اک سمندر پانیاں بھریا - اک سمندر دلدل ہے
انت سمے جد ڈُب مر جانا - جیہا جل ، تیہا تھل ہے
جد تک ساہ ست وچ بدن دے، تد تک کلپن رہندی ہے
پنچھی پنجرہ توڑ کے اڈنا، مک جانی سب ہلچل ہے
سفنے بیجے وِچ مزاراں، مرجاں گے تاں آگّن گے
جندے تھوڑا حوصلہ کرلے، کجھ ساہاں دی کھیچل ہے
دھرماں کیتا کندھاں اولے، منہ شیشیے دا تکیا ناہیں
ڈور جنور وی انج نہ لڑدے، بندہ مورکھ پاگل ہے
Subscribe to:
Post Comments (Atom)
No comments:
Post a Comment