ساریاں دی زندگی اک جیہی نئیں ہندی
کئی جھیلاں ورگے ہندے آ
چپ شاہ
شانتی سکون
جے کسے نے ٹھیمب یا ٹھیکری ماری
تھوڑی دیر لہراں تردیاں
مڑ کے فیر
اوہی شانتی
اوہی خاموشی چھا جاندی آ
کئی دریاواں ورگے ہندے آ
ساری عمر اپنے اپنے سمندر نوں ٹولدے
زمین تے متھا رگڑدے رہندے آ
تے کئی جھرنیاں ورگے
ٹپدے نچدے گاوندے
پتھراں نال نبھاوندے رہندے آ
تے کئی
کئی لاوے جیہے ہندے آ
ساری حیاتی پکدے رہندے آ
تے اخیر تے
پھٹ جاندے آ
No comments:
Post a Comment