کمایا پاپ سودھن ویلے، چُپ ہوٹھاں نوں لگ جاندی
دھیاں جمّن تے دسّن ویلے، چپ ہوٹھاں نوں لگ جاندی
جے پت دا رشتہ کرنا ہووے، ہر بندے توں پچھدے نیں
دھیاں دا ساکھ لبھن ویلے چپ ہوٹھاں نوں لگ جاندی
دھیاں پگڑی نوں ہتھ پاون، دھیاں متھے دی رسوائی
دھیاں نیں ننگ، کجّن ویلے چپ ہوٹھاں نوں لگ جاندی
دھیاں ڈیکاں دے بوٹے نیں، انہاں نوں جمدیاں مارو
انہاں دے نہس جوبن ویلے چُپ ہوٹھں نوں لگ جاندی
دھیاں دے لیکھ کالے نیں، دھیاں دے کرمِیں کِیڑے نیں
دھیاں دے بارے سوچن ویلے چپ ہوٹھاں نوں لگ جاندی
Subscribe to:
Post Comments (Atom)
No comments:
Post a Comment