تھوڑا تھوڑا کرتے میں نے ساری زندگی ضائع کر دی

نہ جانے کیسی اداسی تھی اس کی آنکھوں میں
کہ چند لمحوں میں سالوں کا درد لے کے اٹھا

بس یہ کر لوں بس وہ کر لوں، بس یہ آخری کام ہے اب
تھوڑا تھوڑا کرتے میں نے ساری زندگی ضائع کر دی

پر ایک شخص ہے تکیہ کیے ہوئے مجھ پر

بہت ہی دھندلا سا اک نقش ہوں سرِ ساحل
پر ایک شخص ہے تکیہ کیے ہوئے مجھ پر

وہ کیسی عمر تھی پل پل کو پر کھا کرتے تھے
یہ کیسی عمر ہے سالوں کا بھی حساب نہیں

پھر اپنے آپ میں لوٹو گے قسمتوں کے طفیل
کسی کی آنکھوں میں دیکھو تو ہوش مت کھونا

اب اپنے آپ میں تھوڑا سا بچ گیا ہوں بس!
میں اگلی نسل میں خود کو انڈیلتا جاوں