بھکھ دے روپ ہزار وے بندیا، بکھ دے لکھ سوانگ
بھکھ ہی کنجری بن بن نچدی، بھکھ قاضی بےایمان
نتھلی، جھومر ، کجرا گجرا بھکھ دی رمز بجھان
بھکھ ہی عشق دے گُھنڈ وچ لُکدی، لَے کے روح دا نام
ڈِھڈ دی جمی روپ وٹا کے بن جاندی انجان
اپنی بھکھ دے دھوکے آپے آ جاندا انسان
بھکھ ہے قیدو چوچک اندر، بھکھ ہے ہیر سیال
بھکھ نے رانجھے ورگے گھبرو کر دتّے ہلکان
اپنی بولی اپنا وِرثہ سمجھن جو رج کھان
بھکھ دے ڈنگے لوک پنجاب دے، پج پح باہر جان
No comments:
Post a Comment