اسیں بیگانے قَیدے پڑھ پڑھ
نام بنائی پھِردے
جو کجھ ساڈا اپنا سی او
سب لکائی پھردے
جس ویہڑے توں مار اڈاری
چڑھ چوبارے بیٹھے
اس ویہڑے نوں پرت نہ سکدے
سب کجھ ہارے بیٹھے
بابا لاوے پوتا کھاوے
قول بزرگاں پُگنے
ساڈی پیڑھی پاپ کھلارے
اگلیاں پیڑھیاں چگنے
اپنی اصل تے ہوند گنوا کے
ڈھڈ دی روٹی کھٹی
پھوٹ ہے ایہی بھکھ تے جیہڑی
تن من بیچے ہٹی
---------------------------
ماڑے دا کی دین دھرم تے
ماڑے دا کی ناں
جتھے دو ویلے دی لبھی
بیٹھا اوسے تھاں
No comments:
Post a Comment