وگدے دریا دے کنڈے بیٹھا
ڈبدا سورج دیکھ ریہا واں
سج٘ے ہتھ نال پانی روکاں
کھبے ہتھ نال سورج موڑاں
برا حال تے بونکے دیہاڑے
کھفا کھون جیہا ہویا واں
وگدے دریا دے کنڈے بیٹھا
ڈبدا سورج دیکھ ریہا واں
چڑھدا سورج کنڈ تے آ کے
کن مروڑی جاندا ہے
نالے آکھی جاندا ہے
ٹل جا ٹل جا ٹل جا نہیں تآں
وگدے دریا وچ روڑھ دواں گا
تے میں اوس نوں کیہندا ہاں
وگدے دریا دے کنڈے بہن توں
ڈب جانا تاں سوکھا ہے۔۔۔۔۔۔۔۔۔۔۔۔
No comments:
Post a Comment