِنڈا پل وچ درداں بھُل جاندا
ایہو جئی ٹکور  نئیں لبھنی منّیا میں
لڑن لگے وی باری دل دی بھیڑدی نئیں
اکھ دی ایسی چور  نئیں لبھنی منّیا میں
وٹ پوے تے عطر دی شیشی ڈُل جاندی
مہک اے چوہندے ثور  نئیں لبھنی منّیا میں
پیر دھرے تے ویہڑے چاننی بھر جاندی
چاندی دی او ڈور  نئیں لبھنی منّیا میں

یہ زمیں کچھ نہیں، کچھ بھی نہیں انساں کے بغیر

رونقیں ، حسن، محبت کے اجالے ، خوشبو،
یہ زمیں کچھ نہیں، کچھ بھی نہیں انساں کے بغیر

اُتّوں لامبر دیو، تھلوں پھٹ پو گا

کنڈے بیجیں تاں، پھل اگدا نئیں،
گالاں کڈ کڈ کے، کوڑھ مکدا نئیں
 اُتّوں لامبر دیو، تھلوں پھٹ پُو گا
بوٹا پیار دا ہے، کدے سکدا نئیں
کند کر دتّی، بوہا بن جُو گا
اے میل دلاں دا کدے ٹُٹدا نئیں
جنگ وِڈ لئی تاں، کِی کھٹ لَوں گیں
بندے ماریاں تے، کجھ لبھدا نئیں
اے دھرتی ماں، آپاں ماں جائے
ککھ ماں دی اجاڑدا، تو شرمدا نئیں؟




لامبرنا = pruning

دلکش ہیں سارے چاند فقط آسمان پر

افسوس یہ نہیں کہ اسے پا نہ سکے ہیں
صدمہ یہ دل کو ہے کہ وہ دل سے اتر گیا

دلکش ہیں سارے چاند فقط آسمان پر

واہگہ باڑدر تے

پانی نہر دا وگدا بن ویزے
پرا دکھن وی چلدا بن ویزے
پنچھی چگدا پھردا بن ویزے
 کتا بلا وی لنگدا بن ویزے

بس کوڑھ ہے بندیاں دے دلاں اندر
بندا لنگ نئیں سکدا بن ویزے

اک نسل مر گئی ہے اسی انتطار میں

بارڈر کھلے گا جائیں گے، سرحد کے پار ہم
اپنے پرانے گاوں کی مٹی کو چومیں گے
مٹی کہ جس میں دفن بزرگوں کی ہڈیاں
مٹی کہ جس سے پھوٹا مرا لہجہ اور زباں
بارڈر کھلا نہ مٹ سکیں صدیوں کی دوریاں
سب خواب چھلنی ہو گئے، آہن کی تار میں
بارڈر کھلے گا جائیں گے، سرحد کے پار ہم
اک نسل مر گئی ہے اسی انتطار میں

بچا ہی کچھ نہیں اس جسم و جاں کے گاوں میں

سفید روشنی پھونکی، ملا گھٹاوں میں
فلک سے ٹوٹ گیا چاند،  آیا پاوں میں

 زمیں نے پکڑا نہ آکاش نے بڑھایا ہاتھ
دوانہ وار بھٹکتا گیا خلاوں میں

نہ کوئی جانے نہ بوجھے، نہ حال تک پوچھے
بے چہرہ ہو کے جیے گا وہ سب سزاوں میں

 بس اک ضمیر کی آوازوہ بھی ہلکی سی
بچا ہی کچھ نہیں اس جسم و جاں کے گاوں میں

یہ کیسے وار کیا میں نے اپنے دشمن پر
کہ میرا سر ہی گرا کٹ کے اُس کے پاوں میں


  میں اپنے اپ تلک کس کے آسرے آتا
مرا خدا بھی تو گم ہو گیا خداوں میں

----------------------------------------------


گرے گی جا کے کہیں تو پتنگ ڈھیلی ہے
سو ڈور کھینچ لے، مت چھوڑ یوں ہواوں میں

یہ مرد

روح کے نغمہ ِ شیریں سے رہی بہلاتی
سالہا سال یہ منتر کیا اس نے مجھے پر
سن لیا ہو گا کہیں، مرد کی منزل کیا ہے
اس دفعہ جسم نچھاور کیا اس نے مجھ پر

وہ نہیں جانتی کتنے ہیں کمینے یہ مرد
آ کے منزل پہ بدل لیتے ہیں رستے یہ مرد

جو اختلاف ہے سوچوں کا پیدا کردہ ہے

تمام لوگ مقدس ہیں آدمیت میں
جو اختلاف ہے سوچوں کا پیدا کردہ ہے
جو بانٹے نفرتیں، اس سے گریز کرتے رہو
بس ایک نکتہ بزرگوں سے میں نے سمجھا ہے


तमाम लोग मुक़द्दस हैं एक जैसे हैं
जो इख़तिलाफ़ है सोचों का पैदा-कर्दा है
जो बाँटे नफ़रतें, इस से गुरेज़ करते रहो
बस एक नुक्ता बुज़ुर्गों से मैंने समझा है

دو قومی نظریہ

 !جب اجاڑے پڑے تھے
وہ بتا رہی اور رو رہی تھی
کبھی روتے روتے بتانے لگتی
کبھی بتاتے بتاتے رونے لگتی
"
میرے دادا کا نام بوٹا تھا
اس کے سامنے جب بھی
"کوئی کسی "گُڈو"
نام کی لڑکی کا ذکر کرتا تو وہ دھاڑیں مار کر روتا
کہہ رہی تھی
!جب اجاڑے پڑے تھے
میرے داد کے گیارہ بچے تھے
کل ملا کے کتنے ہوئے؟؟
تیرہ ہوئے نا!
تو وہ تیرہ تھے
بس ایک میرا ابا اور داد
سرحد کے پار آپائے
جب دھاوا بولا گیا تھا ہمارے گاوں پر
ابا اور داد باہر تھے
وہ گھر آئے تو سب کی لاشیں بکھری پڑی تھیں
 گھنٹوں وہ لاشیں گنتے رہے
میرے چھوٹے چاچے کی
"سر کٹی لاش "پاتھیوں
کی گہوڑی سے ٹیک لگاَئےہوئے تھی
تازہ کٹی گردن سے اب تک خون کا فوارہ چھوٹ رہا تھا
 (اس کا سر شاید وہ ساتھ لے گئے تھے)
سارہ گوبر سرخ ہو چکا تھا
کوئی کھرلی میں،
کوئی چھت پہ،
کوئی دروازے پہ کوئی نالی میں
وہ دس لاشیں تھیں!
گھر کا کونہ کونہ چھان مارا
 لیکن میری پوا
(پھوپھی)
گڈو کی لاش نہیں تھی
مایوں بیٹھی
پوا کی بارات
بینڈ باجوں والوں  کی بجائے
نیزوں، اور بھالوں والے لائے  تھے
اجاڑوں کے دو سال بعد
داد تو چل بسا
بارہ سال بعد
کسی نے سرحد پار ہماری پوا کی خبر تھی
وہ زندہ تھی
اور پانچ بچوں کی ماں تھی
گاوں کے نمبردار نے
پریا پنچایت اور پولیس کے ساتھ
سرحد پار چھاپہ مار
اور پوا کو ڈھونڈ نکالا
وہی پوا
جسے اجاڑوں میں
افراد نے آغوا برائے عصمت دری کیا
اسے اب حکومت
اغوا برائے غیرت کرنے جا رہی تھی
وہ چیخی چلائی،
روئی، پیٹی
پلہ اڈ آد رب کو پکارتی رہی
نہ آسمان سے کوئ معجزہ اترا
نہ زمیں سے کسی ولی نے کرامت دکھائِی
پانچوں بچے سرحد پار چھوڑ،
جس میں ایک شیر خواد بھی
اسے سرحد پار کھینچ لایا گیا
اور اس کا ویاہ
 پھر سے اسی سے ہوا
اجاڑوں سے پہلے
جس کی وہ منگ تھی

 وہ کہہ رہی تھی
!!!!!ہائے یہ اجاڑے
اس کرماں جلی عورت نے
پہلے کئی سال اپنے میکے کو روتے روتے
گزار دیے
اسے آہنی زنجیر
اور تالوں، کنڈیوں سے قید کیا گیا
اولاد کی
زنجیر پاوں پڑی
تو دوسری زنجیریں کھول دی گئیں
اور اب چھڑوانے والے اسے
اولاد کی زنجیروں سے بھی چھڑوا کر لے گئے

وہ بتا رہی تھی
کہ ادھر ا کر
کہ پوا راتوں کو اٹھ اٹھ کر
بھاگتی تھی
اسے پاگل پن کے دورے پڑتے
اور گاوں والے تف تف کرتے
اور ایک پاگل پن کا دورہ ایسا پڑا
"کہ وہ دوبارہ ہوش میں نہ آسکی


میں نے لمبی سی آہ بھری اور کہا
آپ کے خاندان نے جتنی قیمت دی ہے
آپ سے زیادہ کون جانتا ہو گا دو قومی نظریہ کو ؟؟
تو اس  نے حیرت سے پوچھا
!!! یہ دو قومی نظریہ کیا ہوتا ہے

کوئی تو ہو جو محبت کی بات کرتا ہو

فصیلیں توڑتا، چاہت کی بات کرتا ہو
دلوں کو جوڑتا، الفت کی بات کرتا ہو
ہر اک خبر میں ہیں دنگے فساد اور جنگیں
کوئی تو ہو جو محبت کی بات کرتا ہو


اپنے لوگوں میں اجنبی ہوں اور÷
اجنبی لوگوں میں پرایا ہو
میں کہ جنگل کو کوئی تھوہر تھا
خواہ مخواہ میں گملے میں لگا یا ہوں

گیت

ایہہ فصلاں لہو نال سینجیاں
کنہاں بیجیاں کنہاں گھر جانیاں
ایہہ چڑیاں بنیریوں اڑیاں
مڑ ویہڑے نئیں آنیاں
ہائے اوئے میریا ڈاہڈیا ربّا
کنہاں جمیاں کنہاں لے جانیاں

اوہ ---- اوہ دھیاں
اوہ اے دھیاں دھیانیاں نمانیاں

میکے دی لجن نو پالدے پالدے
ویراں دی پگ نوں سانبدے سانبدے
اپنا تن تے من وارنیاں


اوہ ---- اوہ دھیاں
اوہ اے دھیاں دھیانیاں نمانیاں

یہ جو سرحد ہے

اک ندی خون کی ہے
یہ جو سرحد ہے
کتنے بے نام سے تیراک تھے جو کودے تو بلبلہ تک بھی نظر نہ آیا
اور جب قافلے چلے تھے ندی کے پار جانے کو
توسب برہنہ سر تھے
 ہم نے دیکھا تھا
شملوں ، پگڑیوں اور دستاروں کو پیروں تلے
سب برہنہ سر تھے
 ہم نے دیکھا تھا
چادروں کو, چنریوں کو، برقعوں کو
کیکروں میں، کھیتوں میں، گندے نالوں میں بازاروں میں،
 ہاری ہوٗی سپاہ کے پھٹے ہوٗے پرچموں کی طرح پاٗمال
ہم نے دیکھا تھا
شیر خوار شورمچاتے بچوں کو جھاڑیوں، بھوجھوں اور کما دوں میں پھینکے ہوٗے
(نادان نہیں جانتے تھے کہ رات گٗئے اور چوری چھپے کی ہجرت میں رو رو کے دودھ نہین مانگتے، انہیں پھینکنا ہی بہتر تھا)
ہم نے دیکھا تھا بزرگوں بیماروں , معذوروں کوسفر سے تھک ہار کے، راستوں میں بےآ سرا لیٹے ہوٗے
جنہیں ان کے عزیز نفسا نفسی کے عالم میں ، چھوڑ بھاگ گٗے تھے
(وہی نفسا نفسی جن کی بابت علما بتاتے ہیں
حشر کا دیہاڑا ہوگا
نہ ماں بیٹے کی، نہ بیٹا باپ کا، نہ بھاٗی بھاٗی کو پہچانتا ہوگا)

بہت سے کٹ مرے تھے رستوں میں،
جو بچ نکلے وہ بھی
خالی کھوکھلے تن تھے
جو دفن تو اُس پار ہوئے
لیکن زندہ اِس پار رہے

ہم کو معلوم ہے،
اجاڑے کی تفصیل
بھٹوارے کا دکھ
ہجرت کا کرب
اور
!!!!نفرت زدہ آزادی کے معانی
اک ندی خون کی ہے
یہ جو سرحد ہے

نظر رکی بھی رہے تو نظارہ چلتا رہے

ہر ایک رت کے نئے پھول ہیں نئی خوشبو
نظر رکی بھی رہے تو نظارہ چلتا رہے
کمال وقت ہے لمحے میں پھیرتا ہے برش
پرانے نقش مٹاتا نئے بناتا رہے

بارش و بادل و مہتاب و مہر سا میں بھی
ایک بے کار سے معمول میں مصروف بہت ہوں

فقیرنی نے دیا تھا کرایہ دن بھر کا

نشے کا ٹیکہ لگاتے ہی مر گیا بچہ
صبح سے شام تلک پھر بھی گود میں ہی رہا

فقیرنی نے دیا تھا کرایہ دن بھر کا

لائی ہوں مانگنے کو، بچہ کرائے کا ہے

لائی  ہوں مانگنے کو، بچہ کرائے کا ہے
زندہ بھی مالکوں کا، مردہ بھی مالکوں کا

دودھ پیتے ہوئے بچے بھی کماتے ہیں یہاں

کاروبار اتنا مرے ملک میں ہے کیا کہیے

دودھ پیتے ہوئے بچے بھی کماتے ہیں یہاں

مانگنے والیاں لاتی ہیں کرائے پہ انہیں

اور نشہ دے کے کیے رکھتی ہیں دن بھر بے سدھ

بھوک اور پیاس میں، سردی میں کبھی گرمی میں

روز معصوم کئ جان گنواتے ہیں یہاں

کاروبار اتنا مرے ملک میں ہے کیا کہیے

دودھ پیتے ہوئے بچے بھی کماتے ہیں یہاں

آخری فصیل

بانا وی آگیا نواں بولی وی مر گئی

 پڑھ پُڑھ گئے جواک تے شہراں چ آ گئے

 - میں آخری فصیل واں اپنے وسیب دی

تعلق مر بھی سکتا ہے

محبت کو تعلق سے نہ وابستہ کر اےناداں
تعلق مر بھی سکتا ہے، محبت زندہ رہتی ہے

رمضان کا مہینہ چلا آیا جون میں

رمضان کا مہینہ چلا آیا جون میں 

(:کچھ ناقص العقیدہ بڑی مشکلوں میں ہیں

لڑتے ہیں بوند بوند پہ اہلِ خدا مگر

جنت کا دو فریب تو جاں تک بھی وار دیں

زینت ِ دنیا بھی اور آنکھوں کی ٹھنڈک بھی ہیں

زینت ِ دنیا بھی اور آنکھوں کی ٹھنڈک بھی ہیں

سیر کو نکلوں تو دیتا ہوں دعائیں دل سے

یہ حسیں لوگ سلامت رہیں آباد رہیں

خواەشيں  ناتمام و آوارە
زندگي بے لگام و آوارە
حسن کيا کيا نکاليں تاويليں
عشق بس تشنە و کام و آوارە
تم خداووں کے خاص بندے يو

تم خداوں کی انگلی تھامے ہو
ميں اکيلا و عام و آوارە
مرے رستے ەيں منزلوں سے الگ
ميں ەوں اک خوشخرام و آوارە

شاعری

موسمِ گل کی طرح اس کے بھی موسم ہیں میاں

شاعری فرض نہیں ہے کہ ہمیشہ کی جائے!

معيار

شمعِ بزم هوِءے پردوں ميں رهنے والے
وقت کے ساته بدل جاتے ەيں معيار سبهي

ہر دور میں رہیں گے ذہین اور حسین لوگ

دھرتی کی کوکھ بانجھ نہیں ہوتی دوستو

ہر دور میں رہیں گے ذہین اور حسین لوگ

ساہ وچ ہوکا اکھ وچ ہنجو کھارا اے

 پنجابی مشق

ساہ وچ ہوکا اکھ وچ ہنجو کھارا اے
توں کی جانے ساڈا کیویں گزارا اے
ادھی راتی اٹھ اٹھ بک بُک روندے آں
 یار وچھوڑا ساڈے وس توں پََا را اے


اپنا بیجیا اک دن وڈنا پے جو کا
بالی اگ وچ آپ ہی بلنا پے جو گا

رکھ ہوسے بھاویں منکھ ہووے
چنگا ہے اوہی جیدا سکھ ہووے

خون

ميں خون دے کے بچاآيا هوں کسي کي جاں

چراغ بجهنے لگا تها کە تيل ڈال ديا؛

وقت کا ہاتھ بناتے ہیں مٹا دیتے ہیں

شہرت و عزت و دولت کا گرفتہ انسان

وقت کے ہاتھوں میں مٹی کے کھلونوں سا

وقت کا ہاتھ بناتے ہیں مٹا دیتے ہیں

شہرت ایک چیز ہے عظمت دوسری چیز

یہ بات بہت دیر سے سمجھ آئی مجھے
شہرت ایک چیز ہے عظمت دوسری چیز

ماضي

الجهتےرهتے هو کيوں باربار ماضي سے
گزر گيا جو اسے دفن کرنا پڑتا هے

دن تو آوارگي ميں کٹ جاءے
رات پهر گهر کو لو ٹنا مشکل

گل کيے جاتے ەو چراغ سنو
آگ کو روشني سمجهتے هو؟
نظريە جسم کا اسير نهيں؛

کن کے ہاتھوں میں آ گیا مذہب

حیلہِ کشت و خوں بنا ڈالا
کن کے ہاتھوں میں آ گیا مذہب

کرائے کے شاعر بکاو مصنف

کرائے کے شاعر بکاو مصنف
ستائش پہ مرتے یہ بیمارِ شہرت
تم ان کو مسیحائے غم جانتے ہو؟
تم ان کو قلم کا امیں مانتے ہو؟
جو عشق اور اشکوں کی معجون و پھکی
مکر اور ناٹک کی پڑیوں میں ڈالے
تماشا دکھا کر، ہنسا کر، رلا کر
سرِ راہ بیٹھے عطائی کی صورت
بس الفاظ کا زیرو بم بیچتے ہیں
محبت کا کریا کرم بیچتے ہیں

تھوڑا تھوڑا کرتے میں نے ساری زندگی ضائع کر دی

نہ جانے کیسی اداسی تھی اس کی آنکھوں میں
کہ چند لمحوں میں سالوں کا درد لے کے اٹھا

بس یہ کر لوں بس وہ کر لوں، بس یہ آخری کام ہے اب
تھوڑا تھوڑا کرتے میں نے ساری زندگی ضائع کر دی

پر ایک شخص ہے تکیہ کیے ہوئے مجھ پر

بہت ہی دھندلا سا اک نقش ہوں سرِ ساحل
پر ایک شخص ہے تکیہ کیے ہوئے مجھ پر

وہ کیسی عمر تھی پل پل کو پر کھا کرتے تھے
یہ کیسی عمر ہے سالوں کا بھی حساب نہیں

پھر اپنے آپ میں لوٹو گے قسمتوں کے طفیل
کسی کی آنکھوں میں دیکھو تو ہوش مت کھونا

اب اپنے آپ میں تھوڑا سا بچ گیا ہوں بس!
میں اگلی نسل میں خود کو انڈیلتا جاوں

بہت زیادہ بلندی پہ آ گئے ہو تم

بہت زیادہ بلندی پہ آ گئے ہو تم
ذرا سا پاوں بھی پھسلا تو مارے جاو گے


عشق تھک جاے گا اور حسن بکھر جاے گا
وقت رکنا نہیں رکنا نہیں رکنا ہی نہیں

آنکھیں مجبور ہیں جو دل کا کہا مانتی ہیں
لب سے کہنا نہیں کہنا نہیں کہنا ہی نہیں

ایک لمحے میں بندھی ہیں کئی صدیاں میری
لمحہ کھلنا نہیں کھلنا نہیں کھلنا ہی نہیں

خدا کے گھر میں بھی جس کو قرار مل نہ سکا

میں سر کے بل بھی چلا آوں وہ بلائے تو
!خدا سمجھتے ہیں جس کو یقیں دلائے تو
خدا کے گھر میں بھی جس کو قرار مل نہ سکا
وہ بے سکون اگر مے کدے نہ جائے تو؟؟




!اے حسن!  التفات میں تھوڑی سی احتیاط
کم ظرف لوگ رہتے ہیں قرب و جوار میں

!اس قدر سرخ رنگ پہنا ہے
!دعوتِ عشق اور کیا ہو گی؟

جہاں لفظوں سے بات بنتی نہ ہو

جہاں لفظوں سے بات بنتی نہ ہو
وہاں آنکھوں کو ایک موقع دو

دیکھوں اسے تو سوچوں، رکھ لوں حنوط کر کے

بے مثل چہرہ ایسا دنیا میں پھر نہ ہوگا

دیکھوں اسے تو سوچوں، رکھ لوں حنوط کر کے

عشق بس سے نکلتا جاتا ہے

ایسا لگتا ہے جان جائے گی
عشق بس سے نکلتا جاتا ہے

آج دیکھا  ہےاس کو برسوں میں
آج کی شب چلے گی برسوں تک

اتنا بھی وقت میسر نہیں اس عہد میں اب

اتنا بھی وقت میسر نہیں اس عہد میں اب!!!
یاد ہی کرلے کسی شخص کو جی بھرکے کوئی

یہ مہ و سال ترے پاس سے بھی گزرے نہیں

آنکھ کا رعب وہی قتل کا انداز وہی

ہم سے بدلے ہیں بہت آپ ذرا بدلے نہیں

نرم آواز وہی دائرہ سے ہونٹ وہی

یہ مہ و سال ترے پاس سے بھی گزرے نہیں

یہ زمانہ گو ترا نام تلک بھول چکا

ایک شخص آج بھی سمجھے ہے زمانہ تجھ کو

آس پاس اس کے جو رہتے ہیں سبھی اندھے

کیسے ممکن ہے اسے دیکھ کے بھی عشق نہ ہو

کس قدر سستا و ارزاں ہے زمانے کے لیے

ہائے وہ شخص جسے یاد بھی صرفے سے کروں

میری آنکھوں سے کبھی خود کو اگر دیکھ لے وہ

قسم لے لیجیے آئینہ تلک توڑدے وہ

!اتنا نایاب ہے کم یاب ہے وہ حسن کہ بس

 آنکھ  جھپکائیے !!!  کہتا ہے نظر باندھ کے وہ

زندگی فرض نہ ہوتی تو قضا کر لیتے

مرتی ہوئی زبان کا اک لفظ ناتواں
ہر روز پوچھتا ہے ابھی کتنی سانسیں ہیں؟؟

عشق ہیجان کی شدت سے بھلے مر جائے
حسن ظالم ہے اداوں سے نہ باز آئے گا

ایسے حالات میں تو عمر ہی ضائع ہو گی
زندگی فرض نہ ہوتی تو قضا کر لیتے

!!!تجھ پہ آیا بہار کا موسم

ہر شعبہ کاروبار تھا ہر رشتہ لین دین

آخر ہم اپنے آپ میں محدود ہو گئے

ایک دوست کے ہاں بچے کی پیدائش پر

تیری شاخوں پہ پھول آنے لگے

!!!تجھ پہ آیا بہار کا موسم

یہاں تو درد کبھی مستقل نہیں رہتے

تخت و تاج جھوٹے ہیں

کام کاج جھوٹے ہیں 

زندگی سے وابستہ

جو بھی کچھ ہمارا ہے

عارضی خسارہ ہے

عارضی خسارے کو

منتقل کرنے میں

دیر کتنی لگتی ہے

پھول کے بکھرنے میں

آدمی کے مرنے میں

دیر کتنی لگتی ہے؟؟؟

یہاں تو درد کبھی مستقل نہیں رہتے

عجیب شخص ہو خوشیوں پہ پہرے دیتے ہو

انسانیت کا یہ بھی تو اک المیہ رہا

زندہ کو پوچھنا نہیں مردہ کو پوجنا

زندگی کا کوئی بھروسہ نہیں

ساری باتیں ہیں زندگی کے ساتھ

زندگی کا کوئی بھروسہ نہیں

تپے موسم میں عمر چنتے لوگ

تپے موسم میں عمر چنتے لوگ

لمحہ لمحہ اکٹھا کرتے ہیں

کتنے ناداں ہیں کتنے سادہ ہیں

سانس لینے کو زندگی سمجھیں

ڈھول کی تھاپ پہ بے ساختہ ہلتے کندھے

ڈھول کی تھاپ پہ بے ساختہ ہلتے کندھے
یہ بتاتے ہیں کہ پنجاب وطن ہے میرا

ہم آپ جیسے تو دھرنوں پہ پھبتیاں ہی کسیں
سلام ان کو کو مقصد پہ زندہ رہتے ہیں

جن کو فطرت معاف کر دے انہیں

تم بے مثال و واحد و یکتا و طاق ہو
تم سا کوئی زمانے میں ہوگا نہ کہیں ہے

دیکھتے بھرتا گیا مٹی کا وجود
سرو قامت سہی وہ وقت پہ بھاری تو نہ تھا


سیلاب
جن کو فطرت معاف کر دے انہیں
حاکم وقت مار دیتا ہے

یہ حکمران قوم کو منگتا بنائیں گے

پہلے ڈبو دو ماردو پھر بھیک بانٹ دو

یہ حکمران قوم کو منگتا بنائیں گے!!!

گاوں کا ڈوب جانا تو معمولی بات ہے!!

کیڑے مکوڑے خاک سے نکلے ہیں ، کیا ہوا
سیلاب کا یوں آنا تو معمولی بات ہے!!!
شہروں سے پانی موڑ کے گاوں ڈبوئیے
گاوں کا ڈوب جانا تو معمولی بات ہے!!

ہر ایک عشق کا لیکن ہوس سے رشہ ہے

ابھی اچھال ہے مہتاب جھک کے ملتا

یہ خواہشوں کا سمندر اتر بھی سکتا ہے

ہوس میں عشق بھی شامل ہو عین ممکن ہے

ہر ایک عشق کا لیکن ہوس سے رشہ ہے

سب اپنی اپنی بجھاتے ہیں پیاس سب پیاسے

جو بے نیاز ہے وہ کب کسی سے ملتا ہے

ہمارے جیسوں کا لگتا نہیں کہیں بھی جی

دھرم بھی دوزخ و جنت کے سودے کرتا ہے

یہ کیسا میلہ ہے ہر شخص جس میں تنہا ہے

اسی کا درد ہے سردرد جس کو ہوتا ہے

بیٹے کے لیے

میں ساتھ تمہارے ہوں کناروں کی طرح بس

دریا میں تجھے تیرکے جانا ہے اکیلے

جوا کھیلیے جوا کھیلیے جوا کھیلیے جوا کھیلیے

یہ جو زندگی ہے یہ اک جوا، یہاں جیت ہار نہ دیکھیے
جوا کھیلیے جوا کھیلیے جوا کھیلیے جوا کھیلیے

میں اینٹ اینٹ سے واقف ہوں پھر بھی اجنبی ہوں
مکین بدلے تو پل میں بدل گیا سب کچھ

پی ٹی آئی کے لیے

اب ایک بند گلی میں ہے کارواں لیکن
جنوں ہو سر میں تو دیواریں بھی ہیں دروازے!!!

بنام چوہدری نثار

بنام چوہدری نثار

جس دیس میں بھیڑوں کی طرح لوگ ذبح ہوں

اس دیس کے حاکم کو "کمینہ" ہی کہیں گے

جس جھنڈے کے سائے تلے انصاف نہیں ہے

اس جھنڈے کو ہم سولی کا پھندہ ہی لکھیں گے

آئین کو پھونکیں گے جلا ڈالیں گے پرچم

ہاں! ایسی ریاست سے بغاوت ہی کریں گے!!!

ریاست = موجودہ حکمرانوں کی  قائم کردہ نام نہاد ریاست، آئین = ایسا آئین جو انصاف نہ دے سکا، پرچم= حکمران جماعت کاجنگلی درندے والا پر چم

کچھ غلاموں نے سلاسل سے بغاوت کی تھی

شاہراوں پہ ہیں بکھرے ہوئے خوں کے چھینٹے

کچھ غلاموں نے سلاسل سے بغاوت کی تھی

خونِ آدم کا تقدس ہے حرم سے بڑھ کر

پارلیمنٹ حرم سے بھی مقدس ٹھہری؟؟

--------------------

خون کا ایک بھی قطرہ نہیں ضائع ہوگا

ظلم کا راج ہمیشہ نہیں رہتا لوگو

تخت و ایواں خس و خاشاک سے بہہ جاتے ہیں

خون بہتا ہے تو یوں ہی نہیں بہتا لوگو

سول نا فرمانی

جو اپنے باغباں کو ہی چھاوں نہ دے سکے
جڑ سے اکھاڑ دیجیے ایسے درخت کو !!!!!

پیٹ خالی ہو تو بڑھ جاتا ہے کھانے کا مول

پیٹ خالی ہو تو ہوتی ہے قدر کھانے کی
ذائقہ بھوک میں ہوتا ہے غذاووں میں نہیں

قدر کے د پر جزم ہے جو شعر کو بے وزن کر رہی ہے - اسے ہندی یا پنجابی تلفظ میں لکھا ہے

پیٹ خالی ہو تو بڑھ جاتا ہے کھانے کا مول
ذائقہ بھوک میں ہوتا ہے غذاووں میں نہیں

عشق اک فسفہ ہے فلسفی جانیں اس کو
عام انسان ہوں میں بھوک کو پہچانتا ہوں

بھوکے کے رنگ کئی بھوک کے بہروپ ہزار

حصول رزق سے آزاد ہو سکیں تو جییں

ماں کے سوا زمانے میں کچھ کام کا نہیں
سب رشتے کھوکھلے سبھی مطلب پرست ہیں

صبح سے شام تلک پیٹ پالتے ہم لوگ
 حصول رزق سے آزاد ہو سکیں تو جییں

عمران مصلحت میں بھی گھٹنے نہ ٹیکے گا

یہ مک مکا تو اہلِ سیاست کا کھیل ہے
قائد کبھی بھی بیچ کا رستہ نہ ڈھونڈے گا
حق اور سچ پہ ڈٹ کے کھڑا ہے وہ مردِ حر
عمران مصلحت میں بھی گھٹنے نہ ٹیکے گا

وہ ایک دور تھا چاہت کا آیا اور گیا

ابال دودھ میں آتا ہے جس طرح ایسے

وہ ایک دور تھا چاہت کا آیا اور گیا

نظر کے پاس ہے جب سے، نہیں رہا دل میں

وہ میرے دل میں تھا جب تک نظر سے دور رہا

جن کی بنیادوں  میں بے جرم نہتوں کا لہو ہے
ان محلات کے شاہوں کو اماں دو گے تم؟؟؟؟

خون کا رنگ بہت گہرا ہے اترے گا نہیں!

عظیم رشتہ ہے ماں کا، بدل نہیں کوئی

ہر اک نگاہ میں لاکھوں دعاوں کی ٹھنڈک
عظیم رشتہ ہے ماں کا، بدل نہیں کوئی

بنجر ہے کوکھ دھرتی کی صدیاں گزر گئیں
اس بد نصیب خطے میں قحط الرجال ہے
ترسے ہوئے ہیں لوگ کسی رہنما کو یوں
جو بھی ہو دستیاب وہی بے مثال ہے!!!!!

------------------------------

پھر یوں ہوا کہ وقت جو ٹھہرا تھا چل پڑا

پھر یوں ہوا کہ وقت جو ٹھہرا تھا چل پڑا
 نکل آئے تیرے عشق سے دنیا میں آگئے!!

اونچا کھینچو گے تو تکلیف زیادہ ہوگی

زندگی ایک محل ہے جو بہر حال اک دن
اپنے معمار پہ گر جائے گا  ملبہ بن کر
اونچا کھینچو گے تو تکلیف زیادہ ہوگی

وقت بے انت سمندر ہے جہاں تک دیکھو
مذہبی پیشوا دیتے ہیں جزیروں کی خبر
سادہ دل ہم سے ہر اک موج کے ہمراہ بہیں

زندگی ٹھہر جا کچھ دیر ذرا سوچنے دے

زندگی ٹھہر جا کچھ دیر ذرا سوچنے دے
! میں کسی اور طرح سے تجھے جینا چاہوں

خدا حافظ اے محبت گزشتہ خدا حافظ

ایک ہزار اٹھانوے محبت نامے تھے اس کے مرے نام
جگہ  کم پڑ گئی تھی گھر میں اور دل میں
بے ترتیبی سے ہاتھ ڈالا
جتنے ہاتھ آئے رکھ لیے
- باقی سارے ہوا برد کر دیے
جو رہ گئے ہیں وہ بھی!!
 کھو جائیں گے دو چار سالوں میں
یاد داشت اچھی نہ ہو تو ماضی کس کام کا؟؟
کل جب اس کی  شکل تک بھول جائگی
تو کاغذ کے ان ٹکڑوں کو کس کے نام کر وں گا
خدا حافظ اے محبت گزشتہ خدا حافظ

بولتا جائے خود ہی خود بوڑھا

سارے کردار مر گئے جس کے
کون سنتا ہے اس کہانی کو
بولتا جائے خود ہی خود بوڑھا
------------------------------------
ایک لمحہ لگے بچھڑنے کو
اور پھر ساری زندگی نہ ملے
بھیڑ میں ہاتھ تھامے چلتے ہیں

صدق نیت کی وفا کی نہیں قیمت کوئی

عمر کی آخری سیڑھی پہ پڑے اونگھتے لوگ
نظر آتے ہیں ادھر پائے ادھر جاتے ہیں
---------------------------------
زندگی شہر میں سستی بھی بکثرت بھی ہے
زندگی شہر میں محسوس نہیں ہوتی مگر

گاوں زادے ہیں محبت کو دھرم مانتے ہیں
----------------------------------

اے مری بدصورت اے میری چاہنے والی

صدق نیت کی وفا کی نہیں قیمت کوئی
حسن بیوپار ہے عشاق نفع ڈھونڈتے ہیں

کچھ ملاقاتیں ذائقہ چھوڑیں

بحث و تکرار چوں چناں نہ کریں

وقت جو بھی عطا کرے لے لیں

بھول جائوں گا ساری باتیں مگر

کچھ ملاقاتیں ذائقہ چھوڑیں

وقت آگے نکل تو جاتا ہے

راستوں کے نشان مٹ نہ سکیں

داد و تحسیں کے شوق میں شاعر

مانگے تانگے کا پیرہن پہنیں

ہم بہر حال مرنے آئے ہیں

جتنا بھی جی لیں جیسے بھی جی لیں

اپنے ماضی کو پیٹتے ہیں جب

رونا آتا ہے مسلمانوں پر

چھوڑ دو صاحب آگے دیکھو کب

زیادہ دور نہ جاو زیادہ مت سوچو

بس ارد گرد کے لوگوں سے پیار کرتے رہو

یہ کانٹ چھانٹ خدائی نہیں زمینی ہے

سب آدمی ہیں یہاں آدمی ہی بن کے رہو

------------------------

گھپ اندھیرا ہے آگے اور پیچھے

صرف پیروں میں روشنی ہے کچھ

کون جانے سفر کہاں کا ہے

-------------------------

کام سارے رہے ادھورے ہی

جی لگا ہی نہیں کسی شے میں

نا مکمل تھا عارضی تھا سب

-----------------

زندگی جتنی ملے جیسی ملے پیتے رہو

سانس بھی جتنی چلے جیسی چلے جیتے رہو

--------------

پیٹ کی چاکری ہوتی ہے نہ پاگل دل کی

پیٹ کی چاکری ہوتی ہے نہ پاگل دل کی

ہم سے خود داروں کو جینے میں بڑی مشکل ہے

کھلے کھلے سے بظاہر یہ پھول سے چہرے

چھپیائے پھرتے ہیں کتنے ہی داغ سینوں میں

فلسطین

علم نے اتنا کیا طور طریقے بدلے
ظلم بدلا ہے نہ ظالم کی طبیعت بدلی

اب بھی کمزور سرِ راہ کھڑا ہے بے بس
بے حسی لوگوں کی فطرت کی مشیت ہے وہی

خوں میں لتھڑے ہوئے اجسام وہ پرزہ پرزہ
نسل انسانی کی اوقات ہے بس اتنی سی

ڈھا کے تعمیر کرو پھر سے یہ دنیا ساری

نفرت و دشمنی مذہب کا فساد اور جھگڑے

خوں خرابہ ہے کہیں اور کہیں بے زاری

اس کی بنیادوں میں بنیادی خرابی ہے کوئی

ڈھا کے تعمیر کرو پھر سے یہ دنیا ساری

ان مذاہب نے تعصب کے سوا کچھ نہ دیا

قسطوں قسطوں میں ہی جی زندگی جتنی جی ہے

نقد کی پونجی نہ تھی سانس ادھاری لی ہے

کارِ بے کار کی تکرار میں دن خرچ ہوئے

اور ہر رات کوئی موت سی نیند آئی ہے

پیٹ کی چاکری اور جبرِ بقا کے آگے 

سر اٹھا یا نہ کبھی کوئی رعایت لی ہے

ہم سے مت لیجیے بیتے ہوئے سالوں کا حساب

ہم نے یہ عمر گزاری نہیں ضائع کیا ہے

ہم وہ خود کار کھلونے ہیں جنہیں مالک نے

ذوق تفریح کی تسکین کو چابی دی ہے

----------------

بدن کی صحت بتاتی ہے آرزو کا سراغ

تو جانتی ہے کہ روحیں تو مردہ ہوتی ہیں 

!!!تیرے شباب کی خیر اور بانکپن کی خیر

-----------------------

عیش وعشرت میں دن گزرتے ہیں

اپنے بچوں کے ساتھ ہوتا ہے

دو بغل میں اور ایک سینے پر

کیف و مست کی نیند سوتا ہوں

---------------------

سب کا پیغام محبت ہے مگر حیرت ہے

ان مذاہب نے تعصب کے سوا کچھ نہ دیا

خود کو محبوب خدا کہتی ہے جو قوم اسے نے

رب کے کس حکم کی تعمیل میں یہ ظلم کیا

عورتوں بوڑھوں کو معذوروں کو مفلوجوں کو

بے گنہ قتل کیا پھول سے معصوموں کو

جس کی بنیادوں میں معصوموں کا ناحق خوں ہو

ایسی دیوار مقدس کہاں رہتی ہے بھلا

شیر خواروں کے لہو سے وہ سنے ہوئے ہاتھ

خود کو جب غازی کہں سوچتا تو ہوگا خدا

وہ جو بارش تھی روح تک آئی

ساری گرمی نکال دی واللہ
وہ جو بارش تھی روح تک آئی

ہاتھ باندھے ہیں پاوں جکڑے ہیں
روزگاری بھی قید ہے سچ مچ

کس کے باندھو گے تو بڑھتی ہی رہیں گی گرہیں

جسم کا شور نہیں روح کی موسیقی ہے 

زندگی جینی ہے تو شہر سے ہجرت کیجے

رات ہو چاند ہو خاموشی ہو تنہائی ہو

ایسی آسائشیں پانی ہیں تو گائوں رہیے

صرف احساس ہے احساس پہ تکیہ کیسا

رشتہ بنتا نہیں کوئی بھی ہمیشہ کے لیے

حبس بڑھ جائے تو مسکن سے نکلنا اچھا

ذات تو ذات ہے افکار بھی بے حد رکھیے

کس کے باندھو گے تو بڑھتی ہی رہیں گی گرہیں

رشتوں کی ڈور میں کچھ جھول بھی رکھا کیجے

جڑ سے اکھڑے ہوئے پودے ہیں ہمارا کیا ہے

آب و گِل کوئی بھی ہو ہم نے نمو کرنا ہے

ہم کو معلوم نہیں مطلبِ قوم و ملت

ہانک دے  کوئی جدھر کو بھی ادھر چلنا ہے

  وقت سے تیز بھی بھاگیں گے تو تھک جائیں گے

آخرش عمر گھسیٹے گی پکڑ کر کالر

بوڑھا ہوتے ہوئے دیکھو گے سبھی کو اک دن

jism ka shore nahi rooh ki moseeqi hai
zindagi jeeny hai to shehar se hijrat kije

raat ho chaand ho khamoshi ho tanhai ho
aisi asaishen pani hain to gouwn rahiye

sirf ehsas hai ehsas pay takiya kaisa
rishta bantaa nahi koi bhi hamesha ke liye

habs barh jaye to maskan se niklana acha
zaat to zaat hai afkaar bhi be had rakhiye

kis ke ge to barhti hi rahen gi ghirhein
rishton ki dor mein kuch jhool bhi rakha kije



jarr se hue pouday hain hamara kya hai
aabb o gِl koi bhi ho hum ne numoo karna hai
hum ko maloom nahi مطلبِ qoum o millat
haank day koi jidhar ko bhi idhar chalna hai


waqt se taiz bhi bhagain ge to thak jayen ge
Umar ghsite gi pakar kar caller

boorha hotay hue dekho ge sabhi ko ik din

شعر بے اختیار ہوتا ہے

شاعری قافیہ ردیف نہیں

شعر بے اختیار ہوتا ہے

سوجھتا ہے اچھوتا سا مصرع

دفعتا ََ جیسے پیار ہوتا ہے

سعی ِ ناکام

میں جانتا ہوں کہ وہ ایک خالی برتن ہے
اور پھر عین وسط میں اس کے
ایک سوراخ ہے پوشیدہ سا اور گہرا سا
وہ بھرا اور نہ اس نے بھرنا ہے
اس کو خوش کرنے کی سب کوششیں ناکام ہیں جو
تم بھی کرتے رہو اور میں بھی کیے جاتا ہوں

پانی رک جائے تو دریا نہیں کہتے اس کو

میرے شعروں میں وہ پہلے سا بہاو نہیں اب

اب میں شاعر نہیں بس قافیہ پیما ہوں کوئی

پانی رک جائے تو دریا نہیں کہتے اس کو

نیکی دریا میں ڈال دو اچھا

کوئی احسان جانتا ہی نہیں

ڈوبتے ڈوبتے بچا پھر بھی

نا خدا کو وہ مانتا ہی نہیں

ہمارے گاوں میں اسکول کھول کر کس نے

ہمارے گاوں میں اسکول کھول کر کس نے

ہمیں ہماری ہی نظروں میں نیچا کر ڈالا

ہمیں بتایا "کہ اسکول آنے سے پہلے

نیا لباس نئی بولی پہن کر آنا

تمہارے طور طریقے تمہارے رسم و رواج

پرانے کپڑے ہیں گھر میں اتار کر آنا
تمہیں سکھائیں گے دنیا کی باقی قوموں سے
تمہاری قوم حقیر اور کتنی کم تر ہے
تمہیں بتائیں گے ساری ترقیوں کا راز
 بدیسی وردی بدیسی  زباں میں مضمر ہے
ہمارے گاوں میں اسکول کھول کر کس نے
ہمیں ہماری ہی نظروں میں نیچا کر ڈالا
ہماری سوچوں کو احساس کمتری دے کر
ہماری قوم کو ذہنی غلام کر ڈالا

یہ بات چھوڑیے کہ کتنے بچے ہیں میرے

یہ بات چھوڑیے کہ کتنے بچے ہیں میرے
وہ کہہ رہی تھی مجھے اب بھی پیار ہے تجھ سے

عجب تضاد میں جیتے ہیں چاہنے والے

چہرے کی گرد بتاتی ہے صعوبت رہ کی
چہرے کی گرد ضمانت نہیں منزل کی کبھی

ہم شرمسار ہوتے رہے اپنے آپ سے

ہم شرمسار ہوتے رہے اپنے آپ سے
نسلیں ہماری غیر سے مرعوب ہو گئیں

چاند کے آسمان پر اپنے بھی واجبات ہے

چاند کے آسمان پر اپنے بھی واجبات ہے

خاک نشین کب تلک چاند کے خواب دیکھیں

میں مجاور ہوں فقط آہ و فغاں کرتا ہوں

میں دیکھتا ہوں تو لگتی ہے اگ سینے میں

کہ کتنے نادرو نایاب گہر سے الفاظ

جنہیں بزرگوں نے صدیوں سجایا ہونٹوں پر

!!!کسی کتاب کسی لغت میں کہیں بھی نہیں

وہ سارے نادر و نایاب گہر سے الفاظ

سمے کے دشت میں سینہ بہ سینہ پلتے رہے

امانتوں کی طرح نسل نسل چلتے رہے

مگر یہ دور نیا کیسا آ گیا جس میں

وہ تار سینہ بہ سینہ کا کٹتا جاتا ہے

ہر ایک گاوں کا نقشہ بدلتا جاتا ہے

مری زبان مرا لہجہ مرتا جاتا ہے

!!!میں سوچتا ہوں تو لگتی ہے اگ سینے میں

قریب مرگ ہے بے آسرا وہ لاوارث

مری زبان مری مادری زبان اے دل

مجھ سے مت پوچھیے تہزیب و زباں کے بارے

میں مجاور ہوں فقط آہ و فغاں کرتا ہوں

پوچھیے ان سے جو متولی ہے قاتل بھی ہیں

بھوک ظالم ہے سبھی زعم بھلا دیتی ہے

پیٹ خالی ہو تو ہر جرم روا لگتا ہے

بھوک ظالم ہے سبھی زعم بھلا دیتی ہے

پارسائی بھی نبھاتے ہیں فقط اہلِ زر

مفلسی جبر ہے بدکار بنا دیتی ہے

!!!!زندگی تیرے تقاضوں کے سلاسل کی خیر

جب تلک قید ہیں ہر سانس سزا دیتی ہے

یہ بھوک پیاس کی مجبوری مار دے گی تجھے

گر اپنی زندگی جینی ہے رزق پیدا کر

یہ بھوک پیاس کی محتاجی مار دے گی تجھے

لالچ کبھی بقا کا کھی خوف موت کا

  تھی روٹی  آگے آگے تو پیچھے لگی تھی بھوک

اس دوڑ میں ہی گزری ہےاپنی تمام عمر

لالچ کبھی بقا کا کھی خوف موت کا

اپنا ہی سوچتے رہے یعنی تمام عمر

نام نہاد جمہوریت

صرف عنواں ہے نیا باقی کہانی ہے وہی
اس کی سلطانی وہی تیری غلامی ہے وہی

یہ جو جمہور ہے ریوڑ ہے کوئی بھیڑوں کا
اندھی تقلید وہی خوف کی لاٹھی ہے وہی

بھیڑوں کے روپ میں کچھ بھیڑیے سرگرداں وہی
 ہانکتا مارتا ہے اک گڈریا پاپی ہے وہی

کالی وردی والوں کے کرتوت بھی کالے ہوتے ہیں

وہ جو ظلم کماتے تھے شاہ کے پالے نکلے ہیں
کالی وردی والوں کے کرتوت بھی کالے نکلے ہیں

مشورہ

بہتر ہے یو نیفارم بدل ڈالیے کہ اب

نفرت کا استعارہ بنی کالی وردیاں

کل شیر دل جوانوں نے تاریخ رقم کی

کل شیر دل جوانوں نے تاریخ رقم کی
اپنی ہی ماوں بہنوں کی عزت اچھال کے

اب جلیانوالا باغ کو رونا اضآفی ہے
اب ہم بھی خٔد کفیل ہیں اپنی مثال دے

وقت سے دور کہیں چلتے ہیں آو صاحب

رات ہو چاند ہو خاموشی ہو تنہائی ہو

اس بھری دنیا میں اتنا بھی میسر نہیں اب

---------------------------------------

 گردشِ شام و سحر کی  یہ غلامی کی ہے

وقت سے دور کہیں چلتے ہیں آو صاحب

چاند کو ساتھ لیے چاندنی خاموشی لیے

خواہش و خواب کے ملبوس نے چھیلا تن کو

بھوک اور پیاس کی تکرار نے مارا من کو

ذمہ داری کبھی آداب کبھی خوفِ خدا

آج سب بار الٹ دیتے ہیں آو صاحب

وقت سے دور کہیں چلتے ہیں آو صاحب

چاند کو ساتھ لیے چاندنی خاموشی لیے

مرے لگان پہ پلتے یہ کوتوال اگر

مرے لگان پہ پلتے یہ کوتوال اگر

مجھے ہی بھونکیں تو لعنت ہے حکمرانِ وقت

نمک حرامی کی تعزیر قاضیو بتلاو

کہ میرے گھر کے محافظ ہی پل پڑے مجھ پر

علم کے نام پہ چلتے ہیں بہت سے دھندے

یقین مانیے انسان خود میں کامل تھا

یوں ہی ذلیل ہوا خواہشات کے ہاتھوں

لباس اور زباں بدلوں جب بھی گھر سے چلوں

میں اپنے ملک میں رہتا ہوں اجنبی کی طرح

علم کے نام پہ چلتے ہیں بہت سے دھندے

ایک کڑوی سی دوائی ہے جسے بیچارے

لوگ ان دیکھے جراثیموں سے ڈر کے مارے

بس نگل جاتے ہیں اور پانی چڑھا جاتے ہیں

ایک شیرینیِ الفت ہے کہ جس کے اندر

نفرت و دشمنی در پردہ ملا دی جائے

ایک اندازِ معیشت ہے کہ جس کے اندر

لالچ و خوف کے حربوں سے کمائیں پیسا

!!!علم کے نام پہ چلتے ہیں بہت سے دھندے

کس کو مجرم کہیں یہ جنگ غلاموں کی تھی

وحشیوں کی طرح لڑتے ہیں خدا کے بندے

ہر کسی کا یہی دعوی ہے خدا اس کا ہے

اور خدا صدیوں سے خاموش تماشائی ہے

فیصلہ کون کرے اس کا، خدا کس کا ہے؟

باندھ اور کھینچ کے لائے تھے عقیدے سب کو

!!!کس کو مجرم کہیں یہ جنگ غلاموں کی تھی

بس ایک بار چلے تھے خلاف حکمِ دل

بس ایک بار چلے تھے خلاف حکمِ دل
پھر اس کے بعد کبھی زندگی نہ مل پائی

یہ رکھ رکھاو  یہ رسم و رواج قاتل ہیں

جو اپنے آپ پہ بھاری تھا ایسے بے بس کے
سپرد کر دی مرے دل نے زندگی ساری

اب ایسے اندھے جنوں کا علاج کون کرے


میں چاہتا ہوں صحرا میں چلتا جاوں میں
میں چاہتا ہوں صحرا کبھی بھی ختم نہ ہو

جیو اور جنگ گروپ کی "امن کی آشا" کے نام

 اپنے آنگن میں تیرے آنگن کی

میں نے مٹی ملائی اور اس میں

ایک پودا اگایا چاہت کا

روز انچ انچ قد بڑھا جس کا

دیکھو اب اس پہ پھول آنے لگے

!!!مٹی سانجھی تو پھول بھی سانجھے

انہی پھولوں کی خوشبووں میں بسی

!!!امن کی آشا پھیلتی جائے

کون کس قوم کا ہے وہ جانیں

ہم تو انساں سے پیار کرتے ہیں

ان کو بارود پہ بھروسہ ہے

ہم محبت کا وار کرتے ہیں

جن کی نفرت پہ روزی روٹی ہے
وہ محبت بات کیسے کریں!!!

جینا برائے جینا

جینا برائے جینا

کتنی بے معانی ہے میکانی سی وہ عمر کہ جو

صرف روٹی ہی کمانے میں گزر جاتی ہے

وقعتِ خون بھی ایندھن سے زیادہ نہیں ہے

سانس جتنی ہے جلانے میں گزر جاتی ہے

بھوک اور ظلم کا مذہب نہ وطن ہے کوئی

بھوک اور ظلم پہ ہی آو اکٹھے ہو لیں

بھوک اور ظلم کا مذہب نہ وطن ہے کوئی

گزر جاتی ہے

کتنی بے معنی ہے میکانی سے وہ عمر کہ جو

صرف روٹی ہی کمانے میں جزر جاتی ہے

خون ایندھن کی طرح بہتا ہے شریانوں میں اور

سانس جتنی ہے جلانے میں گزر جاتی ہے

بند کر دیجیے دروازے بدن کے سارے

بند کر دیجیے دروازے بدن کے سارے

اور کچھ دیر ذرا خود سے شناسا ہوئیے

آنکھ اور کان کی آلودگی پھیلاتی ہوئی
باہری دنیا سے کچھ لمحوں کی رخصت لیجے


ڈوبتے ڈوبتے بچ جاتے کوئی اور کبھی
پار ہوتی ہوئی کشتی کو لہر لے جائے
اب نکل آئے محبت کے علاقوں سے مگر
کون جانے کہ کہاں پھر سے سفر لے جائے

دیکھنے سے جسے عزت پہ حرف آتا تھا

جون کے نام

پیاس کے مارے ہوئے پھرتے تھے دریا دریا

کیسا پیاسا تھا وہ صحرا کی طرف جاتا تھا

اک نظر دیکھ لیا چلتے ہوئے اس کو بھی

دیکھنے سے جسے عزت پہ حرف آتا تھا

منطق

پیاس کے مارے ہوئے پھرتے تھے دریا دریا

کیسا پیاسا تھا وہ صحرا کی طرف جاتا تھا

درد سانجھا ہوتو مل بیٹھ کے ہلکا کیجے

عشق پہ تکیہ نہ کیجے جو بدن پرور ہو

ظاہری حسن تو پتھر پہ دیکھا ہم نے

دولتِ درد میں تخفیف نہیں ہو سکتی

اک تسلی ہے مرے دل کو ترے ہوتے ہوئے

دولتِ درد میں تخفیف نہیں ہو سکتی

غم بھی کھاتاہوں  اذیت کا بھی رسیا ہوں بہت

یعنی تکلیف کی تکلیف نہیں ہو سکتی

عہد نامہِ محبت ہے ازل سے محفوظ 

دل کے الہام میں تحریف نہیں ہو سکتی

خواہش کا بوجھ ڈھوتے ہوئے گر گئے اگر

خواہش کا بوجھ ڈھوتے ہوئے گر گئے اگر

 پستی کی سب سے آخری حد تک گرو  گے پھر

لمحے لمحے کا رس نکالا جائے

عمر جتنی بھی ہو بہت ہے اگر

لمحے لمحے کا رس نکالا جائے

جیسے کوئی کتاب کو کھولے

جی میں آتا ہے ایسے کھولوں تجھے

جیسے کوئی کتاب کو کھولے

رکھ کے زانو پہ اور ذرا جھک کر

حرف در حرف پوروں میں گھولے

خوبصورت ہے آدمی کتنا

خوبصورت ہے آدمی کتنا

اس کو صرف آدمی اگر سمجھو!!

جھوٹے ملبوس فرقوں ذاتوں کے

جھوٹ سارے اتار کر دیکھو!!!

جیو کے لیے

اکیسویں صدی میں بھی سلطاں وہی رہے

غدّار کہہ کے مار دو جو ناپسند ہو

یہ اور بات کہ تم کو نظر نہیں آئے

یہ اور بات کہ تم کو نظر نہیں آئے

!!!نیاز لے کے کھڑے راستے میں ہم بھی تھے

ہمارے فاصلے دیکھے تو کون مانے گا
کہ ایک ہاتھ کی دوری پہ گاڑی چھوٹی تھی

پھر اس کے بعد کبھی زندگی نہ مل پائی

پھر اس کے بعد کبھی زندگی نہ مل پائی

کہ وصل دائمی ٹھہرا، جدائی ختم ہوئی

ہزار کوششیں کر  کے جلا ہے پروانہ

قبول کر لی محبت جدائی ختم ہوئی 

لوگ ہاتھوں میں لے کے پھرتے ہیں

ایک لمحے کی بات ہے پیارے
سانس آتا تھا اب نہیں آتا

لوگ ہاتھوں میں لے کے پھرتے ہیں
اپنے اپنے عقیدوں کے پتھر

بوڑھا فقیر کھانے میں منہ دے کے مر گیا

عمروں کی بھوک لمحوں میں مٹنا محال تھی

بوڑھا فقیر کھانے میں منہ دے کے مر گیا

اکیسویں صدی میں بھی سلطاں وہی رہا

!!!!غدار کہہ کے مار دو جو بد زبان ہو

نفرت کا بیج ڈالیے اور بیٹھ جائیے

یہ فصل پھلتی پھولتی رہتی ہے خود بخود

نفرت کا بیج ڈالیے اور بیٹھ جائیے

ہندو کو مسلمان سے کر دجیے الگ

دو قومیت کے نعرے کا تڑکا لگائیے

ہندوکو ذات پات بہت راس آئے گی

مسلم کو سنی شیعہ کے خانوں میں لائیے

مذہب کے بعد اور بھی نکتے ہیں پھوٹ کے

قومی زبان رنگ و نسب آزمائیے

موقع شناسی فرقہ پرستی کے سوچ سے

لوگوں کو کاٹ ڈالیے جنت میں جائیے

اہلِ خدا کے نام

اک بار اس سے پوچھ لو وہ کس کے ساتھ ہے
ہے جنگ جس کے نام پہ وہ تو سبھی کا ہے

انسانیت کے مان کی توہین تھی کہ جب
انسانیت کے ماتھے پہ مذہب چھدا گیا
فرقہ پرست چند فقیہائے دین کو
لوگوں کو بانٹنے کا فریضہ دیا گیا

انسانیت کا رشتہ ہی کافی تھا جڑنے کو

کوئی بجا دے ڈھول ہمیں رقص کرنا ہے
ہم بے وقوف قوم ہیں مجموعی طور پر

مقبول چاہے جتنے تھے وہ رہنما نہ تھے
نفرت کا درس دے کے جو تقسیم کر گئے
انسانیت سے بڑھ کے نہیں دیں دھرم کوئی
!!تم کیسے دیندار تھے؟؟ انساں سے ڈر گئے
جوہر برادران نے ہجرت کرائی تھی
گم راہ لوگ رستے میں بے موت مر گئے
اور پھر جناح آگئے دو قومیت لیے
لاکھوں نہتے جان کو نذرانہ کر گئے
دو قومیتت  نے ڈالا تھا  تقسیم کا رواج
بنگالی روٹھ کر اسے سہ قومی کر گئے
ہم فصل کاٹنے کو ہی پیدا ہوئے تھے کیا
نفرت کا بیج ڈال کے اجداد مر گئے

دو  قومیت کے جھگڑے نے الجھا دیا ہمیں

انسانیت کا رشتہ ہی کافی تھا جڑنے کو

یعنی

درد اور ہجر اور اکیلا پن

یعنی تم جی رہے ہو تفصیلا

راحت اور وصل اور بھری محفل

یعنی وہ جی رہے ہیں بس رسما

نیا زمانہ ہے گوگل پہ سرچ کرتے ہیں

وہ دور اور تھا جس میں بزرگ رہبر تھے

نیا زمانہ ہے گوگل پہ سرچ کرتے ہیں

میرے ہی بچے مجھے اجنبی سے لگتے ہیں

کچھ راستے منزل پہ کبھی لا نہیں سکتے

کچھ آہیں جلاتی ہیں فقط اپنا ہی سینہ

کچھ آنسو فقط نل کی طرح بہتے ہیں بے جا

کچھ راستے منزل پہ کبھی لا نہیں سکتے

کچھ کوششیں کرتی ہیں فقط وقت ہی ضائع

منٹو تجھے سلام

سرسٹھ برس کے بعد بھی منٹو نہ مر سکا
سرحد پہ آج بھی ہے کھڑا ٹوبہ ٹیک سنگھ

بلوائی اور فسادی طبعی موت مر گئے
انسانیت کا مان رہا ٹوبہ ٹیک سنگھ

زن مرید

کہانی

ایک عورت کے ہاتھ پر اس نے

بیعت کی تھی بڑی عقیدت سے

عمر بھر پھر ذلیل ہوتا رہا

سبق

پیار میں پیروی نہیں کرتے

پیار میں صرف پیار کرتے ہیں

پیار آزادی ہے غلامی نہیں

بچھڑنے والوں کے سارے نشان مٹ جائیں

بس اک شبیہہ سی رہ جاتی ہے کہیں دل پر

بچھڑنے والوں کے سارے نشان مٹ جائیں

ازل سے آج تلک اتنے لوگ دفن ہوئے

کہ خاک چانیں تو ہرذرے میں نفس پائیں

ہم بھی رہتے تھے کبھی روح کی سرشاری میں

وقت کی پہرے دار سوئی سے

بچ بچا کر نکلنا پڑتا ہے

کتنا مشکل ہے خود سے ملنا بھی

میرے چاروں طرف ہے وقت کھڑا

تجھ تک آنے کا کوئی رستہ نہیں

ہم بھی رہتے تھے کبھی روح کی سرشاری میں

روزی روٹی نے فقط جسم کا کر کے چھوڑا

اصل میں دونوں ہیں خواہش کے گھر کے پالے ہوئے

ہوس کا نام ہے بدنام عشق مومن ہے

اصل میں دونوں ہیں خواہش کے گھر کے پالے ہوئے

ہیں دونوں اصل میں  خواہش کے گھر کے پالے ہوئے

اصل میں ص ساکن ہے

اب تک نبھا رہا میں رشتہ وہ جھوٹ کا

اک بار خوہشات سے مغلوب نفس نے

چوما تھا اس کو عشق و محبت کے نام پر

اب تک نبھا رہا میں رشتہ وہ جھوٹ کا

تم کو اس کی سزا ملے گی ضرور

تم کو اس کی سزا ملے گی ضرور

تم بہت مختلف ہو دنیا سے

دل نہ مانے تو واہگہ چلیے

ایک سی "تانگ" دونوں کے دل میں

ہم اُدھر کے ہیں وہ اِدھر کے ہیں
اس طرح دیکھیں لوگ بارڈر کو
جیسے پنچھی قفس کی دیواریں

حسرت و اشتیاق سے دیکھیں

دل نہ مانے تو واہگہ چلیے

مہتاب چودھواں ہو کہ شبّاب سولہواں

دل سے اتر نہیں رہا چہرہ وہ پھول سا

پڑنے دے دھوپ عمر کی پھر دیکھنا اسے

مہتاب چودھواں ہو کہ شبّاب سولہواں

بے درد وقت سب کو ہی ماضی میں پھینک دے

غریب باپ ہر آہٹ پہ چونک جاتا ہے

ہوس کے مارے ہوئے اس سماج کے اندر

جوان لڑکی بھی تکلیف دہ خزانہ ہے

غریب باپ ہر آہٹ پہ چونک جاتا ہے

پھر یوں ہوا

پھر یوں ہوا کہ عشق نے امداد کھینچ لی

پھر یوں ہوا کہ ہم بھی زمانے سے مل گئے

ملازمہ

جہاں پہ کتوں کی خوراک ڈالروں میں ہے

اسی حویلی میں اک کام کرنے والی ہے

جو بارہ آنے فی گھنٹہ پہ زندگی تولے

مجبوریِ معاش نے اغوا کیا ہمیں

مجبوریِ معاش نے اغوا کیا ہمیں

اے حسن!! ہم بھی تیری گلی کے مکین تھے

زندگی

یہ ایک بند گلی ہے اور اس کے آخر پر

بس اک سرنگ ہے جو موت پہ ہی کھلتی ہے

!!سو بھاگ دوڑ اضافی ہے جتنی بھی کر لو

بازار

وہی بازار ہیں جس میں کبھی بند آنکھوں سے

ہم ترے نقشِ کفِ پا پہ چلا کرتے تھے

آج آئے ہیں تو گھر کا بھی پتہ یاد نہیں

ملزم

مریض جن کا ہے ان کا ہے باقی لوگوں کو
بس ایک تماشہِ دردو فغاں میسر ہے
 چراغ جلتے ہیں بجھتے ہیں اور جلتے ہیں


----------------------------------------

پھر کوئی  مر گیا افسوس کرو پھر اک بار
بول دو پھر سے وہی سیکھے سکھائے جملے

"بس یہی حکم تھا رب کا، یہی تقدیر میں تھا
حوصلہ رکھو اٹھو اور سنبھالو خود کو
تم بھی رو و گے تو بچوں کو سنبھالے گا کون
"مان لو رب کی یہی مرضی یہی منشا تھی""

سبھی مظلوموں یتیموں کا وہی ملزم ہے!!!؟؟

زندگی بن بلایا مہماں ہے

تیرے لائق تو یہ نہیں پھر بھی

جیسے تیسے گزار دے اس کو

زندگی بن بلایا مہماں ہے

بیساکھ

پھر سے بیساکھ ا گیا ان پر

پھر سے سونا اگل رہے ہیں کھیت

آو دارنتیوں کو گرم کریں

جو زمیں دار ہیں بہت خوش ہیں

کیوں کہ بیٹھے بٹھائے ملتا ہے

کاشت کاروں کا خون پی پی کو

ان کے گھر کا چراغ جلتا ہے

خوشہ چینوں کی ٹولیاں بھی تو ہیں

بھیک منگے فقیر اور پنچھی

روز کے روز اپنا پیٹ بھریں

پھر سے بیساکھ ا گیا ان پر

پھر سے سونا اگل رہے ہیں کھیت

آو دارنتیوں کو گرم کریں

دیکھتے دیکھتے گم ہو جائیں

جس کے گھر میں پرندے رہتے ہیں
اس کی اپنی کوئی نہیں اولاد
-------------

تم نے دیوار کھینچ لی یعنی
خود ہی محصور کر لیا خود کو
جس سے آزاد ہو رہے تھے تم
وہ تو اب بھی تمہارا آقا ہے

------------------------

استعمار نو

تجھے ذہنی غلام کرنے کے بعد
اس نے زنجیر کھول دی تیری

!!!!کون سا جشن کیسی آزادی
--------------------


اتنی بڑی ہیں آنکھیں اس کی
دیکھتے دیکھتے گم ہو جائیں

آندھی چلی تو پیڑوں نے پتے گرا دیے

آندھی چلی تو پیڑوں نے پتے گرا دیے

رشتوں کو جانچنا ہو تو مشکل میں جانچیے

یہ کسی نوکری سے کم تو نہیں

جس قدر ضابظے ہیں زندگی کے

شاعری قافیے کی قید میں ہے

شاعرانہ خیال آوارہ

شاعری قافیے کی قید میں ہے

دیکھ کر بھی یقین نا ممکن

یہ نظر زاویے کی قید میں

ساری باتیں چپ پہ آ کر رکتی ہیں

بہت زیادہ بولنے والے چپ ہوجا

ساری باتیں چپ پہ آ کر رکتی ہیں

آج کل

تمہارا حسن بجا ہےپر آج کل اے دوست

مجھے معاشی مسائل نے باندھ رکھا ہے

دو رخی

میں جسے آسمان سمجھا تھا

وہ ہی زیرِ زمین کا نکلا

پھول کاری کی شوخیوں میں دبا

آہ اک چاک ان سلا نکلا

یہ نو گیارہ !!!!

سوار کر کے ہزاروں کڑوڑوں لوگوں کو

وہ کہ رہا ہے کہ ٹکرا دوں گا زمیں سے زمیں

یہ نو گیارہ تو کچھ بھی نہیں مرے لوگو

تمہارے تیز جہازوں سے تیز تر ہے زمیں

پھر اس میں سینکڑوں کیا اربوں لوگ بیٹھے ہیں

بس ایک لمحے میں پھٹ جائے گی دھماکے سے

 بس ایک لمحے میں  ملبے کا ڈھیر ہو گا سب

بس ایک لمحے میں بجھ جائیں گی سبھی جانیں

کہ جیسے جوتا پٹخ کر چراغ گل کر دیں

یہ نو گیارہ تو کچھ بھی نہیں مرے لوگو

میں سوچتا ہوں  تو پڑتی ہیں کانوں میں چیخیں

کڑوڑوں عورتوں بچوں بزرگوں کی چیخیں

!!!!!!جنیوا پیکٹ بھی جن کو امان دیتا ہے

یہ نو گیارہ تو کچھ بھی نہیں مرے لوگو

خواہش

ایک کمرہ کہیں ہو تنہا سا

جس کی کھڑکی فلک پہ کھلتی ہو

چاند جس میں بسر کرے راتیں

دھوپ جس میں اجالے بھرتی ہو

اپسرا کوقاف سے جس میں

روز اک پھول لا کے رکھتی ہو

اور خاموشی دلفریب ایسی

دل کی دھڑکن بھی شور لگتی ہو

ایک کمرہ کہیں ہو تنہا سا

جس کی کھڑکی فلک پہ کھلتی ہو

زمیں سے توڑ کے رشتہ ترقیاں ڈھونڈے

زمیں سے توڑ کے رشتہ ترقیاں ڈھونڈے

  ہوا کے دوش پہ  ہلکورے کھاتی قوم مری

نہ جانے کس کے جزیرے پہ اب گرے تھک کر
ہر ایک قوم سے مرعوب ہوتی قوم مری

ہم سا کوئی زمانے میں ناخلف ہی نہیں

دادا جی پہنا کرتے تھے تہبند اور پگ

ابّا نے انتخاب کی شلوار اور قمیص

اپنی کمان ٹوٹی ہے پتلون ٹائی پر

داد جی بولا کرتے تھے پنجابی مان سے

ابّا نے اختیار کی اردو میں بات چیت

ہم لوگ سر کھپائیں بدیسی زبان میں

اب کیسے کوئی مانے کہ ہم زندہ قوم ہیں

ہم سا کوئی زمانے میں ناخلف ہی نہیں

عورت ہے اک پہیلی اسے بوجھتے رہو

جو بھی لگا لے باتوں میں اس کا ہی دم بھرے

اس کا تو دیں دھرم نہ وطن مستقل رہے

عورت ہے اک پہیلی اسے بوجھتے رہو!!

محبت کا قرض

میں تیرے قرض کے اس بوجھ سے دبا جائوں

خدا کے واسطے اتنا نہ شرم سار کرو!!!!!!

زندہ ہیں اور جینے کی فرصت نہیں ہمیں

چوبیس گھنٹے پیٹ کی مزدوریاں کی کریں

زندہ ہیں اور جینے کی فرصت نہیں ہمیں

جس قوم کے اساتذہ ترسیں گے روٹی کو

جس قوم کے اساتذہ ترسیں گے روٹی کو

اس قوم کے تلامذہ سیکھیں گے چوریاں

یہ کیسا بے نیازاور خوبصورت رشتہ ہے

تمہاری کال آنی تھی

کہیں ملنا بھی طے تھا اور، ضروری بات کرنی تھی

، نہ تم نے کال  کی ہم کو 

نہ ہم نے یاد کروایا

یہ کیسا بے نیازاور خوبصورت رشتہ ہے

شکایت تم کو ہم سے ہے،

نہ ہم کو تم سے شکوہ ہے-

یہ کیسا بے نیازاور خوبصورت رشتہ ہے

سبھی رشتے اگر ایسے  ہی ہوں
!!تو کیا ہی اچھا ہو

کچھ لوگ ہم سے آج بھی سرحد پہ بیٹھے ہیں

ملکوں نے ساٹھ سال کی مدت بھی کاٹ لی
کچھ لوگ ہم سے آج بھی سرحد پہ بیٹھے ہیں

احساس ِ کمتری تھا کہ وہ بیوقفی تھی

احساس ِ کمتری تھا کہ وہ بیوقفی تھی

سب سامعین دیسی مقرر بھی دیسی تھا

لیکن زبانِ غیر میں ابلاغ شرط تھا

پس کہنے والے قلتِ الفاظ کا شکار

اور سننے والے دقت و آزار سے دو چار

اللہ اللہ کر کے ہوا ختم سیمینار

احساس ِ کمتری تھا کہ وہ بیوقفی تھی؟؟

میں کیسے مان جاوں کہ ہم زندہ قوم ہیں

اپنی کوئی زباں نہ ثقافت نہ امتیاز

احساس ِ کمتری نے میر وقوم مار دی
نفرت سی ہو گئی ہے اسے اپنے آپ سے 

۱۴-۱۵ اگست ۱۹۴۷

اک بار پھر سے خون دو اک بار پھر لڑو

اب تک جو خوں بہایا وہ ضائع کیا گیا

اب تک جو خوں بہایا وہ اپنے ہی گھر کا تھا

اس کا ثبوت یہ ہے کہ حالت وہی رہی

انگریز کے غلام تھے انگریز کے ہی ہو

اک بار پھر سے خون دو اک بار پھر لڑو

ڈرپوک لوگ کتنے تھے برِّ صغیر کے

تلوار جس نے کھینچی اسی کو کیا  سلام

ڈرپوک لوگ کتنے تھے برِّ صغیر کے

ان کا دھرم بچا نہ زباں مستقل رہی

جتنے بھی غاصب آئے ملاوٹ کی اور گئے

مجازی خدا بھی اصلی خدا سے کم تو نہیں

پچھلے پانچ سالوں میں

پہلی دفعہ

میرے پڑوسی کے ہنسنے کی آواز آئی

اور اس کے ساتھ ہی کھلکھلائے

 !!اس کے بچے اور بیوی

(اور اب تک ہستےہی جا رہے ہیں )

!!مجازی خدا بھی اصلی خدا سے کم تو نہیں

 یہیں تک لکھا ہے کہ پھر آواز آئی

"ایک تھپڑ لگائوں کا کس کے"

 اب وہ اکیلا دھمکا رہا ہے

اور باقی سب آوازیں چپ ہیں

--------------مجازی خدا بھی

رب نے کیا چیز بنا دی عورت

حسن ایسا کہ آنکھ پھٹ جائے

رب نے کیا چیز بنا دی عورت

عشق کا ریشم بننا

رات دن الجھے رہیں روزی کے پھندوں میں ہم 

اب تو ممکن ہی نہیں عشق کا ریشم بننا

ایک وہ دن تھے جہاں دیکھنا چودہ کا چاند

شب بسر کرنا وہیں عشق کا ریشم بننا

ماں

تم دنیا دنیا کرتے ہو دنیا میں کچھ نہیں

کچھ ہے اگر تو ماؤں کے قدموں کی خاک ہے

سب لین دین والے ہیں سب روٹھ سکتے ہیں

بے لوث رشتہ ماں کا ہے جو روٹھتا نہیں

دنیا میں جتنی مائیں ہیں سب ایک سی لگیں

یہ بھی تو اک ثبوت ہے رب سب کا ایک ہے

سرحد کے آر پار

کابل ہو زاہدان ہو دلی کہ سنکیانگ
ہر سمت کلمہ گو ہیں تری جنگ کس سے ہے
اپنے ہی بھائی بندوں کو دشمن سمجھتا ہے
تیرے ہی جیسے وہ ہیں تری جنگ کس سے ہے

سرحد کے آر پار ہے مخلوق ایک سی

طالبان

طالبان

اقبال کے عقاب کو رستہ دو  آنے دو
دوقومی نظریے کی فتح عنقریب ہے
تم نے لکیر کھینچی تھی مذہب کے نام پر
کشمیر کی لڑائی بھی مذہب کے نام پر
مذہب کے ہی نظام سے اب ڈر رہے ہو کیوں
مذہب کے ہی نظام کو اک بار آنے دو

तालिबान

इक़बाल के अक़ाब को रस्ता दो  आने दो

दोकौमी नज़रीऐ की फ़तह अनक़रीब है

तुम ने लकीर खींची थी मज़हब के नाम पर

कश्मीर की लड़ाई भी मज़हब के नाम पर

मज़हब के ही निज़ाम से अब डर रहे हो क्यों

मज़हब के ही निज़ाम को इक बार आने दो

ہیلے کالج کے پیارے طلبا کے لیے

ہیلے کالج کے پیارے طلبا کے لیے

نئے پرندے نئی اڑانیں، نئے افق اور نئی امیدیں

میں ایسی دنیا کو کیوں نہ چاہوں جو زندگی سے بھری پڑی ہے

تمہاری آنکھیں نہیں ہیں پیارو، چراغ جلتے ہیں پانیوں پر

تم ان کو یکجا تو کر کے دیکھو دو چار گز پہ سحر کھڑی ہے

یہ سرزمیں ہے اسے پاک کر رہیں ہیں ہم

قیام ِ ملک سے اب تک قتال جاری ہے

یہ سرزمیں ہے اسے پاک کر رہیں ہیں ہم

نفسا نفسی

مری گلی میں ہوا خون اور میں خوش ہوں

کہ رب نے جان بچا لی مرے عزیزوں کی

ہانک دو ان کو

چند افراد کے سوا سب لوگ

گھاس چرتے ہوئے مویشی ہیں

جس طرف چاہو ہانک دو ان کو

لمحہ موجود

الٹ پلٹ کے بہت دیکھی زندگی میں نے

سوائے لمحہِ موجود کچھ نہیں اس میں

سو جی سکو تو اسے جی لو آج اس پل میں!

خوف آتا ہے خود سے ملتے ہوئے

ذات کے بے امان جنگل میں

خواہشیں بے لگام پھرتی ہیں

خوف آتا ہے خود سے ملتے ہوئے

تا کہ

جان سے جان توڑ کر اپنی

مائیں بچوں کو پیدا کرتی ہیں

تا کہ آباد رب کی دنیا رہے

وہ اپنے آپ کو کیوں کر خدا نہ سمجھے گا

کہ جس کے رزق سے پلتی ہے بھوکی خلقِ خدا

رات پڑتی ہے تو سوجاتے ہیں ہمدرد سبھی

درد جس کا ہے اسی کا ہے فقط اس کا ہی ہے

رات پڑتی ہے تو سوجاتے ہیں ہمدرد سبھی

سرکاری اسپتال

راہ میں لیٹ گئے درد کے مارے ہوئے لوگ

جاگتے سوتے سے بے حال سے بے چارے لوگ

چوکیدار آئے گا
 اور چوب چھبو جائے گا

بڑہڑاتے ہوئے اٹھیں گے لپیٹیں گے لحاف

!!!! :سرد موسم میں عیادت بھی بہت مشکل ہے

چاہت نہیں چھپنے والی

ایسی خاموشی کہ دھڑکن کی دھمک پڑتی ہے

اور ابلاغ کہ آنکھوں کی  بھی آواز آئے

ایسے حالات میں چاہت نہیں چھپنے والی

ایسے لہراتا ہوا چلتا ہےوہ شاخ بدن

چاند دیکھے گا تو گر جائے گا چکر کھا کر

چاندنی رات میں اس کونہ جگانا لوگو

بند باندھو تو جسم ٹوٹتا ہے

عمر تو وقت سے بندھی ہوئی ہے

جو مسلسل گزرتا جاتا ہے

زندگی قطرہ قطرہ ملتی ہے

ہفتوں کے بعد چار چھے لمحے

اور سالوں میں چند ہفتے بس

ٹکروں ٹکروں میں لوگ جیتے ہیں

جنس  مجبوری ہے ارے صاحب

بند باندھو تو جسم ٹوٹتا ہے

 شرم آتی ہے انہیں قوم بلاتے ہو جب

مادری بولی جنہیں بولتے شرم آتی ہے

خود ناپسندی

بدیسی ملک کا قانون وردیاں تھانے

بدیسی بولی بدیسی لباس اور کھانے

بدیسی حلیہ بدیسی دماغ اور سوچیں

بدیسی جو بھی ہو اچھا ہے بلکہ بہتر ہے

جو بس چلے تو یہ DNA  بھی بدل ڈالیں

کہ میری قوم کے لوگوں کو خود سے نفرت ہے

دماغ کم ہو تو!!

یہ بات کھیلتے بچوں سے میں نے سیکھی ہے

دماغ کم ہو تو چوٹیں زیادہ آتی ہیں -

ابھی ابھی یہ خبر ریڈیو پہ آئی ہے-

"ملیشیا کے مسلمان پھر سے جھگڑے ہیں - 

کہیں پہ آگ لگی اور کہیں پہ خون بہا

خدا سبھی کا سہی نام اپنے اپنے ہوں

کلیسا والوں نے گرجے پہ کیوں لکھا اللہ"

یہ کیسی خلق خدا ہے، خدا کے نام پہ ہی

خدا کے بندوں کو شعلوں میں جھونک دیتی ہے

یہ بات کھیلتے بچوں سے میں نے سیکھی ہے

دماغ کم ہو تو چوٹیں زیادہ آتی ہیں

حویلی دل کی

ایک وہ دور تھا میلہ سا لگا رہتا تھا

ایک یہ دور ہے ویراں ہے حویلی دل کی

تم سمجھتے تھے بہت خاص ہو تم دنیا میں

اس سمجھنے نے بہت دھوکے دیے ہیں تم کو!!

نہ شروعات کا معلوم نہ انجام پتہ

گھومتے وقت کے مرکز میں گرائے گئے ہم

یہ کائنات ذرا دیر رک سکے تو جانیں

مشاہدے کے تسلسل کو وقت کہتے ہیں

شاعری

شاعری

 سست رو سانس چلے نبض بھی خوابیدہ ہو

اور بے کاری کہ بیٹھے ہیں تو بس بیٹھے رہیں

ایسے عالم میں کسی علت و حجت کے بغیر

صفر کوشش سے ترے ذہن کی بالائی پر

جو نتر آئے اچانک سے وہی شاعری ہے

وہ ہاسٹل کے شب و روز جن میں زندگی تھی

ہماری مرضی سے چلتا تھا وقت کا پہیہ

گھمائیں سیدھا کہ الٹا ہماری مرضی تھی

کبھی کبھی تو اسے ہفتوں روک بھی رکھتے

  !!وہ ہاسٹل کے شب و روز  جن میں زندگی تھی

ہمارے ماپ کا

بہت سے کپڑوں کو پہنا اتارا اور پہنا

کسی بھی کپڑے میں پورا نہ آسکا یہ بدن

نتیجتا ہمیں یونہی گزارا کرنا پڑا

جو زیبِ تن ہے اسے انتخاب مت سمجھو

ستر چھپانے کی مجبوریاں تھیں کیا کرتے

!!ہمارے ماپ کا کوئی ہمیں ملا ہی نہیں

جو جو پڑھا وہ لوگوں کو تقسیم کر گیا

کوئی تو ہو گھڑی کو جو الٹا گھما سکے

دو چار صدیاں پیچھے پلٹ کر ہے دیکھنا

ہے دیکھنا کہ کس نے لکھا تھا نصابِ ہند

جو جو پڑھا وہ لوگوں کو تقسیم کر گیا

شہروں سے دور اب بھی محبت ہے لوگوں میں

شہروں سے دور اب بھی شرحِ خواندگی ہے کم

مزدور

مزدور

کر رہا ہے معاونت رب کی

اس کی مخلوق پالتا ہے جو

بیوی بچوں کے رزق کی خاطر

جان جوکھوں میں ڈالتا  ہے جو

کوئی مصرع دو کہ اس سوچ کا تن ڈھانپ سکوں

مفلسی آن پڑی قحط کا موسم چھایا

کھوٹی کوڑی بھی نہیں ذہن تجوری میں اب

جتنے الفاظ تھے اظہار میں سب خرچ ہوئے

بے لباس سوچ ہے اک مجھ میں کئی ہفتوں سے
 مجھ میں اک سوچ بھٹکتی ہے کئی ہفتوں سے

کوئی مصرع دو کہ اس سوچ کا تن ڈھانپ سکوں