چھٹنا چاہاں زندگی، چھٹ نہ ہووے ہو
چک٘ی سبھ کجھ پیٹھیا فرق نہ جاپے کو
چٹی چن٘ی لشکدی، عطراں دی خوشبو
چنی ہیٹھاں چن ہے، چانن کوہ در کوہ
چن دے متھے داغ یے، داغے نہ ہووے دھو
چھٹنا چاہاں زندگی، چھٹ نہ ہووے ہو
چک٘ی سبھ کجھ پیٹھیا فرق نہ جاپے کو
سر تے شملہ رنگلا تے مچھیں دت٘ا تاء
ٹٹی بانہہ نے بیلیا پر گل نوں پایا پھاہ
دن چوں نھیرہ جمدا، تے راتوں جم٘ے لو
چھٹنا چاہاں زندگی، چھٹ نہ ہووے ہو
چک٘ی سبھ کجھ پیٹھیا فرق نہ جاپے کو
رنگ اندر بھنگ ہے تے غصے دے وچ پیار
دکھ سکھ ایداں نبھدے جیوں میں تے میرا یار
سالم کجھ نہیں لبھنا، ٹٹیاں نال کھلو
چھٹنا چاہاں زندگی، چھٹ نہ ہووے ہو
چک٘ی سبھ کجھ پیٹھیا فرق نہ جاپے کو
No comments:
Post a Comment