ہرنی ورگی ٹور نئیں لبھنی منّیا میں
تیرے جیہی ہور نئیں لبھنی منّیا میں
دکھدا پِنڈا پل وچ درداں بھُل جاندا
ایہو جئی ٹکور نئیں لبھنی منّیا میں
لڑن لگے وی باری دل دی بھیڑدی نئیں
اکھ دی ایسی چور نئیں لبھنی منّیا میں
وٹ پوے تے عطر دی شیشی ڈُل جاندی
مہک اے چوہندے ثور نئیں لبھنی منّیا میں
پیر دھرے تے ویہڑے چاننی بھر جاندی
چاندی دی او ڈور نئیں لبھنی منّیا میں
No comments:
Post a Comment