اوہ سی لوڑاں تھوڑاں کھادا - میں سدھراں دا ہاںی
ساہن دے گل٘ پجالی پے گئی - ونڈ پریت دی کانی
یا
سورج سورج مکھی ہویا - ونڈ پریت دی کاںی
میں ویلے دی جوع نہ وڑھدا - ہوش گنوائی جاندا
ویلا آ آ گِچیوں پھڑ کے - ہوش اڑائی جاندا
پیار محبت ہوس ضرورت - اک٘و جیہے جاپن
میرے جیہے اکھ دے بھَینگے کِد٘اں فرق پچھانن
میرے جیہے اکھ دے بھَینگے کِد٘اں فرق پچھانن
چن پانی دا رقص فریبی - آپاں عاشق سادے
نیڑے جا کے منہ بھر ڈگ گئے - کھوہ وچ غوطے کھادے
No comments:
Post a Comment