کملا نئیں ساں، کردا کی اے

سن سنتالییس دے بھلے ہوئے مہاجراں دے ناں جو اپنے پرکھاں دا پنڈ لبھن لئی باڑدر پا جاندے نیں


مٹی چوں کی لبھدا پھرداں
مٹی چوں کی لبھداں
مٹی کھا گئی سب کچھ ویرے
مٹی رہ گئی ہر تھاں
 توں پرکھاں دے مسکن بھالیں
  ایتھے ناں لبھن قبراں

لال ہنیری گھر گھر گھمّی
پا کے کالے چولے
ایتھےپنڈاں دے پنڈ گواچے
 تے ہوگَے واں ورولے
کملا نئیں ساں، کردا کی اے
پیڈ سجن دی ٹولے

https://drive.google.com/a/ucp.edu.pk/file/d/0BwsQ1oTRW633T09RQ2JhTGVNZlk/view


واگھے جا کے کھلیا میتے، گُجھی گل دا بھیت
کند اولے پردیس نی مائے کند اولے پردیس

نامکمل

الزام کس تے لائیے شرم آندی سوہنیو
پنجاب بولدا نئیں پنجابی سوہنیو



چار دناں وہیڑے روشنائیناں ہوندیاں جی
ڈھڈ دیاں جائیاں فیر پرائیاں ہوندیاں

ڈولی ٹور کے بابل گم صم سوچ ریہا
رب دیاں وی کیا بے پروائیاں ہوندیاں جی

جناں لیکھیں چوگا چُگ کے اڈ جانا
کڑیاں چڑیاں

جد تک جینا ڈر ڈر پچھ پچھ جینا ہے

اسیں انکھی پت پنجاب دے

the picture created by Ali Punjabi veer

اسیں انکھی پت پنجاب دے، ساڈا جگ تے رہنا ناں
اسیں راکھے بولی ماں دے، ساڈی راکھی بولی ماں

اساں جد تک جیوندے جاگدے، ہر سکدے نئیں میاں
-اسیں ہک تے گولی کھاوندے، کدے ہٹدے نئیں پچھاں


ਅਸੀਂ ਅਣਖੀ ਪੁੱਤ ਪੰਜਾਬ ਦੇ, ਸਾਡਾ ਜੱਗ ਤੇ ਰਹਿਣਾ ਨਾਂ
ਅਸੀਂ ਰਾਖੇ ਬੋਲੀ ਮਾਂ ਦੇ, ਸਾਡੀ ਰਾਖੀ ਬੋਲੀ ਮਾਂ

ਅਸਾਂ ਜਦ ਤੱਕ ਜਿਉਂਦੇ ਜਾਗਦੇ, ਹਰ ਸਕਦੇ ਨਈਂ ਮੀਆਂ
ਅਸੀਂ ਹਿੱਕ ਤੇ ਗੋਲੀ ਖਾਉਂਦੇ, ਕਦੇ ਹਟਦੇ ਨਈਂ ਪਛਾਆਂ

منہ پھٹ ناری کرماں ماری

منہ پھٹ ناری کرماں ماری
آپنا بھرم گنوا لیندی ہے
مفت دے جھگڑے، نت دا کھورو
لڑ لڑ خصم گنوا لیندی ہے

میسنی رن دا  گُجھا چلتر
مرد دے خانے وچ نہ آوے
ویر گنوا لے ماپے چھٹے
ہلے وی رن دے ہی گن گاوے

بھکھ

بھکھ دے روپ ہزار  وے بندیا، بکھ دے لکھ سوانگ
بھکھ ہی کنجری بن بن نچدی، بھکھ قاضی بےایمان

نتھلی، جھومر ، کجرا گجرا بھکھ دی رمز بجھان
بھکھ ہی عشق دے گُھنڈ وچ لُکدی، لَے کے روح دا نام

ڈِھڈ دی جمی روپ وٹا کے بن جاندی انجان
اپنی بھکھ دے دھوکے آپے آ جاندا انسان

بھکھ ہے قیدو چوچک اندر، بھکھ ہے ہیر سیال
بھکھ نے رانجھے ورگے گھبرو کر دتّے ہلکان

اپنی بولی اپنا وِرثہ سمجھن جو رج کھان
بھکھ دے ڈنگے لوک پنجاب دے، پج پح باہر جان