حد

 خوشیاں جتنی بھی ہوں خوش رہنے کی حد ہے پیارے

جتنا دامن ہو بس اتنی ہی سما سکتی ہیں

درد اتنا ہی سما سکتاہے

جس قدر دل میں جگہ ہوتی ہے

زخم کم ہو کہ زیادہ فرق نہیں

دوستی کی بھی عمر ہوتی ہے

دشمنی کی بھی عمر ہوتی ہے

جسم ہوتے ہیں جس طرح بوڑھے

عاشقی کی بھی عمر ہوتی ہے

آنکھ بھر کر جسے دیکھے اسے دیوانہ کرے

عشق میں ایسی سہولت نہیں ملتی سب کو

درد ہوتا ہے تو رو لیتے ہو عیاش ہو تم

ورنہ رونے کی بھی فرصت نہیں ملتی سب کو