ریت کو سونا بنانے کی یہ ضد چھوڑ بھی دے

ریت کو سونا بنانے کی یہ ضد چھوڑ بھی دے

سنگ پہ گھاس اگانے کی یہ ضد چھوڑ بھی دے

تو گلاب آنکھوں پہ باندھے ہوئے گھر سے نکلا

دھول کو پھول بتانے کی یہ ضد چھوڑ بھی دے
وہ ترا عشق نہیں عشق کی محرومی ہے
داغ سے داغ مٹانے کی یہ ضد چھوڑ بھی دے

اس محبت نے وراثت کی طرح بانٹ دیا

جانے کس کس کو ملا کتنا مجھے علم نہیں

اس محبت نے وراثت کی طرح بانٹ دیا

مر گیا مجھ میں ہی جب میری کہانی کا پلاٹ

خود کو پھر مالِ غنیمت کی طرح بانٹ دیا

میں کسی اور کے خوابوں کو غذا دیتا رہا

یہ سمجھ کر یہ مرے ہیں، کہ مری آنکھ میں ہیں
میں کسی اور کے خوابوں کو غذا دیتا رہا

ایک ہی درد کو رویا کرے کب تک کوئی

ایک ہی زخم سے تڑپا کرے کب تک کوئی

ایک ہی درد کو رویا کرے کب تک کوئی

جب یہ طے ہے کہ اب اس قید میں گزرے گی حیات

سر کا دیوار سے جھگڑا کرے کب تک کوئی

مرحلہ درد کا بس آہ کے بھرنے تک ہے

درد کا ماتم و گریہ کرے کب کوئی

اب وہ رفتار ہے دل کی نہ موافق حالات

خواہ مخواہ عشق کا رسوا کرے کب تک کوئی

وہ مجھے پیار سے شہزادہ کبھی چاند کہے

وہ ہے پاگل اسے ٹوکا کرے کب تک کوئی

گویا جنت سے بھی مشکل ہے قیام جنت

یعنی گندم سے کنارہ کرے کب تک کوئی

یوں بھی ہوتا ہے مرے دوست، نئی بات نہیں

یہ تو بس زعم ہے اس کا دل کا کہ جاتا ہی نہیں

بات اتنی سی ہے وہ شخص مراتھا ہی نہیں

چاند اور چاند بھی پھر عید کا ابرآلود فضا

وصل تو وصل اسے ٹھیک سے دیکھا ہی نہیں

 خواب بس خواب ہیں، خوابوں کی دلیلیں مت دے

خواب تعبیر کے دامن میں سماتا ہی نہیں

یوں بھی ہوتا ہے مرے دوست، نئی بات نہیں

اس پہ ہم جان گنوا دیں جو کبھی تھا ہی نہیں
 
 

رخصتی

رخصتی

بہت کچھ سوچ کر میں نے
فقط اتنا ہی سوچا ہے
کہ اپنے بیچ کا رشتہ
شعوروعقل سے کچھ ماورا سا ہے!
کہ اپنی زندگی اب بھی
اسی آنگن میں بیٹھی ہے
جہاں پہلی دفعہ ہم نے
بہت حیران آنکھوں سے
یہ دنیا داری دیکھی تھی
اسی آنگن کی مٹی میں
لگا وہ نیم کا پودا
ہمیں اب بھی بتاتا ہے
کہ اس کی شاخ کے جھولے پہ کس بچے کی باری ہے
وہیں پر جابجا بکھرا ہے اپنا بھولپن، بچپن
جو راتوں کی خموشی میں
کبھی قصے سناتا ہے
کبھی جگنو پکڑتا ہے
کبھی تاروں کے جھرمٹ میں
کسی مصنوعی سیّارے کا پیچھا کرتا جاتا ہے
کبھی جادوئی لہجے میں بتاتا ہے
کہ وہ جو "ڈوئی" کی صورت
نظر آتے ہیں کچھ تارے
وہی تو دبِّ اکبر ہے
جوانی اور بڑھاپے میں
قدم رکھیں تو سوچیں بھی
کہ اب ہم نے بچھڑنا ہے!!!
تمہاری "رخصتی" یا "الوداعی" کو میں کیا مانوں!!!؟
میں تو اب تک تمہارے ساتھ گا ٔوں کی اسی نکّڑ پہ بیٹھا ہوں
جہاں پر تعزیوں کی "کجّیاں" اور "ٹھوٹھیاں" تقسیم ہوتی ہیں
جہاں پر دودھ بٹتا ہے
بہت کچھ سوچ کر میں نے
فقط اتنا ہی سوچا ہے!

جانے عدم کے دیس میں کیسی کشش ہے دوست

جانے عدم کے دیس میں کیسی کشش ہے دوست 

جو بھی گیا ادھر کو وہ پلٹا نہیں کبھی

مشتِ غبار  و خاک ہیں اپنی بساط کیا

ہم ہیں ہوا کے دوش پہ جب تک ہوا چلے

عکس بے جرم مار کھاتا ہے

سنگ تو آئینے کے در پہ پے
عکس بے جرم مار کھاتا ہے

اس شعر کا خالق (حافظ اقبال شاہین) جناح ہسپتال لاہور کے کینسر ایمرجنسی وارڈ میں صاحب فراش ہے، زنگی لمحہ لمحہ ہاتھوں سے پھسلتی جا رہی ہے، اس حیات و ممات کے کھیل سے میں بہت حیران ہوں-

مرے یارو، سمجھدارو، کوئی تدبیر تو ہوگی
وہ دنیا چھوڑے جاتا ہے اسے واپس بلانا ہے
زیادہ تو نہیں ماگا، فقط اتنی سی خواہپش ہے
محبت کی صدائوں کو خموشی سے بچانا ہے
(ریحان)

لو دل کی نقدی خرچ ہوئی

اب اپنی کی نقدی خرچ ہوئی
اب بازاروں کا چکر کیا
اب روپ سروپ سے مالا مال
یہ خواب پریت کے ہر کارے
بھلا کاہے ہم کو چھیڑتے ہیں
ان ٹھیکری جیسی آنکھوں میں
نہ خواب اگیں نہ دید کھلے
اب ششدر بے کل سی نظری
ہر آتے جاتے چہرے میں
بس عدم کا رااہی ڈھونڈتی ہیں

دل و نظر تری چوکھٹ سے باندھ آیا ہوں

وہ میرے ہاتھ میں آیا ہے خوشبوئوں کی طرح
وہ میرا ہو کے بھی مجھ تک نہ رہ سکے گا کبھی

دل و نظر تری چوکھٹ سے باندھ آیا ہوں
مگر یہ جسم کہ منصف کے پاس گروی ہے

اور کوڑی میں بھی بکتے نہیں محبوب یہاں

کس قدر مہنگی ہے خوابوں کی مسافت اے دوست
کس قدر سستی ہے تعبیر اگر مل جائے

ہائے جس شکل کو تاروں میں کہیں ڈھنونڈتے تھے
وہ میرے پائوں میں بیٹھی تھی پکڑ کر کاسہ

اس کو معلوم نہ تھا اس کا دریدہ سا بدن
دو جہانوں سے بھی افضل تھا مرے دل کے لیے

اور وہ میلی کچیلی سی قبائے بے رنگ
کہکشائوں سے بھی پیاری تھی مری آنکھوں کو

میں نے جب غور سے دیکھا تو وہ پتھر سی نگہ
نہ کسی دل نہ کسی عشق سے کچھ واقف تھی

اس کی اکتائی ہوئی سانسوں میں مرنے کی طلب
اس کے بیزار سے چہرے پہ لکھا تھا روٹی

میں نے اک چپت لگائی وہیں اپنے دل پر
اور اس کاسے میں کچھ سکے گرا کر بے تاب


لوٹ آیا کسی ہارے ہوئے جنگجو کی طرح
!!پھر کسی خواب کی  ناکام تمنائوں میں


حسن جو آنکھ کے اندر ہے وہ منظر میں کہاں
مول جو عشق لگاتا ہے وہ دل ہی جانے

ورنہ مٹی میں ملا دیتی ہے دنیا سب کو
اور کوڑی میں بھی بکتے نہیں محبوب یہاں

بس ایک خوف سے میں اس کو ہار آیا ہوں

بس ایک خوف سے میں اس کو ہار آیا ہوں

کہ میرا سیلِ مصائب اسے ڈبو دے گا

ہمارے ہاتھ میں آیا تھا چاند بھی اک دن

مگر نصیب کو ہر گز نہ یہ گوارا ہوا

مگر میں کیا کروں میرے گنہ زیادہ ہیں

       
تو میرے واسطے جنت ہے باخدا جنت
مگر میں کیا کروں میرے گنہ زیادہ ہیں!
ہر ایک روز تو پہلے سے بڑھ کے پیارا لگا
اب سے بڑھ کے بھلا اعتراف کیا ہوگا

جننت

تو ہے جنت یقین ہے ہم کو

اور جننت ملے گی مر کر ہی

اس سے بہتر بھی محبت کے تراجم ہوں گے

 اس سے بہتر بھی محبت کے تراجم ہوں گے
مجھ سے پوچھے تو تری آنکھ کی گہرائی ہے

درد بدر بھٹکا پھروں لے کے یہ سینہ خالی

ساری دنیا بھی اٹھا لایا مگر یہ نہ بھرا
یوں ترے بعد ہوا حسن کا پلڑا خالی
اب وہاں کس کو رکھوں رب جہاں رہتا تھا کبھی
درد بدر بھٹکا پھروں لے کے یہ سینہ خالی

ڈکٹر عزیز فیصل صاحب کی سالگرہ پر، ہدیہِ مخول

ڈکٹر عزیز فیصل صاحب کی سالگرہ پر، ہدیہِ مخول

وہ جو افریقہ کے جنگل سے گزر آاتے ہیں
زکر بیگم کا کیا جائے تو ڈر جاتے ہیں

مارتے رہتے ہیں اسکول میں جو بچوں کو
ہیں وہ استاد زنانی سے جو کٹ کھاتے ہیں

میں نے دیکھے ہیں مقدر کے دھنی بھی ایسے
نام زرداری ہے بیگم کا دیا کھاتے ہیں

صنفِ نازک کو تو معشوق کہا کرتے تھے
عاشق اعوان بھی اس صنف میں اب آتے ہیں

چھیل لیتے ہیں کسی طور سے آلو فیصل
پیاز آتا ہے تو بے ساختہ رو پڑتے ہیں

ریحان

مجھے تم سے بغاوت سیکھنی ہے

1.      مرے مرشد ولایت سیکھنی ہے
       ہر اِک دل پر حکومت سیکھنی ہے
   
       اگر اب ملنے آئے، یاد رکھنا
       مجھے تم سے بغاوت سیکھنی ہے
   ادریس آزاد کے لیے :)

ہزار نام ہیں میرے ہزار چہرے ہیں

بکھر گیا ہوں میں کچھ ایسے جا بجا اے دوست
ہزار نام ہیں میرے ہزار چہرے ہیں

دلِ ناداں تری لغزش کے ازالے کے لیے

اپنی محمرومی کا احساس مٹانے کے لیے
کتنے کھلتے ہوئے پھولوں کو مسل آیا ہوں

دلِ ناداں تری لغزش کے ازالے کے لیے
اپنے پیروں سے ہی میں خٔود کو کچل آیا ہوں

کبھی کبھی تو یہ لگتا ہے مر چکے ہیں ہم

بظاہر ایسے لگے ترک کر چکے ہیں ہم
در اصل تیری محبت سے ڈر چکے ہیں ہم

تمہارے ہجر کی محرومیاں مٹانے کو
نجانے کتنی دفعہ عشق کر  چکے ہیں ہم

اب اس قدر ہے زمانے سے اجنبیت سی
کبھی کبھی تو یہ لگتا ہے مر چکے ہیں ہم

تمہارے کوچے کی یہ خاک پھانکنے کے لیے
یقین مان فلک سے اتر چکے ہیں ہم

اگر وہ آئے تو جائیں مجتمع پھر سے
اگرچہ سچ ہے کہ ہر جا بکھر  چکے ہیں ہم

کچھ نہیں ہے سرِ ساحل ، اب ذرا خاک پہ آ

چھوڑدے تاروں کی محفل،  ذرا اب خاک پہ آ
موڑ لا بھٹکا ہوا دل،  ذرا اب خاک پہ آ
ہائے افسوس کہ پھر سے وہی پتھر ہے خدا
پھر وہی سر، وہی قاتل ،  ذرا اب خاک پہ آ
خواب زاروں میں پری وش بھی تھے مہ رو بھی تھے
کھل گئی آنکھ مرے دل ،  ذرا اب خاک پہ آ
حسرت و یاس کی موجوں نے تجھے پھینک دیا
کچھ نہیں ہے سرِ ساحل ،  ذرا اب خاک پہ آ

طنزیہ تک بندی

ربّا مرے لوگوں کو، اب دیدہ ِ بینا دے
اس بار الیکشن میں، کچھ کام کا بندہ دے

کیوں شاکی ہے قسمت کا ، کیوں کوسے بھلا خود کو؟
بگڑے ہوئے بیٹے کو شادی کا طمانچہ دے

رحمان ملک جیسے بیکار نہیں ہوتے
دو سینگ لگا سر پر، سرکس کا تماشا دے

زرداری کے چالے ہیں، دستی ہو کہ راجہ ہو
اس ہاتھ نکما لے، اس ہاتھ نکما دے

اس قوم کے کھوپڑ میں، کچھ بھی نہیں بھوسا ہے
گیلانی کو گھر بھیجو، گیلانی کا بیٹا دے

اینکر بھی ہے سرکاری، ٹی وی بھی ہے سرکاری
اک ڈگڈگی والا ہے، بندر کا تماشا دے

سحری میں بھی پیتا ہے، روزے میں بھی پیتا ہے
مدہوشی کا عالم ہے، کیا رائے "چراہا" دے

ہر بار آئینے میں نیا اجنبی ملے

میں ذہر پی کے آیا ہوں چاہت کے جام سے

کل رات سے وجود میں ایک آگ سی جلے

ایسے الٹ پلٹ ہیں مری ذات کی تہیں

ہر بار آئینے میں نیا اجنبی ملے

خود کو میں بانٹتا پھروں صدقے کے مال سا

کوئی قبول کر لے تو کوئی جھٹک بھی دے

میری محبتیں بھی مرے دین کی طرح

فرقوں میں بٹ گئی ہیں خدارا سمیٹ لے

گڈ مڈ سا ہو گیا ہے نظامِ وفا و عشق

دل میں کوئی بسے ہے تو گھر میں کوئی بسے!

لب ہیں خاموش کہ گستاخی نہ ہوجائے کہیں

ایک تو پوچھے بنا پھینک دیا دنیا میں
دوسرا خود کو بنا رکھا ہے گورکھ دھندا
اتنے فرقے ہیں کہ گنتی میں نہیں آسکتے
کون سے دین کو حق سمجھے یہ تیرا بندہ

اندھی تقلید ہے ایمان کی شرط اول
آنکھیں کرتی ہیں سولات کدھر جائیں ہم
لب ہیں خاموش کہ گستاخی نہ ہوجائے کہیں
خوف ہی خوف کے عالم میں نہ مر جائیں ہم

سوچوں تو اپنا آپ بھی اپنا نہیں رہا

تجھ کو تو یہ گلہ ہے کہ تیرا نہیں رہا

چھو کر کبھی توْ دیکھ کہ میں تھا نہیں رہا

دیکھوں تو چار سمت ہے حلقہِ دوستاں

سوچوں تو اپنا آپ بھی اپنا نہیں رہا

ہر شخص ڈھونڈتا ہے فقط آئینہ یہاں

میں آشکار کیا ہوا اس کا نہیں رہا

دل کی تو تھپکیاں تھیں محبت بڑھانے تک

اب مسئلہ ہمارا ہے دل کا نہیں رہا

مجھ کو تلاشِ یزداں کی ضد تھی جنون تھا

اتنا بھٹک گیا کہ کہیں کا نہیں رہا

راہِ سلوک ملتی نہیں عقل کے طفیل

حجت میں پڑ گئے تو عقیدہ نہیں رہا

نگاہیں رستے سے ہٹتیں تو چار بھی ہوتیں

وہ ساتھ ساتھ چلا زندگی کے ہر پل میں

مگر نصیب تو دیکھو، کہ جانتا بھی نہیں

نگاہیں رستے سے ہٹتیں تو چار بھی ہوتیں

سفر کی دھن میں یوں ہی منزلیں گنوا آئے

مگر یہ طے ہے کہ یہ عشق آخری ہوگا

سمیٹ لے گا وہ مجھ کو، یہ جانتا تو نہیں

مگر یہ طے ہے کہ یہ عشق آخری ہوگا

ایسی تنہائی کی عادت ہے

ایسی تنہائی کی عادت ہے کہ اب صحبت یار
شب فرقت کی طرح بوجھ بنی ہے دل پر

جو بھی ملتا ہے ہمیشہ کے لیے ملتا ہے
دل وہ ہرجائی کے بس تازہ محبت چاہے

تیری ذلت بھی ترے ساتھ ہی مر جائے گی

آج ہوئی ہے جو ذلت تو کوئی بات نہیں
آج کا دن بھی گزر جائے گا جیسے تیسے
کچھ ہی برسوں میں سبھی قصہِ ماضی ہوگا
تیری ذلت بھی ترے ساتھ ہی مر جائے گی

یہ ایک ان کہی خود میں بھی جانتا نہیں تھا

میں تنگ آگیا جب اس کے عشق سے اک دن

تو جا کے کہہ دیا "تم سے مجھے محبت ہے"

مجھے خبر تھی یہ اظہار قاتلِ دل ہے
اسی لیے کہا "تم سے مجھے محبت ہے

یہ ایک ان کہی خود میں بھی جانتا نہیں تھا

کہیں سے سن لیا "تم سے مجھے محبت ہے"

یہ بات اب کی نہیں سو براس پرانی ہے

بس آج کہ دیا"تم سے مجھے محبت ہے

تک بندی "بس راکھ رہ گئی ہے شرارے نہیں رہے"

انحراف فورم کے 20 جولائ 2012 کے فی البدیہہ طرحی
مشاعرے کے لئے کہی ہوئی میری غزل

اب عشق میں وہ پہلے سے جھگڑے نہیں رہے
کیوں کہ نباہے جانے کے وعدے نہیں رہے

بےزار ہوگئے ہیں محبت کے خواب سے
کیا کیجیے کہ دل پہ بھروسے نہیں رہے

زلت مآب ہو گئے عزت مآب سے
جب سے سخن میں جھوٹ کے پردے نہیں رہے

اس درجہ بے قراری سے مت کھوجیے ہمیں
بس راکھ رہ گئی ہے شرارے نہیں رہے

رو روہ کے مانگنے سے بھلا کوئی کب ملا
ویسے بھی مانگنے کے زمانے نہیں رہے

قول و قرار سچ ہیں ہیں ترے اشک بھی بجا
لیکن محبتوں کے یہ کلیے نہیں رہے

تیرے خلوص کا ہے یقیں سانس کی طرح
ہے المیہ کہ اب ہمی سچے نہیں رہے

وصال کچھ نہیں جھگڑا ہے زندگی بھر کا

محبتوں کے مراسم میں دوریا ہی بھلی
وصال کچھ نہیں جھگڑا ہے زندگی بھر کا

تک بندی "میں آج بھی اوروں کو نصیحت نہیں کرتا"

جسموں کے گناہوں کی وکالت نہیں کرتا
میں عشق میں لفظوں کی تجارت نہیں کرتا

اب صاف کہے دیتا ہوں خواہش کا فسانہ
اب عشق کے جذبوں میں خیانت نہیں کرتا

اب جان گیا عشق کا میں مر کزی نکتہ
اب عرض تمنا میں طوالت نہیں کرتا

بس وصل کی چاہت ہے محبت تری کیا ہے
میں ایسی محبت کی حمایت نہیں کرتا

جو حسن کو ٹھہرائے محبت کا کلیسا
میں ایسی شریعت کی اطاعت نہیں کرتا

کچھ لغزشیں ہوتی ہیں خودآپ اپنی نصیحت
میں آج بھی اوروں کو نصیحت نہیں کرتا

ہر ربط کے پیچھے ہے ہوس اور ضرورت
دنیا میں کوئی شخص محبت نہیں کرتا

زندگی اور میں

شرط جینے کی لگائی تھی کبھی زندگی سے
بس اڑا بیٹھا ہوں اس ضد پہ جیے جاتا ہوں
ورنہ دونوں بڑی مشکل میں ہیں اک مدت سے
سانسیں سینے کا بھرم رکھتی ہیں آجاتی ہیں
اپنی عادت سے ہے مجبور دھڑکتا رہے دل
زندگی اور طرف جاتی ہے میں اور طرف
ایک دوجے کو گھسیٹے ہیں کبھی میں کبھی وہ

اب تو زندہ ہوں فقط نام لگا کر اپنا

تو اب آئی ہے نئے خواب اٹھا کر اے دوست
اب وہ میں ہوں نہ وہ آنکھیں نہ وہ نیندوں کا خمار

اب مری شکل پہ کتبہ ہے کسی اجنبی کا

------------------------------------
میری سانسیں بھی کسی اور کے سینے میں ہیں

میری آنکھوں کی بصارت بھی نہیں ہے میری

اب تو زندہ ہوں فقط نام لگا کر اپنا

--------------------------------------

کوئی آسیب سا لگتا ہے محبت کا خیال

حسن بھی آنکھ کی خواہش کے مطابق نہ ملے

اور سوچوں پہ بھی پہرہ ہے روایات کا اب

بس تضادات کا جنگل سا ہے اب ذات مری

-----------------------------------

تو سمجھتی ہے میں کہقاف کا شہزادہ ہوں

تو نے چاہا ہے مرے اصل سے ہٹ کر مجھ کو

تو مری ذات میں جھانکے گی تو ڈر جائے گا

تک بندی

ٹوٹ کر بھی فنا نہیں ہوتے

سو قفس سے رہا نہیں ہوتے

ہائے ہم کیا سے کیا نہیں ہوتے

لیکن اس سے جدا نہیں ہوتے

وصل زنجیرِ پا بھی ہوتے ہیں

ہجر زنجیرِ پا نہیں ہوتے

وہ جو آنکھیں ہمیں بہت ہیں پسند

انہی آنکھوں پہ وا نہیں ہوتے

دل کی مرضی جدھر کو لے جائے

ہم تو قصدا جدا نہیں ہوتے

دل وہیں جا کے سر رگڑتا ہے

در جو دستک پہ وا نہیں ہوتے

بے وفائی کی معذرت کے اب

ہم سے وعدے وفا نہیں ہوتے

انگلیوں پر جنہیں شمار کریں

وہ وظیفے دعا نہیں ہوتے

کوئی بت ہو نہ ہو خدا جن میں

ایسے دل دیرپا نہیں ہوتے

ہار ہم بے یقین لوگوں کے

سر تو ہوتے ہیں پا نہیں ہوتے


=========================================
دل ہے رہگزار یاروں کی

رہگزاروں میں گھر نہیں ہوتے

پیار دو طرفہ تماشا ہے مرے یار سمجھ

اب کسی عشق و وفا کا کوئی دعوی ہی نہیں
دل وہ بزدل ہے کہیں پائوں جماتا ہی نہیں


ایسے تقسیم کیا ہے مرے رشتوں نے مجھے
کہ اب  آئینہ مری شکل دکھاتا ہی نہیں

سارے کردار ہیں دنیا کے سبھی  منظر ہیں
اپنے افسانے میں اک نام ہمارا ہی نہیں

پیار دو طرفہ تماشا ہے مرے یار سمجھ
یہ وہ ڈھولک ہے   جو اک سمت سے بجتا ہی نہیں

کچھ ہوس عشق میں لازم ہے وگرنہ یہ دل
وصل اور ہجر کی تفریق سمجھتا ہی نہیں

تک بازی

مجھے سچ ڈھونڈنے کی عادتیں تھیں
زمین و آسماں سے کٹ گیا ہوں

مجھے معیار تنہا کر گیا ہے
میں ہر شے کو مکمل چاہتا ہوں

مجھے معلوم تھی اوقات خواہش
میں اپنے پاس بیتھا رہ گیا ہوں

کہانی مر گئی میری مگر میں
کسی برگد پہ لکھا رہ گیا ہوں

مری محفل میں سورج آگیا ہے
میں جگنو، ہاتھ ملتا رہ گیا ہوں

مرے خوابوں میں جنت کا نشاں تھا
سو تعبروں کا پیاسا رہ گیا ہوں

 میں پہلے لفظ بن کر بولتا تھا
مگر اب صرف لہجہ رہ گیا ہوں

وفور شوق میں خوشبو سے غافل
میں رنگوں سے بہلتا رہ گیا ہوں

تو ہے کم سن تجھے معلوم نہیں کل کا دکھ

تو ہے کم سن تجھے معلوم نہیں کل کا دکھ
صرف تنہائی نظر آئے جہاں تک دیکھوں

لوگ اجسام کے قیدی تھے بہت کمتر تھے

عشق تو عشق ضرورت کے بھی قابل نہ تھا
کوئی محبوب رفاقت کے بھی قابل نہ تھا

لوگ اجسام کے قیدی تھے بہت کمتر تھے

یہ زمانہ مری نفرت کے بھی قابل نہ تھا

میں جسے پوجتا آیا ہوں وہ پتھر کا خدا
آج بولا تو حقارت کے بھی قابل نہ تھا

ہائے وہ خواب کا عالم وہ تخیل کا فسوں

میری بے کارفراغت کے بھی قابل نہ تھا

ہم ہی پاگل تھے وفائوں کا علم لے کے چلے

وہ تو اک لمحے کی چاہت کے بھی قابل نہ تھا

میں کسی اور کے خوابوں کو غذا دیتا رہا

فرض کرکے کہ یہ میرے ہیں مری آنکھ میں ہیں
میں کسی اور کے خوابوں کو غذا دیتا رہا

زندگی گزری ہے اک خواب سے لڑتے لڑتے

اپنی ہی خواہشِ بے تاب سے لڑتے لڑتے

زندگی گزری ہے اک خواب سے لڑتے لڑتے

گھر تو لوٹ آتا ہوں سورج سے بچھڑ کر میں بھی

رات لیکن کٹے مہتاب سے لڑتے لڑتے

تم نے اس دور میں کھولی ہے محبت کی دوکاں

تم نے اس دور میں کھولی ہے محبت کی دوکاں

جب خریدار کو روٹی سے ہی فرصت نہ ملے

ایک ہی دن کا ہے جینا کوئی سو سال جیے

روز اک دن کو الٹ دیتا یوں جیسے تیسے

اور سو جاتا ہوں تھک ہار کے جب شام ڈھلے

صبح دم سر پہ کھڑا ہوتا ہے پھر سے  وہی دن

ایک ہی دن کا ہے جینا کوئی سو سال جیے

سانحہ یہ ہے کہ اب دردمیں چین آتا ہے

بندگی دل کی عبادت سے بھی آگے کی ہے

کہ محبت تو عقیدت سے بھی آگے کی ہے

سانحہ یہ ہے کہ اب دردمیں چین آتا ہے

بات اب درد و اذیت سے بھی آگے کی ہے

زندگی قرض کے احساس ندامت جیسی

رونقِ حسن ہے باقی نہ کوئی جذبہ دل

زندگی قرض کے احساس ندامت جیسی

ساتھ چلتے ہیں مگر حوصلہ اپنا اپنا

مل کے رہتے ہیں کہ دنیا کی روایت ٹھہری

ایسے دشمن سے تو جھگڑا بھی نہیں ہو سکتا

دل کے نقصاں کا ازالہ بھی نہیں ہو سکتا

زندگی تیرا اعادہ بھی نہیں ہو سکتا

ایسی تنہائی کہ خود سے بھی کبھی مل نہ سکوں

بھیڑ اتنی کہ اکیلا بھی نہیں ہو سکتا

ہائے نفرت  بھی غضب اور ضرورت بھی بہت

ایسے دشمن سے تو جھگڑا بھی نہیں ہو سکتا

یہ رواجوں کی گھٹن قبر سے بڑھ کو محبوس

اور دنیا سے کنارہ بھی نہیں ہو سکتا

بادشہ جس کو بنایا ہے تری چاہت نے

تجھ سے بچھڑا تو کسی کا بھی نہیں ہو سکتا

قسم لے لو، وہاں پر کچھ نہیں ہے

 گیا تھا یار کے کوچے کو میں بھی

قسم لے لو، وہاں پر کچھ نہیں ہے

بچھڑ رہے ہیں مگر دل بچھڑنے دیتا نہیں

سو ایک دوجے کو الزام دے رہیں ہم

وہ پیار سمجھے ہے جس کو ہمارا پیشہ ہے

وفا کے نام پہ کرتے ہیں چاکری اس کی
وہ پیار سمجھے ہے جس کو ہمارا  پیشہ ہے

بس ایک رستہ گنہ کا ہی اب نکلتا ہے

صحیح طریقے ہیں جتنے ، قبول عام نہیں

بس ایک رستہ گنہ کا ہی اب نکلتا ہے

تجھے بھی دینی پڑی ہیں وضاحتیں اب تو

تو ہی تو تھا جو کبھی بھی خفا  نہ ہوتا تھا
تجھے بھی دینی پڑی ہیں وضاحتیں اب تو
کئی برس ہوئے تنہائیوں کی عادت ہے
کہ بوجھ لگتی ہیں دل پر رفاقتیں اب تو
وفا کے نام پہ کرتے ہیں چاکری اس کی
محبتیں ہیں اصل میں مشقتیں اب تو
ملازمت کی طرح ہیں محبتیں اب تو

ہم بے ٹھکانہ لوگوں کا نام و پتہ نہ پوچھ

ہمدردی و خلوص کے ذوق و اثر میں ہم
نفرت تک آگئے ہیں وفا کے سفر میں ہم

ہم بے ٹھکانہ لوگوں کا نام و پتہ نہ پوچھ
منزل کو روندھ آئے ہیں شوقِ سفر میں ہم

مہماں نواز ایسے کہ مہمان کے لیے
مہمان بن گئے ہیں خود اپنے ہی گھر میں ہم

رونا تو یہ کہ جس کو سمجھتے تھے دوجہاں
نامعتبر ہوئے ہیں اسی کی نظر میں ہم

مایوس کیوں نہ کرتا یہ صحرائے زندگی
سایہ تلاش کرتے تھے سورج کے گھر میں ہم

آباد تجھ کو کر کے کچھ اجڑے ہیں اس طرح
رشتے بناتے پھرتے ہیں ہر اک نگر میں ہم

جو تیرے خواب میں آتا ہے بن کے شہزادہ

نظر سے دور ہوا آنکھ سے گیا بھی نہیں

وہ ایک شخص جو میرا کبھی رہا بھی نہیں

میں اس کی یاد لیے زندگی گزار گیا

وہ بے خبر مرے بارے میں جانتا بھی نہیں

جو تیرے خواب میں آتا ہے بن کے شہزادہ

وہ بے نصیب حقیقت میں عام سا بھی نہیں

تو جس کے سامنے حدِ ادب میں رہتا ہے

ترے علاوہ اسے کوئی پوچھتا بھی نہیں

تو جس کے قرب میں ڈھونڈے علاجِ تنہائی

 وہ خود اکیلا ہے اتنا کہ آئینہ بھی نہیں

تو جس کے خواب لیے مضطرب سا پھرتا ہے
وہ دنیا دار محبت کو مانتا بھی نہیں 

تک بازی - وہ حیرت و حسرت کا جہاں یاد رہے گا

جدید ادبی تنقیدی فورم کے فی البدیہہ طرحی مشاعرہ ۱۵ جون ۲۰۱۲ میں پیش کردہ غزل

یہ دشت یہ سورج یہ سماں یاد رہے گا
مر کر بھی دکھوں کا یہ جہاں یاد رہے گا

آغاز نہ انجام نہ موجود کو جانوں
تاعمر بس اک وہم و گماں یاد رہے گا

وہ سامنے آئے بھی تو اغیار کے ہو کر
وہ حیرت و حسرت کا جہاں یاد رہے گا

میں بھول بھی سکتا ہوں تری بات کا مطلب
لیکن ترے لہجے کا بیاں یاد رہے گا

ہم اہل دلِ زار تو قاری ہیں نظر کے
اس آنکھ کا ہر اذنِ نہاں یاد رہے گا

ہمیں یوں بھی گوارا ہے، چلو تم "بے وفا" کہہ لو

میں جس سے عشق کرتا ہوں، وہ پاگل سا ہو جاتا ہے

خدایا میری چاہت میں، نشہ ہے یا کہ پاگل پن؟

اگر تم یہ سمجھتے ہو جدا ہونا یوں آساں ہے

ہمیں یوں بھی گوارا ہے، چلو تم "بے وفا" کہہ لو

بٹ گیا سب تو خریدا چلے آئے ہیں

ڈھل گئی  عمر تو سرکار چلے آئے ہیں

جیب خالی لیے بازار چلے آئے ہیں

حسن تھک ہار کے اب ہو بھی چکا بیگانہ

آپ اب عشق میں سرشار چلے آئے ہیں

محفلیں جب تھی جواں دشت میں جا بیٹھے تھے

چھٹ گیا میلہ تو دربار چلے آئے ہیں

جب تلک پاس تھے کچھ فیصلہ دل سے نہ ہوا

ہجر میں عشق کے آزار چلے ائے ہیں

خود کو جب بانٹتے پھرتے تھے کوئی لیتا نہ تھا

بٹ گیا سب تو خریدا چلے آئے ہیں

عشق کی قلم رو میں دل سے جنگ مت کرنا

عشق کی قلم رو میں دل سے بحث مت کرنا

عقل ہار جائے گی، حسن جیت جائے گا

تک بازی

انحراف ادبی فورم کے فی البدیہہ طرحی مشاعرہ ۸ جون ۲۰۱۲ میں پیش کی گئی کاوشِ
بیاد استاد قمر جلالوی

وہ شخص عشق کر گیا احساں کے ساتھ ساتھ
یعنی کہ زخم دے گیا درماں کے ساتھ ساتھ

ہمدردی کی زبان میں لپٹا ہوا تھا پیار
دل بھی دھڑک دھڑک گیا باتاں کے ساتھ

جذبے بہک رہے ہیں عقیدت کے آس پاس
کافر لگے ہوئے ہیں مسلماں کے ساتھ ساتھ

مٹی مرے وجود کی بے چین سی رہے
خود کو بھی ڈھونڈتا ہوں میں یزداں کے ساتھ ساتھ

کچھ پر گری ہیں بجلیاں کچھ بجلی کے بغیر
آزاد بھی اداس ہیں رحماں کے ساتھ ساتھ
(ادریس آزاد بھائی اور رحمان حفیظ بھائی کے نام)

یہ عالم خیال ہے کوئی نہ دیکھے گا
کچھ دیر چل کے دیکھیے ریحاں کے ساتھ ساتھ

مجذوب بن گئے ہیں جو چادر لپیٹ کر

دربار عشق میں بھی دغابازہیں بہت
مجذوب بن گئے ہیں جو چادر لپیٹ کر

وہ جو صدیوں کی مسافت میں ملا ہے مجھ کو

وہ جو صدیوں کی مسافت میں ملا ہے مجھ کو
کیسے کھو سکتا ہوں لمحوں کی خطا میں اس کو

تجھ کو سینے سے نہیں سر سے لگایا میں نے

تجھ کو سینے سے نہیں سر سے لگایا میں نے
اب مرے عشق پہ خواپش کا تو الزام نہ دھر

تو بھی بھٹکا ہوا پھرتا ہے سرابوں میں کہیں

میں بھی بے جوڑ کسی رشتے کی زد پہ آیا

تو بھی بھٹکا ہوا پھرتا ہے سرابوں میں کہیں

ہم بھی آخر انہی قصوں کا ہی کردار ہوئے

جو پڑھا کرتے تھے بچپن کی کتابوں میں کہیں

درگزر کرتا ہوں کہ دیتا ہوں چل جانے دے

اپنے آنسو مری آنکھوں سے نکل جانے دے
لگ جا سینے سے مرا درد پگھل جانے دے

اپنے غم خانے میں پھر لوٹ ہی جانا ہے مجھے
خواب کے چند ہی لمحے ہیں بہل جانے دے

دامنِ عشق بھی سب جھاڑ لیا کچھ نہ ملا
لالچِ حسن نہ دے اب تو سنبھل جانے دے

مار ڈالے گا یہ احساسِ زیاں سورج کو
آخری وقت ہے آرام سے ڈھل جانے دے

دل کی مانوں تو بگڑ بیٹھوں زمانے بھر سے
درگزر کرتا ہوں کہہ دیتا ہوں چل جانے دے

میرے مولا مرا ایمان مکمل کر دے

میرے مولا مرا ایمان مکمل کر دے
یا مجھے کفر میں دل کھول کے جی لینے دے
راستہ بیچ کا لگتا ہے بہت ہی مشکل

ہے پیاس اتنی کہ ساگر بھی گھونٹ میں پی لوں

برسنا ہے تو برس جا مری طلب مت پوچھ
ہے پیاس اتنی کہ ساگر بھی گھونٹ میں پی لوں

عشق بھی مرتا ہے انسان کی صورت ہمدم

عشق بھی مرتا ہے انسان کی صورت ہمدم
جسم رہ جاتا ہے اور روح نکل جاتی ہے

ہائے کس زعم میں ہے اب تک تو

کوئی حصہ نہیں جہاں میں ترا
ہائے کس زعم میں ہے اب تک تو

میں نے روکا نہیں مروت میں

میں نے روکا نہیں مروت میں
جان تک آ گئے عزیز مرے

طرب خانہِ دنیا میں کوئی حصہ نہیں میرا

مجھے برباد ہونا ہے، مجھے برباد ہونے دو
مجبت کھینچ لو واپس، مجھے ناشاد ہونے دو
طرب خانہِ دنیا میں کوئی حصہ نہیں میرا
نہ جھوتے خواب دو دشتِ جنوں آباد ہونے دو

اگر سمیٹنا چاہو سمیٹ لو مجھ کو

اگر سمیٹنا چاہو سمیٹ لو مجھ کو
بس ایک تم ہی مجھے پھر سے جوڑ سکتے ہو
وگرنہ گردِ زمانہ کو آنکھ میں بھر کر
کچھ ایسے بکھروں گا صحرا میں جابجا اے دوست
مرے وجود کا ذررہ بھی مل نہ پائے گا
سو جس کے ہاتھ لگا جتنا اتنا رکھ لے گا
حریص لوگ مجھے ایسے کاٹ کھائیں گے
کہ جیسے مالِ غنیمت بٹے ہے حصوں میں

میرے ماتھے پہ ترا نام لکھا ہے لیکن

روح صحرا میں بھٹکتی پھرے تنہا تنہا
جسم آلائشِ دنیا کی حراست میں ہے
میرے ماتھے پہ ترا نام لکھا ہے لیکن
زندگی ساری کسی اور کی صحبت میں ہے

خود کو تقسیم کیے پھرتا ہوں ماشہ ماشہ

مجھ پہ جو غیر کا قبضہ ہے چھڑایا جائے
جسم اور روح کو یک بار ملایا جائے
خود کو تقسیم کیے پھرتا ہوں ماشہ ماشہ
کوزہ گر پھر سے مجھے چاک پہ لایا جائے

جب تجھے دیکھوں تو احساسِ زیاں بڑھتا ہے

اے مری جانِ جہاں سامنے مت آیا کر
کہ تجھے دیکھ کے احساسِ زیاں بڑھتا ہے

تجھ سے ملنے کی ضرورت ہے مجھے

تم سمجھتے یو سہولت ہے مجھے
سانس لینا بھی مشقت ہے مجھے

میں کسی اور جہاں کا شاید
یہ جہاں باعثِ حیرت ہے مجھے

ڈھونڈتا ہوں کوئی اپنے جیسا
یعنی خود سے ہی محبت ہے مجھے

یہ جو بکھرا سا میں رہتا ہوں اب
تجھ سے ملنے کی ضرورت ہے مجھے

خوش رہیں لوگ یہ عزت والے
دل کی اتنی ہی وصیت ہے مجھے

آنکھ ساگر سی کوئی لے ڈوبے
اب اسی موت کی حسرت ہے مجھے

میں کسی اور جہاں کا شاید
یہ جہاں باعثِ حیرت ہے مجھے

تو ہے مومن تجھے جنت کا یقیں
میری تشکیک قیامت ہے مجھے

چار روپے

وہ ایک ایسا شخص تھا جس کے ساتھ
میرے رشتے کو کوئی نام نہ تھا
یا یوں کہیے کوئی رشتہ ہی نہ تھا
کہ رشتہ تو دو لوگوں کے بیچ ہوتا ہے
وہ تو آتا تھا تو میں بھول جاتا تھا
کہاں ختم ہوتی ہے ذات میری
اور کہاں شروع ہوتی ہے ذات اس کی!!_______
وہ آج آیا، بیٹھا، چائےپی باتیں کی!!
جانے لگا تو اپنے کپ کے پیسے مجھے دے گیا
تب میں نے جانا
کہ میرے سارے جزبات و احساسات محض جھوٹے مفروضات تھے
جن کی قیمت پاکستانی کرنسی کے فقط چار روپے تھی

2004 Zubair Hall!

آدمی ہیں خدا نہیں ہیں ہم

سانپ کھاتا سنپولیے کھائے
ترس کھانا کبھی نہ تم ان پر
سانپ کے بچے سانپ ہی تو ہیں
تم کو ڈ س جائیں گے بڑے ہو کر
اس قدر دردِ دل بھی اچھا نہیں
آدمی ہیں خدا نہیں ہیں ہم

روشنی خوابِ محبت سے ضروری ٹھہری

خٔواب رکھ آیا ہوں طاقوں میں چراغوں کی جگہ
روشنی خوابِ محبت سے ضروری ٹھہری

میں نے جس کے لیے تج دی تھی جوانی کی بہار

ذات کا محل گرا ڈالا کہ پوشیدہ تھی
میری تخریب میں تعمیر مرے بچوں کی
میں نے جس کے لیے تج دی تھی جوانی کی بہار
اب وہی میرے بڑھاپے کی اڑاتا ہے ہنسی

آغاز سےانجام تک چاہت کی اتنی داستاں

آغاز سےانجام تک چاہت کی اتنی داستاں
مجبوریاں مجبوریاں مجبوریاں مجبوریاں

مجھے لگ رہا ہے کہ اس خوبرو پر محبت کا آسیب چھایا ہوا ہے

کبھی گنگھرئوو ں کی کبھی قہقہوں کی کبھی رونے والوں کی آواز آئے
مجھے لگ رہا ہے کہ اس خوبرو پر محبت کا آسیب چھایا ہوا ہے

اتفاقا ملا ہوں میں تجھ سے

اتفاقا ملا ہوں میں تجھ سے
اتفاقا بچھڑ بھی سکتا ہوں
اب بہت راس ہوں تجھے لیکن
آدمی ہوں بگڑ بھی سکتا ہوں

دنیا کی اوقات

آج میں جان گیا دنیا کی اوقات کہ جب
بیٹےنے باپ کے رخسار پہ تھپڑ مارا

اے مصور ذرا اس عشق کو تصویر تو کر

ہم بڑی دیر سے رستے میں کھڑے ہیں چپ چاپ
آگے بڑھتے ہیں تو اب راہیں جدا ہوتی ہیں

اے مصور ذرا اس عشق کو تصویر تو کر
دل ملے جائیں مگر باہیں جدا ہوتی ہیں

خواب میں کچھ تو بھرا ہے کہ چھلکتا جائے

دل میں ٹھہرے ہے نہ پلکوں پہ ہی رکھا جائے
خواب میں کچھ تو بھرا ہے کہ چھلکتا جائے

ایسی ناکام محبت کا کوئی کیا کر لے
وہ مرے ساتھ چلے اور نہ تنہا جائے

مسئلہ قرب و جدائی کا تو چھوڑو کہ ابھی
عشق کس طرز کا ہوگا یہی سوچا جائے

ذہن بھی سوچ بھی آنکھیں بھی جگر بھی دل بھی
سب ترا پھر بھی مجھے غیر کا سمجھا جائے

جان تو یار کی چوکھٹ پہ ہی دھر آئی وہ
جسم کیا لاش ہے اب جس کو بھی سونپا جائے

مجھ کو معلوم ہے اوقات مقددر کی مگر
دل بہلتا ہے جو خوابوں سے بہلتا جائے

خود کو ایذا نہیں دیتا مگر اس عشق میں اب
درد کا کوئی نشہ سا ہے کہ چڑھتا جائے

میری تنہائی مرےچاروں طرف پھیلی ہے

میری تنہائی مرےچاروں طرف پھیلی ہے
مجھ تک آتے ہوئے تنہا نہ کہیں ہو جانا
تو نے رکھا ہے زمانے کے رواجوں پر پائوں
مہم اچھی ہے پہ رسوا نہ کہیں ہو جانا

تمہاری ذات میں میری بھی حصے داری ہے

یہ کیسے سوچ لیا خود کو مار دو گے تم
تمہاری ذات میں میری بھی حصے داری ہے

کبھی کبھی تو مجھے یوں گمان ہوتا ہے
جو لے رہا ہوں میں وہ سانس بھی تمہاری ہے
بہت عجیب محبت کے سلسے ہیں دوست
عجیب قسم کی چاہت ہے بانٹتی ہے مجھے
کہیں پہ جسم دھرا کہیں ہیں پہ روح مری

اب اور مجھ سے نہ کہنا کہ وقت مرہم ہے
تمام عمر یہی سوچ کر گزاری ہے

تو مرے ساتھ سہی سائے کی صورت لیکن

تو مرے ساتھ سہی سائے کی صورت لیکن
میری تنہائی مری ذات کے اندر تک ہے

واجبی سا ہی تعلق ہے شب و روز کے ساتھ

واجبی سا ہی تعلق ہے شب و روز کے ساتھ
ان کو مجھ سے کوئی مطلب نہ مجھے ان کی خبر

مری ماں تیری رحلت نے تو دنیا ہی بدل ڈالی

  حامد محبوب صاحب کی والدہ ماجدہ کے انتقال پر کچھ اشعار لکھےہیں۔

خدارا آسمانوں کا یہ چہرہ اور ہے کوئی
یہ سورج اور ہے کوئی یہ چندا اور ہے کوئی
یا
وہ چندہ اور تھا کوئی یہ  گولہ اور ہے کوئی

مری ماں تیری رحلت نے تو دنیا ہی بدل ڈالی
وہ دنیا اور تھی کوئی یہ دنیا اور ہے کوئی

جو تیری گود میں خوش تھا، وہ تیرے ساتھ ہی ہوگا
مری ماں تیری فرقت میں یہ روتا اور ہے کوئی

میں اپنے آپ کو بھی اجنبی سا لگ رہا ہوں اب
وہ بچہ اور تھا کوئی ، یہ بوڑھا اور ہے کوئی

بہت ہی کھوکھلے سے ہیں سبھی رشتے سبھی جذبے
جو رب نے ماں سے باندھا ہے وہ دھاگا اور ہے کوئی

یہ میری شاخ سے ٹوٹا گلاب دیکھو تو!

یہ میری شاخ سے ٹوٹا گلاب دیکھو تو!
مرے پسر کی ذرا آب و تاب دیکھو تو!

پائوں میں بیڑیاں سہی آنکحھ تو آسماں پہ ہے

پائوں میں بیڑیاں سہی آنکحھ تو آسماں پہ ہے
زندگی خاک میں سہی، خواب تو کہکشاں پہ ہے

میں وہ پرندِ پر نوا، جب سے قفس میں قید ہوں
سارے چمن میں رقص ہے گیت مری زباں پہ ہے

تجھ کو بہشت کی طلب، تیرا سفر طویل تر
میں کہ رضا پہ راضی ہوں، مجھ کو سکوں یہاں ہہ ہے

تو ہے فقط تماش بیں زندگی اور کسی کی ہے
بولیے کس کا جسم ہے، سوچیے کون جاں پہ ہے

ماں

ہستے رہتے تھے اگر ڈانٹ بھی پڑ جاتی تھی
ہم کو معلوم تھا ناراض نہیں ہوتی ماں

اے مرے دیدہِ تر تجھ سے میں شرمندہ ہوں

اے مرے دیدہِ تر تجھ سے میں شرمندہ ہوں
کہ کسی خواب کی تعبیر نہ دیکھی تو نے

سینے سے دل نکال کے رکھنا پڑا مجھے

سمجھوتا زندگانی سے کرنا پڑا مجھے
آخر ہوا کے ساتھ ہی چلنا پڑا مجھے

میں شیر دل تھا رسمِ زمانہ سے لڑگیا
لیکن یہ جنگ جیت کے مرنا پڑا مجھے

جس کو حریف جان کے تلوار تھا می تھی
اس کا حلیف دیکھ کے جھکنا پڑا مجھے

یہ کیسی دو رخی ہے کہ بچپن سے جو پڑھا
ہو کر بڑا اسی سے مکرنا پڑا مجھے

"لالچ بری بلا" ہو کہ "سچ بول کا ثمر"

 وہ سب نصاب پھر سے پرکھنا پڑا مجھے

چاہت کا کوئی ربط عداوت نہ دوستی

سینے سے دل نکال کے رکھنا پڑا مجھے

میں شیر دل تھا رسمِ زمانہ سے لڑ گیا

سمجھوتا زندگانی سے کرنا پڑا مجھے
آخر ہوا کے ساتھ ہی چلنا پڑا مجھے
میں شیر دل تھا رسمِ زمانہ سے لڑ گیا
لیکن یہ جنگ جیت کے مرنا پڑا مجھے

تیری ہنسی سے میری ہیں سانسیں جڑی ہوئی

دیکھو خدا کے واسطے روٹھا نہ کیجیو
تیری ہنسی سے میری ہیں سانسیں جڑی ہوئی

تری اداسی مری جاں نکال دیتی ہے

ترے لبوں پہ پوں قرباں چٹکتی کلیاں تمام
تری اداسی مری جاں نکال دیتی ہے

رات

سونے والوں کو پتہ رات کسے کہتے ہیں
ہم تو اندھیرے اجالے  کا فرق جانتے ہیں

فرق = غیر موزوں

شدتِ جذبہِ وصال نہ پوچھ

اب محبت میں وہ مقام آیا

کہ تری یاد میں بدن ٹوٹے

شدتِ جذبہِ وصال نہ پوچھ

دل کی دھڑکن سے جانو تن ٹوٹے

خود کشی کرنے والی عورت

خود کشی کرنے والی عورت نے
جب سے بچے جنے ہیں سوچتی ہے
اب اکٹھے مریں گے ہم تینوں

ایک تم سے ہے گفتگو دل کی

ایک تم سے ہے گفتگو دل کی
ورنہ چپ چاپ عمر کاٹی ہے

تو نے بولا ہے ساتھ مشکل ہے

آج تو نبض ڈوبتی جائے
تم نے بولا ہے ساتھ مشکل ہے

کسی رشتے کا کوئی چہرہ نہیں

اپنے ہاتھوں سے اپنے بیٹے کا
جو دبا دے گلا وہ ایک شخص
جانے کس نظریے پہ زندہ ہے
پس یہ ثابت ہوا کہ دنیا میں
کسی رشتے کا کوئی چہرہ نہیں
کوئی مطلق کسی کا ہوتا نہیں

کس طرح زندگی سے بہلے گا

خود کشی مشغلہ ہو جس کا وہ
کس طرح زندگی سے بہلے گا
جو دعائوں میں موت ماگتا ہو
اپنی اولاد کو وہ کیا دے گا

بہت کمزور سے لگتے ہیں سبھی لوگ مجھے

بہت کمزور سے لگتے ہیں سبھی لوگ مجھے
زرد پتے ہوں کسی شاخ پہ لٹکے جیسے

آندھی آتی ہے تو دالان میں آ گرتے ہیں
لیکن آندھی بھی ضروری تو نہیں ہے صاحب

یوں بھی ہر روز کئی گرتے ہیں ہو کر بوڑھے

وقت چپ چاپ کیے جاتا ہے سب کچھ مٹی

تو میرے خون میں شامل تو میری روح میں ہے
قراق و وصل کا جھگڑا تو اب رہا ہی نہیں

نوحہِ درد

نوحہِ درد بھی ہوگا تو کہاں تک ہوگا
تنگ آجائوں گا ہر روز کی تکرار سے میں

سانس بھی مسلسل ہے، تیری یاد کی صورت

زندگی کا کچھ یوں بھی، تجھ سے سلسلہ نکلے
سانس بھی مسلسل ہے، تیری یاد کی صورت

یہ لوگ ضائع کر دیں گے

مجھ کو چھپا کے رکھ لو کسی کو نہ دیجیو
یہ لوگ ضائع کر دیں گے تم کو پتہ تو ہے

بیت باز

ہجومِ شہر بھی طارق عزیز بھی برہم
کہ جیت جائیں گے پھر سے یہ بیت باز مرے

اپنے دامن سے گانٹھ دے مجھ کو

تیری قربت کہ چند لمحوں میں
ہم نے صدیاں گزار لیں جیسے

تیری آنکھوں کی گہری جھیلوں میں
ہم نے آنکھیں اتار دیں جیسے

تیرے ہونٹوں کے نرم گوشوں میں

زندگی کا سراغ ملتا ہے

تیری باتوں میں ہے مسیحائی

نیم جاں سانس لینے لگتا ہے

تیرے پہلومیں نیند جیسا سکوں

اپنے پہلو میں باندھ لے مجھ کو

تیری آغوش جنتوں جیسی

اپنے دامن سے گانٹھ دے مجھ کو

تیرا چہرہ ہٹا نہ پلکوں سے

آج پھر سو نہیں سکا شب بھر
نیند آنکھوں میں کس طرح آتی

تیرا چہرہ ہٹا نہ پلکوں سے

پھر سے تعمیر کر دیا تو نے

منہدم ہوچکا تھا کھنڈر تھا
پھر سے تعمیر کر دیا تو نے

مجھ کو دنیا میں مل گئی جنت

مجھ کو دنیا میں مل گئی جنت
میں محبت میں مر گیا تھا دوست

ترے بغیر بھی زندہ ہیں ہم مگر ایسے

ترے بغیر بھی زندہ ہیں ہم مگر ایسے
کہ سانس لینا گنہ میں شمار ہوتا ہے

دل میں جنت کا خٔواب رکھا ہے

جسم دوزخ میں جل رہا ہے مگر
دل میں جنت کا خٔواب رکھا ہے
رات بھر نیند آئے گی کیسے
شبستاں میں عذاب رکھا ہے

غم کا کوفہ ہے مگر اشک یزیدی ایسے

کاغذی پھول سے خوشبو کا تقاضا کر کے
بہت شرمندہ ہوں پتھر کو میں سجدہ کر کے

آنکھ تو دل سے  بھی بڑھ کر ہے دوانی لوگو
جو اٹھا لائی ہے پیتل کو بھی سونا کرکے

تم مقلد ہو محبت کے وفا کے دل کے
ایسی تقلید تمہیں چھوڑے گی رسوا کر کے

ہاتھ جذبات کا تھاما تھا چلا تھا جب میں
وقت دلدل میں مجھے لایا ہے تنہا کر کے

غم کا کوفہ ہے مگر اشک یزیدی ایسے
آنکھ کو چھوڑ گئے پیاس کا صحرا کر کے

جو میری ذات کے اندر ہے مجھ سے بھی زیادہ

جو مجھ سے بڑھ کے مری ذات میں سمایا ہے
وہ میرے حال سے واقف نہیں ہے حیرت ہے

مان لیتے ہیں ترے ہجر میں زندہ ہیں ہم

سانس لینے کو اگر زندگی کہتا ہے تو

مان لیتے ہیں ترے ہجر میں زندہ ہیں ہم

فشارِ خون

فشارِ خون میں سستی کبھی یہ دردِ سر!

جدائیوں کے ہیں آثار اور کچھ بھی نہیں

تجھ سے پہلے میں زمانے کا ہوا ہی کب تھا

کائینات اپنی فقط تیرے ہی ہونے سے ہے

تجھ سے پہلے میں زمانے کا ہوا ہی کب تھا

کتنے بے بس ہیں ترے ہجر میں جینے والے

کتنے بے بس ہیں ترے ہجر میں جینے والے

آہ بھر لیتے ہیں دم سادھ کے سوجاتے ہیں

آج تو چاند بھی میں توڑ کے لے آیا ہوں

آج کی شب تو مرے ساتھ گزارو ہمدم

آج تو چاند بھی میں توڑ کے لے آیا ہوں

تیرے ہستے ہوئے چہرے پہ ہو سب کچھ قرباں

سو ترےواسطے سب کچھ ہی اٹھا لایا ہوں

مری نمود تری شاخ پر ہی ممکن ہے

مری نمود تری شاخ پر ہی ممکن ہے
مگر خزاں کی ہوا مجھ کو توڑنا چاہے

زمانہ بانٹ گیا مجھ کو لاکھ حصوں میں

یہ عشق تیرا مجھے پھر سے جوڑنا چاہے

جنگ دنیا سے جیت لی تم نے

جنگ دنیا سے جیت لی تم نے

اب تو چھوڑو جہان کی باتیں

آئو چھپ جائو میرے سینے میں!

زیست کا حاصل

 جو مری زیست کا حاصل ہے وہی ایک شخص

میری تعمیر میں خود نیست ہواجاتاہے

وہ ہے تعمیر کرتا جاتا ہے

مجھ کو تسخیر کرتا جاتا ہے

اپنی جاگیر کرتا جاتا ہے

میں تھا ٹوٹی لڑی مگر وہ شخص

مجھ کو زنجیر کرتا جاتا ہے

وہ مقدر سے ہارتا ہی نہیں

روز تدبیر کرتا جاتا ہے

لوگ مسمار کرتے رہتے ہیں

وہ ہے تعمیر کرتا جاتا ہے

میں اسے خواب دیتا رہتا ہوں

اور وہ تعبیر کرتا جاتا ہے

جنت

چمن کے پھول ہو یا آسماں کے تارے ہوں

لغت کے لفظ ہوں یا زیست کے نظارے ہوں

کوئی بھی شے تری چاہت کا استعارہ نہیں

سنا نہ دیکھا نہ سوچا تھا ہم نے ایسا کہیں

اسی لیے تجھے "جنت" کا نام دیتے ہیں

مجھے سمیٹ کے یکتا بنا دیا تو نے

بکھرتی راکھ تھا شعلہ بنا دیا تو نے

مجھے سمیٹ کے یکتا بنا دیا تو نے

میں گر گیا تھا مقدر کی جنگ لڑتے ہوئے

پکڑ کے ہاتھ مجھے پھر اٹھا دیا تونے

مرا وجود کہ مٹی میں مل کے مٹی تھا

چھوا جو مجھ کو تو سونا بنا دیا تو نے

یہ تیرا قرب مری جان لے نہ جائے کہیں
کہ میرے جسم کو بت سا بنا دیا تو نے

یہ تیری باتوں کی لوری میں موت جیسا سکوں
مجھے خمار کا رسیا بنا دیا تو

نگاہِ ناز میں کوئی مسیحا رہتا ہے

کہ مردہ جسم کوزندہ بنا دیا تو نے

یہ تم آئے ہو کہ میں دیکھ رہا ہوں سپنا

گھاس کا فرش ہے ، ہم ساتھ ہیں ،چلتے جائیں
گدگداتی ہوئی پر کیف ہوا کے جھونکے
پاس سے گزریں تو سرگوشی میں ہستے جائیں
جیسے ان کو بھی پتہ ہو کہ مرا پیار ہو تم
رات خاموش ہے اتنی کی تری پلکیں بھی
شور کرتی ہوئی گرتی ہیں تری آنکھوں پر
ہونٹ کھلتے ہیں کہ کلیاں سی چٹکتی ہیں کہیںں
دل کی دھڑکن بھی مجھے صاف سنائی دے ہے
چاند بھی دور سے چھپ چھپ کے ہمیں دیکھتا ہے
جیسے بچہ ہو شرارت کرے شرمائے بھی
آسماں تھال ستاروں کا لیے جشن میں ہے
میں بڑی دیر سے چپ چاپ یہی سوچتا ہوں
یہ تم آئے ہو کہ میں دیکھ رہا ہوں سپنا

میں ہوں خاموش مجھ سے کچھ نہ کہو
مجھ کو رہنے دو کیف کے اندر
آج آہا ہوں یار سے مل کر

تیرے پہلو میں جنتیں ساری

تیرے پہلو میں جنتیں ساری
تجھ پہ مر کر بڑے سکون میں ہوں

تمہارے پیار سے بڑھ کر کوئی مٹھا س نہیں
مجھے طلب ہے تمہاری کوئی بھی پیاس نہیں

تم آنکھ ہی سے پلا دو تو سیر ہو جائوں
کہ اس جہاں کی شرابیں مجھے تو راس نہیں

تم اپنی انگلی ڈبو ددینا چائے کے اندر
جو خاص اس میں ہے چینی میں وہ مٹھا س نہیں

تو میرے دشتِ محبت کا آخری ہے شجر
سو تیرے بعد زمانے سے کوئی آس نہیں

سیاہ رنگ بھی تجھ ہر دھنک سا سجتا ہے
کہ تیرے حسن سے بہتر کوئی لباس نہیں

ترے بغیر بھی زندہ ہیں معجزہ دیکھو

کبھی تو آ کے جدائی کا حادثہ دیکھو
ترے بغیر بھی زندہ ہیں معجزہ دیکھو
ہوس کی تھاپ پہ جسموں کا رقص جھوٹا ہے
دلوں کے بیچ کراہت کو چیختا دیکھو

اپنی آغوش میں رکھ لو گا چھپا کر تجھ کو
پیار کا خواب اگر پھر سے ڈرانے آیا

نہ میںخدا نہ پیمبر نہ بادشاہ تھا کوئی

سو تھک گیا محبت کی جنگ لڑتے ہوئے

بساطِ ذات سے بڑھ کر ترا خیال کیا

کہ خود ہی ڈوب چلا تجھ کو پار کرتے ہوئے

مرے وجود کے مالک ترے علاوہ بھی ہیں

وگرنہ عذر تو کوئی نہیں تھا مرتے ہوئے

وہ ہو رہا ہے جدا مجھ سے کتنا پاگل ہے

جواور الجھے مجھ سے کنارہ کرتے ہوئے

تم جسے علم کہ رہے ہو میاں
چند ہندسے حساب کے ہیں فقط
علم کاریگری نہیں ہے کوئی

ساری کاوش ہے رزق کی خاطر

یعنی زندہ ہیں موت کے ڈر سے

میں اپنی کاشت کی کھیتی اجاڑ ایا ہوں

ہزار حیلے سہی جی لگے نہ جیون میں
میں وہ زمین جو پیاسی رہی ہے ساون میں
میں اپنی کاشت کی کھیتی اجاڑ ایا ہوں
نہ میرے ہاتھ میں کچھ ہے نہ میرے دامن میں
نظر اٹھائوں جدھر راکھ ہی نظر آئے
یہ کس نے اگ لگا دی مرے نشیمن میں
گلاب بھی ہے وہی اور وپی کلی بھی ہے
بس ایک آنکھیں ہی میری نہیں ہیں گلشن میں
یہ عمر بھر کا سفر رائیگاں ہی جانا تھا
ستارے دھونڈ رہا تھا میں دستِ رہزن میں

خفگی

ایک لمحے کی بھی خفگی نہیں دیکھی جاتی
تیری ناراضگی سے جان چلی جائے گی

اتنی جلدی تجھے ناراض نہ ہونے دوں گا

اتنی جلدی تجھے ناراض نہ ہونے دوں گا
یوں خفا ہونے سے پہلے مجھے قائل تو کر

تم کو شکوہ ہی سہی مجھ سے مگر جانِ حیات ب

تم کو شکوہ ہی سہی مجھ سے مگر جانِ حیات
بات تو کر لے کہ شاید یہ ترا وہم ہی ہو

ایک لمحے نے اسے رات میں یوں دفن کیا

نادمِ حرص پے ٹھکرایا ہوا رہتا ہے
اپنی اولاد سے شرمایا ہوا رہتا ہے
ایک لمحے نے اسے رات میں یوں دفن کیا
دن نکلتا ہے تو گھبرایا ہوا رہتا ہے

ایک بس قحط ہے چاہت کا مکینوں کے بیچ

زندگی سہمی ہوئی بیٹھی دفینوں کے بیچ
ڈوبتا جائے کوئی شخص سفینوں کے بیچ

گھر میں دولت بھی ہے آسائشِ دنیا بھی ہے
ایک بس قحط ہے چاہت کا مکینوں کے بیچ

لڑجھگڑ کر ہی چلا آتا ہوں گھر سے ہر روز
آگ ہروقت سلگتی رہے سینوں کے بیچ

کتنے کمزور ارادے دلِ بے کس کے ہیں
کہ بہک جاتا پی زاہد بھی حسینوں کے بیچ

ہم جسے سمجھے تھے طاقت کا حوالہ وہ شخص
روگ نے چاٹ لیا کچھ ہی مہینوں کے بیچ

ایک بیوی ہے مرے گھر میں جہنم کی طرح

مسئلے ملتے ہیں چوکھٹ پہ قدم رکھتے ہی
ایک بیوی ہے مرے گھر میں جہنم کی طرح
مار کھاتے ہوئے معصوم پکاریں مجھ کو
میں کبھی ایک کو دیکھوں تو کبھی دوجے کو
کھانا اپنے لیے بازار سے لے آتا ہوں
اور کونے میں کہیں بیٹھ کے کھا جاتا ہوں
رات کٹ جاتی ہے فیڈر ہی بناتے میری
----------
صبح دم دفتری اوقات میں جا کر دفتر
سر کھپاتا ہوں مشینوں کے مسائل سے پھر
لوگ کہتے ہیں کہ گھر والا بنا ہوں جب سے
میں کسی دوست سے ملتا ہی نہیں موڈ میں ہوں
کون جانے کہ مری عمر کا چلتا پہیہ
کسی دلدل میں بھٹک آیا ہے کھا کر چکر
میں نے بھی جنتِ عرضی کا سجا کر سپنا
گھر بسایا تھا بہت سوچ کے شادی کی تھی

مجھ میں آجائو کبھی سانس کی ڈوری کی طرح

مجھ میں آجائو کبھی سانس کی ڈوری کی طرح
اور بندھ جائو مری جاں سے ہمیشہ کے لیے

ایک لمحے کی لغزش

سفید ریش، نمازی،وہ عزتوں کا امیں
جو اپنے آپ کو عصمت کا پاسباں سمجھے
کل ایک لمحے کی لغزش سے داغ داغ ہوا

اظہارِ تشکر

نہ پارسائی کا دعوی نہ افتخار کوئی
عطائِ ربّی ہے جو عزتوں کا مالک ہے
میں ہاتھ جوڑ کے کرتا ہوں شکر مالک کا

شرمسار

یہ چند رشتے کمائی تمام عمر کی ہیں
میں شرمسار ہوں ان سے کدھر کو جائوں اب

میں کیسے مان لوں اس کو نسیب کی سختی

میں کیسے مان لوں اس کو نصیب کی سختی
مرے عزیز ہی کرتے ہیں فیصلہ میرا
خدا کے نام پہ رسمیں سماج والوں کی
بہت الجھ ساگیا دوست مسئلہ میرا
یہ اونٹ چلتے نہیں خوف سے بدکتے ہیں
کہ جیسے بھول گیا سمت قافلہ میرا

رات کے پچھلے پہر آکے جگا دیتی ہیں

رات کے پچھلے پہر آکے جگا دیتی ہیں
تیری یادیں بھی تہجد کی اذاں ہوں جیسے

تو جا رہا ہے مگر اتنا دھیان میں رکھ

تو جا رہا ہے مگر اتنا دھیان میں رکھ
کہ تیرے ساتھ ہی دنیا مری سفر میں
 تو میرے عشق کی بندش سے ماورا ہی سہی
مگر مرا تو سبھی کچھ تری نظر میں ہے

تیری خودغرضی گوارا ہے مگر دھیان میں رکھ

تیری خودغرضی گوارا ہے مگر دھیان میں رکھ
آخرانسان ہوں تھک جائوں گا میں بھی اک دن

زندگی قبر کی طرح محبوس

زندگی قبر کی طرح محبوس!
تو ہے جنت کے نرم جھونکے سا

نور لگتا ہوں مگر آگ بھری ہے اندر

نور لگتا ہوں مگر آگ بھری ہے اندر
مجھ سے ملتے ہوئے دامن کو بچا کر رکھنا

زندگی سے تو بگڑ بیٹھے جوانی سے ہی

زندگی سے تو بگڑ بیٹھے جوانی سے ہی
عمر مجرم کی طرح ہم کو گھسیٹے جائے

ہم تری آنکھ کا منشور اٹھا لائے ہیں

یو ای ٹی ایل ایس گرہ

ہم تری آنکھ کا منشور اٹھا لائے ہیں
زندگی دیکھیے کیا رنگ دکھاتی ہے ہمیں" = مصرع طرح

عشق جب سے پڑا ہے رسموں میں

عشق جب سے پڑا ہے رسموں میں
دل بڑا غمزدہ سا رہتا ہے

ایک تاوان محبت کا

ایک تاوان محبت کا ابھی باقی ہے
اور تو سارے گناہوں کی سزا کاٹ چکے

نامعتبر

اب اس سے بڑھ کے بھی نامعتبر کوئی ہوگا؟
تو ایک سایہ ہے بادل کاریت کے اوپر

تو کوئی سایہ ہے بادل کاریت کے اوپر

تو میری سوچ سے بڑھ کر مرے مزاج کا ہے

تو میری سوچ سے بڑھ کر مرے مزاج کا ہے
بس ایک فرق مقدر کے زائیچے میں ملا

چاند

سو گیا چاند صبح ہوتے ہی
رات نے خوب جگایا اس کو
رات بھر چلتا رہا بچ بچ کر

ایک بدلی نے چھپایا اس کو

میں بھاگ بھاگ کے ملتا ہوں ساتھ لوگوں کے

میں بھاگ بھاگ کے ملتا ہوں ساتھ لوگوں کے

مگر یہ لوگ بتائے بغیر مڑتے ہیں

ابھی تو راہ نہیں ملتی منزلیں کیسی

میں تیز تیز چلوں گا سفر شروع تو ہو

عشق کے جال میں صیاد بھی آخر

عشق کے جال میں صیاد بھی آیا آخر

میں تو پاگل تھا اسے خود سے بھی بڑھ کر پایا

نہ قسمتیں ہیں کشادہ نہ میرا دامن ہی

تمہارے پیار کی حسرت رہے گی حسرت ہی

نہ قسمتیں ہیں کشادہ نہ میرا دامن ہی!!

مجھ پر ترا فراق مکمل نہ ہو سکا

بادِ صبا نے تیری مہک لا کے مجھ کو دی
سورج اٹھا کے لایا ہے چہرے کی دھوپ کو

راتوں میں تیری زلف کے سائے پڑے ہوئے

صبحیں چرا کے لائی ہیں تیرے ہی روپ کو

باتوں میں تیرے لفظ ہی لپٹے رہے سدا

آنکھوں میں تیرے خواب ہیں خوابوں میں تو ہی تو

مجھ پر ترا فراق مکمل نہ ہو سکا

تو کوئی جسم نہیں

تو کوئی جسم نہیں شخصیت ہے میرے لیے

گزرتی عمر ترا روپ چھین سکتی نہیں

میں تیرا دل ہوں

میں تیرا دل ہوں دھڑکتا ہوں تیرے سینے میں
تو مجھ کو ڈھونڈنے نکلا ہے دشت میں کیوں کر

ایسے سنسان ہوا شہر ترے جانے سے

ایسے سنسان ہوا شہر ترے جانے سے

جیسے عنبر سے کوئی چاند ستارے لےلے

میں سکھا دوں گا تجھے ہجر میں جینے کا گر

میں سکھا دوں گا تجھے ہجر میں جینے کا گر
اب کی بار آئو گے تو یاد دلانا مجھ کو

تم تو ساری ہی زندگانی تھے

تم تو ساری ہی زندگانی تھے
تیرے جانے کے بعد جانا ہے

یہ شاعری کی فضا ہے

یہ شاعری کی فضا ہے کہ کوئی سرخوشی
میں مست رہتا ہوں دن رات اپنی سوچوں میں

جیب میں سکے نہیں دل میں ہیں ارمان بہت

ایسے للچا کے تجھے دیکھوں کہ جیسے عید کے روز

ایسے للچا(حسرت سے) کے تجھے دیکھوں کہ جیسے روزِ عید
کسی مفلس کا کوئی بچہ ہو بازاروں میں
جیب میں سکے نہیں دل میں ہیں ارمان بہت

گزرتے وقت کا کوئی بھی اعتبار نہیں

گزرتے وقت کا کوئی بھی اعتبار نہیں
یہ چند لمحے محبت کے جیب میں رکھ لے

آنکھ کھلتے ہی تری یاد چلی آتی ہے

نیند میں خواب میں رہتا ہے ترا ہی چہرہ
آنکھ کھلتے ہی تری یاد چلی آتی ہے

کبھی سوچا ہی نہیں مانگنا کیا ہے رب سے
ہاتھ اٹھتے ہی تری یاد چلی آتی ہے

مرے نصیب کی اوقات جانتے ہوتم

ہیں دل کو خواب کی جھوٹی تسلیاں ورنہ
مرے نصیب کی اوقات جانتے ہوتم!
نہ چاند جھیل کے اندر نہ جھیل آنکھوں میں
کہ شاعروں کے خیالات جانتے ہوتم
میں اپنے آپ میں اک کائینات ہوتا تھا
بچے ہیں اب تو خرابات جانتے ہو تم

عشق میں اور ہوس میں کوئی تفریق نہیں

عشق میں اور ہوس میں کوئی تفریق نہیں
ایک ہی شخص کے دو نام ہیں بچ کو رہیو
محفلِ یاراں میں تفسیر دھڑکتے دل کی
اور تنہائی میں تشریحِ تمنائے دل

میں اپنے کردہ گناہوں کے احتساب میں ہوں

میں اپنے کردہ گناہوں کے احتساب میں ہوں
ترے وجود کی جنت مرا نصیب نہیں

یہ ممکنات کی دنیا یہ معجزات کا دور
مگر یہ تیری محبت میرا نصیب نہیں

مجھے ہوا کے مخالف محاذ رکھنا ہے
مجھے ہوا کے مخالف اڑان بھرنی ہے
یہ بادبانوں کی راحت  میرا نصیب نہیں

اگر میں چاہوں تو آرام سے جی سکتا ہوں
مگر یوں جینے کی عادت  میرا نصیب نہیں

تو مجھ کو اپنے مقدر کا مسئلہ نہ بنا

تو مجھ کو اپنے مقدر کا مسئلہ نہ بنا
میں تیرے حصے میں آیا ہوں اتفاقا ہی
گریز پا ہی سہی چند پل ملے تو ہیں
یہ چند پل بھی میں لایا ہوں اتفاقا ہی

مرے وجود پہ قابض ہیں دعویدار کئی

مرے وجود پہ قابض ہیں دعویدار کئی
بس ایک دل ہے جو تیرے لیے دھڑکتا ہے

یہ فیصلہ ہے سنایا سماج والوں نے

یہ فیصلہ ہے سنایا سماج والوں نے
کہ عزت اور محبت سے ایک ہی کو چن!

سانسیں خرید لایا ہوں

میں خود کو بیچ کے سانسیں خرید لایا ہوں
کہ جان میری مگر زندگی کسی کی ہے

توصرف عشق نہیں میرا بانکپن بھی ہے

توصرف عشق نہیں میرا بانکپن بھی ہے
میں لڑکھڑاتا رہوں گا ترے ملن کے بغیر

بارشیں درد سے منسوب رہیں گی کب تک؟

کتنے برسوں سے مری آنکھیں تھیں صحرا صحرا
اور پلکوں پہ فقط ریت جمی رہتی تھی
ذات ایسی تھی کہ جیسے کوئی چٹیل میداں
-----------------
آج اک ہمدمِ دیرینہ سے ملنے آیا
اس کی آنکھوں میں تھے ساون کے وہ گہرے بادل
جو گلے ملتے ہی گھن گرج سے برسے ہم پر
ایسی بوچھاڑ کے یک دم ہوئے دونوں جل تھل
-----------------
اس کی بیوی نے کسی چاند کو جنما تھا مگر
چاند بے جان تھا مٹی کے کھلونے کی طرح
بارشیں درد سے منسوب رہیں گی کب تک؟

/ گھن گرج - غیر موزوں ہے
بے دردی بھی ٹھیک ہے

تھام لوں ایسے کہ ہاتھوں میں پگھل جائے وہ

تھام لوں ایسے کہ ہاتھوں میں پگھل جائے وہ
اور دنیا کے مناظر سے نکل جائے وہ‬

نہ کوئی رسم نہ بندش ہو زمانے کی پھر

   کہ مرے جسم کے لوہو میں ہی ڈھل جائے وہ‬

اس کو پی لوں میں کسی آب مبارک کی طرح
سو مری ذات کو جنت میں بدل جائے وہ

اس سے بڑھ کر بھی گلستاں کا حوالہ ہوگا
جب کبھی بات کرے بھول سا کھل جائے وہ

اپنی ساننسوں میں اسے ایسے اتاروں اک دن
کہ مرے سینہ بے تاب میں گل جائے وہ

کہ میری سانس کی گرمی میں ہی گل جائے وہ
کہ میری سینے کی گرمی میں ہی گل جائے وہ

آسمانوں کی طرف ایسے اچھالوں اس کو
اس زمانے کے حوادث سے نکل جائے وہ

خواب کی جھیل میں اک چاند رہا کرتا تھا

 خواب کی جھیل میں اک چاند رہا کرتا تھا
اوک میں بھر کے جو لائے تو فقط ریت ملی

بازو پھیلا کے اسے روکنا چاہوں گا مگر

بازو پھیلا کے اسے روکنا چاہوں گا مگر
وہ مرے بیچ سے گزرے گا ہوائوں کی طرح

سامنے بیٹھا ہے کچھ دیر میں اٹھ جائے گا

سامنے بیٹھا ہے کچھ دیر میں اٹھ جائے گا
یار بھی وقت ہے روکے سے کہاں رکتا ہے

نظروں کی طرح لوگ نظارے کی طرح ہم

پھٹ جائیں گے کچھ پل میں غبارے کی طرح ہم

آئے ہیں ترے حق میں خسارے کی طرح ہم

رو رو کے بلائے گا وہ اک پھول کنول کا
بہتے ہوئے بہہ جائیں گے دھارے کی طرح ہم

جینا ہے کوئی ہنر تو ہم کو بھی سکھا دو
ٹوٹے ہیں مقدر کے ستارے کی طرح ہم

مجمع سا لگایا ہے تماشائے وفا نے
نظروں کی طرح لوگ نظارے کی طرح ہم

چلتے ہیں ترے شانوں پہ رکھے ہوئے بازو
کہنے کو تو ہیں ساتھ سہارے کی طرح ہم

پتھر کے مجسم میں لہو ڈھونڈ رہے تھے
مسمار ہوئے ریت کے گارے کی طرح ہم

میرے غم خانے سے خوشیوں کی تلاشی لے لے

وقت ہاتھوں سے گرے جائے ہیے پانی کی طرح
ابھی کچھ دن میں مجھے چھوڑ کے چل دے گا وہ

چند خوابوں نے مری آنکھ پہ دستک دی ہے
لوٹ جائیں گے دلِ زار کو جب دیکھیں گے

میں نئے خواب بھلا کیسے سجا سکتا ہوں
پچھلے خوابوں کے ہیں لاشے ابھی بے گووکفن

میرے غم خانے سے خوشیوں کی تلاشی لے لے
ایک بھی لمحہ مسرت کا نہ مل پائے گا

تو نے دیکھا ہے چمکتے ہوئے سورج کو بس
تجھ کو معلوم نہیں نور کی تخلیق کا دکھ

کتنا ناداں ہے مراچاہنے والا ریحان
جو مری ذات سے امید لگا بیٹھا ہے

یہ پہرے دار سی دنیا

یہ پہرے دار سی دنیا جو ہم پہ قابض ہے
ہمارے دل کے خزانوں کو دیکھ سکتی نہیں

یادیں

تمہاری یادیں اثاثہ ہیں زندگانی کا
میں ان کے ساتھ زمانے گزار سکتا ہوں

یہ کیسا حالِ تمنا یہ کیسا دورِ جنوں

یہ کیسا حالِ تمنا یہ کیسا دورِ جنوں
 وہ خود کو ہار گیا میری خواہشوں سے قبل

سماج

میری محبتوں کا اجی کچھ نہ پوچھیے
میں جس بھی راہ سے گئی آگے سماج تھا

زندگی رقص میں ہے تجھے پانے کے بعد

زندگی رقص میں ہے تجھے پانے کے بعد!

میں محبت ہوں بس محبت ہوں

میں محبت ہوں بس محبت ہوں
مجھ کو اتنا کرید کر نہ دیکھ
تو  بھٹک جائے نہ کہیں مجھ میں

تو کتنا خاص ہے

ابھی تو باتیں سنیں ہیں ابھی تو کیا جانے
تو کتنا خاص ہے اک بار میرے دل سے پوچھ

گفتگو

آخر اک دن تو لوٹنا ہوگا
ہو گی پتھر سے گفتگو کب تک

سانس لینے میں اب سہولت ہے

تیری یادوں نے بڑھ کے تھام لیا
سانس لینے میں اب سہولت ہے

تو شاد باد رہے

تجھے اجڑنے نہ دوں گا، یہ میرا وعدہ ہے
میں تجھ کو کھو کے بھی خوش ہوں، تو شاد باد رہے

میں پچھلے وقتوں کا کوئی شاعر

مری ضرورت کو کون سمجھے
مری طبیعت کو کون جانے
نہ مال و ذر کی ذر ا ہوہس ہے
نہ جسم و جاں کا مطالبہ ہے
نہ مجھ کو شہرت سے کچھ غرض ہے
نہ دل کو چاہت سے واسطہ ہے
میں پچھلے وقتوں کا کوئی شاعر
جو اس زمانے میں آگیا یے
چند اپنے جیسوں کو ڈھونڈتا ہوں
میں پچھلی قدروں کو دھونڈتا ہوں

چراغ ہاتھوں میں لے کے کب سے
خلوص والوں کو ڈھونڈتا ہوں

میں تار تار ہوں مفلس کے پیرہن کی طرح

وہ کتنے ظرف کا مالک ہے سوچتا ہوں میں
جو میرے عیب کو مجھ سے چھپا کے ملتا ہے

میں تار تار ہوں مفلس کے پیرہن کی طرح
وہ خوش لباس مگر سر جھکا کے ملتا ہے

تمہارے لفظ جو بامِ زبان سے اتریں

 زار درد سہے دل نے راحتوں سے قبل
کہ ہو کہ آیا ہوں دوزخ سے جنتوں سے قبل

تمہارے لفظ جو بامِ زبان سے اتریں
میں بڑھ کے تھام لوں ان کو سماعتوں سے قبل

یہ کیسا حالِ تمنا یہ کیسا دورِ جنوں
 وہ خود کو ہار گیا میری خواہشوں سے قبل

کوئی بتائے بھلا ایسے بھی کہں ہوتا ہے
کہ جاں نثار کرے کوئی چاہتوں سے قبل

مرے علاوہ بتا کون تجھ کو سمجھے گا
میں بوجھ لیتا ہوں تجھ کو وضاحتوں سے قبل

میں جس کو چاند سمجھتا تھا آسمانوں کا

میں جس کو چاند سمجھتا تھا آسمانوں کا
وہ راستے میں زمیں  پر پڑا ملا ہے مجھے

ہمارے بیچ میں رشتہ

یہ عشق وشق کی باتیں بڑی پرانی ہیں
ہمارے بیچ میں رشتہ کوئی نیا سا ہے

چراغ

میں جس کو ہاتھ پکڑ کر دکھا رہا تھا سفر
وہی چراغ بنا میری رہگزارکا آج

یہ کیسے موڑ پہ آ کر مجھے ملے ہو تم

یہ کیسے موڑ پہ آ کر مجھے ملا ہے تو
کہ میرے پائوں میں بیڑی، تجھے ہے اذنِ خرام

تو اپنے بارے میں مجھ سے کبھی سوال تو کر

تو اپنے بارے میں مجھ سے کبھی سوال تو کر

میں عمر بھر تیرے بارے جواب لکھتا رہوں

تیری نظر کو لکھوں حرفِ جاں فزا ہے کوئی
ترے کلام کو دل کی کتاب لکھتا رہوں

سمیٹ لے مجھے آنچل میں باندھ کر رکھ لے

گرزرتے وقت کو بوتل میں باندھ کر رکھ لے
تر میری زیست ہی اس پل میں باندھ کر رکھ لے

میں جابجا ہوں کوئی بکھری ریزگاری ہوں
سمیٹ لے مجھے آنچل میں باندھ کر رکھ لے

میں کام کا تو نہیں پھر بھی احتیاطا ہی
اضافی خواب کو کاجل میں باندھ کر رکھ لے

تو میری زیست کا حاصل، تو میری جان کی لو
مجھے سنبھال لے اور دل میں باندھ کر رکھ لے

تو ایک سیپ کہ قسمت سے جو ملی مجھو
سو میری موج کو ساحل میں باندھ کر رکھ لے

میں تجھ میں ایسے ملوں پانی میں چینی جیسے
سو مجھ کو ذات کے منحل میں باندھ کر رکھ لے

گفتگو تھی کہ نیند کا بستر

نیند میں چاند کی سواری ہے

آنکھ میں خواب کی خماری ہے

کوئی جادو ہے تیری باتوں میں
کیف ہی کیف مجھ پہ طاری ہے

گفتگو تھی کہ نیند کا بستر
عمر بھر کی تھکن اتاری ہے

میں ہوائوں سا ہو گیا ہلکا
بوجھ دل کا نہ سانس بھاری ہے

پیر کانٹوں کی باڑھ کے اوپر
آنکھ میں پھول کی کیاری ہے

ایک پہلو میں طرب کے لمحے
ایک پہلو میں سوگواری ہے

جو بنایا ہے سو نبھایا ہے
زندگی شرطِ استواری ہے

بانٹ کر دیکھ لے اگر چاہے

بانٹ کر دیکھ لے اگر چاہے
میں کہ پہلے سے جابجا ہوں بہت

اس سے پہلے تو اس قدر بھی نہ تھ

اس سے پہلے تو اس قدر بھی نہ تھا
دل کو کچھ حوصلہ دیا تو نے

میں بھی جنوں خیز ہوا تو بھی ہوا پاگل

اس شخص کی باتوں میں مرے ذہن کی ہلچل

اس شخص کی آنکھوں میں مرے درد کا ساحل

کیوں کہتے ہو کہ صحرا میں سدا ریت رہے گی

دیکھا ہے کبھی موج میں آیا ہوا بادل؟

چھپتے ہیں چھپانے سے بھلا درد کے آنسو؟

بھیگا ہے کبھی پلو کبھی پھیلا ہے کاجل

تم لاکھ چھپا لو غمِ   ہستی نہ چھپے گا
چہرہ ہی بتا دیتا ہے کس کرب میں ہے دل

اس دشت محبت سے قبل اچھے بھلے
میں بھی جنوں خیز ہوا تو بھی ہوا پاگل

میں نے جذبوں کا ہاتھ تھاما تھا

لوگ ہستے تھے پہلے پاگل پر
اب وہ ہر روز مجھ پہ ہنستے ہیں 

میں نے پاگل پہ ترس کھایا تھا
موت سے بڑھ کے بے مزہ نکلی
زندگی کی دوا جو لایا تھا
--------------------

روز چلتا ہوں تھوڑی دور مگر

روز واپس ہی لوٹ آتا ہوں
ایک خواہش پکارتی ہے مجھے
ایک خواہش نے قید کر ڈالا
-------------------------

رونے والوں کے اشک دھوئے تھا
درد مندوں کے پاس بیٹھا تھا

زندگی نے تھکا دیا مجھ کو
میں نے جذبوں کا ہاتھ تھاما تھا

مجھ کو جنت کی عادتیں نہ ڈال

مجھ کو جنت کی عادتیں نہ ڈال

میں نے دوذخ کو لوٹنا ہے ابھی

دوائی

زندگی کی دوائی لایا تھا
موت سے بچ گیا مگر رویا

اتفاقا نہیں ملے مجھ کو

تم تو انعام ہو مرے رب کا
اتفاقا نہیں ملے تجھ سے

زیست کا نکتہ عروج ہو تم
زندگی! اب نہیں گلہ تجھ سے

خدا نہیں ہو مگر پھر بھی آرزو تو ہے

خدا نہیں ہو مگر پھر بھی آرزو تو ہے

کہ تیری زندگی خوشیوں کی داستاں کر دوں

تو میرے واسطے اک خواب ہے حقیقت سا
میں اپنی آنکھ میں رکھ لوں؟ کہ جسم و جاں کر دوں؟

اشعار کا موسم

آیا ہے ترے ہجر کے آزار کا موسم
پھر اترا مرے ذہن پہ اشعار کا موسم

تفسیر زندگی

اس ایک بات میں تفسیر زندگی کی تھی
جو اس نے جاتے ہوئے آنکھ سے کہی ہمدم

رخِ ہوا

رخِ ہوا لیے جاتا ہے دور مجھ سے تمہیں
تمہیں جہاں کے حوالے میں کس طرح کر دوں


نہ تیرے ہاتھ کی شمع، نہ تیری آنکھ کی لو
اندھیری رہ میں اجالے میں کس طرح کر دوں



جسے تلاشتے صدیوں کا راستہ کاٹا
اسے یوں رب کے حوالے میں کس طرح کردوں


وہ میرے ذہن پہ چھایا ہے آسماں کی طرح
یہ کام بھولنے والے میں کس طرح کر دوں

تمہارے واسطے کوئی فلک سے اترے گا

ہمارے جیسے تو پھرتے ہیں اس زمیں پہ بہت
تمہارے واسطے کوئی فلک سے اترے گا

سچ پوچھ مجھے آج بلاغت کا نشہ ہے

بے لوث محبت کہ عقیدت کا نشہ ہے؟
یادوں میں تری آج قیامت کا نشہ ہے

 باتیں ہیں کہ آیات صحیفہِ وفا کی
آنکھوں میں تری عین عبادت کا نشہ ہے

آتا ہے مرے جی میں کہ لکھ کر تجھے رکھ لوں
تجھ میں کسی دلچسپ عبارت کا نشہ ہے

معلوم ہی کیا تجھ کو کہ کیا ہے تو ہمارا
اس زیست کی تو آخری چاہت کا نشہ ہے

خاموش رہوں پھر بھی مری سوچ وہ سمجھے
سچ پوچھ مجھے آج بلاغت کا نشہ ہے

ہم ماضی کے ایام ہیں آئیں گے نہ مڑ کر

ہم اجڑے ہوئے لوگوں کی تم فکر نہ کرنا
بھولے سے بھی اب میرا کہیں ذکر نہ کرنا

ہم ماضی کے ایام ہیں آئیں گے نہ مڑ کر
تم خوابِ گریزاں پہ کبھی جبر نہ کرنا

تو مکمل ہے

تجھ سے ملنا تو موت ہے میری
تو مکمل ہے اس قدر جاناں

گو مل رہا ہے مزاج اپنا

گو مل رہا ہے مزاج اپنا، مگر ستارے نہ مل سکیں گے

کہ اپنی کشتی ہے بادبانی، ہمیں کنارے نہ مل سکیں گے

میں ریت ہاتھوں میں لے کے بیٹھا نہ جانے کب سے یہ سوچتا ہوں

اٹھے گی جب بھی یہ لال آندھی، مجھے اشارے نہ مل سکیں گے

وہ جلد بازی وہ بے نیازی، مری جوانی کا کچھ نہ پوچھو

میں بانٹ آیا ہوں خود کو ایسے کہ اب سہارے نہ مل سکیں گے

تمہاری آنکھوں میں جب سے دیکھا، میں اپنے ماضی میں آگیا ہوں

بہت سے خوابوں کو پا گیا ہوں مگر وہ سارے نہ مل سکیں گے

تلاش جن کی تھی مدتوں سے، وہ سارے گوہر  ہیں تیرے اندر
مگر میں آیا بھنور کی زد پر، مجھے کنارے نہ مل سکیں گے

گردِ زمانہ

تو آیہ تطہیر کی صورت ہے مقدس
تو گردِ زمانہ سے پریشان نہ ہونا
توایک ہے لاکھوں میں کوئی تجھ سا نہیں ہے
اس درجہ پذیرائی پہ حیران نہ ہونا

دھوپ میں ایسے ملے پانی میں پانی جیسے

اس قدر گوری کلائی نظر آئے کیسے
دھوپ میں ایسے ملے پانی میں پانی جیسے

کھڑکی

بہت گھٹن تھی مرے جسم و جان کے اندر
کہ ایک کھڑکی کھلی تیری یاد کی جانب!

مشکل

جام بھر لیتا ہوں کچھ سوچ کے رکھ دیتا ہوں
پیاس کا زور بھی ہے اور گنہ کا ڈر بھی

تنگ دامنی

تو نے بخشا ہے بہت کچھ میں سمیٹوں کیسے
کر گیا چھید مری جھولی میں جانے والا

جہاں بھی گئے داستاں چھوڑ آئے

 

زمین اور ہفت آسماں چھوڑآئے
کہ بخشے ہوئے سب جہاں چھوڑائے

ارے جسم اور روح کی بات کیا اب
کہ وحشت میں نام و نشاں چھوڑآئے

محبت ہمارا حوالہ رہی ہے
جہاں بھی گئے داستاں چھوڑ آئے

یہ بے جان لاشے بھلا کیا کرو گے
مسافر تو رستے میں جاں چھوڑآئے

جو خوشبو کی خواہش سنبھالے چلے تھے
وہ رنگوں میں دل کا جہاں چھوڑ آئے

لفافہ مروت کا جب ہم نے کھولا
تو ہچکی بھری خاکداں چھوڑ آئے

تہی دست بیٹھے ہو منزل پہ آکر
دل و جاں کی دولت کہاں چھوڑ آئے

http://www.facebook.com/photo.php?fbid=278243328920618&set=oa.410276145666094&type=1&theater

وہ جو تندور جلاتی تھی محلے بھر کا

وہ جو تندور جلاتی تھی محلے بھر کا
پھونک ڈالا ہے اسے بھوک نے ایندھن کی طرح

مسئلہ موت نہیں جینے کے انداز کا ہے
لوگ زندہ ہے مگر جسم ہےمدفن کی برح

کچھ حسیں ہوتے ہیں بس دور سے تکنے کے لے

ہیرا کتنا ہی حسیں ہو، ہے تو اک پتھر ہی
منہ میں ڈالو گے تو پچھتائو گے جاناں سن لو
کچھ حسیں ہوتے ہیں بس دور سے تکنے کے لے

محرم

چند افکار لیے پھرتا ہوں گلیوں گلیوں
کوئی محرم ہی نہیں کوئی شناسا ہی نہیں

آئینہ بن کے مرے سامنے آجاتے ہو

تم سے مل کر بھی تمہیں مل نہیں پاتا ہوں میں
آئینہ بن کے مرے سامنے آجاتے ہو

ایک رونق سی لگی رہتی ہے یادوں میں اب
کبھی آہٹ کبھی لہجہ ، کبھی خود آتے ہو

کہ ایک شخص

نہ جانے کون سی نیکی ہے میرے کام آئی
کہ ایک شخص مجھے جنتوں میں لے آیا

جا مرے دوست تجھے میں نے خدا کو سونپا

کون ایسا ہے کروں تجھ کو حوالے جس کے
جا مرے دوست تجھے میں نے خدا کو سونپا

زندگی ایک تھی تقسیم ہوئی لاکھوں میں
حوصلہ باقی ہے وہ تیری جفا کو سونپا

تفریق

 علی اصغر عباس کے لیے
میں بھی کبھی جوان تھا اور خوبرو بھی تھا
کچھ سال میری عمر سے تفریق کرکے دیکھ

تم دل کو چھو گئے ہو عقیدت کی آڑ میں

عادت سی ہو گئی ہے محبت کی آڑ میں
تم دل کو چھو گئے ہو عقیدت کی آڑ میں

تم کوجو ہو پسند وہی نام دیجیے
اک رشتہ مجھ کو چاہیے الفت کی آڑ میں

میں جانتا ہوں آپ کو پانا محال ہے
خوش فہم دل مگر ہے مروت کی آڑ میں

تم کتنے قیمتی تھے یہ مجھ سے تو پوچھتے
کیوں خود کو بانٹ آئے ہو قسمت کی آڑ میں

اک لطفِ بے مثال تری جستجو میں ہے
اک ربطِ لاجواب ہے فرقت کی  آڑ میں

رفتہ رفتہ

پہلے پہلے تو وہ پہچان بنا تھا میری
رفتہ رفتہ لے گیا نام و نشاں تک میرا

خلوص

مرا خلوص ہی قاتل مری حیات کا تھا
میں لڑجھگڑ کے سبھی عہد توڑآیا ہوں

میں اپنے آپ سے بھی جھوٹ بولتا ہوں اب

تجھے یہ کیسے بتائوں مری حقیقت کیا
میں اپنے آپ سے بھی جھوٹ بولتا ہوں اب

تم تو ہر رنگ میں لگتے تھے بکھرنے والے

جدید ادبی تنقیدی فورم کے پندرہ روزہ فی البدیہہ طرحی مشاعرہ منعقدہ 9 مارچ 2012 میں کہی گئی  غزل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہائے کیا لوگ تھے اس دل میں اترنے والے
حجلہِ یاد میں دن رات سنورنے والے

آگ سے راکھ ہوئے عشق میں جلنے والے
اب وہ جذبے ہی کہاں جاں سے گزرنے والے

ہائے اب خاک کی ڈھیری میں سمٹ آئے ہو
تم تو ہر رنگ میں لگتے تھے بکھرنے والے

ہم سے کچھ آس نہ رکھو کہ نبھا پائیں گے
ہم تو ہیں کانچ کے برتن وہ بھی گرنے والے

ہم ڈسے ہوئے محبت کے وفا کے سچ کے
اب ہیں اخلاص بھری آنکھ سے ڈرنے والے

پہچان

پہلے پہلے تو وہ پہچان بنا تھا میری
رفتہ رفتہ لے گیا نام و  نشاں تک میرا

میں چند سال بڑا ہوں

میں چند سال بڑا ہوں سو اتنا حق دے مجھے
جہاں جہاں میں گرا تھا وہاں سے روکوں تجھے

کہیں سے آنا ہے ان کا، کہیں کو جانا ہے

محبتوں میں گرا ہوں میں ایک پل کی طرح
کہیں سے آنا ہے ان کا، کہیں کو جانا ہے

پل = brigde

لوگ

زندگی ظلم کرے کتنا ہی مارے پیٹے
لوگ بچے ہیں کھلونوں سے بہل جاتے ہیں

درد سے جھولی بھرے لفظوں کو منہ میں ڈالے
لوگ بازار میں آجاتے ہیں اشیا کی چرح

چند ملزوم سے رشتے ہیں تعارف کے لیے
ورنہ ہر شخص ہی تنہا ہے ازل سے اب تک

سب تگ و دو ہے فقط پیٹ ہی بھرنے کےلیے
پھر بھی کہتے ہیں کہ دنیا میں بہت کام کیا

متفرق خیا لات- آ کبھی دل میں مرے اور یہ ویرانی دیکھ

تو نے دیکھی ہے مرے چہرے کی رعنائی بہت
آ کبھی دل میں مرے اور یہ ویرانی دیکھ

نہ کوئی پیڑ نہ بادل نہ کوئی محرمِ دل

ایسی تنہائی کہ سایہ بھی لگے اجنبی سا

میں وہ خوش بخت کہ رہتا ہوں سدا یاروں میں
دل وہ بدبخت کے مدت سے ہے تنہا تنہا

تو مری زیست کا حاصل ہے مرے اچھے دوست
لیکن افسوس کہ اب آ کے ملا ہے مجھ کو

میں بہت خوش ہوں ترے ساتھ مرے ہمراہی
ہے یہی خوف کہ اب موڑ نہ آجائے کہیں

اب زمانہ نہیں ہے وحشت کا

اردو انجمن کے لیے طرحی غزل
مصرع طرح = اب زمانہ نہیں ہے وحشت کا

یوں تو امکاں نہیں محبت کا
کوئی کیا کر لے دل کی عادت کا

زخمِ جاں کا علاج مت کیجیو
میں تو رسیا ہوں اس اذیت کا

کاش تو دل میں جھانک کر دیکھے
لفظ کافی نہیں محبت کا

اب تو دھڑکن بھی سوچ کر بولے

اب زمانہ نہیں ہے وحشت کا

دل بھی کھوٹا زبان بھی پھیکی
رابطہ ہے فقط مروت کا

ایک خالی مکان میرا وجود
منتظر ہے تری سکونت کا

کل کی کس کو خبر کہاں ہوں ہم
ہے غنیمت یہ وقت قربت کا

خرید پایا ہوں روٹی کے چند ہی لقمے

میں اپنی زیست کے سب خواب بیچ کر ریحان

خرید پایا ہوں روٹی کے چند ہی لقمے

سبب

تمہارے ساتھ تعلق کا ایک ہی ہے سبب
تمہاری آنکھ میں جو خواب ہیں وہ میرے تھے

تساہل

وہ کئی سال سے ہے ساتھ مگر کچھ ایسے
ایک مدت سے وہ پے ساتھ مگر کچھ ایسے
جیسے الماری میں ہوں پچھلے مہینوں کے رسالے
جیسے الماری میں ہوں پچھلے برس کے اخبار
اک تساہل ہے کہ اب تک ہیں پڑے کمرے میں

ستم ظریف تھا ساقی

علی اور ادریس بھائی کے لیے

میں اوک لے کے جو آیا کہ چند گھونٹ پیوں
ستم ظریف تھا ساقی، انڈیل دی ہے سبو

بیٹھ جائو ذرا دیر کو تم

سب بھلائو ذرا دیر کو تم
گنگنائو ذرا دیر کو تم

ہم زمانے سے اٹھنے لگے ہیں
بیٹھ جائو ذرا دیر کو تم

پھر بلانے کی ضد نہ کریں گے
آج آئو ذرا دیر کو تم

اپنی دنیا میں رہتے سدا ہو
دل میں آئو ذرا دیر کو تم

آسماں سے ملا ہے یہ رشتہ
گر نبھائو ذرا دیر کو تم

روٹھ کر تم چلے جانا بے شک
پر ستائو ذرا دیر کو تم

رہینِ خوئے قناعت تھا وہ گدائی میں بھی

۲۴ جنوری ۲۰۱۲- جدید ادبی فورم میں کہیں گئی فی لبدیہ غذل- طرح مصرع : "رہینِ خوئے قناعت تھا وہ گدائی میں بھی"

ہم التزام کے عادی تھے آشنائی میں بھی
سو لطف آیا نہ دل کو تری رسائی میں بھی

وفا کے نام پہ ہم نے تو قید ہی کاٹی
کہ ایک ضبطِ مسلسل رہا جدائی میں بھی

میں دل کی انگلی کو تھامے خموش چلتا رہا
وہ لین دین کا قائل تھا آشنائی میں بھی

میں اپنے درد کی تشہیر کرتا رہتا ہوں
کہ ایک طرزفغاں ہے یہ بے نوائی میں بھی

بس ایک بار اسے پیار سے کوئی دیکھے
رہینِ خوئے قناعت تھا وہ گدائی میں بھی

ندامتوں میں گرا ہوں جھکا سا رہتا ہوں
کبھی تھا مجھ کو بہت زعم پارسائی میں بھی

وہ چھوڑ جائے مگر اس کو کوئی سمجھائے
کوئی سلیقہ تو ہوتا ہے بے وفائی میں بھی

متفرق خیلات - دیکھنے کو تو مرے ہاتھ میں ہے جام مگر

دیکھنے کو تو مرے ہاتھ میں ہے جام مگر
کون جانے کہ فقط پیاس بھری ہے اس میں

بانٹنے والے تجھے لوٹ کے آنا ہوگا
پہلی باری میں ملا مجھ کو لفافہ خالی

اس قدر دھوکے ملے چہرہِ انسانی سے

اب توجی کرتا ہے جنگل میں بسیرا کر لیں

زخم اوروں کو دکھا نا تو ہے ذلت اس کی
 دل اگر چوٹ بھی کھائے تو چھپا جاتا ہے

درد کتنا ہی بڑھے آہ نہ منہ سے نکلے
مجھ کو ہمدردیِ احباب سے خوف آتا ہے

الائو سانس کا جلتا

الائو سانس کا جلتا ہے سخت محنت سے
میں اپنے ذات سے نمٹوں تو آپ کو دیکھوں

مفردات

غمِ معاش میں الجھے ہیں روزوشب ایسے
نہ زندگی سے تعارف نہ موت کی ہی خبر

یہ دل تو لے کے چلا تھا تمہاری سمت مگر
ضرورتوں نے مرے راستے بدل ڈالے

بہت سے لوگ ہیں جن سے ملن ضروری ہے
مگر یہ سانس کی ڈوری کہ باندھ رکھتی ہے

گرآپ کہتے ہیں اچھا تو دوست یوں ہی سہی
یہ آئینہ تو مجھے سوگوار رکھتا ہے

راکھ کو آگ لگائے

اپنی محرومی کا بدلہ تو غریبوں سے نہ لے
راکھ کو آگ لگائے گا تو کیا پائے گا

تجھ کو ادراک نہیں

آزمائش ہے ترے ظرف کی یہ ظلم نہیں

تجھ کو ادراک نہیں خاص نظر میں ہے تو

میں خواہشوں کا پجاری بڑے عذاب میں ہوں

گناہ کر نہیں سکتا، ثواب کرتا نہیں
میں خواہشوں کا پجاری بڑے عذاب میں ہوں

علی بھائی کی اصلاح

گنہ کے باب میں نہ ہی درِ ثواب میں ہوں
میں خواہشوں کا پجاری بڑے عذاب میں ہوں

مرے ارادے بھی کمزور میرا دل بھی غضب

مرے ارادے بھی کمزور میرا دل بھی غضب
میں ہار جائوں گا اے حسن امتحان نہ لے

ہم ضمیر اپنے کو سولی پہ چڑھانے والے

بے خودی کا ہی سہاراہے  کہ جی پاتے ہیں
ہوش آتا ہے تو پتھر کے سے ہو جاتے ہیں

ہم ضمیر اپنے کو سولی پہ چڑھانے والے
خلوت ذات کے اوقات سے گھبراتے ہیں

آئینہ توڑدیا پھوڑ لیں آنکھیں اپنی
داغ چہرے کے مگر پھر بھی نظر آتے ہیں

دل یہ کالا ہوا اتنا کہ گنہ کر کے بھی
مطمئن رہتے ہیں آرام سے سو جاتے ہیں

ہم پہ تکیہ نہ کرو صدق و امانت کا کھی
ہم وہ بدذات جو خود آپ کو ٹھگ جاتے ہیں
یا
ہم وہ بدذات ہیں جو خود  کو بھی ٹھگ جاتے ہیں

میں آسماں جسے کہتا رہا

میں آسماں جسے کہتا رہا وہ نیل گگن
میری طرح کا خلا تھا نظر کا دھوکا تھا

متفرق خیالات

تیری چاہت پہ بضد ہوں مگر اس ضد کا کیا
میں بھی انسان ہوں تھک جائوں گا آخر اک دن

کتنے سالوں سے ترا نام بھی آیا نہ کہیں
یاد بھولے سے چلی آتی ہے مرضی اس کی

شمع کتنی بھی جلے راکھ مقدر اس کا
شعلہ کتنا بھی چڑھے انت دھواں ہی ہو گا

تیرے آنے پہ بہت خوش ہوئے زندہ ہی رہے!
ماتمِ ہجر بھی ہوگا تو کہاں تک ہو گا

اس قدر خوف محبت سے ہے دل میں کہ اب
چاہ کر بھی یہ محبت نہیں ہو گی تجھ سے

پھول جنت سے گرے ہیں کہ حسیں چہرے ہیں
حسنِ انسان سے بڑھ نہیں جلوہ کوئی

بکھرے خیالات

بساط کیا ہے بشر کی ؟ بشر سے آس نہ رکھ

برسنا چاہے اگر تو تو بارشوں سا برس

حیات مہنگی ہے کتنی، معالجوں کو پتہ
جو سانس سانس پہ قیمت وصول کرتے ہیں

دوائیاں تو میں برسوں سے کھا رہا تھا مگر
شفا ملی ہے مجھے صرف تیرے لہجے سے

گناہ کرتا رہوں اور ساتھ توبہ بھی
خدا رحیم بہت ہے پر اتنا بھولا نہیں

تھا زعم ہم کو بہت اپنی پارسائی پر
بس ایک لمحے کی سازش نے بے زبان کیا

میں کانپ جاتا ہوں دیکھوں جو بے بسی اپنی
غرور پھر بھی ہے اتنا خدا کہوں خود کو

بہت سا پیارجو اب تک تہہِ زبان رہا
نکلتا رہتا ہے دل سے دعائوں کی صورت

آج کچھ درد مرے دل میں سوا ہوتا ہے

اردو انجمن کا فی البدیہ طرحی مشاعرہ

درد رہتا ہے نہ سکھ چین سدا ہوتا ہے
سب چلے جاتے ہیں بس نامِ خدا ہوتا ہے

وقت دریا خس و خاشاک ہیں ہم تم
دیکھتے دیکھتے ہر نقش ہوا ہوتا ہے

موت نے دانت نکالے ہیں میں سہما سا پھروں
زندگی جب بھی تجھے چاہوں دغا ہوتا ہے

یہ محبت جو زمانے میں بہت عام سی ہے
اس محبت میں بشر اپنا خدا ہوتا ہے

جسم کو جسم سے مطلب ہے خلاصہ یہ ہے
باقی تمہید ہے تمہید سے کیا ہوتا ہے

عشق بھی حسن سے وابستہ ہے سائے کی طرح
حسن ڈھلتا ہے تو سایہ بھی جدا ہوتا ہے

شعر لکھتا ہوں تو خامے سے اٹھیں ٹیسیں سی
آج کچھ درد مرے دل میں سوا ہوتا ہے

جان دے کر بھی بچانا یہ ثقافت لوگو

چہرہ پردے سے ڈھکا نظریں ہیں نیچی نیچی
یہ مری قوم کی بیٹی کی ہے صورت لوگو

غیر نے نقب زنی کی ہے مری رسموں ہر
جان دے کر بھی بچانا یہ ثقافت لوگو

تکلیف

تجھ کو اپنانے میں مجھ کو تو کوئی عذر نہیں
لیکن اس دنیا کو ہو جائے گی تلکیف بہت

کوئی آئے گا

کوئی آئے گا مرے پاس تو کیوں آئے گا
ایک ہی دل تھا جو اب ٹوٹ چکا مر بھی چکا

جگجیت سنگھ کی یاد میں---

 جگجیت سنگھ کی یاد میں---

عمر بھر جاگتے رہنا تھا مقدر جس کا
سوگئی آج وہ آواز ہمیشہ کے لیے

وہ کوئی فرد نہیں شہر تھا دل والوں کا
اس کے مر جانے سے ویران ہوئے لاکھوں دل

وقت کی کشتی

ہجر بھی وصل بھی چاہت بھی وفا بھی دل بھی
آنکھ بھہ پونٹ بھی ہونٹوں سے لٹکتا تل بھی
وقت کی کشتی میں بیٹھے ہیں چلے جائیں گے سب!

کوزہ گر تو نے اگر پیار سے جوڑا ہوتا

چاہنے سے ہی کوئی شخص جو اپنا ہوتا
کیسے ممکن تھا مرا خواب پرایا ہوتا

لوگ اپنے ہی مسائل میں مگن بھی گم بھی
تو بھی اس بھیڑ میں ہوتا تو اکیلا ہوتا

مسئلہ جینے کا درپیش کبھی خوفِ اجل
مل بھی جاتا وہ اگر کرب نہ تھوڑا ہوتا

آدمی جذبہِ بےتاب کی مٹی سے بنا
رزقِ ممنوع نہ کھاتا تو بھی ایسا ہوتا

کارواں ساتھ سہی درد ہیں اپنے اپنے
تو زمانے سے نبھاتا بھی تو تنہا ہوتا

میں بگولے کی طرح پھرتا نہ گلیوں گلیوں
کوزہ گر تو نے اگر پیار سے جوڑا ہوتا

خواب بوڑھے بھی تو ہو جاتے ہیں مرتے بھی ہیں
انتظار آپ کا ہوتا بھی تو کتنا ہوتا
http://www.facebook.com/photo.php?fbid=175743885868384&set=oa.361520293865926&type=1&theater