سایہِ بے نشان کی صورت
تو بھی ہے آسمان کی صورت
پھول تو پھول خار تک بھی نہیں
میں ہو ں چٹیل میدان کی صورت
مجھ میں پھولوں کی فصل بونے کو
تو کبھی آ کسان کی صورت
آب ہی آب پھر بھی پیاسا ہوں
ذات میری ڈھلان کی صورت
خود کلامی میں ساتھ دیتا ہے
دل ہے خالی مکان کی صورت
کون جانے ہوائوں کے تیور
پیار پہلی اڑان کی صورت
ریت ہی ریت کر دیا غم نے
میں کًبھی تھا چٹان کی صورت
Bahar Pattern: =* - = = / - = - = / = =
Bahar Name: خفیف مسدّس مخبون محذوف مقطوع
Bahar Name: خفیف مسدّس مخبون محذوف مقطوع
No comments:
Post a Comment