اوہ

 اوہنے اپنی ۹ وریہاں دی دھی پم٘ی  نوں نال لیا تے بزار ول تر پیا-- اوتھے جا کے اوہنے سائکل اک سائیڈ تے لائی تے آپ دھی  دے نال کپڑیاں والی دکان چ وڑھ گیا - دکان وچ پٹھانی سٹائیل دے زنانہ کپڑے سی - اوہنے دکان دار نوں کیا 

"میری بیٹی دے میچ دے کپڑے دکھائو لال گلابی رنگاں دے"

پم٘ی اندرو اند اینی خش کہ اج پاپا نے مینوں سر پرائز دت٘ا- میں گھر جا کے اپنی بھین تے ماں نوں دس٘وں گی - ماں تے بھین کنیاں خش ہون گئیاں -

اوہنے اک گلابی سوٹ پم٘ی دے میچ دا لیا تے اک لال سوٹ اوس توں دو سال وڈے ںاپ دا- تے وڈا زنانہ سوٹ- پمی ہور خش ہوئِ کہ اوہدے نال نال اوہدی ماں دے بھین دی وی قسمت جاگ پئی اج تاں-

پمی اپنے پاپا نال سائکل دے پچھے بیٹھی سوچاں وچ ہواواں تے اڈدی جاوے- گھر والی گلی مڑن توں بعد پاپا نے سائیکل انکل  امتیاز دے بوہے موہرے کھڑا کیتا تے اندر چلا گیا- انکل ممتاز سعودی عرب رہندے سی تے آنٹی گُل اپنی دو دھئیاں دے نال رہندی سی-  جدوں او اندر گیا تے آنٹی گل دیاں دوویں کڑیاں نٹھ کے آئیاں تے اوہنے دوہاں نوں اپنے نال چمیڑ لیا- فیر اوہنے شاپر چوں گلابی تے لال سوٹ دے جوڑے کڈھے تے کیہا کہ جاو مینوں پا کے دکھاو- او سوٹ پون اندر گئیاں تےاوہنے پچھیوں دی جا کے آنٹی گل دے نال نواں سوٹ لاوندے ہوئے کیہا - اج سون توں پہلاں آ سوٹ پاونا نہ بھلیں-

او کیہندی تسی وی نہ بس- تسی مینوں کدی وی امتیاز کی کمی محسوس نئیں ہون دت٘ی- بیٹھو میں کھانا بناوندی آں- 

  چاو اندر جا کے بیٹھ گیا- اینے چ دوویں کڑیاں نویں سوٹ پا کے آ گئیاں -
"واہ- اج تاں پٹھانیاں لگ ریہیاں میریاں دونوں دھیاں"
 - اوہنے  چھوٹی نوں جھولی چ بٹھایا تے وڈی نوں 

کھچ کے سینے نال لیا تے بلھاں اتے بلھ رکھ کے کہن لگ٘ا - 

 نیرے پت نے اج  لپ سٹک نہیں لائی؟ 

تے وڈی کہن لگی- انکل اینی زور نال میرے بلھ نہ چمیا کرو - اک تاں تھک لا دیندے او نالے تھہاڈی مچھاں داڑھی بہت چبھدی آ-

او کہیندا جے ایداں آ تاں میں فیر گتگتاریاں کڈھن لگ پینا- تے نال ای اوہنے اپنا  ہتھ اوہدیاں بغلاں چ رکھ دت٘ا تے گھموندا گھموندا سینے تے لَے آیا - 

وڈی کہیندی انکل نہ کر و- تے او کہن لگا - میں تاں شیہد دی مکھیاں دیکھن ڈیاں کہ کڈھیاں کڈیاں ہو گئیاں-

وڈی نے بڑی زور نال آپ چھڈایا تے دوجے کمرے چ بھج گئی-

او پچھوں واجاں مارن لگ پیا - میرا پت غصے ہوگیا - آ جا میں گت گتاریاں نہیں کڈھدا- تے آنٹی گل وی واجاں مارن لگ پئِ-

کڑے آجا - تھہاڈے پیو تاں پردیس بیٹھا - جے کوئی تھہانوں پیو والا پیار دیے ریہا تو تھہانوں پچدا نہیں- 

ااو کہن لگا - چل کوئی گل نہیں - ہان نوں ہان پیارا- بچے بچیاں نال توے وڈے وڈیاں نال راضی رہندے آ- گل نے ہلکا جیہا مسکرا کے تکیا - - کہیندی اچھا جی - جدوں نیانے سو گئے تے مس کال مار دوں گی-

پم٘ی بوہے کول ہی کھڑی سی تے اوہدے اکھاں چو پانی چو چو کے ٹھوڈی گل٘ی کر ریہا سی

ااوہنے  کھانا کھادا پم٘ی نوں نال لیا تے کیہا جے گھر جا کے توں کوئی وی گل کیتی تے تیرے ساہ پی جوں گا- - گھر گئے تے پم٘ی دے موں تے پریشانی دیکھ کے ماں کہن لگ٘ی - کیہہ ہویا میری دھی نوں پریشان جیہی آ-

او کیہندا- ہونا کیہہ- چاکلیٹ کھا کھا نہیں رجھدی- ۲۰۰ روپے دا لے کے دت٘ا ہلے ہور منگدی سی- میں کیہا بیمار ہو جائیں گی تے ایہدا منہ بن گیا-

ماں کیہدی نہ پت گھر دا کھانا کھائی دا- باہروں لے کے نہیں کھائی دا-

 روٹی لے کے آواں پمی پت؟

او کیہندا روٹی ایہنے کیہ کھانی ڈھڈ تاںایہدا بھریا ہویا- چل پمی کاپی لے آ تے ۸ دا پہاڑا لکھ کے دکھا-

تے آپ اوہ منجھی تے لما پے گیا- پمی کاپی لے کے اہندے پواندی بہہ گئی- جدوں پہاڑا لکھ کے دکھایا تے اوہنے یک نظر مار کے کیہا- تینوں کدوں پہاڑے یاد ہون گے- تے نال ای ٹھڈا اینی زار نال ماریا کہ پمی پنجے ڈگ پئی تے   اوہدا سر ساہمنلی کندھ تےجا کے وجیا- پمی بے سرت جیہی ہو گئِ- ماں اچی اچی رون لگ پئی- میری دھی مار دتی میری دھی مار دتی- ایہہ بولدی ہی نہں بے وش ہو گئی-

ایہنون ہسپتال لے جاو

او اٹھیا تے چھیتی چھیتی مسیت ول تر پیا- جا کے اوہنے عشا دی ازان دتی- تے اگلی صف چ بیٹھ گیا- امام مسجد آیا تے اوہنوں کہندا-

اللہ والیو، تھہانوں کوئی نہیں پہنچ سکدا- مینوں ایس مسیتے آئے نوں دس سال ہو گئے - تسی نہ کدی تہجد چھڈی تے نہ کوئی اذان-