تم سمجھتے یو سہولت ہے مجھے
سانس لینا بھی مشقت ہے مجھے
میں کسی اور جہاں کا شاید
یہ جہاں باعثِ حیرت ہے مجھے
ڈھونڈتا ہوں کوئی اپنے جیسا
یعنی خود سے ہی محبت ہے مجھے
یہ جو بکھرا سا میں رہتا ہوں اب
تجھ سے ملنے کی ضرورت ہے مجھے
خوش رہیں لوگ یہ عزت والے
دل کی اتنی ہی وصیت ہے مجھے
آنکھ ساگر سی کوئی لے ڈوبے
اب اسی موت کی حسرت ہے مجھے
میں کسی اور جہاں کا شاید
یہ جہاں باعثِ حیرت ہے مجھے
تو ہے مومن تجھے جنت کا یقیں
میری تشکیک قیامت ہے مجھے
No comments:
Post a Comment