"وقت ایک سا نہیں رہتا"
یہ ایسا پانج لفظی فقرہ ہے جو بیک وقت خوش کو اداس اور اداس کو خوش کر جاتا ہے
ایک دور تھا جب شاہ جہاں ہندوستاں پہ حکومت کرتا تھا، مسجد وزیر خان لاہور میں ہر شام قصہ گو جب قصہ سناتا تو دور - دور دراز سے آتے تجارتی قافلے ان پنجابی قصوں کو سننے کے لیے بطورِ خاص قیام کرتے تھے، اس دور کے ہاتھ سے لکھے ہوئے بیل بوٹوں سے مزین قصے اب بھی لاہور میوزیم میں پڑیں ہیں اور دنیا انہیں لاہور مینسکرپٹ کے نام سے جانتی ہے
یہ وہ دور تھا جب دلی سے پشاور اور جنوبی پنجاب سے لے کر کشمیر تک پنجابی ہی وسیلہ اظہار تھی درباری زبان فارسی تھی لیکن وہ صرف دربار تک ہی محدود تھی۔ مغلوں کے بعد رنجیت سنگھ کے دور میں بھی درباری زبان فارسی رہی لیکن عام بول چال صرف پنجابی میں ہی ہوتی تھی
اور پھر ۱۸۴۹ آیا، وقت نے کروٹ بدلی اور پنجاب فرنگیوں کے زیرِ تسلط آ گیا، اس سے پہلے چونکہ دلی پر انگریز کافی
عرصہ حکومت کر چکے تھے، اس لیے ان کے درباریوں میں اکژیت ہندوستانی (اردو ہندی) بولنے والوں کی تھی
پنجاب کا نظم و نسق انہی درباریوں کے سپرد کرنا تھا - اس وقت پنجاب میں کہیں بھی ہندوستانی زبان بولی اور سمجھی نہیں جاتی تھی- لہذا یہ بہت بڑا مسئلہ تھا -
لیکن اس سے بھی بڑا مسئلہ پنجابی قوم کا تھا - جس کے بارے میں چارلس نیپئیر نے ۱۸۴۹ میں کہا تھا
"Punjab has been occupied but not yet conquered, the Punjabi and his language has yet to be conquered"
لہذا پنجاب کو صحیح معنوں میں فتح کرنے کا مطلب پنجابیوں سے ان کی زبان چھیننا تھا اور انہیں اپنی زبان سے متنفر کرنا تھا
آج بھی آپ کو لاہور میوزیم میں وہ پوسٹر مل جائیگا جس پر لکھا ہوا ہے
"Two annas for a sword but six annas for a punjabi quada."
اٹھارہ سو ستاون کی جنگِ آزادی کے بعد انگریزوں کو پنجاب سے بھی خطرہ محسوس ہوا توں انہوں نے پنجابی قاعدوں کو جلانا شروع کر دیا
- جو بھی اپنے گھر سے پنجابی قاعدہ لاتا اسے چھ آنے انعام ملتا
اپنجاب بھر کے تعلیمی اداروں سے پنجابی کو ختم کر کے ہندوستانی زبان اور گنگا جمنی تہذیب کو متعارف کروایا گیا -
اورڈھیر سو سال ہوگئے، یہ رسم اب تک جاری ہے
موجودہ پنجابی کا پہلا شاعر بابا فرید کو مانا جاتا ہے جو کہ گیارھویں صدی عیسوی کی بات ہے - تو پنجابی زبان میں تقریبا ہزار سال کا ادبی ورثہ ہے - یہ سچے اور نایاب موتی نسل در نسل اور سینہ بہ سینہ ہم تک پہنچے ہیں - اور تاریخ گواہ ہے دنیا میں وہی قوم باقی ہے جس کی زبان باقی ہے
آج پنجابی زبان پر کڑا وقت ہے لیکن کہتے ہیں
"وقت ایک سا نہیں رہتا"
