دونوں ملتے ہیں تھوڑی دیر کو بس!!!‬

حسن کچے گھڑے کی مانند ہے‬

‫عشق موجِ چناب کی صورت‬

‫حسن کی زندگی ہے دو پل کی‬

‫عشق رکتا نہیں گزر جائے‬

‫دونوں ملتے ہیں تھوڑی دیر کو بس!!!‬

زندگی میری مگر اس کو گزارے گا کوئی

سابس آٹکی ہے تہہِ دستِ حنائی یارو
وصل کی قید سے بہتر تھی جدائی یارو

زندگی میری مگر اس کو گزارے گا کوئی
مجھ پہ الفت نے یہ تعزیر لگائی یارو

ایک ہی خواب کی تعبیر ملی تھی مجھ کو
اور  پھر زندگی بھر نیند نہ آئی یارو

نظق پایا ہے مگر نظق شناسا نہ ملا
بات جو لب پہ رکی خود کو سنائی یارو

محرمِ دل کی تمنا میں بھٹکتا ہی پھروں
دل میں غم ہاتھ میں کاسہ گدائی یارو

کوتوالوں کی طرح کھینچ کے لایا ہوں اسے

شہر کا شہر ہی بن بیٹھا تھا قاتل جاناں
ہم کو کرنا ہی پڑا تجھ سے تغافل جاناں

کوتوالوں کی طرح کھینچ کے لایا ہوں اسے
در ترا چھوڑ کے آتا ہی نہ تھا دل جاناں

نائو چاہت کی بھلا پار لگاتے کیسے
ہر بھنور ہم کو لگا دور سے ساحل جاناں

باریاں باندھ کے بیٹھے ہیں سبھی جانے کو
فرق اتنا ہے کوئی آج کوئی کل جاناں

جب تلک سانس تھی خوابوں کے تعاقب مییں رہے
خواب ہی خواب ہیں مری عمر کا حاصل جاناں

تم کو چھو لوں تو یقیں  آئے کہ زندہ ہوں میں
تم کو پا لوں تو میں ہو جائوں مکمل جاناں

کپکپاتا ہوا ہنستا چہرہ

روٹھ کر اور سنور جائے گا
رنگ گالوں پہ بکھر جائے گا
کپکپاتا ہوا ہنستا چہرہ
سیدھا سینے میں اتر جائے گا

لاج کا خوف بھی پروائی بھی

دل یہی سوچ کے گھر جائے نہ
خواب آنکھوں سے مکر جائے نہ
روٹھ کر اور سنور جائے نہ
سرخی گالوں پہ بکھر جائے نہ
آنکھوں آنکھوں میں محبّت ابھری
آنکھوں آنکھوں میں اتر جائے نہ
دل پہ ہر سمت ہزاروں پہرے
عشق گھٹ گھٹ کے ہی مر جائے نہ
لاج کا خوف بھی پروائی بھی
پھول چاہت کا بکھر جائے نہ
کپکپاتا ہوا ہنستا چہرہ
کیسے سینے میں اتر جائے نہ?

اس سے کہنا کہ خفا نہ ہونا

اس سے کہنا کہ خفا نہ ہونا
روپ کچھ اور نکھر جائے گا

کاغزی پھول سے خوشبو کی تمنا ہے عبث

کاغزی پھول سے خوشبو کا گلہ کرتے ہو
تم بھی نادان ہو اے دوست یہ کیا کرتے ہو
روز شکوے بھی کرے کوئی تو کس سے آخر
تم صحیح کرتے ہو قسمت کو برا کرتے ہو

دفن کر دوں کہ جلا دوں کہ سنبھالے رکھوں

دفن کر دوں کہ جلا دوں کہ سنبھالے رکھوں
میری آنکھوں میں ہیں کچھ خواب جو دم توڑ گئے

ہم ہی لوٹ آئیں گے دیوار سے ٹکرا کر سر

ہم ہی لوٹ آئیں گے دیوار سے ٹکرا کر سر
اے ستم گر ترا دروازہ نہ کھل پائے گا

وہ اگر مجھ سے خفا ہے تو مجھے چھوڑ بھی دے
گر ملاقات نہ ہو خواب میں آجائے ہے

ہمارے پاس تھے کچھ خواب ہم وہ بیچ آئے

پرانے مال کو نیلام کر رہے تھے لوگ
ہمارے پاس تھے کچھ خواب ہم وہ بیچ آئے

ماں

میں جھولی بھر کے خوشیاں

گھر میں آیا ہوں
مگر میں کیا کروں گھر میں میری ماں ہی نہیں

مرے ہی جیسے زمیں زاد "چاند" سمجھیں مجھے

اندھیری رات میں تنہا بھٹکتا پھرتا ہوں
مرے ہی جیسے زمیں زاد "چاند" سمجھیں مجھے

میں شرمسارِ قلم ہوں

تھا جال ریشمی دھاگوں کا جو وہ بنتا گیا
میں خوشنمائی کے دھوکے میں قید ہوتا گیا

بس ایک شخص کو قدرت تھی سارے لمحوں پر
کبھی ہنساتا رہا اور کبھی رلاتا گیا

تھا راستوں کا چنائو کہ کھیل قسمت کا
میں جس طرف بھی چلا تجھ سے دور ہٹتا گیا

یہ بات سچ ہے کہ دل کو سکون غم نے دیا
مگر یہ بات بھی سچ ہے کہ غم ہی ملتا گیا

تمام عمر میں خواہش کو زیر کرتا رہا
حقیقتا اسی کوشش میں شوق بڑھتا گیا

میں شرمسارِ قلم ہوں کہ جب بھی لکھنے لگا
اذیّتِ غمِ جاں کا بین کرتا گیا

کھارے پانی کے سمندر میں جزیرہ تھا مرا

بھول جانا ہی تھا اک روز حقیقت تھی یہی
زندہ رہنا تھا کسی طور کہ قسمت تھی یہی

ہم زمانے سے بھلا کیسے بغاوت کرتے
عشق ہی چھوڑ دیا اپنی بغاوت تھی یہی

جس کو بھی چاہا فقط خواب کی حد میں چاہا
آنکھ کھلتے ہی مکر جانا محبت تھی یہی

کھارے پانی کے سمندر میں جزیرہ تھا مرا
یعنی محفل میں بھی تنہائی مصیبت تھی یہی

جب یہ محسوس ہوا ہم سے وہ اکتانے لگا
ہم بھی چپ چاپ پلٹ آئے ضرورت تھی یہی

وہ تو مضراب تھا مطرب کی توجہ نہ ملی

مر گیا وہ بھی سبھی ساز بھی قدرت تھی یہی

یہ اور بات کہ تم سے نظر چرا لی ہے

یہ اور بات کہ تم سے نظر چرا لی ہے
مگر دھیان میں محفل تری سجالی ہے
میں اپنے خواب میں خوش ہوں مجھے سماج سے کیا
کہ میں نے خواب میں صحبت تری بسالی ہے

اندھیرا بڑھ گیا جب سے دیا جلایا ہے

خدا کا شکر ہے دل کو یقین آیا ہے
وہ اب ہمارا نہیں ہے وہ اب پرایا ہے

جسے شریکِ سفر میرا کہہ رہے ہیں لوگ
وہ کوئی شخص نہیں ہے بس ایک سایہ ہے

جبین خاک پہ رکھ دی اجاڑلی دنیا
بتانِ شہر پہ جس نے بھی سر جھکایا ہے

تمہار ساتھ مجھے اور کر گیا تنہا
اندھیرا بڑھ گیا جب سے دیا جلایا ہے

اداسی آنکھ میں پھیلی خلا ہے سینے میں
لو ہم نے راہ وفا سے یہی کمایا ہے

ہے المیہ کہ ہمیں کوئی بھی سمجھ نہ سکا
سو جو بھی خواب تراشا وہی چھپایا ہے

یوں بے دلی سے لکھا تھا وفا کا آخری خط

یوں بے دلی سے لکھا تھا وفا کا آخری خط
کہ جیسے کڑوی دوا تھا وفا کا آخری خط

پھر سے مجھے عطا ہو امامت حسین کی

جینا سکھا گئی ہے شہادت حسین کی

ہر دور میں رہے گی حکومت حسین کی

اپنے ہوں یا کہ غیر عقیدت سبھی کو ہے

ہر دل میں موجزن ہے محبت حسین کی

پھر سے مرے وطن پہ یزیدی کا راج ہے

پھر سے مجھے عطا ہو امامت حسین کی

جو ذات ساقیِ کوثر ہے دو جہاں کے لیے

جو ذات ساقیِ کوثر ہے دو جہاں کے لیے
اسی کی آل کا پانی یزید نے روکا

جو ترے آس پاس رہتے ہیں

جو ترے آس پاس رہتے ہیں 

وہ بھلا کیوں اداس رہتے ہیں

میں اپنی شکل کی حسرت میں جھومتا ہی گیا

میں اپنی شکل کی حسرت میں جھومتا ہی گیا
جفا کے چاک پہ دن رات گھومتا ہی گیا
تجھے میں جیت گیا پر یہ جیت آخری تھی
پھر اس کے بعد میں ہر پل کو ہارتا ہی گیا
میں ضد پرست تھا کوشش سے باز نہ آیا
مگر نصیب مرا زور توڑتا ہی گیا
چراغ ہاتھ پہ رکھ کر خموش چلتا رہا
اگرچہ شور ہوا کا پکارتا ہی گیا
میں عام شخص سہی پھر بھی خاص تھا دل کا
مگر یہ زعمِ وفا دل کو روندھتا ہی گیا
میں جب بھی قتل ہو دل کے فیصلوں سے ہوا
 مگر میں کیا کہوں دھڑکن سے ہارتا ہی گیا

کئی برس ہوئے ناکامیوں نے گھیرا ہے

کئی برس ہوئے ناکامیوں نے گھیرا ہے

ہماری جیت کی رسمیں بدل گیا کوئی

چلے تو ہم بھی تھے منزل کی آرزو لے کر

 چلے تو ہم بھی تھے منزل کی آرزو لے کر
یہ اور بات کہ سمتیں بدل گیا کوئی

"وہ قتل بھی کرتے ہیں تو چرچا نہیں ہوتا"

بہت اداس سہی پھر بھی دل لگا بیٹھا

بہت اداس سہی پھر بھی دل لگا بیٹھا
میں دوستوں سے تھکا دشمنوں میں جا بیٹھا

اندھیری رات کا عالم ہے اور تنہائی
تمہارے خواب میں نیندیں کوئی گنوا بیٹھا

میں مسکراتا رہا غم چھپا کے سینے میں
وہ دل لگی میں بھی آنکھیں میری رلا بیٹھا

شریف شخص تھا الفت بھلا میں کیا کرتا
بس احتیاط میں ہی زندگی گنوا بیٹھا

نظر نظر میں ہی شکوے جو کر دیے میں نے
نظر نظر میں ہی قسمیں بھی وہ اٹھا بیٹھا

ہمارے خواب کی تعبیر کوئی کیا کرتا
کہ کوئی خواب میں جنت ہمیں دکھا بیٹھا

فریب ہم نے محبت میں اس قدر کھائے -
کہ اب فرہب بھی ہم سے نظر چرا بیٹھا

جسے قریب سے دیکھا اسی میں کھوٹ ملا
میں تلملاتا ہوا شوق ہی گنوا بیٹھا

کسے خبر کہ محبت میں ہے کمائی کیا
کہ جو بھی آیا سفر میں ہی جاں گنوا بیٹھا

میں جی رہا ہوں ک جینے کا قرض باقی ہے
وگرنہ شوق تو مدت سے دل جلا بیٹھا

یہ آدھی رات کا عالم یہ شاعری کی فضا
میں آج جینے کے سب درد ہی بھلا

عشق جھکتا ہے فقط ایک ہی در پر لوگو

عشق جھکتا ہے فقط ایک ہی در پر لوگو
اور پھر ساری خدائی کو جھکا دیتا ہے-

ہم کے تعبیر سے الجھے ہوئے جاں تک آئے

 ایک خواہش کے تعاقب میں کہاں تک آئے
پھول چنتے ہوئے ہم لوگ خزان تک آئے

خواب تعبیر کا جھگڑا تھا مگر دیکھیے تو
ہم کے تعبیر سے الجھے ہوئے جاں تک آئے

ساتھ دینے کو جو آیا تھا وہی بوجھ بنا
ہم تعلق کی پرستش میں گماں تک آئے

مجھے تم سے محبت ہے

مجھے تم سے محبت ہے
مگر میں کیا کروں جاناں
کہ میری اس محبت کے
سبھی صفحات کورے ہیں
جہاں تک دیکھتے جائو
فقط فرقت ہی فرقت ہے
مجھے تم سے محبت ہے
مگر کیا فرق پڑتا ہے
سبھی باتیں مرے دل کی
مرے دل کے ہی اندر ہیں
کسی کو گر بتا دیں ہم
قیامت ہی قیامت ہے
مجھے تم سے محبت ہے
مگر اس شہرِ بے حس میں
محبت کا حوالہ کیا
عقیدوں اور رواجوں میں
دلِ ناداں کا جزبہ کیا
یہاں جینے کے ہر پل میں
مروت ہی مروت ہے

مجھے تم سے محبت ہے
مگر میں کیا کروں جاناں

ہماری زندگی میں ہیں فقط اب معجزے باقی

کہیں مذہب سہارا ہے کہیں قسمت پہ تکیہ ہے
ہماری زندگی میں ہیں فقط اب معجزے باقی

کہ جیسے کوئی لڑائی مری نصیب سے ہو

جہاں میں جو بھی ملا وہ خلافِ چاہ ملا
کہ جیسے کوئی لڑائی مری نصیب سے ہو
بناتا جاتا ہوں میں اور وہ ڈھاتا جاتا ہے
کہ جنگ جیسے لگاائی مری نصیب سے ہو

میں جس بھی راہ سے گزروں محبت سامنے آئے

میں جس بھی راہ سے گزروں محبت سامنے آئے

مرے حالات ایسے ہیں مجھے بچ کر نکلنا ہے

میں جس بھی راہ سے گزروں

میں جس بھی راہ سے گزروں
محبت سامنے آئے

اسے سماج کی شرطوں سے واسطہ کب تھا

سزا وفا کی ملے گی یہ طے ہوا کب تھا
شروع شروع میں محبت سے دکھ ملا کب تھا
میں خواب زار کا باسی، سراب میں ہی رہا
حقیقتوں سے تعارف کا حوصلہ کب تھا
نظر نظر میں ہی صدیوں کے فیصلے ہوں گے
نگاہِ یار کو اس بات کا پتہ کب تھا
وہ ایک شخص مری چاہتوں کا مارا ہوا
اسے سماج کی شرطوں سے واسطہ کب تھا

میں شب و روز غمِ جان کی تدبیر کروں

میں شب و روز غمِ جان کی تدبیر کروں
لیکن افسوس یہ سیلاب مرے بس کا نہیں

درد انسان کو گھٹی میں پڑا ملتا ہے

درد انسان کو گھٹی میں پڑا ملتا ہے
عمر پھر اس کے تدارک میں گزر جاتی ہے

مول جینے کا ادا کرتے ہوئے خرچ ہوئے

مول جینے کا ادا کرتے ہوئے خرچ ہوئے
زندگی ہم نے تجھے غور سے دیکھا ہی نہیں

سرسری سی نظر ملی اس سے

 آنکھیں آنکھوں سے  چار کر آیا
اور باقی ادھار کر ایا
سرسری سی نظر ملی اس سے
بے دھیانی/خیالی میں پیار کرآیا
مسکراہٹ دبا کے ہونٹوں میں
نیچی نظروں سے وار کر آیا
کل جسے آنکھ بھر کے دیکھا تھا
آج سولہ سنگھار کر آیا
حسن کو شوق تھا ستائش کا
عشق کیوں جاں نثار کر آیا
یہ محبت یہاں کی جنس نہ تھی
یونہی خوابوں کو خوار کرآیا
دھڑکنوں پر ہزار پہرے تھے
سر پھرا پھر بھی پیار کر آیا

کون ٹھوکریں کھاتا

کون ٹھوکریں کھاتا
دل اگر نظر آتے

yeh uqda mujh pe bohat baad mein khula yaro

koi bhi mera naheen tha  wafa ki raho mein..
yeh uqda mujh pe bohat baad mein khula yaro
mein aap apnay khiyalat k hisaar mein tha..

mujhay shayer hi ban'na tha

meray halaat aisay thay
mujhay shayer hi ban'na tha

بوجھ جینے کا اٹھاتے ہوئے تھک جاتے ہیں

بوجھ جینے کا  اٹھاتے ہوئے تھک جاتے ہیں
ہم کہ بگڑی کو بناتے ہوئے تھک جاتے ہیں

ہر طرف بت ہیں خدایا تری دنیا میں یہاں
عشق والے تو سناتے ہوئے تھک جاتے ہیں

جب بھی آتا ہے وہ کچھ خواب دکھا جاتا ہے

ہم پھر اس دل کو مناتے ہوئے تھک جاتے ہیں

پہلے کرتے ہیں محبت کے ہزاروں دعوے

پھر تعلق کو نبھاتے ہوئے تھک جاتے ہیں

تیری دنیا سے بہت دور نکل آیا ہوں

اب ترے خواب بھی آتے ہوئے تھک جاتے ہیں

مگر میں کیا کروں مجھ کو یہ جھوٹ بھی ہے پسند

میں جانتا ہوں کہ وعدے یہ جھوٹ ہیں سارے
مگر میں کیا کروں مجھ کو یہ جھوٹ بھی ہے پسند

تلاشِ رزق میں نکلے تھے زندگی کے لیے

تلاشِ رزق کو نکلے تھے زندگی کے لیے

اسی تلاش میں ہم زندگی گنوا آئے

لوگ ہر روز نئی ریت بنا دیتے ہیں

پہلے جس بات پہ کھلتی تھیں زبانیں سب کی
اب اسی بات پہ سب آنکھ جھکا لیتے ہیں
کتنی تیزی سے بدلتا ہے زمانے کا مزاج
لوگ ہر روز نئی ریت بنا دیتے ہیں

ہم نے ااک عمر زمانے سے لڑائی رکھی

ہم نے ااک عمر زمانے سے لڑائی رکھی
تھک گئے جب تو زمانے کا ہی حصہ ہوگئے

اس سے بہتر بھی تو جینے کے بہانے ہوں گے

اس سے بہتر بھی تو جینے کے بہانے ہوں گے
ہم کو فی الحال ترے خواب کی دنیا ہے بہت

سانسیں آتی ہیں ٹھہرتی ہیں چلی جاتی ہیں

سانسیں آتی ہیں ٹھہرتی ہیں چلی جاتی ہیں
خالی کمروں میں بھٹکتی ہوں ہوائیں جیسے

زندہ رہنے کی تگ و دو میں ہیں مصروف سبھی

زندہ رہنے کی تگ و دو میں ہیں مصروف سبھی
ورنہ دنیا سے کسی کو بھی کوئی کام نہیں

جو بنا چاہے ملا مجھ کو وہی اچھا تھا

جو بنا چاہے ملا مجھ کو وہی اچھا تھا

میری چاہت میں کوئی خاص برائی/خرابی ہےشاید

اب نئی زباں دے دے

پچھلے کچھ مہینوں سے
کچھ بھی لکھ نہیں پاتا
جب بھی لکھنے بیٹھوں میں
لفظ ہی نہیں ملتے
کشمکش عجب سی ہے

فکر تذبذب سی ہے
اتنی الجھی سوچوں کو
لفظوں میں بھروں کیسے
گول مول سے جذبوں کو
باتوں میں کہوں کیسے
خواب ہیں اچھوتے سے
لفظ ہیں کہ سادہ سے
صدیوں کے گھسے ہوئے
حالِ دل سنانے کو
اب نئی زباں دے دے!

مٹھی بھر لفظ ہیں دنیا کی زبانوں میں یہاں

مٹھی بھر لفظ ہیں دنیا کی زبانوں میں یہاں
اپنے جذبات ترے سامنے لائوں کیسے

یوں ہی ناحق ہمیں بدنام نہ کرنا یارو

یوں ہی ناحق ہمیں بدنام نہ کرنا یارو
عشق سے بھی نہیں حالات بدلنے والے

اک مسلسل خیال کی صورت

اک مسلسل خیال کی صورت
وہ مرے ساتھ ساتھ رہتا ہے

سہما سہما ڈرا ڈرا ہے دل

سہما سہما ڈرا ڈرا ہے دل
دنیا والوں سے تھک چکا ہے دل
ضبط کرنے کی مشق کرتا رہا
ضبط میں ہی تھا جب مرا ہے دل
قید ہے جبر ہے تسلط ہے
سانس لیتے بھی ڈر رہا ہے دل
عشق کے نام پر بھی رسمیں ہیں
کیسے لوگوں میں آ گیا ہے دل
سارے خوابوں کو دفن کر کے بھی

روز تعبیر ڈھونڈتا ہے دل

دو چار دن کی ہی قربت میں ٹوٹ جائے سحر

دو چار دن کے تعلّق  میں ٹوٹ جائے سحر

قلعی کیا ہوا برتن ہرایک شخص یہاں

محبتیں بھی یہاں کی، یہاں کی رسموں سی

محبتیں بھی یہاں کی، یہاں کی رسموں سی
جنہیں نبھاتے ہوئے دل کی موت ہو جائے

بس ایک تیرے نہ ملنے سے کچھ کمی سی ہے

بس ایک تیرے نہ ملنے سے کچھ کمی سی ہے
وگرنہ شکر خدا کا کہ انتخاب ہوں میں

مری جبین پہ تختی ہے میرے نام کی بس

مری جبین پہ تختی ہے میرے نام کی بس

وگرنہ عمر کا ہر پل ہے روزگار کے نام

-------------------------------------------

میں چاہتا ہوں اسے پر یہی تو کافی نہیں

درد تو لازمی حصّہ ہے محبت کا ریحان

داغ ماتھے کا تو میلوں سے جلا دیتا ہیں
دیکھنے والا کئی باتیں بنا دیتا ہیں

سچ کو اتنا بھی نہ معیار بنائو یارو
سچ تلکلف کے سبھی رشتے مٹا دیتا ہے

خول چہرے پہ چڑھایا ہے یہاں لوگوں نے
رنگ بہ جائے تو ہر روپ ڈرا دیتا ہے

آئینہ دیکھ کے شرمندگی ہو گی کیوں کر
آئینہ میرا مرے عیب چھپا دیتا ہے

درد تو لازمی حصّہ ہے محبت کا ریحان
پیار انسان کو مجرم بھی بنا دیتا ہے

میں جسے راہ میں چھوڑ آیا تھا رستوں کی طرح

میں جسے راہ میں چھوڑ آیا تھا رستوں کی طرح
اب وہی شخص مری خاک اڑاتا آئے

ہمارا سچ ہی ہمارے خلوص کا دشمن

سزا ملی گی محبت میں راست گوئی کی
ہمارا سچ ہی ہمارے خلوص کا دشمن

مرے مزاج کی دنیا نہ میرے جیسے لوگ

مرے مزاج کی دنیا نہ میرے جیسے لوگ
بھلا میں کیسے زمانے کے ساتھ چلا پاتا

غزل جیت سنگھ

پیار کے راگ الاپنے والا
بکھرے ہوئوں کو سنبھالنے والا
درد کو لفظوں  میں بند کر کے
آسماں کی طرف اچھالنے والا
جاگتی آنکھوں، روتے دلوں کو لوریوں میں سلانے والا
زندگی بھر بے وفائی کے خلاف
نوائے احتجاج اتٹھا نے والا
آج ایسے پڑا ہے جیسے
ستر سالوں کی تھکن اتار راہا ہو
ابھی کچھ پل میں ارتھی اٹھ جائے گی اس کی
جگجیت نام تھا اس کا
جگجیت سینگھ
غزل جیت سنگھ

کچھ تو سوچا ہے زندگی نے ضرور

کچھ تو سوچا ہے زندگی نے ضرور(zindagi ne kush tou shocha ho ga)
اس قدر رائگاں نہ گزرے گی

آئینہ کچھ بتا نہیں پاتا

شکل میری مجھے دکھائے کوئی
آئینہ کچھ بتا نہیں پاتا

جو بھٹکے ہیں تو وحشت کیا، یہ رونا عمر بھر کا ہے

کریں کس سے شکایت کیا ، یہ رونا عمر بھر کا ہے
جو سچ پوچھو محبت کیا، یہ رونا عمر بھر کا ہے

ہمیں ادراک گر ہوتا سرابوں میں بھٹکتے کیوں
جو بھٹکے ہیں تو وحشت کیا، یہ رونا عمر بھر کا ہے

فقط اک پل کی لغزش نے زمیں پر ہم کو دے مارا
کریں اب یاد جنّت کیا، یہ رونا عمر بھر کا ہے

نظر کی ایک چنگاڑی مرے خرمن کو لے ڈوبی
ہوئے جب راکھ حسرت کیا،  یہ رونا عمر بھر کا ہے

مرے چہرے پہ رونق تھی تری قربت کا صدقہ تھا
تری فرقت کی دولت کیا ، یہ رونا عمر بھر کا ہے

ہر اک لمحہ کمی تیری بسر ہو زندگی کیسے
کریں تشریحِ فرقت کیا یہ رونا عمر بھر کا ہے

بھر کے جام خود بخود ہی چھلک جائے گا

بھر کے وہ خود بخود ہی چھلک جائے گا
پینے والے کی قسمت اگر آ ملے

زندگی تیرے قدموں میں گر جائے گی
آگے تیری محبت جھکے نہ جھکے

لمحہ لمحہ تری ضرورت ہے

زدگی کس طرح بسر ہوگی
لمحہ لمحہ تری ضرورت ہے

زندگی تیری شرائط پہ ابھی سوچتا ہوں

وقت رکتا نہیں چپ چاپ گزر جاتا ہے
پھول کیسا بھی ہو اک روز بکھر جاتاہے

لالی چہرے کی تروتازہ گلابوں جیسی
عمر کی دھوپ میں ہر رنگ اتر جاتا ہے

چودھویں رات میں ہر طرف تجلّی جس کی
کون جانے کہ اماوس میں کدھر جاتاہے

زندگی تیری شرائط پہ ابھی سوچتا ہوں
دل دھڑکتے ہوئے کچھ دیر ٹھہر جاتا ہے

مجھ کو منظور نہیں تجھ سے بچھڑکر جینا
پھر بھی ہر روز مرا دن کیوں گزر جاتا ہے

اس جہاں پر کبھی دل سے نہ بھروسا کیجے
وقت آنے پہ مقدّر بھی مکر جاتا ہے

ایک دنیا تمہارے ساتھ سہی

ایک دنیا تمہارے ساتھ سہی
ایک دنیا ہے میری اپنی بھی
تم نے جھٹکا تو کوئی بات نہیں
اپنی دنیا میں لوٹ آئوں گا

باپ بن کر پتہ چلے گا تجھے

باپ بن کر پتہ چلے گا تجھے

باپ کتنا شفیق ہوتا ہے

زیادہ اونچے خوابوں والے

زیادہ اونچے خوابوں والے
جلدی ہی تھک جاتے ہیں
قسطوں قسطوں جینے والے
اک جھٹکے سے مر جاتے ہیں
ہم سے ناداں، عشق کے سائل
رستوں میں ہی کھپ جاتے ہیں
عشق محبت خواب کی باتیں
خواب دغا کر جاتے ہیں

میں نے سو بار کہا یوں نہیں جینا میں نے

میں نے سو بار کہا ایسے نہیں جینا ہے

وقت پھر بھی مرے دن رات لیے جاتاہے!

خزاں بہاروں پہ آ کے ٹھہری، یہ امتحاں تھا محبتوں کا

بچھڑ چکے ہیں تمام راہی، فقط ہے رستے کی گرد باقی
نہ دل رہا نہ ہی دل کا مہماں، مگر ہے سینے میں درد باقی

خزاں بہاروں پہ آ کے ٹھہری، یہ امتحاں تھا محبتوں کا
پرندے شاخوں سے اڑ گئے سب مگر رہا نخلِ زرد باقی

مرے تصور سے تیری یادیں بھی باری باری ہوئی ہیں رخصت
نہ آس کوئی نہ پاس کوئی،  بس ایک ہے آہِ سرد باقی

ہمارے دل کی تمام الجھن تمہاری چاہت کے واسطے تھی
تمہی نے دامن چھڑا لیا جب، نہ دل بچا نہ ہی درد باقی

وہ غمگسار یقینا کسی عذاب میں ہے

کئی دنوں سے ہے خاموش کچھ خبر ہی نہیں

وہ غمگسار یقینا کسی عذاب میں ہے

تمہارا چہرہ کسی اجنبی نے پہنا ہے

جسے فلک نے سنوارا وہ شخص اور ہی تھا
جو چاند سے بھی تھا پیارا  وہ شخص اور ہی تھا

تمہاری راہ سے گزرے بہت سے لوگ مگر
جو ہمسفر تھا تمہارا  وہ شخص اور ہی تھا

محبّتوں کے مراسم سبھی کے ساتھ سہی
جو جان میں تھا اتارا  وہ شخص اور ہی تھا

گزار لیتے تھے ہم وقت سب کے ساتھ مگر
نہ جس کے بن تھا گزارا  وہ شخص اور ہی تھا

میں بول بول کے تھک جائوں کوئی سمجھے نہ!
جو جان لیتا اشارہ  وہ شخص اور ہی تھا

تمہارا چہرہ کسی اجنبی نے پہنا ہے
جو دل جگر تھا ہمارا  وہ شخص اور ہی تھا

وہ پاگلوں سا مرے ارد گرد پھرتا تھا

گئے وہ دن کہ مری اک نگاہ کے بدلے
وہ پاگلوں سا مرے ارد گرد پھرتا تھا

وگرنہ جیتا ہے ہر کوئی زندگی اپنی

ہمیں گماں ہے کہ  ہم ایک ساتھ رہتے ہیں
وگرنہ جیتا ہے ہر کوئی زندگی اپنی

قسم خدا کی محبت کے سلسے ہیں عجیب

قسم خدا کی محبت کے سلسے ہیں عجیب
جو جان سے ہو قریب اس کو اجنبی کہنا!

تلاشِ رزق نے سب فیصلے بدل ڈالے

کچھ اور سوچ کے آیا تھا اس جہاں میں مگر

تلاشِ رزق نے سب فیصلے بدل ڈالے

ندی کا پانی ہوں گدلا مجھے نہ کیجے گا

ندی کا پانی ہوں گدلا مجھے نہ کیجے گا
کہ میری راہ میں تم جیسے اور بھی ہیں ابھی

دو چار سال جو ہوتے تو مان جاتے ہم

 وہ آنکھ ہو گی پرائی ، سہی نہ جائے گی
اسیرِ دل کی رہائی سہی نہ جائے گی
دو چار سال جو ہوتے تو مان جاتے ہم
یہ عمر بھر کی جدائی سہی نہ جائے گی

جو خواب آنکھ نے دیکھا وہ اس زمیں کا نہ تھا

جنوں تھا عشق تھا تجھ سے بڑی محبت تھی
جو شاعری میں لکھی جائے ایسی چاہت تھی
تجھے گنوا دیا حالات کا ستم کہیے
کہ اپنے بیچ میں بس دو قدم مسافت تھی
جو خواب آنکھ نے دیکھا وہ اس زمیں کا نہ تھا
کہ ایسے خواب کی تعبیر تھی تو جنت تھی!
تو کائنات کی وسعت میں رہ گیا تنہا
کہ تیری جیب میں دولت نہ تھی محبت تھی
کسی کے ساتھ میں چلتا تو کس طرح چلتا
کہ پیار کرنا بھی دل سے نہ تھا ضرورت تھی
جسے کرید کے دیکھا وہی ادھورا تھا
اسی لیے مجھے تنہائیوں کی عادت تھی
میں اس جہاں کا نہیں تھا اسی لیے شاید
مری حیات مسلسل مجھے اذیّت تھی

مگر یہ کیا ہوا ہم کو

تمہیں ہی سوچتے رہنا
بہت بے کار سے پھرنا
بڑے ہی سست سے ہو کر
خیالوں میں تجھے لا کر
کھٹولے پر پڑے رہنا
یہ عادت تو کبھی نہ تھی
کہ ہم تو زندگانی کے سمندر سے
دوانہ وار لڑتے تھے
بہائو کے مخالف بھی
بڑے گردے سے چلتے تھے
مگر یہ کیا ہوا ہم کو
کہ جب سے تم سے بچھڑے ہیں
یہ بازو ڈھیلے چھوڑے ہیں
سمندر سے یہ کہتے ہیں
ہمیں پاتال تک لے چل
کہ ہم نے موت سے پہلے زمیں کی پستیوں کی آخری حدوں کو چھونا ہے
دل وحشی کا مفروضہ !
کہ ہم کو ڈوبتا دیکھے تو شاید لوٹ آئے وہ!
دلِ وحشی تو پہلے بھی
بہکتا تھا بھٹکتا تھا
مگر یہ کیا ہوا ہم کو

ہر اک لمحہ خیال آئے کہ تو ہوتا تو یوں ہوتا

ہر اک لمحہ خیال آئے کہ تو ہوتا تو یوں ہوتا
یہ حسرت ہی رہی ہائےکہ تو ہوتا تو یوں ہوتا
زمانہ جب کبھی ہم سے نہایت بے رخی کر دے
تو دل رہ رہ کے جتلائے کہ تو ہوتا تو یوں ہوتا

یہ عمر لمحوں میں کٹتی بڑی طویل لگے

تری کمی کا ہے احساس مجھ کو پر لمحہ 

یہ عمر لمحوں میں کٹتی بڑی طویل لگے

سب غرض کے بندے ہیں

دنیا کی حقیقت کیا
سب غرض کے بندے ہیں
یہ عشق محبت تو
رسمیں ہیں دوانوں کی
باتیں ہیں فسانوں کی
تم پیار کے سودائی
کس بھول میں پھرتے ہو
اس مطلبی دنیا میں
ہو شخص ہی تنہا ہے
ہر شخص ہے ہرجائی
سب وعدے محبت کے
اور قسمیں نبھانے کی
لفظوں کے پلندے ہیں
اور لفظ منافق ہیں
ہرشخص نے جسم اپنا
کندھے پہ اٹھایا ہے
اس جسم کو ہر لمحہ
سانسوں کی ضرورت ہے
کھانا ہے کبھی پینا
اٹھ کرہے کبھی چلنا
محتاج جو اتنا ہو
اس شخص پہ تکیہ کیا
اس خاک کے پتلے پر
کرتے ہو بھروسہ کیا
اس وقت نظرآتے
دو چار جو ساتھی ہیں
حاجات کے مارے ہیں
موسم کے پرندے ہیں

اڑجائیں گے سب اک دن
دنیا کی حقیقت کیا
سب غرض کے بندے ہیں

اس کی چاہت مجھے شہزاد بنانے پہ مصر ہے

دل جنوں خیزترے خواب سجانے پہ مصر ہے
اور تقدیر اسے نیچا دکھانے پہ مصر ہے
ایک بے کار سا انسان ہوں گلیوں میں پھروں
اس کی چاہت مجھے شہزادہ بنانے پہ مصر ہے
شاعری پیار کی بھیجے وہ مجھے رات گئے
درحقیقت وہ مرے خواب میں آنے پہ مصر ہے
میں فقط چاند ہوں ندیا کا مجھے چھو کے نہ دیکھ
کیوں مرے عکس کو پانی میں نچانے پہ مصر ہے
اب محبت نہیں ہوتی، میں نے کوشش تو بڑی کی
دل پرانے کسی رشتے کو نبھانے پہ مصر ہے
ہر کوئی پیاز کی صورت ہے کئی پرتوں میں
ہر کوئی اپنی حقیقت کو چھپانے پہ مصر ہے

جنم کا دن مبارک ہو

سبھی جب بھول جاتے ہیں

تو اس کو یاد رہتا ہے

وہ اک موہوم سا رشتہ بہت پرواہ کرتا ہے

برس کے تین سو پینسٹھ دنوں کے بعد بھی دیکھو

گھڑی بارہ بجاتی ہے

تواک سیکنڈ سے پہلے ہی

اسی کی کال آتی ہے

جنم کا دن مبارک ہو""

اسےمجھ سے محبت ہے

مگر شاید!؟

جسے تم پیار کہتے ہو

جسے تم پیار کہتے ہو وہ افسانہ ہے منٹو کا
کہاں پر ختم ہو جائے کوئی بتلا نہیں سکتا

سانس چلتی ہے چلتے جاتے ہیں

سانس چلتی ہے چلتے جاتے ہیں
وقت کے ساتھ بہتے جاتے ہیں
کوئی سمجھا کبھی نہ سمجھے گا
دل سے مجبور کہتے جاتے ہیں
جھوٹ بولا دغا دیا اس نے
بس یہی بات لکھتے کاتے ہیں
وقت مرہم سہی مگر دیکھو
زخم ہر روز بڑھتے جاتے ہیں
دل دکھا اس قدر محبت میں
اشک بہتے ہیں بہتے جاتے ہیں
نبض چلتی ہے دل دھڑکتا ہے
شور ہوتا ہے سنتے جاتے ہیں
وہ جو بت کو خدا سمجھتے تھے
سر زمیں پر پٹختے جاتے ہیں
ہے ڈراتا ہمیں اکیلا پن
اپنے اندر ہی گھٹتے جاتے ہیں
زندگی سلطنت مقدر کی
ہم مقدر سے لڑتے جاتے ہیں
عشق مرتا نہیں مگر ریحان
عشق میں لوگ مرتے جاتے ہیں

جب تلک یہ سانسیں تھیں

جب تلک یہ سانسیں تھیں
چیختے رہے ہم تم
کیا ہوا مقدر کا
کیا ملا شکایت سے
قسمتوں کی تختی کو
زندگی کی سختی کو
جھیلنا ہی پڑنا تھا
جھیلتے رہے ہم تم
وقت کے سمندر میں
عمر کی حقیقت کیا
اس جہانِ بے حد میں
آدمی کی وقعت کیا
آسماں کی رفعت تک
ہم سے ناتوانوں کا
شور کب پہنچنا تھآ
لیکن اس حقیقت کا
کیا کریں کہ خاکی ہیں
دل میں درد رہتا ہے
درد کی روایت کو
پیٹتے رہے ہم تم

جب تلک یہ سانسیں تھیں
چیختے رہے ہم تم

غمزدہ اور اجنبی آنکھیں

غمزدہ اور اجنبی آنکھیں
مجھ کو لگتی نہیں تری آنکھیں
پہروں باتیں کریں خیالوں میں
سامنے کچھ نہ بولتی آنکھیں

یہ زندگی

یہ زندگی
جس کے بھی حوالے کی
وہی کھیلنے لگا اس کے ساتھ
سو آخر مایوس ہو کر
بہت مجبور ہو کر
محدود کر لیا خود کو
بس اپنے آپ تک!

کس قدر اجنبی لگتی ہیں وہ آنکھیں اب ریحاں

وہ جو اپنا تھا وہی غیر سا لگتا کیوں ہے
اس کی آنکھوں میں کسی اور کا چہرہ کیوں ہے
مجھ سے دیکھی نہیں جاتی تری انجان نظر
بخدا جان کے انجان سا بنتا کیوں ہے
دوغلے نینوں میں کچھ خواب ہمارے بھی تو تھے
غیر کا ہو کے تو ماضی سے مکرتا کیوں ہے
اس محبت نے کسی در کا نہ چھوڑا ہم کو
ریگِ تنہائی ہی مجنوں کا نصیبہ کیوں ہے
کس قدر اجنبی لگتی ہیں وہ آنکھیں اب ریحاں
پیار گر روح ہے تو پھر ایسے بدلتا کیوں ہے

ایک مدت سے میں نے سانسوں کو روکا ہوا ہے

تری امّید مجھے بوڑھا نہ ہونے دے گی

ایک مدت سے میں نے سانسوں کو روکا ہوا ہے

وہ مرا ہے کہ جیسے چاند مرا

وہ مرا ہے کہ جیسے چاند مرا

دیکھنے کو نظر کے پاس رہے

رات بھر چھت پہ میرے ساتھ رہے

لیکن اس کو پکڑتا نا ممکن

---------------------

پہروں باتیں کرے خیالوں میں

آتا جاتا رہے وہ خوابوں میں

وہ مرا ہے کہ جیسے خواب مرا

----------------------

بند مٹھی میں بند کچھ بھی نہیں

گال پھولے ہوا بھری ان میں

ہر شرارت میں اک خیانت ہے

زندہ رہنا کوئی سہل تو نہیں

اس کی یادوں میں کچھ سکون سا ہے

ورنہ جینے میں جی لگے نہ مرا

وہ مرا ہے کہ جیسے چاند مرا

وہ سب کچھ ہے مگر میرا نہیں ہے

جہاں کی ساری اچھی باتیں اس میں

وہ سب کچھ ہے بس اک میرا نہیں ہے

کیسے ہوتے ہیں وہ محبوب جو مل جاتے ہیں

تو نظرآئے تو اکثر یہ خیال آتا ہے

کیسے ہوتے ہیں وہ محبوب جو مل جاتے ہیں

بھیک سانسوں کی طلب کرتے گداگر ہم ہیں

ایک انجان مسافت کے مسافر ہم ہیں
بھیک سانسوں کی طلب کرتے گداگر ہم ہیں

اب زمانے کے حوالے ہیں توغم ہیں ہم ہیں

شوقِ تحریر مگر ہاتھ قلم ہیں ہم ہیں
راستہ گم ہے مگر تیز قدم ہیں ہم ہیں
عقل کے دیس میں دیوانے کدھر جائیں بھللا
دل جنوں خیز پہ تعزیروستم ہیں ہم ہیں
ہاتھ میں تلخیِ دنیا کا ہے زہرِ قاتل
آنکھ میں خواب کے مضمون رقم ہیں ہم ہیں
انتہا یہ کہ مچل لیتے ہیں دل ہی دل میں
ورنہ دن رات جدائی کے الم ہیں ہم ہیں
تیرے نینوں میں بسا کرتے تھے اچھے دن تھے
اب زمانے کے حوالے ہیں توغم ہیں ہم ہیں

زندہ رہنے میں اب سہولت ہے

آپ کی انکھ میں محبت ہے
مرے فن کی یہی حقیقت ہے
شور کرتا پھروں میں گلیوں میں
کون سمجھے کہ کیا شکایت ہے
زندگی بھر جو ہم سنا نہ سکے
چار لفظوں کی اک حکایت ہے
بات اتنی ہے اور کچھ بھی نہیں
ہم کو تم سے بہت محبت ہے
تیری یادوں نے ہاتھ تھام لیا
زندہ رہنے میں اب سہولت ہے
روح کے اپنے کچھ تقاضے ہیں
جسم کی اپنی اک روایت ہے
زندگی خودبخود چلی جائے
جیسے دریا میں پات تیرت ہے
ہم ہیں انسان کیا غرور کریں
لمحہ لمحہ ہمیں ضرورت ہے
ایک شکوہ ہے مجھ کو لوگوں سے
بہت خود غرض ان کی عادت ہے

خواب آتے ہیں کسی اجنبی رہرو کی طرح

زبدگی تیری مسافت کا بھروسہ ہی نہیں
کوئی منزل کوئی چوکھٹ کوئی رستہ ہیں نہیں
خواب آتے ہیں کسی اجنبی رہرو کی طرح
ہم بھی عاشق تھے کبھی اب تو یہ لگتا ہیں نہیں
ایک بس شور ہے لفظوں کا وفا بھی اپنی
سچ تو یہ ہے تجھے دل  سے کبھی چاہا ہی نہیں
ہم کو عادت ہے محبّت میں پڑے رہنے کی
ہجر کے درد کے بن اپنا گزارا ہی نہیں
تیری فرقت ہی مداوا ہے دلِ وحشی کا
وصل کی قید تو ظالم کو گوارا ہی نہیں
بے نیازی ہے خماری ہے کہ مایوسی ہے
اب کسی شے کا طبیعت کو تقاضا ہی نہیں
کوئی تمہید تعارف نہ خلاصہ اس کا
عمر کا کھیل کسی شخص نے سمجھا ہی نہیں

ایک مدّت سے مجھے وہم ہے زندہ ہوں میں

اک جھلک دیکھ لوں تم کو تو یقیں آجائے

ایک مدّت سے مجھے وہم ہے زندہ ہوں میں

اکثر یہی سوچا ہم نے

تیری یاد آئی تو اکثر یہی سوچا ہم نے
کیسے ہوتے ہوں گے وہ لوگ جو مل جاتے ہیں

چاند کہا تھا تمہیں

چاند کہا تھا تمہیں
سو چاند ہی ہو گئے
ہماری پہنچ سے دور
آسمانوں میں
ستاروں کے بیچ
سر اٹھا کے دیکھوں
تو پگڑی گر جائے

حسن والے تیری نازش پہ ہنسی آتی ہے

زندگی تیری نوازش پہ ہنسی آتی ہے
رونے والوں کو جوں بارش  پہ ہنسی آتی ہے
ہیں کہاں اپنے نصیب ایسے کہ مل پائیں ہم
آنکھ کو خواب کی سازش  پہ ہنسی آتی ہے
اس زمانے میں محبت کا تقاضا ہے اسے
دل کی معصوم سی خواہش  پہ ہنسی آتی ہے
اک نظر میں ہی تری عمر کا سودا ہو گا
حسن والے تیری نازش  پہ ہنسی آتی ہے
کاسہ جب ٹوٹ گیا ہے تو جواب آیا ہے
یار کی چشمِ نوازش  پہ ہنسی آتی ہے

کیوں پھر سے۔۔۔۔۔

ہماری آنکھوں میں مر چکے ہیں
تمہاری چاہت کے خواب سارے
سلگ سلگ کے ہی بجھ گئے ہیں
عقیدتوں کے چراغ سارے
بکھر چکے ہیں گلاب سارے
فقط ہے یادوں کی راکھ باقی
محبتوں کا زوال باقی
لٹی پڑی ہے قبا غزل کی
بجھی ہوئی ہے چتا بھی دل کی
کیوں پھر سے الفت بڑھا رہے ہو
مرے ہو ئو ں کو  جگا رہے ہو

ہم نے سو بار تری طرف اچھالا دل کو

کبھی اوقات سے زیادہ نہیں ملتا دل کو
بس اسی بات کا دیتے ہیں دلاسہ دل کو
نامکمل سا کوئی خواب اسے چاہیے تھا
تو جو بچھڑا تو ترے خواب نے پالا دل کو
موت آتی ہے تو وہ آ کے جگا دیتا ہے
اس محبت نے مصیبت میں ہے ڈالا دل کو
تو نے بھولے سے جو اک بار ہمیں دیکھ لیا
ہم نے سو بار تری طرف اچھالا دل کو
ہائے وہ مل جاتا تو کس طور سے جیتے ریحان
اس تجسس نے تو بے چین ہی رکھا دل کو

ترے دیار کے لوگوں کو راس کچھ بھی نہیں

طلب ہے سات سمندر کی پیاس کچھ بھی نہیں
ترے دیار کے لوگوں کو راس کچھ بھی نہیں
سنبھالے پھرتے تھے اک خواب کتنے برسوں سے
جو آج آنکھوں میں جھا نکا تو پاس کچھ بھی نہیں
دبی دبی سی تمنا بھلا جیے کب تک
گھٹن میں قید میں جینے کی آس کچھ بھی نہیں
تمہیں  بھی سیکھنا ہو گا یہ زندگی کا اصول
جو مل گیا ہے وہی ہے ، قیاس کچھ بھی نہیں
اسے گنوا کے بھی جیتے ہیں کیا عجب ہے ریحان
جسے یہ کہتے تھے تم بن حواس کچھ بھی نہیں
 

سفید پوش محبت پہ زعم کیا کرنا

وہ ہم خیال تھا میرا مگر  دو چار قدم
سفر کمال تھا میرا مگر  دو چار قدم
مجھے نصیب پہ اپنے یقیں نہ آتا تھا
عجیب حال تھا میرا مگر  دو چار قدم
اندھیری رات میں روشن چراغ کی صورت
وہ مہ جمال تھا میرا مگر  دو چار قدم
وہ سانس سانس میں مجھ کو حیات دینے لگا
سو جی بحال تھا میرا مگر دو چار قدم
ہے تشنگی کہ محبت بھرا وہ افسانہ
زبان حال تھا میرا مگر  دو چار قدم
مری بقا کی حقیقت کی تلخیوں میں وہ
حسیں خیال تھا میرا مگر دو چار قدم
سفید پوش محبت پہ زعم کیا کرنا
وہ کوئی فال تھا میرا مگر  دو چار قدم

زندگی یہ تھوڑی سی پیار سے گزاریں تو لمحوں میں گز جائے

(گھر کے بزرگوں کی شان میں معذرت کے ساتھ جو ذرا سی بات پر سیخ پا ہو جاتے ہیں)  

آپ کے ارادوں کو
جان لیں اگر ہم تو
آپ کی قسم ہم کو
آپ کے بنا بولے
اآپ کی امنگوں سا
آپ کے ارادوں سا
اپنا آپ کردیں ہم
لیکن اس حقیقت کا
کیا کریں کہ بے بس ہیں
دل کی کیفیت جب تک
ہونٹوں سے ادا نہ ہو
ہم سے بد نصیبوں کو
خاک کے مکینوں کو
کچھ سمجھ نہیں آتی
اس لیے گزارش ہہے
ہم سے بھولپن میں گر
کچھ خطا جو سرزد ہو
پیار سے محبت سے
اور نرم لہجے سے
ٹوک دو تو اچھا ہے
روک دو تو اچھا ہے
کیا برا ہے گر سارے
خشمگیں طبیعت کو
چیخنے کی عادت کو
پیار سے بدل ڈالیں
زندگی یہ تھوڑی سی
پیار سے گزاریں تو
لمحوں میں گز جائے

کیا کہیں گے جگ والے

زندگی ترے شکوے
ہم سے اب نہیں ہوتے
کیا کہیں گے جگ والے
شاعروں کو عادت ہے
بے وجہ شکایت کی

آج تم مقدر ہو

ہم بھی کتنے سادہ ہیں
رنجشیں محبت کی
یار کے ستم سارے
قسمتوں پہ دھرتے ہیں
پہلے وہ مقدر تھا
آج تم مقدر ہو
 

سانس ہو محبت ہو

 چاہنے کی عادت ہے
چاہتوں میں گزری ہے
سانس ہو محبت ہو
آتے جاتے رہتے ہیں

آپ سے محبت کی بس یہی حقیقت ہے

دل کی سرزمیں کو اب
ہارنے کی عادت ہے
حسن کے سواروں نے
اپنی پوری طاقت سے
اس کے ذرے ذرے کو
بار بار روندھا ہے
اس شکست و ریخت نے
عشق کی محبت کی
ہر انا گرا دی ہے
اب تو ایسی حالت ہے
اک ذرا سی آہٹ پر
سب قلعوں کے دروازے
اپنے آپ کھلتے ہیں
اب مزاحمت میں بھی
التفات شامل ہے
آپ سے محبت کی
 بس یہی حقیقت ہے

جو ممکنات میں تھا

جو ممکنات میں تھا سب ہی کر کے دیکھ لیا
بس ایک نقص مقدر میں رہ گیا لوگو

لا محالہ دیا

میری تقدیر نے
مجھ کو جو بھی دیا
لا محالہ دیا
مجھ سے پوچھا نہیں

میری تقدیر نے میرے تابوت میں

میری تقدیر نے میرے تابوت میں
آخری کیل بھی جڑ دیا دیکھ لو
جسم کے ڈھیر  سے
زندگی کی رمق
ڈھونڈنا چھوڑ دو
اب تو امید کا آسرا توڑ دو
اس محبت نے دھوکا دیا دیکھ لو

خواب کے مکینوں کا

خواب کے مکینوں کا
ہم سے بے زمینوں کا
نظریہ عقیدہ کا
اپنی کیا دلیلیں ہیں
ریت کی فصیلیں ہیں
ہم تو زرد پتوں سے
خواہشوں کے جھونکوں پر
رقص کرتے رہتے ہیں
جس طرف بھی لے جائے
موج جذبہ دل کی
بے لگام چلتے ہیں
عقل بھیگی بلی سی
بعد میں بلاوجہ
اپنا بھرم رکھنے کو
بحث کرتی رہتی ہے

غرور ٹوٹا ہے عاشقی کا غمِ زمانہ کا اثر دیکھو

غرور ٹوٹا ہے عاشقی کا غمِ زمانہ کا اثر دیکھو
جو سورما تھے وہ زیرِ پا ہیں گزرتے سالوں کا جبر  دیکھو

پوچھے کوئی تو کیا کہیں کیسی تھی زندگی

 پوچھے کوئی تو کیا کہیں کیسی تھی زندگی
دن رات اک مدار میں چلتی تھی زندگی

یہ کیا کہ صرف پیٹ کو بھرتے گزر گئی
ہم نے تو کوئی اور ہی سوچی تھی زندگی

اک حسنِ یار تھا کہ جچا چند روز تک
ورنہ تو بے سواد تھی پھیکی تھی زندگی

تقدیر پہ وفا پہ محبت پہ عشق پہ
تھا جن کو ناز ان کی ہی  بگڑی تھی زندگی

خوابوں کی سرزمیں پہ بھٹکتی رہی حیات
سایوں کا ہاتھ تھام کے چلتی تھی زندگی

ہم تو بہشت سے ہو کے واپس بھی آگئے

باد صبا میں اور گلابوں میں آج تک

ملتا ہے تیرا نام کتابوں میں آج تک

اک خوشنما سا ذکر ہے اک دلربا سی یاد

لیکن رہا یہ عشق حجابوں میں آج تک

فکرِ معاش کے تلے عمرِ حسیں کٹی

ملتا ہے رزق تول کے خوابوں میں آج تک

ہم تو بہشت سے ہو کے واپس بھی آگئے

تو ہے ریاضتوں کے سرابوں میں آج تک

حالات اور وقت نے روکا مگر وہ شخص

رہتا ہے میری آنکھ کے خوابوں میں آج تک

تیرا ذکر ہے

تیرا ذکر ہے

تجھ سے ہی نہ ہو

یہ کہاں ممکن !

وقت نے جب کبھی دی مہلت

کہہ دوں گا ترے کان میں آکر

مجھے تجھ سے محبت ہے

یوسف ترا گلیوں میں

اے مصر کے ہرکارو

کہ دویہ زلیخا سے

 کہ خواب کے محلوں سے

باہر کبھی آئے نا!

اس بھوک کی دنیا میں

اس درد کے صحرا میں

کس نرخ پہ بکتا ہے

کس خاک میں تلتا ہے

یوسف ترا گلیوں میں

آکر کبھی دیکھے نا!

وہ فقط سوچ ہے سوچا نہ کرو

وہ فقط سوچ ہے سوچا نہ کرو

ریت کے نقش پہ مچلا نہ کرہ

کانچ کا چاند ہے گر جائے گا

آنکھ بھر کر اسے دیکھا نہ کرو

وقت لوٹا ہے نہ لوٹے گا کبھی

آپ یوں ماضی کو پیٹا نہ کرو

اپنے ہاتھوں سے تراشا ہو جسے

ایسے بت کا کبھی شکوی نہ کرو

اداس رہنا سکھا دیا ہے، تری وفا کی عنایتیں ہیں

اداس رہنا سکھا دیا ہے، تری وفا کی عنایتیں ہیں

لٹا دی جس پر حیات ساری، اسی کو ہم سے شکایتیں ہیں

حضور چاہت میں سرخروئی بھی راس آئے کسی کسی کو

بہت ہیں ہم سے بھی بے مقدر کہ جیت کر بھی ندامتیں ہیں

کسی نے پتھر پہ ماتھا ٹیکا، کسی نے پایا ہے طورِ سینا

عطا ہے اس کی جسے نوازے ، وگرنہ سب کی ریاضتیں ہیں

او میرے صاحب میں تیری داسی، تری حکومت ہیں جان و تن پر

جہاں بھی جائوں میں زندگی بھر، تری نظر کی حفاظتیں ہیں

کسی کی آنکھوں کا خواب ہیں وہ، کوئی یہ سمجھے عذاب ہیں وہ

جو مل نہ پائے انہی کو چاہے، عجب یہ دل کی روایتیں ہیں

ہوا کی بیٹی کی رخصتی کے وقت

یوں بھی دیکھا ہے بارہا ہم نے

ہوا کی بیٹی کی رخصتی کے وقت

کوئی آنکھ اشک بار نہ تھی

لے کے لمبی سی سانس سب نے

یہی کہا تھا زیرِ لب

ترا شکر ہے یا خدا

ہمارے کاندھوں کا بوجھ تو نے

کسی کے کاندھوں پہ رکھ دیا ہے

ہم نے اس دل کو بڑی دیر سلائے رکھا

ہم نے اظہار کو سانسوں میں دبائے رکھا

ایک طوفان تہہِ آب چھپائے رکھا

تو نے چھیڑا ہے تو دھولک کی طرح بجنے لگا

ہم نے اس دل کو بڑی دیر سلائے رکھا

میرے سورج کی کشش باندھ نہ پائی مجھ کو

ہم نے چپ چاپ جیے جانے کی عادت پا لی

تم نہ مل پائے تو دنیا کی حقیقت پا لی

اب بھی بیٹھیں تو فقط سوچتے رہتے ہیں تجھے

عشق پایا کہ مفکر کی طبیعت پا لی

ایک لمحہ جو ترے پیار نے بخشا تھا کبھی
ہم نے اس لمحے میں سو سال کی مدت پا لی

ہم کو معلوم ہے بے تاب سے پھرتے ہیں یہاں
لوگ کہتے ہیں کہ مرحوم نے جنت پا لی

میرے سورج کی کشش باندھ نہ پائی مجھ کو
سو خلائوں میں بھٹک جانے کی قسمت پا لی

ہم نے کچھ دیر ترے عشق سے غفلت کی تھی

بھاپ سا بکھرا تھا سمٹا تو وہ بادل ہو گیا

چاند کے بیچ میں چپکے سے جو حائل ہو گیا

ہم نے کچھ دیر ترے عشق سے غفلت کی تھی

دیکھتے دیکھتے نظروں سے تو اوجھل ہو گیا

وہ محبت میں تعلق کا طلبگار تھا بس

ہم نہ آئے تو کسی اور کا ساحل ہو گیا

میں بھی سمجھوں کہ یہ بدلی سی ادائیں کیوں ہیں؟

کون ہے وہ جو تری روح میں شامل ہو گیا

اب تو معمول سا لگتا ہے محبت میں ریحاں

جو بھی چاہا وہ کسی اور کو حاصل ہو گیا

دیکھیے مقدر کی عمر کتنی ہوتی ہے

زندگی ہماری بھی راستے کی کھیتی ہے

اک طرف مقدر ہے، روز روندھ جاتا ہے

اک طرف ہماری ضد، روز کاشت کرتے ہیں

دیکھیے مقدر کی عمر کتنی ہوتی ہے!

یہ برس مگر کوئی اور ہے

وہی آپ ہیں وہی خواب ہے، یہ برس مگر کوئی اور ہے

وہی حسن و عشق و شباب ہے ، یہ برس مگر کوئی اور ہے

کبھی زیر لب، کبھی آنکھ سے ، کبھی مسکرانے کی اوٹ سے

وہی دھیما دھیما خطاب ہے ، یہ برس مگر کوئی اور ہے

مری جیب میں مرے ہاتھ میں، یہ جو عمر بھر کی کمائی ہے

تری اک نظر کا حساب ہے، یہ برس مگر کوئی اور ہے

جب سے نکلا ہو اس گلی سے میں

جب سے نکلا ہو اس گلی سے میں

راستہ بھولنے کی عادت ہے

دل ناداں کے شوق اپنی جگہ

حسن کی اپنی اک روایت ہے

مسکراہٹ

مسکراہٹ سے دیکھ لیتے ہو

مسکراہٹ میں بات کرتے ہو

مسکراتے ہی دھیرے دھیرے سے

ہم کو یوں لاجواب کرتے ہو

نرم پلکوں سے بند ہونٹوں تک

ایک رشتہ ہے مسکراہٹ کا

ان کہی ان سنی سی آہٹ کا

بس ایک رشتہ ہے مسکراہٹ کا

ایک لمحا جو قضا ہو گیا

ایک لمحے کو سوچتا رہتا ہوں

ایک لمحے کو کوستا رہتا ہوں

ایک لمحہ جو خطا ہو گیا

ایک لمحا جو قضا ہو گیا

انجینیر خرم

ہم تو وہ سیارے ہیں

ہم تو وہ سیارے ہیں

جو رہ سکیں مدار میں

نہ چل سکیں قظار میں

یہ لا ابالی عادتیں

یہ جذب ِ دل کی حالتیں

ڈگر ڈگر گھمائیں گی

نگر نگر رلائیں گی

کہ کوئی بھی کشش ہمیں

نہ رکھ سکے گی دیر تک

کہ کوئی بھی نظر ہمیں

نہ چکھ سکے گی دیر تک

فطرت مزاج کا

کوئی کیا بگاڑ لے

دل کے اضطراب کی

کوئی کیا دوا کرے

کیا کہیں کہ کس لیے

اس قدر اداس ہیں

بے وجہ ہی خوش ہوئے

بے وجہ اداس ہیں

نہ چل سکیں خلاف ہی

نہ جی لگے ہے پیار میں

ہم تو وہ سیارے ہیں

جو رہ سکیں مدار میں

نہ چل سکیں قظار میں

خواب ہی خواب بھرے ہیں مرے خالی تن میں

ساحلی ریت پہ تصویر بناتا کیوں ہے

کارِ بے کار میں یہ عمر گنواتا کیوں ہے

خواب ہی خواب بھرے ہیں مرے خالی تن میں

اس قدر شوق سے آنکھوں کو ملاتا کیوں ہے

ہم لوگ کدھر جائیں

اس عقل کی دنیا میں

سب لوگ سیانے ہیں

سب دیکھ کے چلتے ہیں

سب سوچ کے کہتے ہیں

لیکن اسی دنیا میں

کچھ ہم سے جنوں پیشہ

جو پیار کے شیدائی، جو عشق میں سودائی

یہ لوگ کدھر جائیں

اس ظاہری دنیا میں

سب روگ ہیں جسموں کے

جو دل نے سنبھالے ہیں

وہ روگ کدھر جائیں

ہم لوگ کدھر جائیں

زندگی کے سودوں میں

زندگی کے سودوں میں

احتیاط لازم ہے

زندگی کو عادت ہے

دوہری چال چلنے کی

ہم سے سادہ لوحوں سے

ہیر پھیر کرنے کی

ایک بار میں نے بھی

بہت مہنگے نرخوں میں

روشنی کے رنگوں سا مال کچھ خریدا تھا

گھر میں جا کے دیکھا جب

زیوروں کے ڈبوں میں

روڑیاں تھیں مٹی کی

زندگی کے سودوں میں

احتیاط لازم ہے!

عشق تو ایسے جان میں اترے

عشق تو ایسے جان میں اترے

موتیا جیسے آنکھ میں اترے

عشق اترے تو پھر ٹھہر جائے

عشق تھا تو کہا ں گیا ہے اب

برف جیسا تو عشق ہوتا نہیں

دھوپ پڑنے سے جو پگھل جائے

عمر جیسا بھی عشق ہوتا نہیں

لمحہ لمحہ سا جو گزر جائے

عشق اترے تو پھر ٹھہر جائے

آنکھ میں جیسے کوئی مر جائے