ایسے کھوئے ہو تم خدا کی قسم
جیسے ملحد سے وہ خدا کھوئے
چین کھوئے ہے جیسے عاشق کا
حسن والوں سے جوں وفا کھوئے
ہر ادا کھوئے جیسے سادھو کی
اور طوائف سے جوں حیا کھوئے
نیند ٹوٹے ہے جیسے دستک سے
اور نشہ سارا خواب کا کھوئے
قطرہ کھوئے ہے جوں سمندر سے
اور قطرے میں ناخدا کھوئے
جیسے کھوئے ہو تم خدا کی قسم
یوں کسی سے نہ آپ سا کھوئے
Bahar Name: خفیف مسدّس مخبون محذوف مقطوع
Bahar Pattern: =* - = = / - = - = / = =
No comments:
Post a Comment