آپ کو پاس بلا لیں تو مکاں دیکھیں گے
شمع رکھنی ہے کہاں پھول کہاں دیکھیں گے
آپ کی آنکھیں کھڑی ہیں مرے ہر رستے میں
آپ کی آنکھوں سے ہو لیں تو جہاں دیکھیں گے
اچھا لگتا ہے جدائی میں اندھیرا ہم کو
چاند آجائے تو کمرے کا سماں دیکھیں گے
اب کہ مل جائو تو پھر ایسے سنبھالیں گےہم
سب کی نظروں سے تجھے کر کے نہاں دیکھیں گے
ہار کہ تجھ کو تری دید کا یارا کب ہے
دل مچلتا ہے تو کہتے ہیں کہ ہاں دیکھیں گے
باندھ رکھا ہے تری یاد کو تکیے سےاب
خواب کے ساتھ محبت کا پیماں دیکھیں گے
No comments:
Post a Comment