Mazloom - An Old poem written in 2008

mere mazloom mere zer-dast apne zalim ko begunagi ki safayee na de. ghair munsuf ko insaf ki duhayee na de. zulm sehnay ko zer rahnay ko , ik yehi qasoor kafi hai, k bai qasoor hai. apney hi khauf k dhokon men majboor hai tu. tere mujram hain yeh latkay huay bazoo teroo gunah gaar hain band hoti huee roti huee yeh aamkhien teri, mujh se taqat k tawazun ki baat na kar, yeh na bol k mukhalif ka muqabla hi nahin, sach tou yeh k haar giya tu haar se pehlay, teri ghairat ko lalkar ka hosla hi nahin, mere mahkoom, mere adna-o-past\ tujh ko qasam, tere masoom bachon ki, jin-ho ne ne tere ghar mein abi aankh nahin kholi --tere aanay wale massom bachon ki kasam aur jin ka asasa hain gulami ki zanjeeren teir bay basi k aansoo qismat ki lakeerain teri, ristay huayay khoon k katray,, aur cheekhain teri, mere kamzor, mere khauf prast quwwate-e-baazoo pe ik baar bharosa tou kar, tasleem-o-raza ki zubaan se kabhi shikwa tou kar, muqabal ko ik baar ghussay se ghoor hi lai, tu buzdil hai mager shayed teri nasal mein, koyee bahadur ho k tera intiqam jo lai, aankhain khol, dusham ko pehchan tou lai.